1TIMOTE 3:16 - Lai (Hakha) Common Language Bible 2006

¹⁶ Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

Laibaibal Thiang (BSI)

¹⁶ Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

1TIMOTE 3:16 Iomraidhean Croise

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 28:2

Chikkhatte ah khin li aa hnin i Bawipa vancungmi pakhat vancung in a rung ṭum i thlankhar kha a thawn i a cungah cun a ṭhu.

MATTHAI 3:16

Tipilnak a in dih cangka cun Jesuh cu ti chung cun a chuak. Van kha aa hung i Pathian Thlarau cu ṭhuro bantukin a rung zuan i a cung i aa fut kha a hmuh.

MATTHAI 4:11

Cun Khuachia nih cun a kaltak i vancungmi kha an ra i an rung hramh.

MARKA 1:13

khika ah ni sawm li a va um i Satan nih khan a rak tukforh. Cuka ah cun saram zong kha an rak um ve, sihmanhsehlaw vancungmi kha an ra i an rung hramh.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

MARKA 16:5

Cucaah thlan chungah cun an lut i puan rang aa aih i orhlei kam i a rak ṭhumi tlangval pakhat an hmuh i an lau ngaingai.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

LUKA 20:44

David nih khan ‘Bawipa’ tiah a ti ṭung ahcun, zeitindah Messiah cu David fapa cu a si khawh lai?” tiah a ti.

LUKA 22:43

Vancung in vancungmi pakhat a sinah a rung lang i a rung hnemh.

LUKA 24:4

Cuka ah cun a zei ti ruah awk hngal loin an dir ko i cu lioah cun chikkhatte ah khin puan rang aa aihmi mi pahnih an pawngah cun an rung dir.

LUKA 24:51

Thluachuah a pek lio hna ah cun an sinin aa ṭhen i vancung ah a kal.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 15:26

“Ka Pa sinin a rami Bawmtu, biatak Phuangtu Thlarau cu a ra lai. Ka Pa sinin nan sinah ka rak thlah lai i keimah kong kha an chimh hna lai.

JOHAN 16:28

Ka Pa sinin a rami ka si taktak i vawlei cungah hin ka ra; atu cu hi vawlei hin ka chuak lai i ka Pa sinah ka kal lai,” tiah a ti.

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

JOHAN 20:12

Thil rang in aa thuammi vanmi pahnih a hmuh hna i Jesuh ruak a rak umnak ah khan pakhat a lu leiah, pakhat a ke leiah an ṭhu.

JOHAN 6:62

Mi Fapa hi hmasa i ka rak umnak hmun i ka kai kha ka hmu u law tah zeitindah nan um kun hnga?

LAMKALTU 1:19

Jerusalem khua i a ummi vialte nih cucu an theih i cu lo cu a min ah anmah holh in Akeldama an sak i, a sullam cu Thisen Chuahnak Lo ti a si). Peter nih cun, “Salm cauk chungah khan,

LAMKALTU 10:34

Peter nih cun aa thawh i, “Atu cu Pathian nih mi vialte kha aa ruang tein a zoh hna ti kha ka hngalh.

LAMKALTU 14:27

Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

ROM 10:12

A zummi paoh, a ti, zeicahtiah Judah mi le Jentail mi tiin i thleidannak zeihmanh a um lo; Pathian cu kan dihlak Bawipa a si i amah a zummi paoh cu thluachuahnak tampi in a pek ko hna.

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

ROM 16:26

Atu cu kha biatak kha profet hna ṭial bang khan phuan a si cang i zungzal hmunmi Pathian nawl bangin, mi vialte nih an zumh i a nawl cu an ngaih nakhnga, miphun dihlak sinah chim a si cang.

ROM 3:4

Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih, “Bia na chim tikah na chimmi cu ahmaan ti kha a lang lai i tazacuai na si tikah na bia cu na tei lai,” tiah a ti bang khan a si.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

1 KORIN 15:47

Adam pakhatnak cu vawlei dip in sermi a si, Adam pahnihnak tu cu vancung in a rami a si.

1 KORIN 2:7

ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si.

2 KORIN 1:19

Zeicahtiah Silas le Timote le keimah nih kan in chimhmi hna Jesuh Khrih, Pathian Fapa cu, “E, e,” “Ai, ai,” aa cawhmi a si lo. Amah cu Pathian “E” a si ko;

GALATI 2:8

Peter cu Pathian nih Judah mi hna sin lamkaltu ah a ser bantukin keimah zong Pathian ṭhawnnak nih Jentail mi hna sin lamkaltu ah a ka ser ve.

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

EFESA 6:19

Cun thla rak ka campiak ve u, bia ka chim tikah Pathian nih chim awk bia a ka pek nakhnga le ralṭha in ka chim nakhnga le thawngṭha biathli cu ka langhter khawh nakhnga, ka caah thla rak cam u.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

KOLOSE 1:6

Thawngṭha nih hin Pathian vel nan theih kate le cucu zeidah a si taktak ti nan hngalh ri in nan cungah rian a ṭuan bantuk khan, vawlei cung dihlak zongah a karh i thluachuahnak kha a pek hna.

KOLOSE 2:2

Cu bantukin ka ṭuan cu, an lungthin kha ralṭhatnak in a khah i dawtnak in pakhat le pakhat an i komh i hngalhnak hmaan nih a chuahpimi hnangamnak tampi kha an ngeihnak hnga ka duh caah a si. Cun annih nih Pathian biathli cu an hngalh lai i cu biathli cu Khrih kha a si ko.

2 THESALON 2:7

Miṭhalo Pa ṭhawnnak cu a thli in rian a ṭuan lengmang cang, sihmanhsehlaw a khamtu kha ṭhial a si hlanah cun a chuak kho rih lai lo.

1TIMOTE 3:9

Phuanmi zumhnak biatak cu chiaṭha thleidannak thiang in fek tein aa tlaihmi an si lai.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 7:7

Thluachuah petu cu thluachuah pekmi nakin a ngan deuh ti cu a fiangmi a si.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

1 PETER 1:20

Amah cu Pathian nih vawlei a ser hlan khan a thim cang i nanmah caah hi ni hmanung bik hna caan ah hin a hun langhter.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

1JOHAN 1:2

Cu nunnak cu hmuh khawhmi i a hung can tikah kannih nih khan kan rak hmuh; cucaah cu kong cu kannih nih kan chim i Pa he a rak um ṭimi zungzal nunnak, kannih sinah langhter a simi kong kha kan in chimh hna.

1JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.

1JOHAN 3:8

cun sualnak a tuahmi paoh cu Khuachia fa a si ko, zeicahtiah Khuachia cu a hramthawk tein a rak sualmi a si. Pathian Fapa a hung langhnak cu Khuachia rianṭuannak hrawh awkah hin a si.

BIAPHUAN 17:5

A cal ah min pakhat aa ṭial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

BIAPHUAN 17:7

Vancungmi nih cun, “Zeicahdah na khuaruah a har? Minu sullam le aa citmi sahrang, lu pasarih le ki pahra a ngeimi sullam cu kan chimh lai.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.