1TIMOTE 1:9 - Lai (Hakha) Common Language Bible 2006

⁹ Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

Laibaibal Thiang (BSI)

⁹ hihi hngal hna seh, nawlbia hi miṭha caah ser a si lo, nawlbia zeiah a rel lomi, nawlbia ral chanh i a nungmi, Pathian-zeiaharellomi, misual, a thiang lomi, biaknâk zeiaharellomi, nu le pa thattu, lainawng,

1TIMOTE 1:9 Iomraidhean Croise

2 SAMUEL 16:11

Cun David nih Abishai le a sinum vialte cu, “Zohhmanh u, keimah ka fapa hrimhrim nih ka nunnak kha a ka kawl; cucaah hi Benjamin mi nih hin cun zeitluk tam in dah a ka kawl chinchin lai! Zei ti hmanh in ti hlah u, chiat cu ka serh ko seh; zeitintiah Bawipa nih pei a fial lai tiah.

2 SIANGPAHRANG 19:37

Cun a pathian Nisrok biakinn chungah a biak lioah khan, a fapa Adrammelek le Sharezer nih vainam in an thah i Ararat ram ah an zam. Cun a fapa Esarhaddon cu amah hmun ah khan bawi a hung cang.

2 CHANRELNAK 32:21

Cun Bawipa nih vancungmi pakhat a thlah i Assiria siangpahrang riahhmun i a ṭhawngmi ralkap hna le haotu hna le bawi vialte hna kha a thah hna. Cucaah hmaichia in amah a ram ah a kir ṭhan. Cun a pathian inn chung i a luh tikah khan amah fapa hna lila nih khan vainam in an thah.

EXODUS 20:13

“Lai nan nawng lai lo.

EXODUS 21:14

Sihmanhsehlaw mi pakhatkhat cu a thin a hun i timh ciammam tein midang pakhat a thah a si ahcun, ka biakṭheng hmanh khan nan hnuh lai i amah cu thah a si lai.

PHUNGTHLÛKBIA 20:20

Ahohmanh nih a nu siseh a pa siseh a vawlhpamh hna ahcun, Muihnak a rat tikah a mei-inn kha a mit lai.

PHUNGTHLÛKBIA 28:17

Mi thisen a chuahtu cu tlaihnak luatnak caah tikhor chung hmanh ah khan a zuang lai.

PHUNGTHLÛKBIA 28:24

Nu le pa thil fir cu a poi lo a timi cu mifir taktak he zeihmanh an i dannak a um lo.

PHUNGTHLÛKBIA 30:11

An pale kha chiat a serh i an nule kha a thangṭhat lomi an um tawn,

PHUNGTHLÛKBIA 30:17

a pa kha a nihsawh i a nu kha a tar tikah zei ah a rel lomi cu, a mit kha nelrawn langak nih an khoih lai i langta nih an ei lai.

JEREMIAH 23:11

“Profet nih si hna seh, tlangbawi nih si hna seh, An phu hnih in Pathian kha zei ah an rel lo; Ṭhat lonak an tuahmi kha ka inn chung hmanh ah ka hmuh, tiah Bawipa nih a ti.

EZEKIEL 21:25

“Miṭhalopa, mithianglopa, Israel mi uktu bawipa, nangmah dohnak ah dantatnak ni cu a ra cang.

LEVITIKAS 20:9

Zeitintiah a nu siseh, a pa siseh, chiat a serhmi paoh cu thah awk a si lai; a nu siseh, a pa siseh, chiat a serh cang hna, an thisen cu amah cungah a si.

MATTHAI 10:21

“Mi nih anmah unau lila kha thah awkah mi an tlaihter hna lai, cun pale zong nih cu bantuk ṭhiamṭhiam in an fale cungah an tuah lai; fale zong nih khan an nule le an pale kha an doh hna lai i mi kha an thahter hna lai.

ROM 1:30

an i thangchiat, Pathian kha zei ah an rel lo, an lung a puam, tla ngialngual in an um, an i porhlaw, ṭhat lo tuahnak lam kha an ruat, nu le pa nawl an ngai lo;

ROM 4:13

Pathian nih Abraham le a tefa hna cu, vawlei hi Abraham ta a si lai, tiin bia a kamh hna. Hiti in bia a kamh hna cu Abraham nih khan Nawlbia kha a rak zulh caah a si lo, sihmanhsehlaw Pathian kha a zumh i Pathian nih miding in a cohlan ca tu ah khan a si.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ROM 6:14

Sualnak nih cun in uk hrimhrim ti hna hlah seh, zeicahtiah nawlbia tangah nan um ti ṭung lo, Pathian vel tangah pei nan um cang cu.

GALATI 3:19

A si ahcun, Nawlbia cu zei sullam ah dah pek a si kun? Zei hi dah palhnak a si ti langhtertu caah khan pek a si i cucu Pathian nih bia aa kammi Abraham tefa a phak hlantiang caah khan a si. Nawlbia cu vancungmi nih khan pek chin a si i a karlak ah lamkaltu minung pakhat kha a rak um.

GALATI 5:18

Thlarau nih an hruai a si ahcun Nawlbia tangah na um lo.

GALATI 5:21

ziar an i ngeih, zu an ri, an au an khuang i cu bantuk thil a dang tampi kha an tuah lengmang hna. Hmasa ah ralrin bia ka rak in chimh cang hna bantuk khan atu ah kan chimh ṭhan hna: cu bantuk thil a tuahmi cu Pathian Pennak an hmu lai lo.

GALATI 5:23

toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

DEUTERONOMI 27:16

“ ‘A pa siseh a nu siseh a upat lomi cu chiat seh,’ tiah an thanh lai. Cun mi vialte nih, ‘Amen’ an ti lai.

2 THESALON 2:8

Khi tikah Miṭhalo Pa kha a hung chuak lai i Bawipa Jesuh nih a kaa in a chuakmi thaw in a thah lai i Bawipa Jesuh a rat tikah a ceumi a sunparnak in amah cu a hrawh lai.

1TIMOTE 4:7

Pathian kong a si lomi tuanbia menmen kha cu hrial hna, kha hna kha cu nutar ca lawngah an i tlak. Pathian he aa tlakmi nunnak kha ngeih i zuam zungzal.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

2TIMOTE 2:16

Pakpalawng a simi le hruhnak men a simi, i al lengmangnak kha hrial i zuam. Cu nih cun Pathian he lam a hlatter chinchin hna.

2TIMOTE 3:2

Mi cu anmah zawn lawng aa ruatmi, a hak a kaumi, aa porhlawmi le lung a puammi an si lai; an nu le an pa kha an zawmhtaih hna lai i an nawl an ngai duh hna lai lo; lawmh a hngal lomi le biaknak zeihmanh i a rel lomi an si lai;

TITAS 1:10

Uk khawh lomi tam tuk an um i Judah phung in Khrihfa phung i a hung lutmi hna lakah hin an tam khun; an duhduh in bia an chim i mi ruahnak kha a ping a pang ah an kalter.

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

TITAS 1:6

Cu hna cu: Khrihfa upa cu mawhchiat awk a um lomi an si lai, nupi pakhat lawng a ngeimi an si lai, an fale kha a zumtu a simi an si lai i puarhran lei le nawlngaih lo leiah minthang lomi an si lai, ti kha an si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

HEBRU 11:31

Pathian nawl a ngai lomi hna sinah khan hlawhhlangnu Rahab cu a thi lo, kha a luattertu kha zumhnak a si i cucu mingiatu pawl a rak thuhphenh hna caah khan a si.

HEBRU 12:16

Ahohmanh nu le pa sualnak tuah hlah u, thlarau lei thil zeihmanh i a rel lomi Esau bantuk zong si hlah u, anih nih cun rocotu sinak kha rawl voi khat ei men ah a zuar ko.

1 PETER 2:7

Hi lung hi, a zummi nannih caah cun lung man sung ngaingai a si, sihmanhsehlaw a zum lomi hna caah cun, “Inn satu pawl nih an hlawtmi lung kha lung santlai bik ah a cang,” timi kha a si.

1 PETER 3:20

Cu thlarau hna nih cun, Noah nih tilawng a ser lio i lungsau in Pathian nih a ngan hna lioah khan, Pathian nawl cu an ngai duh lo. Lawng chungah a lutmi mi tlawmte — minung an dihlak ah pariat hna kha — ti chung cun khamh an si i

1 PETER 4:18

Cathiang nih a chim bangin, “Mi ṭha ca hmanh ah khamhnak hmuh a har, Cucaah Pathian zei i a rel lomi hna le sualnak a tuahmi hna cu, zeidik an hei lawh te lai.”

JUDAS 1:15

“Zohhmanh, mi vialte kha an bia ceih awk le Pathian zei i a rel lomi misual vialte kha Pathian zeirello in an um ruang i an tuahmi sualnak vialte le Pathian kha zeirello in an thangchiatnak vialte ruang i sualphawt awkah, Bawipa cu a vancungmi mithiang rel cawk lo hna he an ra lai,” a ti.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.