1TIMOTE 1:5 - Lai (Hakha) Common Language Bible 2006

⁵ Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

Laibaibal Thiang (BSI)

⁵ Nawlpêk nih a tinhmi cu, zumhnâk taktak le chiaṭha hngalhnâk ṭha le lung thin thiangin a chuakmi dawtnâk hi a si,

1TIMOTE 1:5 Iomraidhean Croise

SALM 24:4

Tuahnak le lungthin in a thiang i siasal kha a bia lo i hlennak biakam a tuah lomi kha an kai kho lai i an lut kho lai.

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

ZEFANIAH 3:7

Ka cawnpiaknak vialte kha a hngalh ṭhan lai ti ruahchannak in, “A ṭih cu ka ṭih ko law kan chimhhrinnak cu na lung chungah i ken ko,” ka ti. Sihmanhsehlaw hmasa nak hmanh khan ṭhat lonak tuah kha an duh deuh; tuante khan an tho i ṭhat lonak tuah awkah khan an i chawk.

MATTHAI 12:35

Miṭha nih cun thil ṭha aa khonmi chung khan thil ṭha a chuah hna i miṭhalo nih cun thil ṭhalo aa khonmi chung khan thil ṭhalo a chuah hna.

MATTHAI 5:8

Lungthin a thiangmi cu lunglawmmi nan va si dah! Pathian kha nan hmuh lai.

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

LAMKALTU 23:1

Khawngsil pawl cu Paul nih dengteo in a zoh hna i, “Ka u le ka nau hna, nihin ni hrimhrim tiangin Pathian hmaika i ka nunning ah ka chiaṭha thleidannak lungthin a thiang,” tiah a ti.

LAMKALTU 24:16

Cucaah Pathian hmai le minung hmaiah chiaṭha thleidannak thiang ka ngeih khawh nakhnga kaa zuam khawh chungin kaa zuam.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

ROM 14:15

Zeilo na ei ruangah na unau kha a lung na fahter ahcun, cu na tuahmi cu dawtnak chungin a chuakmi tuahnak a si ti lo. Na eimi rawl cu Khrih nih a thihhnawhmipa rawhnak ah canter hlah.

ROM 9:1

Ka chimmi hi ahmaanmi bia a si: Khrih ta ka si i ka lih ka chim lo. Thiang Thlarau nih a ukmi ka chiaṭha thleidannak zong nih lih ka chim lo kha a hngalh.

1 KORIN 13:1

Minung holh a phunphun in ka hei holh kho ko hnga i vanmi holh hmanh ka hei thiam ko hnga, sihmanhsehlaw dawtnak ka ngeih lo ahcun ka holh cu darkhuang hnachet thawng le sumsel tum thawng bantuk men a si ko.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

DEUTERONOMI 10:12

“Kha! Israel, Bawipa na Pathian nih an fialmi cu zeidang si loin, Bawipa na Pathian ṭih le, a lam vialte kha zulh le, amah kha dawt le, Bawipa na Pathian cu na lung dihlak le na ruahnak dihlak in a rian ṭuan le,

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

1TIMOTE 1:19

Mi a cheu cu an chiaṭha thleidannak kha zeirello in an um tawn caah an zumhnak kha an rawhter tawn.

1TIMOTE 3:9

Phuanmi zumhnak biatak cu chiaṭha thleidannak thiang in fek tein aa tlaihmi an si lai.

2TIMOTE 1:3

Kan pupa hna nih an rak biak bantukin kei zong nih lungthiang tein ka biakmi Pathian cu, chun he zan he ka thlacamnak i nangmah kan theih fate, ka lawmh zungzal.

2TIMOTE 1:5

Na pi Lois le na nu Zunis nih an ngeihmi zumhnak bantuk, zumhnak taktak na ngeih kha ka hngalh i atu zongah hin na ngei ko tiah ka zumh.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

TITAS 1:15

A thiangmi caah cun zeizong vialte hi a thiang dih ko, sihmanhsehlaw a hnawmtammi hna le a zum duh lomi hna caah cun, an lungthin le an chiaṭha thleidannak kha a thur caah, zeihmanh a thiangmi a um lo.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

HEBRU 13:18

Thla kan campiak lengmang ko u. A hmaanmi thil kha tuah kan duhmi a si zungzal caah kan chiaṭha thleidannak kha a thiang ko.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 3:16

Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.

2 PETER 1:7

Pathian ṭihzahnak ah khan unau bantukin i dawtnak i chap u law unau bantukin i dawtnak ah khan zawnruahnak i chap u.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.