1TIMOTE 1:18 - Lai (Hakha) Common Language Bible 2006

¹⁸ Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

Laibaibal Thiang (BSI)

¹⁸ Ka fapa Timote, hlan i na kong an rak chim chungmi bangin um awkah raldohnâk ṭha kha na doh khawh nâkhnga, cu ṭuanvo cu na cungah ka chiah.

1TIMOTE 1:18 Iomraidhean Croise

LAMKALTU 16:1

Paul cu Derbe khua le Listra khua ah khan a lan chin. Khika ah Khrihfa pakhat a min Timote a simi kha a rak um; a nu zong cu zumtu a si ve i Judah mi a si, sihmanhsehlaw a pa cu Grik mi a si.

1 KORIN 4:17

Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

1 KORIN 9:7

Ralkap aho nih dah ralkap chung i an um lioah anmah tein an paw an i cawm bal? Lothlopa ahodah a lo chungin a chuakmi mitsur thei ei loin a um bal? Tuukhal ahodah a tuurun chungin a hmuhmi tuu hnuk ding loin a um bal?

FILIPI 2:22

Cu bantuk mi a si taktak ti cu nanmah hrimhrim nih nan hngalh ko i zeitindah keimah le amah cu pa le fa bantukin Thawngṭha rian kan ṭuan ti kha nan hmuh.

1TIMOTE 1:2

Zumhnak i ka fa taktak a simi Timote, ca kan kuat. Pathian kan Pa le Khrih Jesuh kan Bawipa nih vel le zaangfahnak le daihnak in pe ko seh.

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

1TIMOTE 4:4

Pathian nih a sermi thil cu zei thil paoh an ṭha dih; zeihmanh hlawt awk an si lo, lunglawmh thlacamnak he cohlan awk an si ko.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

2TIMOTE 1:2

ka dawtmi ka fa Timote, ca kan kuat. Pathian kan Pa le kan Bawipa Khrih Jesuh nih vel le zaangfahnak le daihnak in pe ko seh.

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

FILEMON 1:10

thonginn chungah ka fa i a cangmi Onesimas kong hi a si.