1TIMOTE 1:11 - Lai (Hakha) Common Language Bible 2006

¹¹ Ahmaanmi cawnpiaknak cu thanh fial ka simi Thawngṭha chungah khan a um i cu Thawngṭha cu sunparnak le thangṭhatnak in a khatmi Pathian sinin a rami kha a si.

Laibaibal Thiang (BSI)

¹¹ thangṭhattlâk Pathian thawngṭha sunparnâk kan sin i chiahmi ralchanhtu hna caah ser a si.

1TIMOTE 1:11 Iomraidhean Croise

SALM 138:2

Na biakinn thiang hmaiah ka kun i na min kha ka thangṭhat, zeicahtiah na dawtnak cu a fek i zumhawktlak na si, nangmah le na nawlbia cu a sang bik nan si kha na langhter.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

ROM 2:16

Cucaah Pathian nih Jesuh Khrih thawngin minung lungthli ruahnak kha bia a ceih Ni ah cun hi bantuk hin a si te lai ti hi ka chimmi Thawngṭha nih a chimning cu a si.

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

GALATI 2:7

Cuti ruahnak pek khawh cu vun chim lo, Pathian nih Jentail mi hna sin i thawngṭha chim a ka fial kha a si tak ti tu ah an ti lehlam, Pathian nih Peter cu Judah mi hna sin i thawngṭha chim a fial bantuk khan.

EFESA 1:12

Cucaah Khrih chung i ruahchannak a bunh hmasa bik pawl kannih nih hin Pathian sunparnak cu thangṭhat ko u sih.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.

EFESA 2:7

Khrih Jesuh thawngin a langmi a dawtnak chung i a ummi a vel cu zeitluk in dah a ngan ti kha a zungzal in hmu hna seh ti a kan duh caah, hi cu a tuah.

EFESA 3:10

cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

KOLOSE 1:25

Cun Khrihfabu sal ah cun Pathian nih khan a ka ser i Pathian nih hi rian cu nanmah ṭhatnak ding caah a ka pek. Cu rian cu Pathian bia tlamtling tein chim kha a si i

1THESALON 2:4

Pathian nih cuticun chim hna seh ti a kan duhning tu khan kan chim zungzal i cuti kan chim cu Pathian nih khan kanmah hman kha a hna a tla i Thawngṭha cu kan kut ah a kan pek caah a si. Minung lungton kha i zuam loin kan i tinhmi a hngaltu Pathian lungton tu kha kan i zuam.

1TIMOTE 2:7

cu ruangah cun Jentail mi hna sinah lamkaltu le cawnpiaktu ah thlah ka si i zumhnak le biatak kong cu ka chim. Lih ka chim lo, biatak ka chim!

1TIMOTE 6:15

Cu Ni cu Pathian nih a caan a rem a ti tikah a tlunter ko lai; zeicahtiah Pathian lawnglawng cu thangṭhat awk tlak Uktu le siangpahrang hna Siangpahrang le bawi vialte hna Bawi a si.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

2TIMOTE 1:11

Cu Thawngṭha thanhtu dingah Pathian nih lamkaltu le cawnpiaktu ah a ka ser i

2TIMOTE 1:14

Kan chungah a ummi Thiang Thlarau ṭhawnnak thawngin na kut chungah chiahmi thil ṭha kha him tein keng hna.

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.