1TIMOTE 1:1 - Lai (Hakha) Common Language Bible 2006

¹ Kan Khamhtu Pathian le kan i ruahchanmi Khrih Jesuh nawl in lamkaltu a simi keimah Paul nih.

Laibaibal Thiang (BSI)

¹ Paul, Pathian a kan khamhtu le kan i ruahchanmi Jesuh Krih nawlpêk bangin Jesuh Krih lamkaltu nih.

1TIMOTE 1:1 Iomraidhean Croise

SALM 106:21

Izipt ram chungah khuaruahharmi thil a tuahmi thawngin Pathian nih a khamh hna, asinain cu Pathian cu an philh.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 43:11

Keimah lawnglawng hi Bawipa cu ka si, keimah lawnglawng hi nanmah an khamh khotu hna cu ka si.

ISAIAH 43:3

Zeicahtiah keimah cu Bawipa na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

ISAIAH 45:15

Israel Pathian, a mi a khamhtu hna Pathian hi, amah le amah aa thupmi Pathian a si,’ tiah an chim lai,” a ti.

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 60:16

Nu nih a fa kha a zohkhenh bantukin, miphun hna le siangpahrang hna nih khan an in zohkhenh lai. Bawipa nih kan khamh kha na hngalh lai, Israel Pathian ṭhawng nih kan luatter kha na hngalh lai.

ISAIAH 63:8

Bawipa nih aa thawh i, “Annih cu ka mi an si, an ka hleng lai lo” a ti. Cucaah an harnak vialte chung khan a khamh hna.

HOSEA 13:4

Sihmanhsehlaw Izipt ram in an chuahpitu hna nan Pathian Bawipa kha ka si. Kha lioah khan cun keimah dah ti lo cu pathian dang zeihmanh nan hngalhmi hna an um lo. Keimah lawnglawng kha nan khamhtu ka rak si ko.

LUKA 1:47

I lawm tuah, ka nunnak, Bawipa na khamhtu cungah;

LUKA 2:11

Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

1 KORIN 1:1

Pathian duhnak in Khrih Jesuh lamkaltu si dingah kawhmi keimah Paul le kan unau Sosthenes nih, Korin khua i a ummi Pathian khrihfabu kha ca kan in kuat hna.

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

2 KORIN 1:1

Pathian duhnak in Khrih lamkaltu a simi keimah Paul le kan nau Timote nih, Korinth khua chung i a ummi Pathian Khrihfabu le Grik ram chung i a ummi Pathian mi vialte nan sinah ca kan in kuat hna.

GALATI 1:1

Galati peng Khrihfabu hna, Paul nih ca kan kuat hna. Keimah cu lamkaltu si dingah hin minung nih fialmi le minung nih thlahmi si loin, Jesuh Khrih le Jesuh Khrih thihnak in a thawhtertu Pathian kan Pa nih an ka kawhmi ka si.

GALATI 1:11

Ka u le ka nau hna, nan sin i ka chimmi thawngṭha kha minung serchommi a si lo ti kha chimh kan duh hna.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.

1TIMOTE 2:3

Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ṭha hi a duhmi a si.

1TIMOTE 2:7

cu ruangah cun Jentail mi hna sinah lamkaltu le cawnpiaktu ah thlah ka si i zumhnak le biatak kong cu ka chim. Lih ka chim lo, biatak ka chim!

1TIMOTE 4:10

Cu ruangah cun sifahnak kan in le fak piin rian kan ṭuan hi a si. Kannih nih kan i ruahchannak cu mi vialte khamhtu a si i a nungmi Pathian cungah khan kan bunh i cu a nungmi Pathian cu a zummi hna khamhtu kha a si khun.

TITAS 2:10

Thil zeipaoh an tuahnak ah khan kan Khamhtu Pathian kha a thang an ṭhat nakhnga ṭha te le zumh awk tlak tein an tuah awk a si.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

TITAS 3:4

Sihmanhsehlaw kan Khamhtu Pathian dawtnak le zaangfahnak cu vawlei cungah a hung langh tikah, thil ṭha kan tuahmi ruangah si hin loin amah nih a kan zaangfah ca lawnglawng ah kannih cu a kan khamh i

TITAS 3:6

Jesuh Khrih kan khamhtu thawngin Pathian nih Thiang Thlarau cu tampi in a kan toih i

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

1JOHAN 4:14

Pa nih a Fapa kha vawlei khamhtu ah a run thlah, ti a hmutu le midang a chimtu hna cu kanmah hi kan si.

JUDAS 1:25

kan Pathian le kan Khamhtu cungah cun, a liam ciami caan vialte in atu caan in zungzal caan tiang, kan Bawipa Jesuh Khrih thawngin, lianhngannak le sunparnak le ṭhawnnak le nawlngeihnak cu, um zungzal ko seh! Amen.