1JOHAN 5:7 - Lai (Hakha) Common Language Bible 2006

⁷ Tehte a khaangtu pathum an um:

Laibaibal Thiang (BSI)

⁷ Vanah hngalhpitu pathum an um, Pa, Bia, le Thiang Thlarau an si; hi pathum hna hi pumkhat an si.

1JOHAN 5:7 Iomraidhean Croise

SALM 33:6

Bawipa nih a nawlbia in van khi a ser hna, ni le thlapa le arfi khi a bia in a ser hna.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

MATTHAI 18:16

Sihmanhsehlaw na bia a ngaih duh lo ahcun, Cathiang nih, ‘Sual puhnak paohpaoh cu ahmaan hmaanlo ti hngalhnak caah tehte pahnih maw pathum dik a hau,’ a ti bang khan, mi dang pakhat maw pahnih dik naa kalpi hna lai.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

JOHAN 1:1

Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.

JOHAN 10:30

Ka Pa le keimah cu pakhat kan si,” tiah a ti.

JOHAN 12:28

Ka Pa, na min cu upatnak pe ko,” tiah a ti. Cun vancung in aw pakhat nih, “Upatnak cu ka pek cang i ka pek ko rih lai,” tiah a run chim.

JOHAN 14:17

Amah cu biatak phuangtu thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw amah cu nan sinah a um i nan chung i a nun caah nannih nih cun nan hngalh.

JOHAN 15:26

“Ka Pa sinin a rami Bawmtu, biatak Phuangtu Thlarau cu a ra lai. Ka Pa sinin nan sinah ka rak thlah lai i keimah kong kha an chimh hna lai.

JOHAN 5:26

Ka Pa hrimhrim cu nunnak hram a si bantukin a Fapa hi nunnak hram ah a ka ser cang.

JOHAN 8:18

Hika ah cun atu hi keimah ca i tehte cu keimah hi ka si, cun ka tehte a dang cu a ka thlahtu ka Pa kha a si,” tiah a ti.

JOHAN 8:54

Jesuh nih cun, “Keimah le keimah kaa upat a si ahcun kaa upatnak kha zeihmanh man a ngei lai lo. Keimah a ka upattu cu ka Pa kha a si — nanmah nih kan Pathian a si nan timi hrimhrim kha.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LAMKALTU 5:32

Hi thil vialte hna tehte hi kanmah hi kan si — kanmah lawng si loin Pathian nih amah nawl a ngaimi hna sinah a pekmi Thiang Thlarau zong hi tehte cu a si ve,” an ti.

DEUTERONOMI 6:4

“Thei hmanh, maw Israel: Bawipa hi kan Pathian a si, Bawipa lawnglawng hi;

1JOHAN 1:1

A hramthawk tein a rak um cangmi nunnak Bia kong kha ca in kan in kuat hna: cucu kan hna in kan theihmi le kan mit in kan hmuhmi kha a si; asi, kan mit in kan rak hmuh i kan kut in kan rak tawngh.

1JOHAN 5:6

A rami cu Jesuh Khrih hi a si, tipil a innak ti le a thihnak thi he a rami a si. Ti he lawng a ra lo, ti he thi he a ra. Cun cucu biatak a si ti kha Thlarau hrimhrim nih tehte a khaan, zeicahtiah biatak cu Thlarau kha a si.

1JOHAN 5:8

cu hna cu Thlarau le ti le thi kha an si i an pathum tein an bia aa khat.

BIAPHUAN 19:13

Aa aihmi puan cu thi aa neh dih. An auhnak a min cu “Pathian Bia” ti a si.