1JOHAN 5:19 - Lai (Hakha) Common Language Bible 2006

¹⁹ Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

Laibaibal Thiang (BSI)

¹⁹ Pathian ta kan si ti le, vawlei pumpi hi misuaksual pa kut ah a um ti kha kan hngalh.

1JOHAN 5:19 Iomraidhean Croise

LUKA 4:6

Khuachia nih cun a thawh i, “Hi lianhngannak vialte le hi chawva vialte hi kan pek lai. A dihlak hin keimah pek ka si cang i ka duhmi paoh ka pek khawh hna.

JOHAN 12:31

Atu cu vawlei hi a biaceih caan a si cang; atu cu hi vawlei uktu hi tei a si cang lai.

JOHAN 14:30

Hi vawlei uktupa hi a rat dengmang cang caah bia saupi kan ruah kho ti hna lo. Ka cungah nawl ngeihnak cu zeihmanh a ngei lo,

JOHAN 16:11

cun hi vawlei uktupa hi a bia ceih a si cang caah hin biaceihnak kong ah an palh.

JOHAN 17:15

Vawlei cung hin la hna tiah kan nawl a si lo, sihmanhsehlaw Mi Ṭhalopa sin khan him tein chia ko hna ti kha kan nawl.

ROM 8:16

Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

GALATI 1:4

Atu chan, chan ṭhalo chung hin kannih cu luatter awkah, Pathian kan Pa duhnak zulh in, Khrih cu kan sualnak caah aa pe.

EFESA 2:2

Cu lioah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

1JOHAN 3:14

Thihnak kha kan kaltak cang i nunnak chungah kan lut cang ti kan hngalhnak cu pakhat le pakhat kan i dawt hna caah hin a si. A unau a daw hna lomi paoh cu thihnak chungah a um ko rih.

1JOHAN 3:24

Pathian nawl a ngaimi paoh cu Pathian chungah an um i an chungah Pathian kha a um. Cun Pathian kan chungah a um ti kan hngalhnak cu hihi a si: Thlarau a kan pekmi thawngin kannih nih kan hngalh.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

1JOHAN 5:13

Pathian Fapa a zummi nih zungzal nunnak kan ngei ti kha nan i hngalh khawhnak hnga hi ca hi kan kuat hna.

1JOHAN 5:15

cun kan halmi kha a kan theihpiak ti kan hngalh ahcun kan halmi kha a kan pek ko cang ti zong kha kan hngalh fawn.

1JOHAN 5:18

Pathian fa a simi cu a sual peng lo ti kha kan hngalh, zeicahtiah Pathian Fapa nih khan him tein a umter i Miṭhalopa nih khan a tawng kho lo.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 20:3

Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.