1JOHAN 5:13 - Lai (Hakha) Common Language Bible 2006

¹³ Pathian Fapa a zummi nih zungzal nunnak kan ngei ti kha nan i hngalh khawhnak hnga hi ca hi kan kuat hna.

Laibaibal Thiang (BSI)

¹³ Nannih Pathian Fapa min a zumtu hna sinah, zungzal nunnâk kan ngei tiah nan i hngalh khawh nâkhnga hihi ka ṭial, cun Pathian Fapa min hi nan zumh peng khawh nâkhnga ca zongah a si.

1JOHAN 5:13 Iomraidhean Croise

JOHAN 1:12

Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

JOHAN 2:23

Jesuh cu Lanhtak Puai chung i Jerusalem khua i a um ah khan mi tampi nih hmelchunhnak a tuahmi kha an hmuh caah amah cu an zulh.

JOHAN 20:31

Hi thil lianngan a tuahmi hna ka ṭialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.

JOHAN 21:24

Hi pa cu zultu a si i hi thil hna a chimtu le a ṭialtu zong a si; a chimmi cu ahmaan ti kha kan hngalh.

JOHAN 3:18

“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

LAMKALTU 3:16

Hi kebeipa thazang a petu hi amah min ṭhawnnak cu a si i atu i nan hmuhmi le nan hngalhmi hi amah min zumhnak thawngin tuahmi a si; hi bantukin nan hmaika ah a damtertu hi Jesuh min zumh hi a si.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

GALATI 4:6

Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au.

1 PETER 5:12

Hi ca hi Silas nih a ka bawmhnak thawngin nannih kha kan kuat hna. Amah cu zumhawktlak a si tiah ka ruahmi kan unau a si. Hihi Pathian vel ahmaanmi taktak a si ti kha tehte khan ka duh i a chungah fek tein dir u, tiah forh kan duh hna.

1JOHAN 1:4

Hi ca kan in kuat hna cu kan i lawmhnak kha a tlin nakhnga caah a si.

1JOHAN 2:1

Ka fale hna, hi ca kan kuat hna cu sualnak kha nan tuah nakhnga lo caah a si; sihmanhsehlaw pakhatkhat nih sualnak nan tuah ahcun, a dingmi Jesuh Khrih, Pa sin i bia a kan chimpiaktu, kan ngei ko.

1JOHAN 2:21

Cucaah nan sin i ca ka ṭial hi biatak kha nan hngalh lo caah si loin biatak kha nan hngalh ca le biatak chungin lih bia a chuah bal lo ca tu ah khan a si.

1JOHAN 2:25

Cun cucu Khrih hrimhrim nih kan pek hna lai tiah bia a kan kammi kha a si — zungzal nunnak cu.

1JOHAN 2:26

Nanmah hlen an zuammi hna kong hi kan chimh hna.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.

1JOHAN 4:9

Pathian nih a kan dawtnak a langhterning cu hitihin a si: a Fapa ngeihchun kha vawlei ah hin a run thlah i amah thawngin nunnak kan ngei lai.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

1JOHAN 5:11

Cu tehte cu hihi a si: Pathian nih zungzal nunnak a kan pek cang i cu nunnak cu a Fapa chungah a um.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.