1JOHAN 5:10 - Lai (Hakha) Common Language Bible 2006

¹⁰ Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

Laibaibal Thiang (BSI)

¹⁰ Pathian Fapa zumtu nih amah ah hngalhnâk a ngei. Pathian a zumlotu nih Amah cu lihchim ah a canter, a chan cu Pathian nih a Fapa kong i a hngalhtermi a zumh lo caah a si.

1JOHAN 5:10 Iomraidhean Croise

JOB 24:25

Mah hihi a si lo, tiah a ti khotu aho tal an um maw? Ka bia cu ahmaan lo, tiah a ti khotu an um maw?” tiah a ti.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

PHUNGTHLÛKBIA 3:32

Zeicahtiah mi lungthin ṭhalo cu Bawipa caah fihnung an si i miding mi cu Pathian nih a zumhmi an si.

ISAIAH 53:1

Mi nih khan an leh i, “Atu i kan chimmi hi aho nih dah an rak kan zumh khawh hnga? Hi thil ah hin Bawipa kut aa tel kha aho nih dah an hmuh khawh hnga?

JEREMIAH 15:18

Zeicahdah ka fahnak hi a dongh kun lo? Zeicahdah ka hma hi hnabei dong a si i a dam duh lo? Nangmah cu ka caah, a ti a car tawnmi tivate, bochan awk a tlak lomi bantuk na si.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

JOHAN 3:18

“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.

JOHAN 3:33

A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter.

JOHAN 5:38

cun a bia zong nan lung chungah nan i ken lo; cucu zeicahdah a si ti ahcun a thlahmi kha nan zumh lo caah a si.

LAMKALTU 8:37

Filip nih aa thawh i, “Na lung dihlak in na zumh ahcun tipilnak cu na in ko lai,” tiah a ti. “Ka zumh, Jesuh Khrih cu Pathian Fapa a si ti kha ka zumh ko,” tiah a ti.)

ROM 8:16

Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh.

GALATI 4:1

Ka chim duhmi cu hihi a si: rocotu ding kha ngakchia a si chung cu thil vialte a ngeitu si ko hmanh seh law sal bantukin tuah a si.

GALATI 4:6

Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au.

KOLOSE 3:3

Zeicahtiah nan thi cang i nan nunnak cu Khrih he Pathian chungah aa thup.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.

1JOHAN 1:10

Asinain kan sual lo kan ti ahcun Pathian cu lihchim ah kan ser i a bia cu kan chungah a um lo.

1JOHAN 5:1

Jesuh cu Messiah a si tiah a zummi paoh cu Pathian fa an si; pa a dawmi paoh nih cun a fa zong kha an dawt tawn.

BIAPHUAN 12:17

Limkeng cu minu cungah khan a thin a hung ngaingai i minu tefa a tang rihmi vialte hna doh awkah khan aa thawh; cu hna cu Pathian nawlbia a ngai i Jesuh nih a phuanmi biatak, zumh awk tlak tein aa tlaihmi kha an si.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.