1JOHAN 4:9 - Lai (Hakha) Common Language Bible 2006

⁹ Pathian nih a kan dawtnak a langhterning cu hitihin a si: a Fapa ngeihchun kha vawlei ah hin a run thlah i amah thawngin nunnak kan ngei lai.

Laibaibal Thiang (BSI)

⁹ Hitihin Pathian dawtnâk cu kan cungah langhter a si, Amah thawngin nun kan ngeih khawh nâkhnga, Pathian nih a Fapa ngeihchun cu vawlei ah a run thlah.

1JOHAN 4:9 Iomraidhean Croise

GENESIS 22:2

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

SALM 2:7

“Bawipa nih a chimmi cu ka thanh lai,” tiah siangpahrang nih a ti. Cu a chimmi cu hihi a si: “Bawipa nih a ka thawh i, ‘Nangmah cu ka fapa na si, nihin ni ah hin kan hrin.

MARKA 12:6

Thlah dingah a taangmi cu dum ngeitu fapate a dawt ngaingaimi lawng kha a si cang. A hmanung bik ah a fapa cu dum a hlanhmi hna sinah cun a hei thlah i, ‘Ka fapa hi cu an hmaizah ṭheo lai,’ tiah a ti.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

JOHAN 10:10

Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

JOHAN 3:18

“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

JOHAN 6:29

Jesuh nih cun a leh hna i, “Pathian nih tuah hna seh ti an duhmi hna rian cu hihi a si: a thlahmi zumh hi,” tiah a ti hna.

JOHAN 6:51

Vancung in a rung ṭummi nunnak changreu cu keimah hi ka si. Hi changreu a eimi paoh cu zungzal in an nung lai. Ka pekmi hna changreu cu ka sa hi a si, cucu zeicahdah ka pek hna ti ahcun, vawlei hi a nun nakhnga caah a si,” tiah a ti.

JOHAN 6:57

A nungmi Pa nih keimah hi a ka thlah i ka nun hi Amah ruangah a si bantukin, keimah a ka eimi zong cu keimah ruangah a nung ve lai.

JOHAN 8:29

A ka thlahtu cu ka sinah a um i a duhmi kha ka tuah zungzal caah a ka kaltak bal lo,” tiah a ti.

JOHAN 8:42

Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

JOHAN 9:3

Jesuh nih cun, “A mitcawtnak hi amah sualnak ruangah siseh, a nu le a pa sualnak ruangah siseh a si lo. Pathian ṭhawnnak cu amah damnak thawng hin a langh nakhnga caah a mit a cawt hi a si.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

HEBRU 1:5

Pathian nih a vancungmi pawl cu ahohmanh, “Nangmah cu ka Fapa na si, nihin ah na Pa ah ka cang,” a ti bal hna lo. Cu hleiah, “Keimah cu a Pa ka si lai i amah cu ka Fapa a si lai,” ti zongah a ti bal fawn hna lo.

1JOHAN 3:16

Dawtnak hi zeidah a si ti kan hngalhning cu hitihin a si: Khrih nih kan caah a nunnak kha a hloh. Cucaah kannih zong nih kan unau hna caah kan nunnak cu kan hloh ve awk a si.

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.

1JOHAN 4:16

Cun kanmah hrimhrim nih Pathian nih a kan dawtnak cu kan hngalh i kan zumh. Pathian cu dawtnak a si i dawtnak chungah a ummi paoh cu Pathian chungah a um i a chungah Pathian a ummi a si.

1JOHAN 5:11

Cu tehte cu hihi a si: Pathian nih zungzal nunnak a kan pek cang i cu nunnak cu a Fapa chungah a um.

1JOHAN 5:13

Pathian Fapa a zummi nih zungzal nunnak kan ngei ti kha nan i hngalh khawhnak hnga hi ca hi kan kuat hna.