1JOHAN 4:21 - Lai (Hakha) Common Language Bible 2006

²¹ Cucaah Khrih nih a kan fialmi cu hihi a si: Pathian a dawmi nih cun nan unau kha nan dawt hrimhrim hna lai.

Laibaibal Thiang (BSI)

²¹ Amah sinin hi nawlpêk hi kan ngei, Pathian a dawmi nih cun a unau zong a dawt hrimhrim lai, ti hi.

1JOHAN 4:21 Iomraidhean Croise

LEVITIKAS 19:18

Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi Bawipa cu ka si.

MATTHAI 5:43

“Nan hawi kha va daw hna u law nan ral kha va hua hna u, tiah an ti tawn kha nan theih.

LUKA 10:37

Phungbia cawnpiaktu saya nih cun, “Amah a zaangfahtu kha,” tiah a leh. Jesuh nih, “Va kal law cu bantuk cun va tuah ve,” tiah a ti.

JOHAN 15:12

Kei ka nawlbia cu hihi a si. Keimah nih kan dawt hna bantukte hin pakhat le pakhat i daw u.

GALATI 5:14

Zeicahtiah Nawlbia cu a ningpi in hi nawlbia pakhat, “Na innpa cu nangmah bantukin na dawt lai,” timi ah hin aa fun dih.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

1THESALON 4:9

Zumhnak lei i nan unau hna dawtnak kongah caṭial a herh ti lo. Zeicahtiah nanmah hrimhrim kha Pathian nih pakhat le pakhat nan i dawt awk a si tiah an cawnpiak hna i

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.

1JOHAN 2:7

Ka dawtle hna, nan sin i ka hun ṭialmi hi nawlbia thar a si lo; a hramthawkte i nan rak theih lengmangmi nawlbia hlun kha a si ko. Cu nawlbia hlun cu nan rak theih cangmi bia kha a si.

1JOHAN 3:11

A hramthawk tein nan rak theih lengmangmi bia cu hihi a si: pakhat le pakhat kan i daw lai, ti hi.

1JOHAN 3:14

Thihnak kha kan kaltak cang i nunnak chungah kan lut cang ti kan hngalhnak cu pakhat le pakhat kan i dawt hna caah hin a si. A unau a daw hna lomi paoh cu thihnak chungah a um ko rih.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.

1JOHAN 4:11

Ka fale hna, hihi Pathian nih a kan dawtning a si ahcun, kannih zong pakhat le pakhat kan i dawt ve awk a si.