1JOHAN 4:1 - Lai (Hakha) Common Language Bible 2006

¹ Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

Laibaibal Thiang (BSI)

¹ Dawtmi hna thlarau kip in va zum hlah u, asinain thlarau kha Pathian sin in an si le si lo kha hniksak hna u, zeicatiah vawlei ah hin profet deu tampi an chuah cang.

1JOHAN 4:1 Iomraidhean Croise

1 SIANGPAHRANG 13:18

Cun anih nih amah cu a thawh i, “Keimah zong hi nangmah bantukin profet ka si ve, Bawipa bia in vancungmi pakhat nih pei ka sinah a chim i, ‘Rawl a ei i ti a din nakhnga, na inn ah hin hun kirpi ṭhan,’ a ti cu,” tiah a ti. Sihmanhsehlaw amah cu lih a chimh a si.

PHUNGTHLÛKBIA 14:15

Mi lungthin tlawm nih cun zei paoh kha a zumh, sihmanhsehlaw mifim nih cun a lamh ding kha ṭha tein a zoh.

JEREMIAH 14:14

Cun Bawipa nih a ka thawh i, “Profet hna nih keimah min in lihbia kha an chim; keimah nih ka thlah hna lo, nawl zong ka pe hna lo, a chawnh zong ka chawn hna lo. Annih nih annih cu lih a simi langhnak le santlailo bong le anmah lung chung ruahnak menmen kha an chimh hna.

JEREMIAH 23:16

Ralkapbu Bawipa nih hi bangin a ti: Profet nih an chimmi bia kha ngai hlah u, Ruahchannak pakpalawng in nan lung an thawhtertu hna kha an bia ngai hna hlah u; Annih nih an chimmi langhnak kan hmuh an timi cu anmah lung chungin thil an suaimi chungin a chuakmi a si, Bawipa kaa chungin a chuakmi a si lo.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

MARKA 13:21

“Cun nannih cu ahohmanh nih, ‘Messiah cu hika ah a um,’ an in ti hna ah siseh, ‘Khika ah a um,’ an in ti hna ah siseh, va zum hna hlah u.

LUKA 12:57

“Zeicahdah ahmaanmi thil tu kha tuah awkah nan lung nan i thlek ko lo?

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.

LAMKALTU 20:29

Ka kal hnuah ṭih a nungmi cenghngia kha an ra lai i tuurun kha an ngan hna lai lo ti kha ka hngalh.

1 KORIN 12:10

Pakhat cu khuaruahhar tuah khawhnak a pek; cun pakhat cu Pathian bia chim thiamnak a pek i pakhat cu Thlarau sinin a rami laksawng a si maw si lo ti thleidan khawhnak a pek. Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek.

1 KORIN 14:29

Cun Pathian bia chim awk a ngeimi, pahnih pathum nih chim hna seh law a dang nih khan an chimmi cu a ṭhat ṭhat lo tuaktan hna seh.

1THESALON 5:20

phungchim kha zeirello in um hlah u.

1THESALON 5:21

Zeizong vialte kha hneksak dih hna u: a ṭhami kha i chiah u law

2 THESALON 2:2

fawi tuk in lungtuai in um hlah u law Bawipa Ni cu a phan cang, a titu hna zong nih cun fawi tuk in in tuaitam hna hlah seh. Mah hihi mi pakhat khat nih profet bia in ka chim a timi zong a si ko lai, phungchim in ka chim a timi zong a si ko lai. Asiloah anmah cakuat ah a um ti zongah kanmah zong an kan ti ko lai.

1TIMOTE 4:1

Hmailei ah cun mi a cheu nih zumhnak kha an hlawt lai i lih a chimmi thlarau tu kha an bia an ngaih hna lai i khuachia cawnpiaknak kha an zulh lai, tiah Thlarau nih fiang tein a chim.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

1JOHAN 2:18

Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

1JOHAN 2:7

Ka dawtle hna, nan sin i ka hun ṭialmi hi nawlbia thar a si lo; a hramthawkte i nan rak theih lengmangmi nawlbia hlun kha a si ko. Cu nawlbia hlun cu nan rak theih cangmi bia kha a si.

2 JOHAN 1:7

Hlengtu tampi, Jesuh Khrih cu minung in a ra lo pei, a titu hna kha vawlei cungah an i chawk. Cu bantuk mi cu mihlengtu kha an si i Khrih Ral kha an si.

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.

BIAPHUAN 2:2

Na tuahmi kha ka hngalh ko; zeitluk in dah naa zuam le zeitluk in dah lungsau in na um kha ka hngalh. Mi ṭhalo na in khawh hna lo kha ka hngalh i lamkaltu an si na loin lamkaltu kan si aa timi hna na hneksak hna le milip an si na hliah khawh kha ka hngalh.