1JOHAN 3:9 - Lai (Hakha) Common Language Bible 2006

⁹ Pathian fa a simi paoh nih cun sualnak an tuah peng lo, zeicahtiah Pathian thlaici kha an chungah a um; cun Pathian cu an Pa a si caah an sual kho peng lo.

Laibaibal Thiang (BSI)

⁹ Pathian hrin a simi pauh nih, a chungah Pathian ci a hmunh caah sualnâk an tuah peng lo, Pathian hrin a si caah sualnâk a tuah peng kho lo.

1JOHAN 3:9 Iomraidhean Croise

JOB 19:28

“Nannih nih nan i thawh i, Harnak a rualrual in a cungah aa tlunter khih! Hi harnak an hram cu amah chungah khin pei a um cu,’ nan ti tikah hin ka lung a dong.

SALM 119:3

Ṭhat lonak kha an tuah lo, Bawipa lam kha an zulh.

LEVITIKAS 11:37

Cun an ruak zei zawn paoh nih cin awk a simi thlaici zei paoh a nenh ahcun, a thiang ko;

MATTHAI 7:18

A ngan a dammi kung nih theichia a tlai kho lo i a kung a ṭha lomi nih thei ṭha a tlai kho ve lo.

JOHAN 1:13

Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.

JOHAN 3:3

Jesuh nih cun, “Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo,” tiah a leh.

LAMKALTU 4:20

Zei ti si hmanh ah kannih nih cun kanmah hrimhrim nih kan hmuh komi le kan theih komi cu chim lo cun kan um kho bal lai lo,” an ti hna.

ROM 6:2

Tuah naisai hlah. Sualnak ah cun kan thi cang, zeitindah cu chungah cun kan um peng khawh lai?

GALATI 5:17

Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

1 PETER 1:23

Pathian bia, a nungmi le zungzal in a hmunmi thawngin, hrintharmi nan si cang, thih a thiammi nu le pa fa si loin thih a thiam lomi pa fa nan si cang.

1JOHAN 2:29

Khrih cu a ding ti kha nan hngalh; cucaah ahmaanmi thil a tuahmi paoh cu Pathian fa an si ti kha nan hngalh awk a si.

1JOHAN 3:6

Cucaah Khrih chungah a ummi paoh cu sualnak chungah khan an um peng lo; sihmanhsehlaw sualnak a tuah pengmi nih cun Khrih kha a hmuh zong an hmu bal lo i a hngalh zong an hngal bal lo.

1JOHAN 4:7

Ka fale hna, dawtnak hi Pathian sinin a rami a si caah pakhat le pakhat i daw u sih. Pakhat le pakhat aa dawmi cu Pathian fa an si i Pathian kha an hngalh.

1JOHAN 5:1

Jesuh cu Messiah a si tiah a zummi paoh cu Pathian fa an si; pa a dawmi paoh nih cun a fa zong kha an dawt tawn.

1JOHAN 5:18

Pathian fa a simi cu a sual peng lo ti kha kan hngalh, zeicahtiah Pathian Fapa nih khan him tein a umter i Miṭhalopa nih khan a tawng kho lo.

1JOHAN 5:4

zeicahtiah Pathian fa a simi paoh nih cun vawlei kha a tei khawh. Vawlei kan tei khawhnak cu kan zumhnak hin a si.

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.