1JOHAN 3:21 - Lai (Hakha) Common Language Bible 2006

²¹ Cucaah cun ka fale hna, kan lung nih sual a kan phawt lo ahcun, Pathian cu lungphanglo tein kan fuh ngam i

Laibaibal Thiang (BSI)

²¹ Dawtmi hna kan lungthin nih sual akan phawt lo ahcun, Pathian hmai ah kan ral a ṭha.

1JOHAN 3:21 Iomraidhean Croise

JOB 22:26

Khi tikah Lianngan Bik cu naa bochan zungzal lai i Amah cu naa lawmhnak a hram a si kha na hngalh lai.

JOB 27:6

Ka bia a ding ti kha fek tein kaa tlaih lai i, ka thlah bal lai lo; Ka nun chung paohpaoh ahcun, kaa thleng bal lai lo.

SALM 101:2

Ka cungah zei khom hmanh tlung seh law, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka sa lai.

ROM 14:22

Cu kong ah cun nangmah nih na ruahning tein va ruat ko, Pathian le nangmah lawnglawng nih va hngal ko uh. Tuah awk a si ti i a ruahmi thil a tuah tikah a lung nih sual a phawt lomi cu lunglawmmi a si.

1 KORIN 4:4

Ka chiaṭha thleidannak hi a thiang ko, asinain cuti in a thiang ko ti tikah hin ka sual lo tinak a si lo. Ka cung i bia a khiaktu cu Bawipa kha a si.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

EFESA 3:12

Amah he kan i pehtlaih caah le amah kan zumhnak thawngin Pathian umnak chungah ṭih lo tein luh ngamnak luatnak kan ngei.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

HEBRU 4:16

Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

1JOHAN 2:28

Asi, ka fale hna, amah chungah cun um ko u, nan um ahcun amah a hung langh tikah ralṭhatnak in nan khat lai i a rat Ni ah khan ningzak in i thuh nan herh lai lo.

1JOHAN 2:7

Ka dawtle hna, nan sin i ka hun ṭialmi hi nawlbia thar a si lo; a hramthawkte i nan rak theih lengmangmi nawlbia hlun kha a si ko. Cu nawlbia hlun cu nan rak theih cangmi bia kha a si.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

1JOHAN 3:20

kan lung nih sual kan phaw kun kaw Pathian cu kan lung nakin a ngan deuh i zeizong vialte kha a hngalh dih.

1JOHAN 4:17

Kannih kan chungah dawtnak kha tlinter a sinak cu, Biaceih Ni ah ṭihnak zeihmanh kan ngeihnak hnga lo caah a si; cun cu bantukin ṭihnak ngei loin kan um khawhnak ding cu hi vawlei cungah hin Khrih bantukin kan nun caah a si.

1JOHAN 5:14

Amah duhning in kan hal ahcun, kan halmi paoh kha a kan pek hrimhrim lai ti kan zumh caah Pathian cu ṭihnak zeihmanh um loin kan fuh ngam;