1JOHAN 3:13 - Lai (Hakha) Common Language Bible 2006

¹³ Cucaah vawleicung mi nih an in huat hna ahcun nan khuaruahhar hlah u.

Laibaibal Thiang (BSI)

¹³ Ka nau le hna, vawlei nih an in huat hna ahcun mak ti hlah u.

1JOHAN 3:13 Iomraidhean Croise

PHUNGTHLÛKBIA 29:27

Miding mi nih miding lomi kha an huat hna, miṭhalo nih miding mi kha an huat ve hna.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 24:9

“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai.

MARKA 13:13

Keimah ruangah mi kip nih an in huat hna lai. Sihmanhsehlaw a dongh tiang a hmunmi cu khamh nan si lai.

LUKA 21:17

Keimah ruangah mi kip nih an in huat hna lai.

LUKA 6:22

Mi Fapa ruangah mi nih an in huat hna i an in hlawt hna i an in serhsat hna i miṭhalo an in ti hna tikah i lawm ko u.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

JOHAN 17:14

Kei cu hi vawlei ta ka si lo bantukin annih zong hi vawlei ta an si lo caah na bia kha ka chimh hna i vawlei nih cun a huat hna.

JOHAN 3:7

‘Hrin ṭhan nan si hrimhrim awk a si,’ ka ti tikah na khuaruahhar hlah.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

LAMKALTU 3:12

Peter nih a rak hmuh hna tikah khan a rak thawh hna i, “Ka phun hawi Israel mi hna, zeicahdah hi thil kongah nan khuaruah a har i kanmah lehlam cu ngang koin nan kan zoh? Hi pa kan kalter khawh hi kanmah ṭhawnnak in le Pathian hmai i kan ṭhatnak thawngin maw a si tiah nan ruah?

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

2TIMOTE 3:12

Khrih Jesuh he i pehtlai i Pathian nunning in nun a duhmi paoh cu hremnak an ing ko lai;

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

BIAPHUAN 17:7

Vancungmi nih cun, “Zeicahdah na khuaruah a har? Minu sullam le aa citmi sahrang, lu pasarih le ki pahra a ngeimi sullam cu kan chimh lai.