1JOHAN 3:12 - Lai (Hakha) Common Language Bible 2006

¹² Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.

Laibaibal Thiang (BSI)

¹² Kain, misuaksual pa ta a simi, mah unau a thattu bangin nan um awk a si lo. Zeicadah a thah? A tuahmi kha a ṭhalo i a naupa tuahmi kha a din caah a si.

1JOHAN 3:12 Iomraidhean Croise

GENESIS 4:25

Cun Adam nih khan a nupi cu a hngalh ṭhan i fapa a hrin. A nupi nih cun, “Kain nih a thahmi Abel airawltu ah khan Pathian nih fapa pakhat a ka pek,” a ti i a min ah Seth a sak.

2 SAMUEL 13:22

Sihmanhsehlaw Absalom nih Amnon sinah khan bia ṭha siseh, bia chia siseh, zeihmanh a chim lo, zeitintiah Amnon nih a farnu Tamar kha hramhram in a sual caah Absalom nih Amnon kha a huat.

SALM 37:12

Miṭhalo nih miṭha hrawhnak ding khua kha a khan i a hacang a rialhnawh.

SALM 38:20

Ahmaanmi thil kha tuah kaa zuam caah ṭhatnak cu chiatnak in a lehrulmi pawl nih khan an ka doh.

PHUNGTHLÛKBIA 27:4

Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

PHUNGTHLÛKBIA 29:10

Thisen chuah a duhmi hna nih cun a sual lomi kha an huat, Sihmanhsehlaw miding mi nih cun a nunnak kha an humhakpiak.

PHUNGTHLÛKBIA 29:27

Miding mi nih miding lomi kha an huat hna, miṭhalo nih miding mi kha an huat ve hna.

MATTHAI 13:19

Lam hril i a tlami thlaici cu Vancung Pennak kong kha a theih cu a thei i a sullam a hngal ṭung lo mi kha an si. An chung i tuhmi thlaici cu Mi Ṭhalopa nih khan a chuah dih.

MATTHAI 13:38

lo cu vawlei hi a si; thlaici ṭha cu Vancung Pennak chung i a ummi hi an si; belh cu Mi Ṭhalopa minung kha an si.

MATTHAI 23:35

Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biakṭheng karlak ah nan thahmi Zekhariah, Berekhiah fapa, tiang khan.

MATTHAI 27:23

Sihmanhsehlaw Pilat nih cun, “Zei sualnak dah a tuah?” tiah a vun hal hna. Cu tikah fak piin an au ciammam i, “Vailam ah khenhchih ko,” an ti.

MATTHAI 5:37

‘Asi,’ ‘Asilo,’ ti lawng kha chim ko u, cu pin cu Mi Ṭhalopa sinin a rami thil an si.

LUKA 11:51

Abel an nawnnak thawk in biakṭheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai.

JOHAN 10:32

Annih kha Jesuh nih cun a thawh hna i, “Ka Pa nih a ka fialmi thil ṭha tampi nan hmaiah ka tuah hna; hi thil hna lakah hin a zei ruangte ah hin dah lung in cheh nan ka duhnak cu a si?” tiah a ti hna.

JOHAN 8:40

Chimh kan zuam lengmangmi hna cu Pathian sinin ka theihmi biatak kha a si. Asinain nannih nih cun thah tu nan ka zalh. Cu bantuk cu Abraham nih zeihmanh a tuah ṭung lo.

JOHAN 8:41

Nannih cu nan pa i a tuahmi kha nan tuah,” tiah a leh hna, Annih nih cun an i thawh i, “Pathian lawnglawng pei kan Pa cu a si ko cu. Lakfa kan si ṭung lo, a fa taktak pei kan si cu,” tiah an leh.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

1THESALON 2:14

U le nau hna, Judea ram chung i a ummi Pathian Khrihfabu, cuka ram i a ummi Khrih Jesuh mi a simi hna cung i a tlungmi thil bantuk nih nannih zong an tlunhnawh ve hna. Judah mi nih hremnak an pek hna bantukin nannih zong nanmah rammi lila nih hremnak an in pek ve hna,

HEBRU 11:4

Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

1 PETER 4:4

Cun atu cu Lawkihmi hna kha, cu bantuk nunning ah cun nan telpi duh ti hna lo caah an khuaruah a har i nannih kha an in serhsat hna.

1JOHAN 3:8

cun sualnak a tuahmi paoh cu Khuachia fa a si ko, zeicahtiah Khuachia cu a hramthawk tein a rak sualmi a si. Pathian Fapa a hung langhnak cu Khuachia rianṭuannak hrawh awkah hin a si.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.