1JOHAN 3:1 - Lai (Hakha) Common Language Bible 2006

¹ Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

Laibaibal Thiang (BSI)

¹ Ngaihmanh u Pa nih a kan dawt ning hi zeitlukindah a ngan! Pathian fale tiah kawh kan si! Cucaah vawlei nih ankan hngalh lo, zeicatiah Amah kha an hngal lo.

1JOHAN 3:1 Iomraidhean Croise

2 SAMUEL 7:19

Asinain mah hi cu nangmah mit ah cun maw Bawipa Pathian, a hmemi thil a si ko; caan saupi lio in na sal innchungkhar kong zong hi na rak chim chung cang i hmailei ciruang ding hna zong kha na ka hmuhsak cang, maw Bawipa Pathian!

SALM 31:19

Nangmah an ṭihtu hna caah na chiahmi thil ṭha cu zeitluk in dah khuaruahhar an si. Mi kip hmuh ah na tuahmi thil ṭha cu zeitluk in dah khuaruahhar a si, nangmah an bochanmi cu na huhphenh hna.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

LUKA 20:36

Annih cu vancungmi bantuk an si i an thi kho lo. Annih cu thihnak in thawh ṭhantermi an si cang caah Pathian fa an si.

JOHAN 1:12

Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

JOHAN 11:52

anmah Judah mi ca lawngah si loin Pathian fale aa ṭhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

JOHAN 15:21

Sihmanhsehlaw hi vialte cu keimah mi nan si ruangah nan cungah an tuah lai; zeicahtiah a ka thlahtu kha an hngal lo.

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

JOHAN 17:25

A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

ROM 8:19

Pathian nih a fale a phuan hna lai cu sermi thil vialte nih ngangngan ngaiin an hngak ko.

ROM 8:21

Cu ruahchannak cu zeidah a si tiah, ni khatkhat cu sermi thil vialte hi thutnak sal sinak khan luatter an si lai i Pathian fale hna luatnak a sunglawimi kha an i hrawm te lai.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

GALATI 3:26

Khrih Jesuh pehtlaihnak thawngin Pathian fa nan dihlak in nan si cu zumhnak thawngin a si.

GALATI 3:29

Cucaah Khrih ta nan si ahcun Abraham tefa nan si i Pathian biakamning in rocotu nan si.

DEUTERONOMI 14:1

“Nannih cu Bawipa nan Pathian i fapa nan si; mithi caah nan i at lai lo i nan mittlang hmul zong nan i met lai lo.

KOLOSE 3:3

Zeicahtiah nan thi cang i nan nunnak cu Khrih he Pathian chungah aa thup.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

1JOHAN 4:17

Kannih kan chungah dawtnak kha tlinter a sinak cu, Biaceih Ni ah ṭihnak zeihmanh kan ngeihnak hnga lo caah a si; cun cu bantukin ṭihnak ngei loin kan um khawhnak ding cu hi vawlei cungah hin Khrih bantukin kan nun caah a si.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.