1JOHAN 2:8 - Lai (Hakha) Common Language Bible 2006

⁸ Asinain, nan sin i ka hun ṭialmi nawlbia hi a thar a si; zeitindah a thar a si tiah muihnak cu a lo cang i ceunak taktak cu a tlang cang. Cucu Khrih nih khan a langhter i nanmah zong nih nan langhter ve.

Laibaibal Thiang (BSI)

⁸ Nan sinah nawlpêk thar ka ṭial ṭhânmi a si, cucu Amah le nanmah ah a dik, zeicatiah muihnâk cu a lo cuahmah i ceunâk taktak cu a ceu cang caah a si.

1JOHAN 2:8 Iomraidhean Croise

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

SALM 36:9

Nang cu nunnak vialte hram na si; nangmah ceunak thawngin kannih nih ceunak kha kan hmuh.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

MATTHAI 4:16

Muihnak chung i a ummi hna nih khan ceunak nganpi an hmuh lai. Thihnak ram mui chung i a ummi hna cungah ceunak a tlung lai,” a rak timi kha tlinter awk caah a si.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

JOHAN 1:9

Ceunak taktak cu vawlei cungah a ra i mi vialte a ceuhtu ceunak kha a si.

JOHAN 12:35

Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

JOHAN 12:46

Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.

JOHAN 13:34

Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

ROM 13:12

Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

2TIMOTE 1:10

sihmanhsehlaw atu ceo ah hin kan Khamhtu Khrih Jesuh a ratnak thawngin cucu kan sinah phuan a si. Thihnak ṭhawnnak kha a donghter cang i thih thiam ti lo nunnak cu Thawngṭha in kan sinah a phuan cang.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.

1JOHAN 4:11

Ka fale hna, hihi Pathian nih a kan dawtning a si ahcun, kannih zong pakhat le pakhat kan i dawt ve awk a si.

1JOHAN 4:21

Cucaah Khrih nih a kan fialmi cu hihi a si: Pathian a dawmi nih cun nan unau kha nan dawt hrimhrim hna lai.