1JOHAN 2:19 - Lai (Hakha) Common Language Bible 2006

¹⁹ Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

Laibaibal Thiang (BSI)

¹⁹ Annih cu kanmah mi taktak an si lo caah ankan chuahtâk, zeitintiah kanmah mi taktak sihna sehlaw kan sinah an um peng ko hnga, asinain kanmah mi taktak an silo ti kha a fiannâk ah an kan chuahtâk nâk hi a si.

1JOHAN 2:19 Iomraidhean Croise

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

SALM 37:28

zeicahtiah a hmaanmi thil kha Bawipa nih a duh i zumhtlak a simi a mi kha a kaltak bal hna lo. Annih cu a huhphenh zungzal hna, sihmanhsehlaw miṭhalo mi hna an tefa cu ṭhawl an si lai.

SALM 41:9

Ka hawi ṭha bik, ka zumh bikmi, rawl a ka hrawng lengmangmi hmanh kha ka ral ah a cang.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MARKA 13:22

Zeicahtiah Messiah deu le nal profet hna kha an chuak lai. Pathian thimmi hna hmanh kha, a si khawh chungin hlen khawhnak dingah hmelchunhnak le khuaruahharnak an ser hna lai.

LUKA 8:13

Lung lakah a tlami thlaici cu bia kha a thei i lunglawm ngaiin a cohlang i sihmanhsehlaw an chung i thuk a pil lomi kha an si. Caan tlawmte chung lawng kha an zumh i tukforhnak a rat tikah an tlu ṭhan.

JOHAN 15:2

Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

ROM 9:6

Israel mi kha an dihlak in Pathian thimmi an si dih lem lo caah Pathian biakamnak cu pakpalawng ah a cang ka ti duhnak a si lo. Zeicahtiah Israel mi vialte kha Israel tefa an si lem lo,

1 KORIN 11:19

(Aho hi dah ahmaan ti hngalhnak caah a si ahcun, i ṭhen zong cu a ṭha ve sawk.)

DEUTERONOMI 13:13

mi zeirualo a cheukhat nih nannih lakah an kal i cu khua chung i a ummi hna cu an pialter hna i, nan hngalh lomi pathian hna cu, ‘Kal u sih law, pathian dang kha bia hna u sih,’ tiah an ti nan theih ahcun,

2TIMOTE 2:10

Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

2TIMOTE 3:9

Sihmanhsehlaw an hlawhtlin chung cu tawite lawng a si ko lai. Moses a rak dohtu hna Jannes le Jambres an hruh a langh zau bantuk khan, an hruhnak cu mi nih an hmuh zau ko lai.

HEBRU 10:39

Kannih cu aa let i a tlaumi kha kan si lo. Zumhnak a ngei i khamhnak a hmumi tu kha kan si.

2 JOHAN 1:7

Hlengtu tampi, Jesuh Khrih cu minung in a ra lo pei, a titu hna kha vawlei cungah an i chawk. Cu bantuk mi cu mihlengtu kha an si i Khrih Ral kha an si.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

JUDAS 1:19

Hi hna cu ṭhennak a chuahtertu, an pumsa duhnak nih a ukmi, Thlarau a ngei lomi an si.