1JOHAN 2:11 - Lai (Hakha) Common Language Bible 2006

¹¹ Sihmanhsehlaw a unau a huami cu muihnak chungah a um i muihnak nih cun a mit a cawtter caah cuka chung i aa chawh ah khuazei ah ka kal ti awk hmanh a hngal lo.

Laibaibal Thiang (BSI)

¹¹ Mah unau a huatu cu muihnâk ah a um i mui lakah khua a sa, mui nih a mit a phenh caah a kalnâk ding zong a hngal lo.

1JOHAN 2:11 Iomraidhean Croise

2 SAMUEL 13:22

Sihmanhsehlaw Absalom nih Amnon sinah khan bia ṭha siseh, bia chia siseh, zeihmanh a chim lo, zeitintiah Amnon nih a farnu Tamar kha hramhram in a sual caah Absalom nih Amnon kha a huat.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

PHUNGCHIMTU 2:14

Mifim nih cun khuazei ah dah kan kal ti kha an hmuh khawh, mihrut nih cun an hmu kho lo. Sihmanhsehlaw kan donghnak cu aa khat ṭhiamṭhiam ko lai ti kha ka hngalh ṭhan.

LEVITIKAS 19:17

“Na unau cu na lungchung in na hua lai lo, sihmanhsehlaw na innpa cu na chimhhrin lai, amah ruangah sualnak na ing sual lai.

JOHAN 12:35

Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

JOHAN 12:40

“Pathian nih an mit a cawtter hna i an lung a pinter hna, ‘Cu ti a si lo ahcun an mit nih khua a hmu sual hnga i an lung nih khua a hngal sual hnga i, Damnak hmuhnak ding caah keimah leiah an i mer sual hnga,’ tiah Pathian nih a ti,” tiah a ti fawn.

2 KORIN 3:14

An lungthin cu a rak i khar hrimhrim ko i nihin ni tiang zong hin biakam hlun cauk an rel caan paoh ah an lungthin kha, cu puan nih cun a huh ṭhiamṭhiam ko hna. Cu puan cu mi nih Khrih he an i pehtlaih tik lawngah aa hawk.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

2 PETER 1:9

Sihmanhsehlaw cu thil a ngei lomi cu lamnaite lawng a hmu khomi a si i thil dang zeihmanh a hmu kho lomi bantuk a si, amah nih cun ka sualnak kha ṭawlpiak ka si cang, ti kha a philh.

1JOHAN 1:6

Cucaah kannih nih amah he hawikomhnak kan ngei kan ti i muihnak chung i kan um ko ṭung ahcun, kan bia in siseh, kan tuahnak in siseh, lih kan chim a si.

1JOHAN 2:10

Ahohmanh a unau a dawmi cu ceunak chungah a um i cucaah midang a sualtertu ding zeihmanh a chungah a um lo.

1JOHAN 2:9

Ahohmanh ceunak chungah ka um a ti i a unau a hua ṭungmi cu, atu tiang hrimhrim hin, muihnak chungah a ummi a si ko.

1JOHAN 3:15

A unau a huami paoh cu lainawng a si i lainawngmi nih cun an chungah zungzal nunnak an ngei lo ti kha nan hngalh.

1JOHAN 4:20

Mi zeimaw nih, “Pathian ka dawt,” a ti i a unau a huat ṭung ahcun, amah cu mi lihchim a si. Zeicahtiah a hmuhmi a unau hmanh a dawt khawh lo ahcun a hmuh lomi Pathian cu a daw kho lai lo.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.