1JOHAN 2:1 - Lai (Hakha) Common Language Bible 2006

¹ Ka fale hna, hi ca kan kuat hna cu sualnak kha nan tuah nakhnga lo caah a si; sihmanhsehlaw pakhatkhat nih sualnak nan tuah ahcun, a dingmi Jesuh Khrih, Pa sin i bia a kan chimpiaktu, kan ngei ko.

Laibaibal Thiang (BSI)

¹ Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

1JOHAN 2:1 Iomraidhean Croise

SALM 4:4

Ṭihnak ngei u law nan sualnak kha ngol hna u; hi thil hi nanmah lawng tein nan inn khaan chungah thuk piin ruat tuah u. Selah

EZEKIEL 3:21

Sihmanhsehlaw miding mi kha sual lo awkah ralrinnak na pek hna i sual lo in an um ahcun annih nih ralrinnak kha an hmuh caah an nunnak kha an i khamh lai i nangmah zong nih na nunnak kha naa khamh ve lai,” tiah a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

LUKA 10:22

“Ka Pa nih zeizong vialte kha a ka pek cang: Pa nih dah ti lo nih cun ahohmanh nih Fapa kha ahodah a si, ti awk an hngal lo, Fapa le an sinah Fapa nih Pa a phuan duhmi hna dah ti lo nih cun Pa kha ahodah a si ti awk ahohmanh nih an hngal lo,” tiah a ti.

JOHAN 13:33

Ka fale hna, nan sinah sau ka um ti lai lo. Nan ka kawl lai, sihmanhsehlaw ‘Ka kalnak ah cun nan ra kho lai lo,’ tiah Judah mi ka chimh hna bang khan nannih zong kan chimh hna.

JOHAN 14:16

Ka Pa kha ka hal lai i Bawmtu a dang, an pek hna lai i a zungzal in an umpi hna lai.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 21:5

Jesuh nih cun a thawh hna i, “Tlangval hna, zeihmanh nan tlai lo maw?” tiah a ti hna. Annih nih, “Zeihmanh kan tlai lo,” tiah an leh.

JOHAN 5:14

A hnuah khin Jesuh nih cu pa cu biakinn ah khan a hmuh i, “Zohhmanh, atu cu na dam cang. Na sualnak kha ngol hna, cu lo ahcun hi nak ṭhalo deuh nih an tlak sual lai,” tiah a ti.

JOHAN 5:36

Sihmanhsehlaw kaa bochanmi cu Johan nih tehte a khaanmi nakkhan a ngan deuhmi a si; cucu ka ṭuanmi rian, ka Pa nih ṭuan awkah a ka pekmi rian hna hi an si.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

JOHAN 8:11

Minu nih cun, “Bawipa, ahohmanh an tang lo,” tiah a leh. Cu tikah Jesuh nih, “Kei zong nih sual kan phaw ve lo. Va kal law a sual bel va sual ti hlah,” tiah a ti.)

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

ROM 6:15

A si kun ahcun zeitin? Nawlbia tangah um ti loin Pathian vel tangah kan um cang caah kan sual awk a si lai maw? Si hrimhrim hlah.

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

1 KORIN 15:34

Nan lung i fim ṭhan u law nan sualnak kha ngol hna u. A cheu cu Pathian nan hngal lo, hi ti ka chim hi nan ningzak seh ti ka duh caah a si.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 4:19

Ka dawtmi ka fale hna, naunganfah nan caah ka ing ṭhan hoi; nan chung i Khrih sining a um hlan paoh cu ka ing zungzal ko lai.

EFESA 2:18

Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

EFESA 4:26

Na thin a hun ahcun na thinhunnak kha sualnak chung i an luhpitu siter hlah; cun na thinhunnak cu ni tlakter hlah.

1TIMOTE 2:5

Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,

1TIMOTE 3:14

Hi ca na sin i ka ṭial lioah hin, ka saduhthah cu tuan i na sin i rat i nangmah hmuh kha a si.

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

JEIM 3:9

Kan Bawipa le kan Pa a simi Pathian thangṭhatnak caah kan hman i Pathian mui in sermi kan minung hawi chiatserhnak ah kan hman fawn.

1 PETER 2:22

Sualnak zeihmanh a tuah lo, lih a chim bal lo.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

1JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.

1JOHAN 3:7

Ka fale hna, ahohmanh i hlenter hna hlah u. A dingmi thil a tuahmi paoh cu miding a si ko, Khrih a din bantuk khan;

1JOHAN 4:4

Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a ṭhawng deuh.

1JOHAN 5:17

Palh in tuahmi thil vialte hi sual an si ko, sihmanhsehlaw sualnak vialte hi thihnak phanmi sualnak an si dih lo.

1JOHAN 5:21

Ka fale hna, pathian deu kha va hrial hna u.

3 JOHAN 1:4

Ka fale biatak chungah khua an sa, ti thawng hlei in a ka lawmhter deuhtu zeihmanh a um ti lo.