زَڢَنِيَ 2:7 - أَتَّوْرَتْ دَ أَنَّبَاوَا

⁷ بَاكِنْ تٜىٰكُنْ ذَاتَ ذَمَ وُرِنْ غَادُواْ نَضَغُواْوَرْ غِدَنْ يَهُودَ، وُرِنْ دَ ذَاسُيِ كِيوُاْ؞ أَغِدَاجٜىٰنْ أَشْكٜىٰلُوانْ ذَاسُ ݣُونْتَ إِنْ يَمَّ تَيِ؞ غَمَا يَهْوٜىٰهْ اللَّهْ نْسُ ذَيْ كُلَ دَسُو، ذَيْ كُمَ مَيَرْ مُسُ دَ أَلْبَرْكُنْسُ نَدَا؞»‏

زَڢَنِيَ 2:7 Iomraidhean Croise

ڢَارَوَ 50:24

يُوسُڢَ كُوَ يَيِ مَغَنَ دَ یَنْعُوَنْسَ يَثٜىٰ ‏«‏إِنَ بَاكِنْ مُتُوَ، عَمَّا بَاشَكَّ اللَّهْ ذَيْ ظِيَرْثٜىٰكُ، يَهَوْرَرْ دَكُو دَغَ وَنَّنْ ڧَسَا ذُوَا ڧَسَرْدَ يَيِ ضَنْڟُوَا غَ إِبْرَٰهِيمْ دَ إِسْحَٰڧَ دَ يَعْڧُوبَ ثٜىٰوَ ذَيْبَاسُ؞»‏

زَبُورَا 80:14

يَا اللَّهْ مَيْ ضُنْدُنَا، جُويُواْ وُرِنْمُ!‏ دَغَ سَمَ دُوبٜىٰمُ كَغَنِ، كَكُلَ دَ إِتَاثٜىٰنْ إِنَبِنَّنْ،

زَبُورَا 85:1

يَا يَهْوٜىٰهْ، كَيِ وَڧَسَرْكَ أَلْحٜىٰرِ، كَمَيَرْ وَجَمَعَرْ يَعْڧُوبَ دَ أَلْبَرْكُنْتَ؞

ڢِتُواْوَ 4:31

دَتَّاوَنْ كُوَ سُكَ غَسْكَتَ، كُمَ سَعَدَّ سُكَجِ ثٜىٰوَ يَهْوٜىٰهْ يَلُورَ دَسُو كُمَ يَغَ عَذَابَرْ دَسُكٜىٰشَا، سُكَ رُسُنَ سُكَيِ سُجَّدَ؞

عِشَايَ 11:11

أَ رَانَرْ نَنْ عُبَنْ‌غِجِ ذَيْ مِيڧَ حَنُّنْسَ سَوْ نَبِيُ دُواْمِنْ يَدَاوُاْ دَ ضَغُواْوَرْ مُتَنٜىٰنْسَ ذُوَا ڧَسَرْ إِسْرَٰٓءِيلَ؞ ذَيْ كَٰوُاْسُ دَغَ ڧَسَرْ أَسُّرِيَ دَ مَصَرْ دَ ڢَتْرُواسْ دَ إِتِيُواْڢِيَ، دَ عٜىٰلَمْ دَ بَابِيلَ دَ هَمَتْ دَ يَنْكُنَنْ بَاكِنْ تٜىٰكُ؞

عِشَايَ 11:14

تَرٜىٰ ذَاسُ ڢَاطُواْوَ ڢِلِسْتِيَاوَا عَيَمَّ، تَرٜىٰ ذَاسُ ڨُوثٜىٰ كَايَنْ مُتَنٜىٰنْ غَبَسْ، عِ، ذَاسُ مِيڧَ حَنُّوَنْسُ سُثِ نَصَرَا عَكَنْ عٜىٰدُوامْ دَ مُواْوَبْ، مُتَنٜىٰنْ أَمُّوانْ كُمَ ذَاسُ بَوْتَا مُسُ؞

عِشَايَ 11:16

تَهَكَ ذَاعَيِ حَنْيَ مَيْݣَوْ دَغَ ڧَسَرْ أَسُّرِيَ دُواْمِنْ ضَغُواْوَرْ مُتَنٜىٰنْسَ، كَمَرْ يَدَّ عَكَيِ دُواْمِنْ كَاكَنِّنْ إِسْرَٰٓءِيلَ لُواْكَثِنْ دَ سُكَ هَوْرَ دَغَ ڧَسَرْ مَصَرْ؞

عِشَايَ 14:1

عَمَّا يَهْوٜىٰهْ ذَيْجِے تَوْسَيِنْ ذُرِيَرْ يَعْڧُوبَ؞ يَهْوٜىٰهْ ذَيْسَاكٜىٰ ذَاٻٜىٰنْ إِسْرَٰٓءِيلَ تَذَمَ جَمَعَرْسَ تَمُسَمَّنْ، ذَيْ كُمَ سَاسُ سُذَوْنَ عَڧَسَرْسُ؞ بَاڧِ ذَاسُ حَطَكَيْ دَسُو، سُمَنّٜىٰوَ غِدَنْ يَعْڧُوبَ؞

عِشَايَ 32:14

غَمَا ذَاعَ ڨَلٜىٰ غِدَنْ سَرْكِے، بِرْنِ مَيْ يَوَنْ مُتَنٜىٰ كُمَ ذَاعَ بَرْ شِ بَا كُواْوَ؞ تُدُ دَ طَاكِنْ طَنْ سِنْتِرِ ذَاسُ ذَمَ كُواْغُوانْ كَرٜىٰنْ دَاجِ؞ ذَاسُ ذَمَ وُرِنْ وَسَ دُواْمِنْ جَاكِنْ دَاجِ، دَ وُرِنْ كِيوُاْ دُواْمِنْ تُمَكِ،

إِرْمِيَ 23:3

‏«‏نِے دَكَيْنَ ذَنْ تَتَّارَ ضَغُواْوَرْ غَرْكٜىٰنَ دَغَ كُواْوَثٜىٰ ڧَسَرْدَ نَتُورَسُ؞ ذَنْ كُواْمَرْ دَسُو وُرِنْ كِيوُاْ، ذَاسُيِ تَحَيْڢُوَ سُڧَارُ سُواْسَيْ؞

إِرْمِيَ 29:10

‏«‏إِنْجِ يَهْوٜىٰهْ، ‏‹‏بَايَنْدَ بَابِيلَ تَثِكَ شٜىٰكَرَا سَبَعِنْ دَ يِنْ مُلْكِ، ذَنْ ظِيَرْثٜىٰكُ، ذَنْ كُمَ ثِكَ أَلْڧَوَرِنْدَ نَيِ مُكُ، أَلْڧَوَرِ نَدَاوُاْ دَكُو ذُوَا وُرِنَّنْ؞

إِرْمِيَ 29:14

ذَنْ كُوَسَا كُسَامٜىٰنِ؞ ذَنْ مَيَرْ مُكُ دَ أَلْبَرْكُنْكُ، إِنْ تَتَّارُواْكُ دَغَ ثِكِنْ دُكَنْ أَلْعُمَّيْ دَ دُكَنْ وُرَارٜىٰ عِنْدَ نَكُواْرٜىٰكُ، نِے يَهْوٜىٰهْ نَا ڢَطَا؞ ذَنْ دَاوُاْ دَكُو أَوُرِنَّنْ دَغَ عِنْدَ نَسَا عَكْوَاشٜىٰكُ ذُوَا ذَمَنْ بَوْتَا؞ نِے يَهْوٜىٰهْ نَا ڢَطَا؞

إِرْمِيَ 3:18

عَݣُونَكِنْنَنْ، كُو غِدَنْ يَهُودَ دَ نَ إِسْرَٰٓءِيلَ ذَاكُ حَطُ كُكُواْمُواْ تَرٜىٰ دَغَ ڧَسَرْ أَرٜىٰوَ ذُوَاغَ ڧَسَرْدَ نَبَا كَاكَنِّنْكُ غَادُواْ؞

إِرْمِيَ 30:3

غَمَا غَاشِ، ݣُونَكِے سُنَ ذُوَا عِنْدَ ذَنْ مَيَرْوَ مُتَنٜىٰنَ إِسْرَٰٓءِيلَ دَ يَهُودَ دَ أَلْبَرْكُنْسُ؞ ذَنْ دَاوُاْ دَسُو ذُوَا ڧَسَرْدَ نَبَا كَاكَنِّنْسُ، ذَاسُ كُوَ مَلَّكٜىٰتَ؞ نِے يَهْوٜىٰهْ نَا ڢَطَا؞›‏ »‏

إِرْمِيَ 31:7

‏«‏إِنْجِنِ يَهْوٜىٰهْ، كُرٜىٰرَ وَاڧُواْڧِنْ ڢَضٍ ثِكِ سَبُواْدَ ذُرِيَرْ يَعْڧُوبَ!‏ كُطَغَ مُرْيَ، سَبُواْدَ مَڢِے غِرْمَ ثِكِنْ أَلْعُمَّيْ!‏ كُيِ شٜىٰلَ، كُيِ يَبُواْ، كُثٜىٰ، ‏‹‏يَا يَهْوٜىٰهْ، ثٜىٰثِ مُتَنٜىٰنْكَ، ثٜىٰثِ ضَغُواْوَرْ جَمَعَرْكَ إِسْرَٰٓءِيلَ!‏›‏

إِرْمِيَ 32:44

أَوَنَّنْ ڧَسَا، ذَاعَ سَاكٜىٰ سَيٜىٰنْ ڢِيلَيٜىٰنْ غُواْنَ دَ كُطِ، أَسَا حَنُّ عَكَنْ تَكَرْدُنْ شَيْدَرْ سَيَ، أَ مَنَّا مُسُ هَاتِمِ أَغَبَنْ شَيْدُ عَيَنْكِنْ ڧَسَرْ بِلِيَامِنُ دَ وُرَارٜىٰنْ دَسُكٜىٰ كٜىٰوَيٜىٰ دَ عُرُوشَلِيمَ دَ ثِكِنْ غَرُضُوً يَهُودَ دَ غَرُضُوً يَنْكِنْ تُدَّيْ دَ غَرُضُوً دَسُكٜىٰ عَڧأَنَانً تُدَّيْ دَ غَرُضُوً دَسُكٜىٰ أَ نٜىٰغٜىٰبْ؞ غَمَا ذَنْ مَيَرْ مُسُ دَ أَلْبَرْكُنْسُ؞ نِے يَهْوٜىٰهْ نَا ڢَطَا؞»‏

إِرْمِيَ 33:12

إِنْجِ يَهْوٜىٰهْ مَيْ ضُنْدُنَا ‏«‏يَنْذُ وَنَّنْ وُرِے يَذَمَ كُڢَيْ، بَابُ مُتُمْ كُواْ دَبَّ عَثِكِ؞ عَمَّا أَوُرِنَّنْ دَ كُمَ ثِكِنْ دُكَنْ غَرُرُوَنْسَ، ذَاعَ سَاكٜىٰ سَامُنْ ڢِيلَيٜىٰنْ كِيوُاْ عِنْدَ مَكِيَايَ ذَاسُ ذَوْنَ تَرٜىٰدَ غَرْكُنَنْسُ؞

إِرْمِيَ 33:7

ذَنْ كُمَ مَيَرْوَ إِسْرَٰٓءِيلَ دَ يَهُودَ دَ أَلْبَرْكُنْسُ؞ ذَنْ سَاكٜىٰ كَڢَسُ كَمَرْ يَدَّ سُكٜىٰ أَدَا؞

إِرْمِيَ 47:5

مُتَنٜىٰنْ غَاظَ سُنْ أَسْكٜىٰ كَنْسُ دُواْمِنْ نُونَ بَڧِنْ ثِكِ؞ أَنْ هَلَّكَ بِرْنِنْ أَشْكٜىٰلُوانْ، بِرْنِنْ ڧَتِّنْ مُتَنٜىٰ؞ يَا كُو ضَغُواْوَرْ ڧَتِّنْ مُتَنٜىٰنَّنْ، يَوْشٜىٰ ذَاكُ دَيْنَ ڟَڟَّٰغَ جِكُنَنْكُ؟

هِظْڧِيَالْ 39:25

‏«‏حَڧِيڧَ، إِنْجِنِ عُبَنْ‌غِجِ يَهْوٜىٰهْ، يَنْذُ ذَنْ مَيَرْوَ يَعْڧُوبَ دَ أَلْبَرْكُنْسَ، إِنُّونَ جِنْڧَيْنَ غَ دُكَنْ غِدَنْ إِسْرَٰٓءِيلَ، غَمَا إِنَدَ كِيشِ إِنْ‌غِرْمَمَ سُونَنَ مَيْ ڟَرْكِے؞

يُوشَعُ 6:11

‏«‏يَا كُو مُتَنٜىٰنْ يَهُودَ، أَنْشِرْيَ مُكُ رَانَرْ دَ ذَاكُ غِرْبٜىٰ حُكُنْثِنْكُ، أَ سَعَدَّ ذَنْ دَاوُاْ دَ مُتَنٜىٰنَ دَ عَكَ ݣُوشٜىٰ ذُوَا بَوْتَا، إِنْكُمَ مَيَرْ مُسُ دَ أَلْبَرْكُنْسُ؞»‏

عُواْبَدِيَ 1:19

‏«‏مُتَنٜىٰنْ نٜىٰغٜىٰبْ عَكُدُ ذَاسُ مَلَّكِ تُدَّنْ إِسُوَ؞ وَطَنْدَ سُكٜىٰ عَڧأَنَانً تُدَّنْ يَهُودَ، ذَاسُ مَلَّكِ ڢِيلَيٜىٰنْ ڢِلِسْتِيَاوَا، سُكُمَ مَلَّكِ ڧَسَرْ إِڢْرَيِمْ دَ سَمَرِيَ؞ ذُرِيَرْ بِلِيَامِنُ كُمَ ذَاسُ مَلَّكِ يَنْكِنْ غِلٜىٰيَدْ؞

مِيكَ 2:12

‏«‏حَڧِيڧَ ذَنْ تَتَّرَاكُ يَا ذُرِيَرْ يَعْڧُوبَ، ذَنْ تَتَّارَ ضَغُواْوَرْ جَمَعَرْ إِسْرَٰٓءِيلَ؞ ذَنْ حَطَكُ تَرٜىٰ كَمَرْ غَرْكٜىٰنْ تُمَكِ، كَمَرْ غَرْكٜىٰنْ تُمَكِ أَوُرِنْ كِيوُاْ، ذَاكُ ذَمَ بَبَّنْ تَارُوانْ جَمَعَ وَدَّ ذَاعَ جِ سُورُوتُنْسُ؞»‏

مِيكَ 4:10

يِبِرْغِمَ ثِكِنْ ذَاڢِ دَ نِيشِ، يَا كٜىٰ ذُوثِيَاتَ سِهِيُواْنَ، كَمَرْ مَثٜىٰ مَيْجِ دَ ذَاڢِنْ حَيْڢُوَ؞ غَمَا يَنْذُ ذَاكِ ڢِتَ دَغَ بِرْنِ، كِذَوْنَ عَتٜىٰنْتِ عَبَايَنْ غَرِ، ذَاكِ تَڢِے بَابِيلَ؞ دَغَ ثَنْ نٜىٰ يَهْوٜىٰهْ ذَيْڢَنْشٜىٰكِ دَغَ حَنُّنْ أَبُواْكَنْ غَابَنْكِ؞

مِيكَ 4:7

ذَنْ مَيْدَ غُرَغُ ضَغُواْوَرْ جَمَعَتَ، وَطَنْدَ عَكَ كُواْرَ كُمَ أَلْعُمَّ مَيْ ڧَرْڢِے؞ نِے يَهْوٜىٰهْ ذَنْيِ مُلْكِنْسُ عَتُدُنْ سِهِيُواْنَ، دَغَ يَنْذُ ذُوَا حَرْ أَبَدَا؞

زَڢَنِيَ 2:9

سَبُواْدَ حَكَ، نِے يَهْوٜىٰهْ مَيْ ضُنْدُنَا نَثٜىٰ، حَڧِيڧَ نَا ضَنْڟٜىٰ دَ رَيْنَ ثٜىٰوَ مُواْوَبْ ذَاتَ ذَمَ كَمَرْ سُواْدُوامْ، أَمُّواْنَاوَا كُمَ كَمَرْ غُواْمُواْرَ، ڧَسَرْ ذَاتَثِكَ دَ ڧَيُواْيِ مَيْ رَامُكَنْ غِشِرِ، مَرَرْ أَمْڢَانِ حَرْ أَبَدَا؞ ضَغُواْوَرْ جَمَعَتَ ذَاسُ ڨُوثٜىٰ مُسُ كَايَ، مُتَنٜىٰنَ دَ سُكَ ڟِيرَا ذَاسُ غَاجٜىٰسُ؞

زَڢَنِيَ 3:13

ضَغُواْوَرْ جَمَعَرْ إِسْرَٰٓءِيلَ بَذَاسُ سَاكٜىٰ عَيْكَتَ مُغُنْتَا بَ، بَذَاسُ كُمَ ڢَطِ ڧَضْيَابَ، بَذَاعَ سَامِ ڧَضْيَا عَبَاكِنْسُبَ كُواْ رُوطُ أَ هَرْشٜىٰنْسُبَ؞ ذَاسُيِ كِيوُاْ، سُݣُونْتَ بَاوَنْدَ ذَيْ ڟُواْرَتَرْ دَسُو؞»‏

زَڢَنِيَ 3:20

أَوَنَّنْ لُواْكَثِ ذَنْ كَٰوُاْكُ غِدَا، أَ لُواْكَثِنْدَ نَتَتَّرَاكُ؞ عِ، ذَنْسَا كُيِ سُونَ كُسَامِ يَبُواْ عَثِكِنْ دُكَنْ ڧَبِيلُنْ دُونِيَا، سَعَدَّ نَمَيَرْ مُكُ دَ أَلْبَرْكُنْكُ كُنَ غَنِ دَ عِدُوانْكُ؞ نِے يَهْوٜىٰهْ نَا ڢَطَا؞»‏

هَغَّيْ 1:12

سَيْ ظٜىٰرُبَّبٜىٰلْ طَنْ شٜىٰيَلْتِيٜىٰلْ دَ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ، تَرٜىٰدَ دُكَنْ ضَغُواْوَرْ جَمَعَرْ سُكَيِ بِيَيَّ دَ مُرْيَرْ يَهْوٜىٰهْ اللَّهْ نْسُ، سُكَ كُمَيِ بِيَيَّ دَ مَغَنَرْسَ تَبَاكِنْ أَنَّبِے هَغَّيْ وَنْدَ يَهْوٜىٰهْ اللَّهْ نْسُ يَعَيْكَ؞ سَيْ ڟُواْرُوانْ يَهْوٜىٰهْ كُوَ يَكَامَ جَمَعَرْ؞

هَغَّيْ 2:2

‏«‏كَيِ مَغَنَ دَ ظٜىٰرُبَّبٜىٰلْ طَنْ شٜىٰيَلْتِيٜىٰلْ ڠُومْنَنْ يَهُودَ دَ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ دَ كُمَ دُكَنْ ضَغُواْوَرْ جَمَعَرْ؞ كَتَمْبَيٜىٰسُ كَثٜىٰ،

لُكَّ 1:68

‏«‏أَلْبَرْكَ تَا تَبَّتَا غَ عُبَنْ‌غِجِ، اللَّهْ نَ إِسْرَٰٓءِيلَ!‏ يَذُواْ يَتَيْمَكِ مُتَنٜىٰنْسَ، يَكُمَ ڢَنْشٜىٰسُ؞

لُكَّ 7:16

سَيْ ڟُواْرُواْ يَكَامَسُ دُكَ، سُكَ طَوْكَكَ اللَّهْ سُنَ ثٜىٰوَ ‏«‏لَلَّيْ، وَنِ بَبَّنْ أَنَّبِے يَتَاشِ عَثِكِنْمُ!‏ اللَّهْ يَا ذُواْ دُواْمِنْ يَثٜىٰثِ مُتَنٜىٰنْسَ!‏»‏

أَيُّكَنْ مَنْذَنِّے 8:26

أَنَانً سَيْ وَنِ مَلاَىِٕكَنْ عُبَنْ‌غِجِ يَثٜىٰ وَ ڢِلِبُسْ ‏«‏تَاشِ كَبِے تَكُدُ، كَبِے حَنْيَرْ دَ تَڢِتُواْ دَغَ عُرُوشَلِيمَ ذُوَا غَاظَ،»‏ وَتُواْ حَنْيَرْ هَمَادَ؞

أَيُّكَنْ مَنْذَنِّے 8:40

عَمَّا ڢِلِبُسْ يَغَ كَنْسَ أَعَظُواْتُسْ؞ سَيْ يَظَظْذَاغَ دُكَنْ غَرُضُوً، يَنَ بَادَ لَابَرِ مَيْ دَاطِے، حَرْ يَكَيْ كَيْسَرِيَ؞

رُواْمَاوَا 11:5

حَكَ وَنَّنْ يَكَسَنْثٜىٰ عَيَنْظُ مَا؞ أَݣَويْ ضَغُواْوَرْ مُتَنٜىٰ وَطَنْدَ اللَّهْ يَذَاٻَا بِسَغَ أَلْحٜىٰرِنْسَ؞

رُوتْ 1:6

دَ نَعُواْمِ تَكٜىٰ ثَنْ عَڧَسَرْ مُواْوَبْ، سَيْتَجِ ثٜىٰوَ يَهْوٜىٰهْ يَا ظِيَرْثِ مُتَنٜىٰنْسَ يَبَاسُ عَبِنْثِ مَيْ يَوَ؞ سَيْ تَشِرْيَ تَتَاشِ تَرٜىٰدَ مَاتَنْ یَیَنْتَ سُكَ بَرْ مُواْوَبْ سُكُواْمَ ڧَسَرْتَ؞