رُواْمَاوَا 5:1 - أَتَّوْرَتْ دَ أَنَّبَاوَا

¹ سَبُواْدَ حَكَ تُنْدَيَكٜىٰ مُنْ سَامِ ذَمَ مَرَسَ لَيْڢِے أَغَبَنْ اللَّهْ تَوُرِنْ بَنْ‌غَسْكِيَ، مُنَدَ سَلَمَ دَ اللَّهْ كٜىٰنَنْ تَوُرِنْ عُبَنْ‌غِجِنْمُ عِيسَىٰ أَلْمَسِيحُ؞

رُواْمَاوَا 5:1 Iomraidhean Croise

أَيُوبَ 21:21

بَايَنْدَ ݣُونَكِنْ مُوغُنْ مُتُمْ سُنْ ڧَارٜىٰ، إِنَا ضُوَنْسَ دَ جِنْ دَاطِنْ عِيَلِنْسَ؟

زَبُورَا 122:6

يِ أَدُّعَ دُواْمِنْ سَلَمَرْ عُرُوشَلِيمَ، ‏«‏بَرِ مَاسُ ڧَوْنَرْكِ سُكَسَنْثٜىٰ دَ ݣُونْثِيَرْ رَيْ؞

عِشَايَ 27:5

عِدَنْ كُمَ مَاسُ غَابَادَنِے سُنْ مَنّٜىٰ مِنِ دُواْمِنْ إِنْ ڟَرٜىٰسُ، سَيْ سُنٜىٰمِ ذَمَنْ سَلَمَ دَنِے؞ عِ، بَرِ سُنٜىٰمِ ذَمَنْ سَلَمَ دَنِے؞»‏

عِشَايَ 32:17

أَمْڢَانِنْ يِنْ أَبِنْدَ يَكٜىٰ دَيْدَيْ، شِينٜىٰ سَلَمَ؞ أَبِنْ دَ يِنْ أَدَلْثِے ذَيْ حَيْڢَرْ، شِينٜىٰ نَڟُوَ دَ هُوتَوَا حَرْ أَبَدَا؞

عِشَايَ 54:13

دُكَنْ یَیَنْكِ كُوَ، نِے يَهْوٜىٰهْ نٜىٰ ذَنْ كُواْيَرْ دَسُو، ذَاسُ كُوَ يَلْوَتَ ثِكِنْ سَلَمَ؞

عِشَايَ 55:12

‏«‏ذَاكُ ڢِتَ ثِكِنْ ڢَضٍ ثِكِ، ذَاعَ بِدَكُو ثِكِنْ سَلَمَ؞ تُدَّيْ دَ مَنْيَنْ تُدَّيْ ذَاسُ ٻَرْكٜىٰ دَ وَاڧَا تَرٜىٰدَكُو، دُكَنْ عِتَتُوَ ذَاسُ بُغَ حَنُّ دُواْمِنْ مُرْنَ!‏

حَبَكُّكْ 2:4

غَاشِ، وَطَنْدَ ذُوثِيَارْسُ بَ دَيْدَيْبَ، بَذَاسُ رَايُبَ؞ عَمَّا مَاسُ أَدَلْثِے، تَوُرِنْ بَنْ‌غَسْكِيَرْسُ، ذَاسُ رَايُ؞»‏

زَكَرِيَّا 6:13

شِينٜىٰ ذَيْ غِنَا هَيْكَلِنْ يَهْوٜىٰهْ يَكُمَ كَسَنْثٜىٰ دَ طَوْكَكَ؞ ذَيْ كُوَ ذَوْنَ يَيِ مُلْكِ عَكُجٜىٰرَرْ مُلْكِنْسَ، يَكُمَ كَسَنْثٜىٰ ڢِرِسْتِ عَكُجٜىٰرَرْ مُلْكِنْسَ؞ كُواْمٜىٰ كُوَ ذَيْ كَسَنْثٜىٰ ثِكِنْ سَلَمَ؞

لُكَّ 19:38

سُنَ ثٜىٰوَ ‏«‏أَلْبَرْكَ تَا تَبَّتَا غَ سَرْكِے وَنْدَ يَكٜىٰ ذُوَا عَثِكِنْ سُونَنْ عُبَنْ‌غِجِ!‏ سَلَمَ تَا كَسَنْثٜىٰ أَ سَمَ، طَوْكَكَ كُمَ غَ اللَّهْ!‏»‏

لُكَّ 19:42

يَثٜىٰ ‏«‏دَمَا عَثٜىٰ يَوْ كُنْ سَنْ أَبِنْدَ عَكٜىٰ بُڧَاتَ دُواْمِنْ سَامُنْ سَلَمَ!‏ عَمَّا غَاشِ بَذَاكُ عِيَ غَنِبَ؞

لُكَّ 2:14

‏«‏طَوْكَكَ غَ اللَّهْ عَثَنْ ثِكِنْ سَمَ!‏ عَدُونِيَا بَرِ سَلَمَ تَكَسَنْثٜىٰ تَرٜىٰدَ وَطَنْدَ اللَّهْ يَكٜىٰ جِنْ دَاطِنْسُ!‏»‏

يَحْيَى 14:27

‏«‏نَبَرْكُ دَ سَلَمَ؞ سَلَمَتَ نَكٜىٰ بَاكُ؞ بَكَمَرْ يَدَّ دُونِيَا تَكٜىٰ بَايَرْوَ نَكٜىٰ بَاكُبَ؞ كَدَ كُدَامُ، كَدَ كُمَ كُجِڟُواْرُواْ؞

يَحْيَى 16:33

‏«‏نَڢَطَا مُكُ وَطَنَّنْ أَبُبُوَ نٜىٰ دُواْمِنْ عَثِكِنَ كُسَامِ سَلَمَ؞ عَثِكِنْ دُونِيَرْ نَنْ كُنَ شَنْ عَذَابَ، عَمَّا كُكَسَنْثٜىٰ دَ ڧَرْڢِنْ ذُوثِيَا غَمَا نَايِنَصَرَا عَكَنْ دُونِيَا؞»‏

يَحْيَى 20:31

عَمَّا أَنْرُبُوتَ وَطَنَّنْ نٜىٰ، دُواْمِنْ كُبَادَ غَسْكِيَ ثٜىٰوَ عِيسَىٰ شِينٜىٰ أَلْمَسِيحُ، طَنْ اللَّهْ؞ سَعَنً كُمَ، تَوُرِنْ بَادَ غَسْكِيَ كُسَامِ رَيْ عَثِكِنْ سُونَنْسَ؞

يَحْيَى 5:24

‏«‏حَڧِيڧَ، إِنَ غَيَ مُكُ، دُكْ مُتُمِنْ دَيَكٜىٰ جِنْ مَغَنَاتَ، يَنَ كُمَ بَادَ غَسْكِيَ غَ وَنْدَ يَعَيْكُواْنِ، يَنَدَ رَيْ نَهَرْ أَبَدَا؞ بَذَاعَيِ مَسَ حُكُنْثِبَ، يَارِغَا يَڧٜىٰتَرٜىٰ مُتُوَ ذُوَا رَيْ؞

أَيُّكَنْ مَنْذَنِّے 10:36

كُنْ سَنْ سَڧُوانْدَ يَعَيْكُواْوَ جَمَعَرْ إِسْرَٰٓءِيلَ، أَنَبَاسُ لَابَرِ مَيْ دَاطِے نَسَلَمَ تَوُرِنْ عِيسَىٰ أَلْمَسِيحُ، شِينٜىٰ كُوَ عُبَنْ‌غِجِنْ كُواْوَ؞

رُواْمَاوَا 1:17

غَمَا تَوُرِنْ لَابَرِنَّنْ مَيْ دَاطِے نٜىٰ أَنَ بَيَّنَ أَدَلْثِنْ نَنْ وَنْدَ دَغَ وُرِنْ اللَّهْ يَكٜىٰ، كُمَ أَنَ سَامُنْ أَدَلْثِنَّنْ تَوُرِنْ بَنْ‌غَسْكِيَ دَغَ ڢَرْكُواْ حَرْ ذُوَا ڧَرْشٜىٰ؞ كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ ثٜىٰوَ ‏«‏مَيْ أَدَلْثِے، تَوُرِنْ بَنْ‌غَسْكِيَ نٜىٰ ذَيْ رَايُ؞»‏

رُواْمَاوَا 1:7

غَ دُكَنْكُ دَ كُكٜىٰ أَ رُواْمَ، وَطَنْدَ اللَّهْ يَكٜىٰ ڧَوْنَ يَكُمَ كِرَاكُ كُذَمَ ڟَرْكَكَا، أَلْحٜىٰرِ دَ سَلَمَ دَغَ اللَّهْ عُبَنْمُ دَ كُمَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

رُواْمَاوَا 10:10

غَمَا دَ ذُوثِيَا نٜىٰ عَكَنْ بَادَ غَسْكِيَ أَ سَامِ ذَمَ مَرَرْ لَيْڢِے أَغَبَنْ اللَّهْ، كُمَ دَ بَاكِ نٜىٰ عَكَنْ بَادَ شَيْدَ أَ سَامِ ثٜىٰتُواْ؞

رُواْمَاوَا 10:15

تَيَيَا كُمَ مَاسُ وَعَظِ ذَاسُيِ وَعَظِ إِنْ بَعَعَيْكٜىٰسُبَ؟ كَمَرْ يَدَّ يَكٜىٰ أَرُبُوثٜىٰ ثٜىٰوَ ‏«‏إِنَا مِصَالِنْ بَنْ شَعَوَرْ مَاسُ كَٰوُاْ لَابَرِ مَيْ دَاطِے!‏»‏

رُواْمَاوَا 14:17

غَمَا مُلْكٍ اللَّهْ بَذَنْثٜىٰنْ ثِ دَ شَا بَنٜىٰ، عَمَّا ذَنْثٜىٰنْ أَدَلْثِے نٜىٰ دَ سَلَمَ دَ ڢَضٍ ثِكِ عَثِكِنْ رُوحُ مَيْ ڟَرْكِے؞

رُواْمَاوَا 15:13

بَرِ اللَّهْ مَيْ كَٰوُاْ سَا ذُوثِيَا يَبَاكُ ثِكَكّٜىٰنْ ڢَضٍ ثِكِ دَ سَلَمَ أَ سَعَدَّ كُكٜىٰ بَادَ غَسْكِيَ غَرٜىٰشِ، دُواْمِنْ كُيَلْوَتَ دَ سَا ذُوثِيَا تَوُرِنْ إِيكُوانْ رُوحُ مَيْ ڟَرْكِے؞

رُواْمَاوَا 15:33

اللَّهْ مَيْ بَادَ سَلَمَ يَكَسَنْثٜىٰ تَرٜىٰدَكُو دُكَ؞ أَمِينْ؞

رُواْمَاوَا 3:22

أَدَلْثِنَّنْ وَنْدَ دَغَ وُرِنْ اللَّهْ يَكٜىٰ، أَنَ سَامُنْسَنٜىٰ تَوُرِنْ بَنْ‌غَسْكِيَ ثِكِنْ عِيسَىٰ أَلْمَسِيحُ، اللَّهْ يَبَادَ أَدَلْثِنَّنْ غَ دُكَنْ مَاسُ بَادَ غَسْكِيَ؞ بَا كُوَ وَنِ بَمْبَنْثِ،

رُواْمَاوَا 3:30

غَمَا اللَّهْ طَيَنٜىٰ؞ ذَيْسَا مَاسُ كَاثِيَ سُسَامِ ذَمَ مَرَسَ لَيْڢِے أَغَرٜىٰشِ تَوُرِنْ بَنْ‌غَسْكِيَ، حَكَمَا مَرَسَ كَاثِيَ ذَاسُ سَامِ ذَمَ مَرَسَ لَيْڢِے تَوُرِنْ وَنَّنْ بَنْ‌غَسْكِيَ؞

رُواْمَاوَا 4:5

تُواْ، مُتُمِنْ دَ بَيْ دُواْغَضَ غَ أَيُّكَنْسَبَ، عَمَّا يَدُواْغَرَ غَ اللَّهْ وَنْدَ شِينٜىٰ يَكٜىٰسَا مَرَسَ حَلِنْ اللَّهْ سُسَامِ ذَمَ مَرَسَ لَيْڢِے أَغَرٜىٰشِ، ذَاعَ طَوْكِ بَنْ‌غَسْكِيَرْ مُتُمِنَّنْ كَمَرْ أَدَلْثِنْسَ كٜىٰنَنْ؞

رُواْمَاوَا 5:11

ڢِيٜىٰ دَهَكَ، حَرْ مُنَڢَضٍ ثِكِ سَبُواْدَ أَبِنْدَ اللَّهْ يَيِ تَوُرِنْ عُبَنْ‌غِجِنْمُ عِيسَىٰ أَلْمَسِيحُ، وَنْدَ تَوُرِنْسَنٜىٰ عَكَ شِرْيَ ڟَكَانِنْمُ دَ اللَّهْ؞

رُواْمَاوَا 5:18

سَبُواْدَ حَكَ، كَمَرْ يَدَّ كَرْيَ دُواْكَا تَمُتُمْ طَيَ تَجَٰوُاْ حُكُنْثِنْ مُتُوَ عَكَنْ كُواْوَ، حَكَكُمَ عَيْكَتَ أَدَلْثِے نَمُتُمْ طَيَ يَكَٰوُاْ أَلْبَرْكَ غَ كُواْوَ، وَتُواْ سَامُنْ ذَمَ مَرَرْ لَيْڢِے أَغَبَنْ اللَّهْ دَ كُمَ سَابُوانْ رَيْ؞

رُواْمَاوَا 6:23

غَمَا سَكَمَكُوانْ ذُنُوبِ شِينٜىٰ مُتُوَ، عَمَّا ݣَوْتَرْ اللَّهْ عِتَثٜىٰ رَيْ نَهَرْ أَبَدَا تَوُرِنْ أَلْمَسِيحُ عِيسَىٰ عُبَنْ‌غِجِنْمُ؞

رُواْمَاوَا 9:30

تُواْ، يَيَ كٜىٰنَنْ؟ أَيْ، وَطَنْدَ بَا يَهُودَاوَا بَ وَطَنْدَ بَسُيِ ڧُواْڧَرِ سُسَامِ أَدَلْثِنْ اللَّهْ بَ، سُنْسَامُ؞ أَدَلْثِنَّنْ دَ سُكَ سَامُ كُوَ إِرِنْ وَنْدَ عَكٜىٰ سَامُوَ تَبَنْ‌غَسْكِيَ نٜىٰ؞

غَلَاتِيَاوَا 2:16

مُنْ سَنِ ثٜىٰوَ مُتُمْ بَذَيْسَامِ ذَمَ مَرَرْ لَيْڢِے أَغَبَنْ اللَّهْ تَوُرِنْ بِنْ كُواْيَرْوَرْ مُوسَٰى بَ، سَيْدَيْ عِدَنْ يَابَادَ غَسْكِيَ غَ عِيسَىٰ أَلْمَسِيحُ؞ سَبُواْدَ حَكَ مُو مَا مُنْ بَادَ غَسْكِيَ غَ أَلْمَسِيحُ عِيسَىٰ؞ مُنْيِ حَكَ دُواْمِنْ مُسَامِ ذَمَ مَرَسَ لَيْڢِے أَغَبَنْ اللَّهْ تَوُرِنْ دُواْغَضَ غَ أَلْمَسِيحُ بَتَوُرِنْ يِنْ أَيُّكَنْ كُواْيَرْوَرْ مُوسَٰى بَ؞ غَمَا بَابُوَنْدَ ذَيْسَامِ ذَمَ مَرَرْ لَيْڢِے أَغَبَنْ اللَّهْ تَوُرِنْ بِنْ كُواْيَرْوَرْ مُوسَٰى؞

غَلَاتِيَاوَا 3:25

يَنْذُ كُوَ دَيَكٜىٰ بَنْ‌غَسْكِيَ تَاذُواْ، بَمُكَسَنْثٜىٰ عَڧَرْڧَشِنْ رٜىٰنُوانْ كُواْيَرْوَرْ مُوسَٰى بَ كُمَ؞

غَلَاتِيَاوَا 5:22

عَمَّا حَلِنْ دَ رُوحٌ اللَّهْ يَكٜىٰ حَيْڢَرْوَ شِينٜىٰ ڧَوْنَ دَ ڢَضٍ ثِكِ دَ سَلَمَ دَ حَڧُرِ دَ كِرْكِ دَ نَغَرْتَادَ أَمِنْثِ،

أَڢِسَاوَا 2:7

اللَّهْ يَيِ وَنَّنْ كُوَ دُواْمِنْ أَ زَامَانِ مَيْ ذُوَا يَنُونَ أَلْحٜىٰرِنْسَ عَيَلْوَثٜىٰ مَرَرْ إِيَاكَ؞ أَلْحٜىٰرِنَّنْ نَاسَ، يَنُونَ مَنَشِ عَثِكِنْ أَلْمَسِيحُ عِيسَىٰ؞

ڢِلِبِيَاوَا 3:9

إِنْكُمَ ذَمَ عَثِكِنْسَ؞ وَنَّنْ كُوَ بَسَبُواْدَ أَدَلْثِنَ تَوُرِنْ كِيَايٜىٰ كُواْيَرْوَرْ مُوسَٰى بَ، سَيْدَيْ تَوُرِنْ أَدَلْثِنَّنْ وَنْدَ يَكٜىٰ ڢِتُواْوَ دَغَ بَنْ‌غَسْكِيَ ثِكِنْ أَلْمَسِيحُ، وَتُواْ أَدَلْثِنَّنْ دَ عَكٜىٰ سَامُ دَغَ اللَّهْ تَوُرِنْ بَنْ‌غَسْكِيَ؞

كُواْلُواْسِيَاوَا 1:20

تَوُرِنْ أَلْمَسِيحُ كُمَ يَمَيْدَ دُكَنْ حَلِتَّرْسَ وُرِنْسَ؞ وَتُواْ، تَوُرِنْ ظُبْدَ جِنِنْ طَنْ عَكَنْ غِثِّيٜىٰ، يَكَڢَ زُمُنْثِ ڟَكَانِنْسَ دَ دُكَنْ أَبُبُوَ وَطَنْدَ سُكٜىٰ أَ سَمَ دَ كُمَ وَطَنْدَ سُكٜىٰ عَڧَسَا؞

كُواْلُواْسِيَاوَا 3:15

بَرِ سَلَمَ تَ أَلْمَسِيحُ تَيِ مُلْكِ أَ ذُوثِيَارْكُ، غَمَا سَبُواْدَ سَلَمَرْ نَنْ ثٜىٰ اللَّهْ يَكِرَاكُ ثِكِنْ جِكِے طَيَ، كُكُمَ كَسَنْثٜىٰ مَاسُ غُواْدِيَ؞

1 تَسَلُواْنِكَاوَا 5:23

بَرِ اللَّهْ دَ كَنْسَ، مَيْ سَلَمَ، يَڟَرْكَكٜىٰكُ غَبَاطَيَ، يَكُمَ كِيَايٜىٰ رُوحُنْكُ دَ رَنْكُ دَ جِكِنْكُ دُكَ مَرَرْ تَبُواْ حَرْ رَانَرْ دَاوُاْوَرْ عُبَنْ‌غِجِنْمُ عِيسَىٰ أَلْمَسِيحُ؞

2 تَسَلُواْنِكَاوَا 3:16

تُواْ، عُبَنْ‌غِجِ مَيْ سَلَمَ، شِيدَ كَنْسَ يَبَاكُ سَلَمَ عَكُواْوَنٜىٰ لُواْكَثِ، عَكُواْوَنٜىٰ حَلِ؞ عُبَنْ‌غِجِ يَكَسَنْثٜىٰ تَرٜىٰدَكُو دُكَ؞

إِبْرَانِيَاوَا 13:20

اللَّهْ يَا تَادَ عِيسَىٰ عُبَنْ‌غِجِنْمُ دَغَ مَتَتُّو تَوُرِنْ جِنِنْ يَرْجٜىٰجٜىٰنِيَرْ نَنْ تَهَرْ أَبَدَا، عِيسَىٰ وَنْدَ يَكٜىٰ مَكِيَايِنْ تُمَكِ مَيْغِرْمَ؞ إِنَ ضُواْڧُوانْ اللَّهْ مَيْ بَادَ سَلَمَ يَثِكَكُ دَ كُواْوَنٜىٰ أَبُ مَيْݣَوْ دُواْمِنْ كُيِ نُڢِنْسَ، يَكُمَ دِنْ‌غَ عَيْكَتَ عَثِكِنْكُ أَبِنْدَ يَڢَرَنْتَ مَسَ رَيْ تَوُرِنْ عِيسَىٰ أَلْمَسِيحُ؞ طَوْكَكَ تَتَبَّتَا غَ أَلْمَسِيحُ حَرْ أَبَدَا أَبَدِنْ؞ أَمِينْ؞