رُواْمَاوَا 1:14 - أَتَّوْرَتْ دَ أَنَّبَاوَا

¹⁴ أَݣَويْ حَكِّنْ كُواْوَ عَكَيْنَ، نَمُتَنٜىٰنْ بِرْنِ دَ نَمُتَنٜىٰنْ ڧَوْيٜىٰ، نَمَاسُ عِلِمِ دَ نَمَرَسَ عِلِمِ؞

رُواْمَاوَا 1:14 Iomraidhean Croise

كَرِنْ مَغَنَ 1:22

‏«‏حَرْ يَوْشٜىٰ، كُو مَرَسَ تُنَانِ، ذَاكُ سُواْ كُكَسَنْثٜىٰ مَرَسَ تُنَانِ؟ حَرْ يَوْشٜىٰ، كُو مَاسُ رٜىٰنِ، ذَاكُجِ دَاطِنْ بَعَرْ دَ كُكٜىٰيِ، كُو وَوَيٜىٰ كُمَ كُنْڧِ سَنِ؟

كَرِنْ مَغَنَ 8:5

كُو مَرَسَ تُنَانِ، كُكُواْيِ يِنْ وَيُواْ مَنَ!‏ كُو وَوَيٜىٰ، كُنٜىٰمِ غَانٜىٰوَ؞

عِشَايَ 35:8

حَنْيَ مَيْݣَوْ ذَاتَ كَسَنْثٜىٰ أَوُرِنْ، ذَاعَ كِرَتَ ‏«‏حَنْيَرْ ڟَرْكِے؞»‏ بَا مَيْ ڧَظَنْتَا وَنْدَ ذَيْبِے تَهَنْيَرْ نَنْ؞ ذَاتَ كَسَنْثٜىٰ تَمُتَنٜىٰنْ اللَّهْ، حَرْ وَوَيٜىٰ مَا بَذَاسُبِے تَهَنْيَرْبَ؞

مَتِيُ 11:25

أَوَنَّنْ لُواْكَثِ نٜىٰ عِيسَىٰ يَثٜىٰ ‏«‏نَا غُواْدٜىٰ مَكَ، يَا عُبَا، عُبَنْ‌غِجِنْ سَمَ دَ دُونِيَا، سَبُواْدَ كَٻُواْيٜىٰ وَطَنَّنْ أَبُبُوَ غَ مَاسُ حِكِمَ دَ مَاسُ عِلِمِ، كَكُمَ بَيَّنَ وَیَنْ يَارَا؞

لُكَّ 10:21

أَوَنَّنْ لُواْكَثِ، عِيسَىٰ ثِكٜىٰ دَ ڢَضٍ ثِكِ تَوُرِنْ رُوحُ مَيْ ڟَرْكِے، يَثٜىٰ، ‏«‏نَا غُواْدٜىٰ مَكَ، يَا عُبَا، عُبَنْ‌غِجِنْ سَمَ دَ دُونِيَا، دُواْمِنْ كَا ٻُواْيٜىٰ وَطَنَّنْ أَبُبُوَ غَ مَاسُ حِكِمَ دَ مَاسُ عِلِمِ، كَكُمَ بَيَّنَسُ غَ یَنْ يَارَا؞ حَكَنٜىٰ يَا عُبَا، غَمَا وَنَّنْ شِينٜىٰ أَبِنْدَ يَيِمَكَ ݣَوْ؞

أَيُّكَنْ مَنْذَنِّے 22:21

‏«‏سَيْ عُبَنْ‌غِجِ يَثٜىٰ مِنِ، ‏‹‏تَاشِ كَتَڢِے، ذَنْعَيْكٜىٰكَ ثَنْ نٜىٰسَ وُرِنْ وَطَنْدَ بَا يَهُودَاوَا بَ؞›‏ »‏

أَيُّكَنْ مَنْذَنِّے 28:2

مُتَنٜىٰنْ وُرِنْ كُوَ سُنْيِ مَنَ أَلْحٜىٰرِ ڨُورَيْ دَ غَسْكٜىٰ؞ سَيْ سُكَ كَرْٻٜىٰمُ دُكَ، سُكَ هُورَ مَنَ وُتَا غَمَا أَنَ ضُوَ أَنَ كُمَ سَنْيِ؞

أَيُّكَنْ مَنْذَنِّے 28:4

دَ مُتَنٜىٰنْ وُرِنْ سُكَغَ مَثِيجِنْ يَنَ لِلُواْ أَ حَنُّنْ بُلُسْ، سَيْ سُكَثٜىٰ وَجُونَنْسُ ‏«‏لَلَّيْ مُتُمِنَّنْ مَيْ كِسَنْ كَيْنٜىٰ!‏ غَاشِ، كُواْدَيَكٜىٰ يَڟِيرَا دَغَ تٜىٰكُ، دُكْدَهَكَ أَلْحَكِ يَنَ بِنْسَ سَيْ يَمُتُ؞»‏

أَيُّكَنْ مَنْذَنِّے 9:15

عَمَّا عُبَنْ‌غِجِ يَثٜىٰ مَسَ ‏«‏كَيْ دَيْ، كَجٜىٰ، دُواْمِنْ شِے مُتُمْ نٜىٰ دَ نَذَاٻَا يَيِ عَيْكِنَ دُواْمِنْ يَسَنَرْدَ سُونَنَ غَ وَطَنْدَ بَا يَهُودَاوَا بَ دَ سَرَاكُنَ دَ كُمَ إِسْرَٰٓءِيلَاوَا؞

رُواْمَاوَا 1:22

كُواْدَيَكٜىٰ سُنْثٜىٰ وَيْ سُو مَاسُ حِكِمَنٜىٰ، عَمَّا سُو وَوَيٜىٰنٜىٰ؞

رُواْمَاوَا 11:25

بَانَ سُواْ كُكَسَنْثٜىٰ دَ رَشِنْ سَنِنْ وَنَّنْ أَسِيرِ یَنْعُوَ، دُواْمِنْ كَدَ كُطَوْكِ كَنْكُ كُو مَاسُ حِكِمَ نٜىٰ؞ تَوْرِنْ ذُوثِيَا يَڢَرُ غَ سَاشٜىٰ نَ إِسْرَٰٓءِيلَ حَرْ دُكَنْ يَوَنْ وَطَنْدَ بَا يَهُودَاوَا بَ دَ ذَاسُ شِغَ وُرِنْ اللَّهْ يَثِكَ؞

رُواْمَاوَا 12:16

كُيِ ذَمَنْ لَاڢِيَ دَ جُونَ؞ كَدَ كُنُونَ حَلِنْ طَغَ كَيْ، عَمَّا كُمَيْدَ كَنْكُ أَبُواْكَيْ غَ وَطَنْدَ بَعَطَوْكٜىٰسُ عَبَاكِنْ كُواْمٜىٰبَ؞ كَدَ كُطَوْكِ كَنْكُ كَمَرْ كُنْڢِے سَوْرَنْ مُتَنٜىٰ وَيُواْ؞

رُواْمَاوَا 13:8

كَدَ كُرِڧٜىٰ حَكِّنْ كُواْوَ، سَيْدَيْ حَكِّنَّنْ وَنْدَ يَذَمَ مُكُ دُواْلٜىٰ كُيِ، وَتُواْ، حَكِّنْ ڧَوْنَرْ جُونَ، غَمَا وَنْدَ يَكٜىٰ ڧَوْنَرْ وَنِ يَثِكَ كُواْيَرْوَرْ مُوسَٰى كٜىٰنَنْ؞

رُواْمَاوَا 16:19

كُواْوَ يَجِ لَابَرِ يَدَّ كُكٜىٰيِنْ بِيَيَّ، وَنَّنْ كُوَ يَسَا إِنَ ڢَضٍ ثِكِ سَبُواْدَكُو؞ عَمَّا إِنَ سُواْ كُذَمَ مَاسُ حِكِمَ غَ أَبِنْدَ يَكٜىٰ مَيْݣَوْ، كُكُمَ ذَمَ مَرَسَ لَيْڢِے غَ دُكْ أَبِنْدَ يَشَاڢِ مُغُنْتَا؞

رُواْمَاوَا 8:12

سَبُواْدَ حَكَ، یَنْعُوَ، مُنَدَ حَكِّ، عَمَّا بَانَ يِنْ رَايُوَرْ دَ حَلِنْ مُتُنْتَكَرْمُ يَكٜىٰسُواْبَ؞

1 كُواْرِنْتِيَاوَا 14:11

عِدَنْ كُوَ بَانَ جِنْ يَرٜىٰنْ، سَيْ إِنْذَمَ بَڧُواْ غَ مَيْ مَغَنَرْ، مَيْ مَغَنَرْ كُمَ يَذَمَ بَڧُواْ غَرٜىٰنِ؞

1 كُواْرِنْتِيَاوَا 14:16

عِدَنْ بَهَكَبَ، إِنْ كَا غُواْدٜىٰ وَ اللَّهْ دَ رُوحُ كَوَيْ، تَيَيَا وَنْدَ يَكٜىٰ سَوْرَرُوانْكَ دَ بَايَ غَانٜىٰ وَنَّنْ يَرٜىٰ ذَيْثٜىٰ ‏«‏أَمِينْ»‏ عَكَنْ غُواْدِيَرْ دَ كَكٜىٰيِ، إِنْ بَيْ سَنْ أَبِنْدَ كَكٜىٰ ڢَطَا بَ؟

1 كُواْرِنْتِيَاوَا 2:13

مُنَ كُمَ غَيَ مُكُ وَطَنَّنْ أَبُبُوَ، بَ دَ كَلْمُواْمِنْ دَ عَكٜىٰ كُواْيَرْوَا تَحِكِمَرْ مُتُمْبَ، سَيْدَيْ تَ رُوحُ، تَوُرِنْ بَيَّنَ أَبُبُوَنْ رُوحُ غَ وَطَنْدَ سُكٜىٰ نَ رُوحُ؞

1 كُواْرِنْتِيَاوَا 3:18

كَدَ كُواْوَ يَرُوطِ كَنْسَ؞ عِدَنْ وَنِ يَنَ ڟَمَّنِ شِے مَيْ حِكِمَ نٜىٰ بِسَغَ يَدَّ دُونِيَا تَطَوْكِ حِكِمَ، سَيْ يَمَيْدَ كَنْسَ كَمَرْ وَاوَا دُواْمِنْ يَذَمَ مَيْ حِكِمَ؞

2 كُواْرِنْتِيَاوَا 10:12

وَنٜىٰ مُو!‏ أَيْ، بَمُ إِسَ مُڠُودَ، كُواْ مُطَوْكِ كَنْمُ كَمَرْ مُتَنٜىٰنْ دَسُكٜىٰ غَنِ سُنْڢِے كُواْوَبَ؞ سُو وَطَنَّنْ مُتَنٜىٰ مَاسُ عَوْنَ كَنْسُ دَ جُونَ، سُنَ كُمَ نٜىٰمَنْ بَمْبَنْثِ ڟَكَانِنْسُ دَ جُونَ، سُو وَوَيٜىٰنٜىٰ!‏

2 كُواْرِنْتِيَاوَا 11:19

كُو كَمْ كُنَدَ وَيُواْ سُواْسَيْ، حَرْ تَرٜىٰدَ مُرْنَ كُنَ جِمْرٜىٰ وَ وَوَيٜىٰ!‏

كُواْلُواْسِيَاوَا 3:11

دَيَكٜىٰ كُنْ سَامِ سَابُوانْ حَلِ، بَابُ سَوْرَنْ بَمْبَنْثِ ڟَكَانِنْكُ كٜىٰنَنْ دَ يَهُودَاوَا دَ وَطَنْدَ بَا يَهُودَاوَا بَ دَ مَيْ كَاثِيَ دَ مَرَرْ كَاثِيَ دَ مَيْ طَنْيٜىٰنْ حَلِ دَ مُتُمِنْ ڧَوْيٜىٰ دَ بَاوَ دَ مَيْ یَنْثِ، دُكَنْسُ طَيَ نٜىٰ غَمَا أَلْمَسِيحُ شِينٜىٰ كُواْمٜىٰ، شِينٜىٰ كُمَ يَكٜىٰ ثِكِنْمُ دُكَ؞

2 تِمُواْتِ 2:10

دُواْمِنْ حَكَ، نَجِمْرٜىٰ دَكُواْمٜىٰ سَبُواْدَ وَطَنْدَ عَكَ ذَاٻَا، دُواْمِنْ سُو مَا سُسَامِ ثٜىٰتُواْنَّنْ وَنْدَ يَكٜىٰ تَوُرِنْ أَلْمَسِيحُ عِيسَىٰ، تَرٜىٰدَ مَدَوَّمِيَرْ طَوْكَكَ؞

تِيتُسْ 3:3

غَمَا مُو مَا أَدَا وَوَيٜىٰنٜىٰ، مَرَسَ بِيَيَّ، عَكَ كُوَ رُوطٜىٰمُ، مُنْ ذَمَ بَايِنْ شَعَوَثٜىٰ شَعَوَثٜىٰ دَ ݣُوطَيِ إِرِ إِرِ، مُكَ كُمَيِ رَايُوَرْمُ ثِكِنْ كِيشِ دَ ڧِيَيَّرْ ذُوثِيَا؞ مُتَنٜىٰ سُكَڧِيمُ، مُو كُمَ مُكَ ڧِيسُ؞