ڢِرِسْتُواْثِے 7:18 - أَتَّوْرَتْ دَ أَنَّبَاوَا

¹⁸ عِدَنْ أَنْثِ نَامَنْ هَدَايَ تَڠَرَنْ زُمُنْثِ أَ رَانَ تَ عُكُ، تُواْ يَهْوٜىٰهْ بَذَيْ كَرْٻَ بَ، بَذَيْ لِسَّڢْتَا هَدَايَرْ مُتُمِنْدَ يَكَٰوُاْ تَ وَنِ أَبُبَ؞ نَامَنْ ذَيْ ذَمَ أَبِنْ ڨَمَ، كُمَ دُكْ وَنْدَ يَثِ نَامَنْ يَجَٰوُاْ وَكَنْسَ لَيْڢِے؞

ڢِرِسْتُواْثِے 7:18 Iomraidhean Croise

كَرِنْ مَغَنَ 15:8

هَدَايَرْ مُوغُ أَبِنْ ڨَمَ ثٜىٰ غَ يَهْوٜىٰهْ، عَمَّا يَهْوٜىٰهْ يَنَ جِنْ دَاطِنْ أَدُّعَرْ مَيْ غَسْكِيَ أَ ظُوثِ؞

عِشَايَ 65:4

غَ مُتَنٜىٰنْ دَ سُكَ شِغَ كُواْغُواْ دَ كَبَرِ دُواْمِنْ يِنْ مَغَنَ دَ رُوحُواْحِنْ مَتَتُّو، غَ مُتَنٜىٰنْ دَسُكٜىٰ ثِنْ نَامَنْ أَلَدٜىٰ، مَاسُ دَڢَ ڧَظَامَنْ نَامَ عَتُݣُونٜىٰنْسُ،

عِشَايَ 66:3

‏«‏بَنْ جِ دَاطِنْ سُجَّدَرْ مُتَنٜىٰبَ؞ مِيڧَ بِجِمِ هَدَايَ دَ كَشٜىٰ مُتُمْ أَوُرِينَ أَبُ طَيَ نٜىٰ؞ مِيڧَ طَنْ ضَغُواْ هَدَايَ دَ مِيڧَ كَرٜىٰ هَدَايَ أَوُرِينَ أَبُ طَيَ نٜىٰ؞ مِيڧَ حَڟِ هَدَايَ دَ مِيڧَ جِنِنْ أَلَدٜىٰ هَدَايَ أَوُرِينَ أَبُ طَيَ نٜىٰ؞ مِيڧَ مِنِ تُرَارٜىٰ هَدَايَ دَ سَا وَغُنْكِ أَلْبَرْكَ، أَوُرِينَ أَبُ طَيَ نٜىٰ؞ دُكَنْسُ سُكَ ذَاٻِ بِنْ رَعَيِنْ كَنْسُ، عَثِكِنْ سُجَّدَرْسُ تَڧَظَنْتَا سُكَجِ دَاطِے؞

إِرْمِيَ 14:10

غَا أَبِنْدَ يَهْوٜىٰهْ يَڢَطَا غَمٜىٰدَ جَمَعَرْ نَنْ، ‏«‏حَڧِيڧَ سُنَ سُواْ سُيِ تَيَٰوُاْ، حَنْكَلِنْسُ بَ أَوُرِے طَيَ يَكٜىٰبَ؞ سَبُواْدَ حَكَ، نِے يَهْوٜىٰهْ بَنْ كَرْٻٜىٰسُبَ، يَنْذُ ذَنْ تُنَ دَ لَيْڢُواْڢِنْسُ، إِنْ حُكُنْتَسُ دُواْمِنْ ذُنُبَنْسُ؞»‏

إِرْمِيَ 14:12

كُواْ دَ سُنْيِ أَظُمِ، بَذَنْجِ كُوكَنْسُبَ؞ كُواْ دَ سُنْ مِيڧَ مِنِ هَدَايُ نَڧُواْنَاوَا دَ نَهَڟِ، بَذَنْ كَرْٻٜىٰسُبَ؞ أَ مَيْمَكُوانْ حَكَ، ذَنْ كَشٜىٰسُ دَ تَكُواْبِے دَ يُنْوَ دَ بَلَعِ؞»‏

هِظْڧِيَالْ 18:20

دُكْ مُتُمِنْ دَ يَيِ ذُنُوبِ، شِ ذَيْ مُتُ؞ طَا بَذَيْ طَوْكِ أَلْحَكِنْ لَيْڢِنْ بَابَنْسَبَ، حَكَمَا بَابَ بَذَيْ طَوْكِ أَلْحَكِنْ لَيْڢِنْ طَنْسَبَ؞ يِنْ أَدَلْثِے نَمَيْ أَدَلْثِے ذَيْ كَسَنْثٜىٰ عَكَنْسَ، يِنْ مُغُنْتَا نَمُوغُ كُمَ ذَيْ كَسَنْثٜىٰ عَكَنْسَ؞

يُوشَعُ 8:13

سُكَنْجِ دَاطِنْ مِيڧَ مِنِ هَدَايُ دُواْمِنْ سُثِ نَامَنْ، عَمَّا نِے يَهْوٜىٰهْ بَانَجِنْ دَاطِنْسُ؞ تُواْ، يَنْذُ ذَنْ تُنَ دَ ذُنُبَنْسُ، ذَنْ كُمَ حُكُنْتَسُ دُواْمِنْ ذُنُبَنْسُ، ذَنْسَا سُكُواْمَ مَصَرْ!‏

ڢِرِسْتُواْثِے 10:17

‏«‏دُوانْمٜىٰ بَكُثِ نَامَنْ هَدَايَ تَوَنْكٜىٰ ذُنُوبِ أَوُرِے مَيْ ڟَرْكِے بَ؟ وَنَّنْ هَدَايَ تَنَدَ ڟَرْكِے سُواْسَيْ، عَيِتَ بِسَغَ ڧَٰعِدَ؞ اللَّهْ يَبَاكُ وَنَّنْ دُواْمِنْ عَكَوَرْدَ لَيْڢِنْ جَمَعَ، عَكُمَ طَوْكَ أَلْحَكِنْ ذُنُوبِنْسُ أَغَبَنْ يَهْوٜىٰهْ؞

ڢِرِسْتُواْثِے 10:19

هَٰرُونَ يَأَمْسَ يَثٜىٰ وَ مُوسَٰى ‏«‏غَاشِ، يَوْ نٜىٰ یَیَنَ سُكَ مِيڧَ هَدَايَرْسُ تَوَنْكٜىٰ ذُنُوبِ دَ هَدَايَرْسُ تَڧُواْنَاوَا غَ يَهْوٜىٰهْ؞ دُكْدَهَكَ یَیَنَ بِيُ سُكَ مُتُ!‏ دَاعَثٜىٰ نَثِ هَدَايَ تَوَنْكٜىٰ ذُنُوبِ يَوْ طِنَّنْ دَ يَهْوٜىٰهْ يَكَرْٻَ؟»‏

ڢِرِسْتُواْثِے 11:41

‏«‏دُكَنْ ڧأَنَانً دَبُّواْبِنْ دَسُكٜىٰ تَڢِيَ عَڧَسَا، ذَاسُ ذَمَ أَبِنْ ڨَمَنٜىٰ أَغَرٜىٰكُ؞ بَذَاكُثِبَ؞

ڢِرِسْتُواْثِے 17:16

عَمَّا عِدَنْ مُتُمِنْ بَيْ وَنْكٜىٰ رِيغُنَنْسَ كُواْ بَيْيِ وَنْكَ بَ، أَلْحَكِنْ لَيْڢِنْسَ يَنَ عَكَنْسَ؞›‏ »‏

ڢِرِسْتُواْثِے 19:5

‏«‏سَعَدَّ كُكَ مِيڧَ هَدَايَ تَڠَرَنْ زُمُنْثِ غَ يَهْوٜىٰهْ، سَيْ كُيِ هَدَايَرْ بِسَغَ ڧَٰعِدَ دُواْمِنْ عَكَرْٻَ؞

ڢِرِسْتُواْثِے 20:17

‏«‏عِدَنْ مُتُمْ يَا عَوْرِ یَرْعُوَرْسَ، وَتُواْ یَرْ بَابَنْسَ، كُواْ یَرْ مَامَرْسَ، حَرْ سُكَيِ جِمَاعِ دَ جُونَ، وَنَّنْ أَبِنْ ڧَسْڧَنْثِ نٜىٰ؞ أَغَبَنْ جَمَعَ، ذَاعَ كَوَرْ دَسُو دَغَ جَمَعَرْسُ، غَمَا مُتُمِنْ يَڧَسْڧَنْتَرْ دَ یَرْعُوَرْسَ، أَلْحَكِنْ لَيْڢِنْسَ يَنَ عَكَنْسَ؞

ڢِرِسْتُواْثِے 20:19

‏«‏بَذَاكَيِ جِمَاعِ دَ یَرْعُوَرْ مَامَرْكَ كُواْ یَرْعُوَرْ بَابَنْكَبَ؞ غَمَا يِنْ حَكَ ذَيْ ڧَسْڧَنْتَرْ دَ عِتَ؞ أَلْحَكِنْ ذُنُوبِنَّنْ يَنَ عَكَنْسُ؞

ڢِرِسْتُواْثِے 22:16

تَوُرِنْ يَرْدَ وَنْدَ بَ ڢِرِسْتِ بَنٜىٰ يَثِ دَغَ بَيٜىٰ بَيٜىٰ مَاسُ ڟَرْكِنْ؞ وَنَّنْ ذَيْ جَٰوُاْوَ مُتُمِنْ لَيْڢِنْدَ ذَيْ كَٰوُاْ حُكُنْثِ؞ نِنٜىٰ يَهْوٜىٰهْ وَنْدَ يَكٜىٰٻٜىٰسُ دَ ڟَرْكِے؞»‏

ڢِرِسْتُواْثِے 22:23

بِجِمِ كُواْ تُنْكِيَ وَطَنْدَ غَٻُواْٻِنْ جِكِنْسُ بَسُيِ دَيْدَيْ دَ جُونَ بَ، ذَاعَ عِيَ مِيڧَسُ بَايَرْوَ تَيَرْدَرْ رَيْ؞ عَمَّا عِدَنْ أَنْمِيڧَسُ دُواْمِنْ هَدَايَ تَثِكَ ضَنْڟُوَا ثٜىٰ، تُواْ، بَذَاعَ كَرْٻَبَ؞

ڢِرِسْتُواْثِے 22:25

بَذَاكُ كُمَ كَرْٻِ إِرِنْ دَبُّواْبِنَّنْ دَغَ بَڧُواْ كُمِيڧَسُ هَدَايَرْ عَبِنْثِ غَ اللَّهْ نْكُبَ؞ غَمَا بَسُ دَاثٜىٰ دُواْمِنْ هَدَايَ بَ سَبُواْدَ سُنَدَ رَوْنِ دَ تَبُواْ أَجِكِنْسُ؞ بَذَاعَ كَرْٻٜىٰسُ دُواْمِنْكُبَ؞»‏

ڢِرِسْتُواْثِے 5:17

‏«‏عِدَنْ وَنِ يَيِ ذُنُوبِ تَوُرِنْ عَيْكَتَ طَيَ دَغَ ثِكِنْ أَبُبُوَنْ دَ يَهْوٜىٰهْ يَعُمَرْتَ كَدَ عَيِ، بَاتَرٜىٰدَ سَنِنْسَبَ، تُواْ، يَيِ لَيْڢِے كٜىٰنَنْ، أَلْحَكِنْ لَيْڢِنْ يَنَ عَكَنْسَ؞

ڢِرِسْتُواْثِے 7:19

عِدَنْ نَامَنْ يَتَٻَ وَنِ أَبُ مَيْ ڧَظَنْتَا، بَذَاعَ ثِشِيبَ، ذَاعَ ڧُواْنٜىٰشِ دَ وُتَا؞ ‏«‏دُكْ مُتُمِنْ دَيَكٜىٰ مَرَرْ ڧَظَنْتَا ذَيْ عِيَ ثِنْ نَامَنْ هَدَايَرْ؞

عَمُواسْ 5:22

كُواْ دَ كُنْ مِيڧَ مِنِ هَدَايُنْكُ نَڧُواْنَاوَا، دَ هَدَايُنْكُ نَهَڟِ، بَذَنْ كَرْٻَبَ؞ بَذَنْ كُمَ كَرْٻِ دَبُّواْبِنْكُ مَاسُ ڧِبَ وَطَنْدَ كُكَ مِيڧَ مِنِ هَدَايُنْ ڠَرَنْ زُمُنْثِبَ؞

مَلَكَيْ 1:10

دَمَا وَنِ عَثِكِنْكُ ذَيْ كُلّٜىٰ ڧُواْڢَرْ هَيْكَلِنْ، دُواْمِنْ كَدَ كُكُنَّ وُتَا عَكَنْ بَغَدٜىٰنَ عَبَنْظَ!‏ بَانَ جِنْ دَاطِنْكُ، إِنْجِ يَهْوٜىٰهْ مَيْ ضُنْدُنَا، كُمَ بَذَنْ كَرْٻِ هَدَايُ دَغَ حَنُّنْكُبَ؞

مَلَكَيْ 1:13

غَاشِ، كُكَ هُورَ مِنِ حَنْثِ كُكَثٜىٰ، ‏‹‏مُنْ غَجِ دَ إِرِنْ وَنَّنْ أَبُ ڢَا!‏›‏ إِنْجِ يَهْوٜىٰهْ مَيْ ضُنْدُنَا؞ كُنْكَٰوُاْ أَبِنْدَ عَكَ ڨُوثٜىٰ ڧَرْڢِے دَ يَجِ كُواْ أَبِنْدَ يَكٜىٰ غُرْغُ، كُواْ أَبِنْدَ يَكٜىٰ مَرَرْ لَاڢِيَ، كُمَ وَطَنَّنْ نٜىٰ كُكَ كَٰوُاْ هَدَايُنْكُ!‏ كُنَ ڟَمَّنِ نِے ذَنْ كَرْٻِ وَنَّنْ دَغَ حَنُّنْكُ نٜىٰ؟ نِے يَهْوٜىٰهْ نَا ڢَطَا؞

ڧِدَايَ 18:27

وَنَّنْ بَايَرْوَ ذَاعَ لِسَّڢْتَاتَ كَمَرْ بَايَرْوَ وَدَّ مَنُواْمِ يَيِ، وَتُواْ بَايَرْوَ تَسَابُوانْ حَڟِ دَ تَسَابُوانْ ضُوً إِنَبِے؞

لُكَّ 16:15

عَمَّا عِيسَىٰ يَثٜىٰمُسُ ‏«‏كُو نٜىٰ مَاسُسُوانْ نُونَ أَغَبَنْ مُتَنٜىٰ ثٜىٰوَ كُو مَاسُ أَدَلْثِنٜىٰ؞ عَمَّا اللَّهْ يَسَنْ ذُوثِيَارْكُ؞ أَبُبُوَنْ دَ مُتَنٜىٰ سُكٜىٰ بَاسُ غِرْمَ، سُونٜىٰ اللَّهْ بَايَ مَا سُوانْ‌غَنِ؞

رُواْمَاوَا 4:11

عَمَّا دَ يَكَرْٻِ عَلَمَرْ كَاثِيَ، وَنَّنْ تَذَمَ عَلَمَرْ شَيْدَ غَمٜىٰدَ أَدَلْثِنْ دَ يَكٜىٰدَشِ بِسَغَ بَنْ‌غَسْكِيَرْسَ، تُنْ بَعَيِ مَسَ كَاثِيَبَ؞ سَبُواْدَ حَكَ إِبْرَٰهِيمْ يَذَمَ عُبَنْ مَاسُ بَادَ غَسْكِيَ غَ اللَّهْ، دُواْمِنْ أَ لِسَّڢْتَاسُ مَاسُ أَدَلْثِے نٜىٰ، كُواْدَيَكٜىٰ بَاسُدَ كَاثِيَ؞

إِبْرَانِيَاوَا 9:28

حَكَكُمَ أَنْمِيڧَ أَلْمَسِيحُ سَوْ طَيَ دُواْمِنْ يَطَوْكِ ذُنُبَنْ مُتَنٜىٰ دَيَوَ؞ شِے كُوَ ذَيْسَاكٜىٰ بَيَّنَ سَوْ نَبِيُ، بَ دُواْمِنْ يَطَوْكٜىٰ ذُنُبَيْ بَ، عَمَّا دُواْمِنْ يَكَٰوُاْ ثٜىٰتُواْ غَ دُكْ وَطَنْدَ سُكٜىٰ مَرْمَرِنْ دَاوُاْوَرْسَ؞

1 بِتْرُسْ 2:24

مُنْيِ ذُنُوبِ، عَمَّا شِ يَا طَوْكِ ذُنُبَنْمُ أَجِكِنْسَ سَعَدَّ عَكَ غِثِّيٜىٰشِ عَكَنْ غُنْ‌غُمٜىٰنْ إِتَاثٜىٰ؞ يَا يِهَكَ دُواْمِنْ تَوُرِنْ مُتُوَرْسَ مُو مَا مُمُتُ غَ ذُنُوبِ، مُرَايُ غَ يِنْ أَدَلْثِے؞ كَمَرْ يَدَّ عَكَ رُبُوتَ ‏«‏تَوُرِنْ رَوْنِنْ دَ عَكَيِ مَسَ نٜىٰ كُنْ سَامِ وَرْكٜىٰوَ؞»‏