ڢِرِسْتُواْثِے 26:6 - أَتَّوْرَتْ دَ أَنَّبَاوَا

⁶ ‏«‏ذَنْ بَاكُ سَلَمَ عَڧَسَرْ، ذَاكُ ݣُونْتَ بَابُ ڟُواْرُوانْ كُواْوَ؞ ذَنْ كُواْرِ نَمُواْمِنْ دَاجِ مَاسُ بَنْ ڟُواْرُواْ دَغَ ڧَسَرْ، كُمَ بَابُ تَكُواْبِنْ أَبُواْكَنْ غَابَنْكُ دَ ذَيْبِے ثِكِنْ ڧَسَرْكُ؞

ڢِرِسْتُواْثِے 26:6 Iomraidhean Croise

2 سَرَاكُنَ 2:24

أَلْيَسَعَ يَجُويَ يَكَلّٜىٰسُ سَيْ يَلَعَنْتَسُ دَ سُونَنْ يَهْوٜىٰهْ؞ سَيْ وَطَنْسُ بٜىٰيَرْ غُدَا بِيُ سُكَ ڢِتُواْ دَغَ كُرْمِ سُنْ يَيَّاغٜىٰ يَارَا أَرْبَعِنْ دَ بِيُ دَغَ ثِكِنْسُ؞

1 تَارِيحِ 22:9

يَهْوٜىٰهْ يَا كُمَ ثٜىٰمِنِ ذَاعَ حَيْڢَ مِنِ طَا؞ طَنَّنْ ذَيْ كَسَنْثٜىٰ مَيْ سَلَمَ؞ غَمَا شِے يَهْوٜىٰهْ ذَيْبَاشِ ذَمَنْ لَاڢِيَ دَ دُكَنْ أَبُواْكَنْ غَابَنْسَ دَسُكٜىٰ كٜىٰوَيٜىٰ دَشِ؞ ذَاعَكِرَا سُونَنْسَ سُلَيْمَٰنُ؞ عَثِكِنْ دُكَنْ ݣُونَكِنْسَ، يَهْوٜىٰهْ يَثٜىٰ، ذَيْسَا ڧَسَرْ إِسْرَٰٓءِيلَ تَكَسَنْثٜىٰ ثِكِنْ سَلَمَ دَ ذَمَنْ لَاڢِيَ؞

2 تَارِيحِ 20:30

سَبُواْدَ حَكَ مُلْكٍ يٜىٰهُواْشَڢَتْ يَكَسَنْثٜىٰ دَ سَلَمَ بَابُ يَاڧِ؞ غَمَا اللَّهْ يَبَاشِ ذَمَنْ لَاڢِيَ دَ ڧَسَاشٜىٰنْ دَسُكٜىٰ كٜىٰوَيٜىٰ دَشِ؞

أَيُوبَ 11:19

ذَاكَ ݣُونْتَ، بَا مَيْ ڟُواْرَتَرْ دَكَيْ، عِ، حَرْ مَا مُتَنٜىٰ دَيَوَ ذَاسُ نٜىٰمِ ڢَضٍ جِنِ دَغَ غَرٜىٰكَ؞

أَيُوبَ 5:23

غَمَا ذَاكَيِ يَرْجٜىٰجٜىٰنِيَ دَ دُووَڟُنْ غُواْنَ، دَ سُو دَ نَمُواْمِنْ دَاجِ، ذَاكَيِ ذَمَنْ لَاڢِيَ؞

زَبُورَا 144:14

بَرِ شَانُنْمُ سُيِ ڧِبَ؞ كَدَ عَٻَرْكٜىٰ ثِكِنْ غَرِنْمُ كُواْ عَكَيْ مَنَ هَرِ، كَدَ كُمَ أَجِ هَيَانِيَ عَتِيتُنَنْمُ؞

زَبُورَا 147:14

يَكَنْ كَٰوُاْ سَلَمَ ثِكِنْ إِيَاكَرْ ڧَسَرْكِے، يَكَنْ ڧُواْسَرْدَ كٜىٰ دَ حَڟِ مَڢِے ݣَوْ؞

زَبُورَا 29:11

بَرِ يَهْوٜىٰهْ يَبَامُتَنٜىٰنْسَ ڧَرْڢِے!‏ بَرِ يَهْوٜىٰهْ يَ أَلْبَرْكَثٜىٰسُ دَ ذَمَنْ لَاڢِيَ!‏

زَبُورَا 3:5

نَكَنْ ݣُونْتَ إِنْيِ بَرْثِ، إِنْكُمَ تَاشِ لَاڢِيَ لَوْ، غَمَا يَهْوٜىٰهْ نٜىٰ يَكٜىٰ كِيَايٜىٰنِ؞

زَبُورَا 4:8

ذَنْ ݣُونْتَ إِنْيِ بَرْثِنْ ݣُونْثِيَرْ رَيْ، غَمَا كَيْ كَطَيْ كَكٜىٰ كِيَايٜىٰنِ، يَا يَهْوٜىٰهْ؞

زَبُورَا 85:8

بَرِ إِنْجِ اللَّهْ يَهْوٜىٰهْ، أَبِنْدَ اللَّهْ ذَيْ ڢَطَا، غَمَا ذَيْ يِ أَلْڧَوَرِنْ سَلَمَ غَ مُتَنٜىٰنْسَ مَاسُ ڧَوْنَرْسَ، عَمَّا كَدَ سُسَاكٜىٰ دَاوُاْوَ كَنْ وَوَنْثِنْسُ؞

ڢِتُواْوَ 23:29

عَمَّا بَذَنْ كُواْرٜىٰسُ دَغَ غَبَنْكُ عَثِكِنْ شٜىٰكَرَا طَيَبَ، دُواْمِنْ كَدَ ڧَسَرْ تَذَمَ كُڢَيْ، كُمَ نَمُواْمِنْ دَاجِ سُيِ مُكُ يَوَ سُڢِ ڧَرْڢِنْكُ؞

كَرِنْ مَغَنَ 3:24

سَعَدَّ كَݣُونْتَ بَذَاكَ جِڟُواْرُواْ بَ، حَڧِيڧَ، سَعَدَّ كَݣُونْتَ ذَاكَيِ بَرْثِ مَيْ لَاڢِيَ؞

كَرِنْ مَغَنَ 6:22

سَعَدَّ كَكٜىٰ تَڢِيَ، ذَاسُيِ تَبِے دَكَيْ؞ سَعَدَّ كَكٜىٰ ݣُونْثِيَ، ذَاسُيِ تَكِيَايٜىٰكَ؞ سَعَدَّ كَڢَرْكَ، ذَاسُيِ تَبَاكَ شَوَرَا؞

عِشَايَ 35:8

حَنْيَ مَيْݣَوْ ذَاتَ كَسَنْثٜىٰ أَوُرِنْ، ذَاعَ كِرَتَ ‏«‏حَنْيَرْ ڟَرْكِے؞»‏ بَا مَيْ ڧَظَنْتَا وَنْدَ ذَيْبِے تَهَنْيَرْ نَنْ؞ ذَاتَ كَسَنْثٜىٰ تَمُتَنٜىٰنْ اللَّهْ، حَرْ وَوَيٜىٰ مَا بَذَاسُبِے تَهَنْيَرْبَ؞

عِشَايَ 35:9

بَذَاعَ سَامِ ذَاكِ أَوُرِنْبَ، مُوغُنْ نَامَنْ دَاجِ بَذَيْبِے تَوُرِنْبَ؞ إِرِنْ وَنَّنْ بَذَاعَ سَامٜىٰسُ أَ حَنْيَرْبَ؞ عَمَّا مُتَنٜىٰنْ دَ يَهْوٜىٰهْ يَڢَنْسَ، سُونٜىٰ ذَاسُيِ تَڢِيَ عَكَنْتَ؞

عِشَايَ 45:7

نِنٜىٰ نَا حَلِثِّ حَصْكٜىٰ، نَيِ دُهُ، نَكَٰوُاْ يَلْوَتَ، نَكَٰوُاْ مَسِيڢَ، نِنٜىٰ يَهْوٜىٰهْ، نَيِ دُكَنْ وَطَنَّنْ أَبُبُوَ؞

عِشَايَ 9:7

ڧَرُوَرْ مُلْكِنْسَ ذَاتَ ثِيغَبَ، مُلْكِنْسَ ذَيْ كَسَنْثٜىٰ دَ سَلَمَ حَرْ أَبَدَا؞ ذَيْ غَاجِ كُجٜىٰرَرْ مُلْكٍ كَكَنْسَ دَاوُدَ، ذَيْ كَڢَ يَرِڧٜىٰشِ ثِكِنْ غَسْكِيَ دَ أَدَلْثِے دَغَ يَنْذُ ذُوَا حَرْ أَبَدَا؞ كِيشِنْ ڧَوْنَ نَ يَهْوٜىٰهْ مَيْ ضُنْدُنَا نٜىٰ ذَيْ عَيْكَتَ وَنَّنْ دُكَ؞

إِرْمِيَ 30:10

يَنْذُ ڢَا، يَا ذُرِيَرْ بَاوَنَ يَعْڧُوبَ، كَدَ كُجِڟُواْرُواْ، يَا إِسْرَٰٓءِيلَ، كَدَ كُڢِرْغِتَ!‏ غَمَا غَاشِ، ذَنْثٜىٰثٜىٰكُ دَغَ ڧَسَا مَيْ نِيسَ، ذَنْثٜىٰثِ یَیَنْكُ دَغَ ڧَسَرْ بَوْتَا؞ ذُرِيَرْ يَعْڧُوبَ ذَاسُ دَاوُاْ، ذَاسُ كَسَنْثٜىٰ دَ لَاڢِيَ دَ رَيْ عَݣُونْثٜىٰ، بَابُوَنْدَ ذَيْسَاكٜىٰ ڟُواْرَتَرْ دَسُو؞ نِے يَهْوٜىٰهْ نَا ڢَطَا؞

إِرْمِيَ 31:26

عَكَنْ وَنَّنْ، نِے إِرْمِيَ نَڢَرْكَ نَثٜىٰ ‏«‏كَيْ، بَرْثِنَّنْ يَيِ مِنِ دَاطِے!‏»‏

هِظْڧِيَالْ 14:15

مَيْ يِوُوَ ذَنْ عَيْكِ نَمُواْمِنْ دَاجِ سُكَكَّشٜىٰ مُتَنٜىٰنْ ڧَسَرْ، حَرْ سُمَيْدَ عِتَ كُڢَيْ يَدَّ بَاوَنْدَ ذَيْ عِيَبِے تَڧَسَرْ سَبُواْدَ ڟُواْرُوانْ نَمُواْمِنْ دَاجِ؞

هِظْڧِيَالْ 14:17

مَيْ يِوُوَ ذَنْكَٰوُاْوَ ڧَسَرْ تَكُواْبِے دَ ثٜىٰوَ ‏‹‏بَرِ تَكُواْبِے يَبِے تَڧَسَرْ،›‏ حَرْ نَكَوَرْدَ مُتَنٜىٰ دَ دَبُّواْبِے دَغَ ثِكِنْتَ،

هِظْڧِيَالْ 14:21

‏«‏إِنْجِنِ عُبَنْ‌غِجِ يَهْوٜىٰهْ، إِنْ حَكَنٜىٰ، يَيَ وَنِ ذَيْ ڟِيرَا سَعَدَّ نَعَيْكَ وَ عُرُوشَلِيمَ دَ حُكُنْثِنَ غُدَا حُطُ مَاسُ ذَاڢِ، وَتُواْ تَكُواْبِے دَ يُنْوَ دَ نَمُواْمِنْ دَاجِ دَ بَلَعِ، دُواْمِنْ إِنْكَوَرْدَ مُتَنٜىٰ دَ دَبُّواْبِے دَغَ ثِكِنْتَ؞

هِظْڧِيَالْ 34:25

‏«‏ذَنْيِ يَرْجٜىٰجٜىٰنِيَرْ سَلَمَ دَسُو، إِنْكُمَ كُواْرِ مُوغَيٜىٰنْ نَمُواْمِنْ دَاجِ دَغَ ڧَسَرْ، دُواْمِنْ تُمَكِنْ سُذَوْنَ لَاڢِيَ عَثِكِنْ دَاجِ، سُكُمَ هُوتَ عَثِكِنْ كُرْمِ لَاڢِيَ؞

هِظْڧِيَالْ 34:27

عِتَتُوَنْ غُواْنَكِ ذَاسُيِ یَیَ، ڧَسَا كُمَ ذَاتَ بَادَ أَمْڢَانِ؞ مُتَنٜىٰنَ ذَاسُ ذَوْنَ لَاڢِيَ عَڧَسَرْسُ؞ ذَاسُ سَنِ ثٜىٰوَ نِنٜىٰ يَهْوٜىٰهْ، سَعَدَّ نَكَرْيَ غُنْ‌غُمٜىٰنْ دَنِّيَرْسُ، إِنْكُمَ كُٻُتَرْ دَسُو دَغَ حَنُّوَنْ وَطَنْدَ سُكَ رِڧٜىٰسُ عَثِكِنْ بَوْتَا؞

هِظْڧِيَالْ 5:17

ذَنْ عَيْكَ دَ يُنْوَ دَ نَمُواْمِنْ دَاجِ مَاسُ ٻَرْنَ عَكَنْكِ، ذَاسُ كَكَّشٜىٰ یَیَنْكِ؞ بَلَعِ دَ ظُبْدَ جِنِ ذَاسُبِے تَثِكِنْ بِرْنِنْ، ذَنْ كُمَ كَٰوُاْ تَكُواْبِے عَكَنْكِ؞ نِے يَهْوٜىٰهْ نَا ڢَطَا؞»‏

يُوشَعُ 2:18

أَ رَانَرْ نَنْ ذَنْيِ أَلْڧَوَرِ دَ نَمُواْمِنْ دَاجِ دَ ڟُنْڟَيٜىٰ، دَ حَلِتُّو مَاسُ رَرَّڢٜىٰ دُواْمِنْ مُتَنٜىٰنَ سُيِ ذَمَنْسُ لَاڢِيَ؞ ذَنْ كُمَ كَكَّرْيَ بَكَ دَ تَكُواْبِے، إِنْكُمَسَا يَاڧِ يَڧَارٜىٰ عَڧَسَرْ، سَعَنً ذَاسُيِ ذَمَنْسُ لَاڢِيَ لَوْ؞

يُوشَعُ 2:20

ذَنْ طَوْرَ عَوْرٜىٰ دَكٜىٰ ثِكِنْ أَمِنْثِ، ذَاكِ كُوَ سَنِ نِنٜىٰ يَهْوٜىٰهْ؞»‏

ڢِرِسْتُواْثِے 25:18

‏«‏ذَاكُ كِيَايٜىٰ ڧَٰعِدُواْدِنَ دَ عُمَرْنَيْنَ، كُنَ عَيْكَتَاسُ، دُواْمِنْ كُذَوْنَ لَاڢِيَ عَڧَسَرْ،

ڢِرِسْتُواْثِے 25:19

ڧَسَرْ كُمَ ذَاتَ بَادَ أَمْڢَانِنْتَ، ذَاكُثِ كُڧُواْشِ، كُذَوْنَ لَاڢِيَ؞

ڢِرِسْتُواْثِے 26:22

ذَنْ كُمَ عَيْكَرْ دَ نَمُواْمِنْ دَاجِ مَاسُ بَنْ ڟُواْرُواْ عَثِكِنْكُ، وَطَنْدَ ذَاسُيِ ٻَرْنَرْ یَیَنْكُ، سُلَلَتَرْ دَ دَبُّواْبِنْكُ نَغِدَا، سُسَا يَوَنْكُ يَرَغُ حَرْ ذَاعَ رَسَ غَنِنْ مُتَنٜىٰ عَكَنْ هَنْيُواْيِنْكُ؞

ڢِرِسْتُواْثِے 26:25

ذَنْكَٰوُاْ مُكُ تَكُواْبِنْ دَ ذَيْ يِمِنِ رَامُوَا سَبُواْدَ كُنْ كَرْيَ يَرْجٜىٰجٜىٰنِيَتَ؞ عِدَنْ كُكَ جَٰوُاْ بَايَ ذُوَا ثِكِنْ بِرَنٜىٰنْكُ دُواْمِنْ ٻُيَ، ذَنْعَيْكَ مُكُ دَ بَلَعِ مَيْ ڟَنَنِ، وَنْدَ ذَيْ تِلَسْتَكُ كُڢِتَ كُڢَاطَ أَ حَنُّنْ أَبُواْكَنْ غَابَنْكُ؞

ڢِرِسْتُواْثِے 26:7

ذَاكُ كُواْرِ أَبُواْكَنْ غَابَنْكُ عَيَاڧِ، ذَاكُ بُغٜىٰسُ دَ تَكُواْبِے سُڢَڢَّاطِ أَغَبَنْكُ؞

مِيكَ 4:4

كُواْوَنٜىٰ مُتُمْ ذَيْ ذَوْنَ ثِكِنْ سَلَمَ عَڧَرْڧَشِنْ إِتَاثٜىٰنْ إِنَبِنْسَ دَ نَٻَوْرٜىٰنْسَ؞ بَاوَنْدَ ذَيْ ڟُواْرَتَرْ دَشِ، غَمَا يَهْوٜىٰهْ مَيْ ضُنْدُنَا نٜىٰ يَڢَطَا؞

زَڢَنِيَ 3:13

ضَغُواْوَرْ جَمَعَرْ إِسْرَٰٓءِيلَ بَذَاسُ سَاكٜىٰ عَيْكَتَ مُغُنْتَا بَ، بَذَاسُ كُمَ ڢَطِ ڧَضْيَابَ، بَذَاعَ سَامِ ڧَضْيَا عَبَاكِنْسُبَ كُواْ رُوطُ أَ هَرْشٜىٰنْسُبَ؞ ذَاسُيِ كِيوُاْ، سُݣُونْتَ بَاوَنْدَ ذَيْ ڟُواْرَتَرْ دَسُو؞»‏

هَغَّيْ 2:9

‏‹‏طَوْكَكَرْ سَابُوانْ غِدَنْ ذَاتَڢِ تَ غِدَانَ تَدَا،›‏ إِنْجِ يَهْوٜىٰهْ مَيْ ضُنْدُنَا؞ ‏‹‏أَوَنَّنْ وُرِے كُوَ ذَنْ كَٰوُاْ أَلْبَرْكَ دَ سَلَمَ،›‏ إِنْجِ يَهْوٜىٰهْ مَيْ ضُنْدُنَا؞»‏

زَكَرِيَّا 9:10

نِے يَهْوٜىٰهْ، ذَنْ كَوَرْدَ كٜىٰكُنَنْ دُواْكِنْ يَاڧِنْ إِسْرَٰٓءِيلَ، ذَنْ كُمَ كَوَرْدَ دَوَكِ دَغَ عُرُوشَلِيمَ؞ بَكَنْ يَاڧِ مَا ذَاعَ كَرْيَشِ؞ سَرْكِنْكُ ذَيْ كَٰوُاْ سَلَمَ غَ أَلْعُمَّيْ؞ مُلْكِنْسَ ذَيْ يَطُ دَغَ تٜىٰكُ ذُوَا تٜىٰكُ، دَغَ كُواْغِنْ يُڢِرٜىٰتِسْ حَرْ ذُوَا إِيَاكَرْ دُونِيَا؞

يَحْيَى 14:27

‏«‏نَبَرْكُ دَ سَلَمَ؞ سَلَمَتَ نَكٜىٰ بَاكُ؞ بَكَمَرْ يَدَّ دُونِيَا تَكٜىٰ بَايَرْوَ نَكٜىٰ بَاكُبَ؞ كَدَ كُدَامُ، كَدَ كُمَ كُجِڟُواْرُواْ؞

أَيُّكَنْ مَنْذَنِّے 12:6

أَ دَرٜىٰنَّنْ دَ هِرُدُسْ يَنَ تُنَانِ ذَيْڢِتَرْدَ بِتْرُسْ عِدَنْ غَرِ يَوَايٜىٰ، بِتْرُسْ كُوَ يَنَ طَوْرٜىٰ دَ سَرْڧَ بِيُ، يَنَ بَرْثِ ڟَكَانِنْ سُواْجُواْجِ بِيُ؞ مَاسُ غَادِنْ كُرْكُكُ كُمَ سُنَ بَاكِنْ ڧُواْڢَ سُنَ غَادِ؞

رُواْمَاوَا 5:1

سَبُواْدَ حَكَ تُنْدَيَكٜىٰ مُنْ سَامِ ذَمَ مَرَسَ لَيْڢِے أَغَبَنْ اللَّهْ تَوُرِنْ بَنْ‌غَسْكِيَ، مُنَدَ سَلَمَ دَ اللَّهْ كٜىٰنَنْ تَوُرِنْ عُبَنْ‌غِجِنْمُ عِيسَىٰ أَلْمَسِيحُ؞