يُواْشُوَ 24:19 - أَتَّوْرَتْ دَ أَنَّبَاوَا

¹⁹ سَيْ يُواْشُوَ يَثٜىٰ وَمُتَنٜىٰنْ، ‏«‏عَمَّا بَذَاكُ عِيَ بَوْتَاوَ يَهْوٜىٰهْ بَ، غَمَا شِے اللَّهْ مَيْ ڟَرْكِے نٜىٰ، شِ اللَّهْ نٜىٰ مَيْ بُڧَاتَرْ ثِكَكِّيَرْ ڧَوْنَ؞ بَذَيْ غَاڢَرْتَ تَيَرْوَرْكُ دَ ذُنُبَنْكُبَ؞

يُواْشُوَ 24:19 Iomraidhean Croise

2 تَارِيحِ 36:16

عَمَّا سُكَيِتَيِ وَمُتَنٜىٰنْ دَ اللَّهْ يَكٜىٰ عَيْكَاوَا بَعَ؞ سُنْيِ بَنْظَ دَ مَغَنَرْ يَهْوٜىٰهْ، سُنَ دَارِيَارْ أَنَّبَاوَنْسَ، حَرْ سَيْ دَ ڢُشِنْ يَهْوٜىٰهْ يَيِ ڟَنَنِ يَدَّ بَايَ عِيَ جَنْيٜىٰوَ؞

زَبُورَا 99:3

بَرِ سُيَبِے سُونَنْسَ مَيْغِرْمَ مَيْبَنْ ڟُواْرُواْ!‏ مَيْ ڟَرْكِے نٜىٰ شِے!‏

زَبُورَا 99:5

كُطَوْكَكَ يَهْوٜىٰهْ اللَّهْ نْمُ، كُرُسُنَ أَغَبَنْسَ!‏ مَيْ ڟَرْكِے نٜىٰ شِے!‏

زَبُورَا 99:9

كُطَوْكَكَ يَهْوٜىٰهْ اللَّهْ نْمُ!‏ كُرُسُنَ عَتُدُنْسَ مَيْ ڟَرْكِے، غَمَا يَهْوٜىٰهْ اللَّهْ نْمُ مَيْ ڟَرْكِے نٜىٰ!‏

ڢِتُواْوَ 20:5

بَذَاكَ رُسُنَ مُسُبَ، كُواْ كَيِمُسُ سُجَّدَ، غَمَا نِے يَهْوٜىٰهْ اللَّهْ نْكَ، اللَّهْ نٜىٰ مَيْ بُڧَاتَرْ ثِكَكِّيَرْ ڧَوْنَرْكَ، مَيْ حُكُنْتَ یَیَ سَبُواْدَ ذُنُبَنْ إِيَايٜىٰنْسُ حَرْ ذُوَا ڟَارَا تَ عُكُ دَ تَهُطُ تَوَطَنْدَ سُكَڧِينِ؞

ڢِتُواْوَ 23:21

كَسَوْرَرٜىٰشِ كَكُمَيِ مَسَ بِيَيَّ؞ كَدَ كَيِ مَسَ تَاوَيٜىٰ، غَمَا بَذَيْ غَاڢَرْتَا مُكُ وَنَّنْ ذُنُوبِنْ غَنْ‌غَنْثِ بَ، غَمَا يَنَدَ ثِكَكّٜىٰنْ إِيكُوانْ سُونَنَ؞

ڢِتُواْوَ 34:14

بَذَاكَيِ وَ وَطَنْسُ أَلُّواْلِ سُجَّدَبَ، سَيْنِے كَطَيْ، غَمَا نِنٜىٰ اللَّهْ مَيْ بُڧَاتَرْ ثِكَكِّيَرْ ڧَوْنَ، سُونَنَ مَيْ بُڧَاتَرْ ثِكَكِّيَرْ ڧَوْنَ نٜىٰ؞

ڢِتُواْوَ 34:7

مَيْ كِيَايٜىٰ ڧَوْنَ مَرَرْ ثَنْجَاوَا غَ یَیَ حَرْ ذُوَا ڟَارَا تَدُبُو، مَيْغَاڢَرْتَا لَيْڢِے دَ ذُنُوبِنْ غَنْ‌غَنْثِ، دَ كُواْوَنٜىٰ إِرِنْ ذُنُوبِ؞ دُكْدَهَكَ بَمَيْ كَاسَ حُكُنْتَ مَيْ لَيْڢِے بَنٜىٰ، مَيْ حُكُنْتَ یَیَ سَبُواْدَ ذُنُبَنْ إِيَايٜىٰنْسُ حَرْ ذُوَا ڟَارَا تَ عُكُ دَ تَهُطُ؞»‏

عِشَايَ 2:9

تَهَكَ عَكَ ڧَسْڧَنْتَرْدَ یَنْ أَدَمْ، عَكَ كُمَ كُنْيَتَرْدَ كُواْوَنٜىٰ مُتُمْ؞ كَدَ كَغَاڢَرْتَا مُسُ، يَا يَهْوٜىٰهْ!‏

عِشَايَ 27:11

دَ رَسَّنْ عِتَتُوَ سُكَ بُوشٜىٰ، سُنْ كَرْيٜىٰ، مَاتَا سُكَ ݣُوشٜىٰ دُواْمِنْ سُهُورَ وُتَادَسُو؞ سَبُواْدَ سُو مُتَنٜىٰنٜىٰ دَ بَاسُ دَ غَانٜىٰوَ، شِے وَنْدَ يَيِسُ بَذَيْجِ تَوْسَيِنْسُبَ، شِے وَنْدَ يَحَلِثّٜىٰسُ بَذَيْ نُونَ مُسُ جِنْڧَيْبَ؞

عِشَايَ 30:11

كُبَامُ حَنْيَ!‏ كُبَامُ وُرِے!‏ كُدَيْنَ دَامُنْمُ غَمٜىٰدَ ذَنْثٜىٰنْ مَيْ ڟَرْكِنَّنْ نَ إِسْرَٰٓءِيلَ!‏»‏

عِشَايَ 30:15

غَمَا إِنْجِ عُبَنْ‌غِجِ يَهْوٜىٰهْ، مَيْ ڟَرْكِنَّنْ نَ إِسْرَٰٓءِيلَ، ‏«‏تَوُرِنْ كُواْمُواْوَ غَرٜىٰنِ دَ نَڟُوَ ذَاكُ سَامِ ثٜىٰتُواْ؞ ثِكِنْ ݣُونْثِيَرْ حَنْكَلِ دَ دُواْغَضَ غَرٜىٰنِ ذَاكُ سَامِ ڧَرْڢِے؞»‏ عَمَّا كُكَڧِ؞

عِشَايَ 5:16

عَمَّا يَهْوٜىٰهْ مَيْ ضُنْدُنَا، يَنَ نُونَ طَوْكَكَرْسَ تَوُرِنْ غَسْكِيَرْسَ؞ اللَّهْ مَيْ ڟَرْكِے يَنَ نُونَ كَنْسَ مَيْ ڟَرْكِے نٜىٰ تَوُرِنْ عَيْكَتَ أَدَلْثِے؞

ڢِرِسْتُواْثِے 10:3

مُوسَٰى يَثٜىٰ وَ هَٰرُونَ ‏«‏كُنْ غَنِ كُواْ؟ وَنَّنْ شِينٜىٰ أَبِنْدَ يَهْوٜىٰهْ يَكٜىٰ نُڢِ سَعَدَّ يَثٜىٰ، ‏«‏ ‏‹‏غَ وَطَنْدَ سُكٜىٰ كُسَدَنِے، ذَنْ نُونَ نِے مَيْ ڟَرْكِے نٜىٰ؞ أَ عِدُوانْ دُكَنْ جَمَعَ، ذَاعَ طَوْكَكَنِ؞›‏ »‏ هَٰرُونَ كُوَ يَيِ شِضُ؞

ڢِرِسْتُواْثِے 11:44

غَمَا نِنٜىٰ يَهْوٜىٰهْ اللَّهْ نْكُ؞ كُكٜىٰٻٜىٰ كَنْكُ دَ ڟَرْكِے، كُذَمَ مَاسُ ڟَرْكِے، غَمَا نِے مَيْ ڟَرْكِے نٜىٰ؞ بَذَاكُ ڧَظَنْتَرْ دَكَنْكُ دَ وَنِ أَبُ مَيْ رَرَّڢٜىٰ عَڧَسَابَ؞

ڢِرِسْتُواْثِے 11:45

غَمَا نِنٜىٰ يَهْوٜىٰهْ وَنْدَ يَڢِتَرْ دَكُو دَغَ ڧَسَرْ مَصَرْ دُواْمِنْ إِنْذَمَ اللَّهْ نْكُ؞ سَيْ كُذَمَ مَاسُ ڟَرْكِے، غَمَا نِے مَيْ ڟَرْكِے نٜىٰ؞

ڢِرِسْتُواْثِے 19:2

يَڢَطَا وَدُكَنْ جَمَعَرْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏كُذَمَ مَاسُ ڟَرْكِے، غَمَا نِے يَهْوٜىٰهْ اللَّهْ نْكُ نِے مَيْ ڟَرْكِے نٜىٰ؞

ڢِرِسْتُواْثِے 20:26

ذَاكُ ذَمَ مَاسُ ڟَرْكِے غَرٜىٰنِ، غَمَا نِے يَهْوٜىٰهْ نِے مَيْ ڟَرْكِے نٜىٰ، نَاكُوَ وَارٜىٰكُ دَغَ سَوْرَنْ ڧَبِيلُ دُواْمِنْ كُذَمَ نَوَ؞

ڢِرِسْتُواْثِے 20:7

‏«‏كُكٜىٰٻٜىٰ كَنْكُ دَ ڟَرْكِے، كُذَمَ مَاسُ ڟَرْكِے، غَمَا نِنٜىٰ يَهْوٜىٰهْ اللَّهْ نْكُ؞

نَهُمْ 1:2

يَهْوٜىٰهْ نٜىٰ اللَّهْ مَيْ بُڧَاتَرْ ثِكَكِّيَرْ ڧَوْنَ، مَيْ رَامُوَا نٜىٰ شِے؞ يَهْوٜىٰهْ مَيْ رَامُوَا نٜىٰ، مَيْ ذَاڢِنْ ڢُشِے كُمَ؞ يَهْوٜىٰهْ يَكَنْ سَاكَ وَ أَبُواْكَنْ غَابَنْسَ، يَكَنْ جُويَا ڢُشِنْسَ عَكَنْ أَبُواْكَنْ غَابَنْسَ؞

حَبَكُّكْ 1:13

كَيْ وَنْدَ عِدَنُونْكَ مَاسُ ڟَرْكِے نٜىٰ، سُنْڢِے ڧَرْڢِنْ غَنِنْ مُغُنْتَا، بَاكَاسُواْ كَكَلِّ لَيْڢِے؞ مٜىٰيَسَا كَكٜىٰ دُوبَنْ مَاسُثِنْ أَمَانَ؟ مٜىٰيَسَا كَنَ شِضُ سَعَدَّ مُوغُ يَنَ حَطِيٜىٰ مُتُمِنْدَ يَڢِيشِ أَدَلْثِے؟

مَتِيُ 6:24

‏«‏بَا وَنْدَ ذَيْ عِيَ بَوْتَاوَ شُوغَبَنِّ بِيُ، كُواْ دَيْ يَڧِ طَيَ يَسُواْ طَيَ، كُواْ يَيِ وَطَيَنْ أَمِنْثِ يَرٜىٰنَ طَيَنْ؞ بَا دَامَ كُسَا رَنْكُ غَ بِنْ اللَّهْ كُكُمَسَا غَ بِنْ كُطِ دُكْ غَبَاطَيَ؞

يُواْشُوَ 24:18

يَهْوٜىٰهْ كُوَ يَكُواْرِ دُكَنْ أَمُواْرِيَاوَا وَطَنْدَ سُكٜىٰ ظَوْنٜىٰ عَڧَسَرْ؞ دُواْمِنْ وَنَّنْ ڢَا، يَهْوٜىٰهْ ذَامُ بَوْتَا مَسَ، غَمَا شِينٜىٰ اللَّهْ نْمُ؞»‏

يُواْشُوَ 24:23

يُواْشُوَ يَثٜىٰ ‏«‏تُواْ، يَنْذُ ڢَا سَيْ كُكَوَرْدَ غُمَكَنْ أَلُّواْلِنْ ڧَبِيلُنْ دَ كُكٜىٰدَسُو عَثِكِنْكُ؞ كُسَا ذُوثِيَارْكُ غَ يَهْوٜىٰهْ اللَّهْ نَ إِسْرَٰٓءِيلَ؞»‏

رُوتْ 1:15

سَعَنً نَعُواْمِ تَاثٜىٰ وَ رُوتْ ‏«‏غَاشِ، یَرْعُوَرْكِ تَا كُواْمَ وُرِنْ مُتَنٜىٰنْتَ دَ كُمَ اللَّهْ‌نْتَ؞ سَيْ كِكُواْمَ كِبِتَ؞»‏

1 سَمَٰعِيلَ 3:14

سَبُواْدَ حَكَ غَمٜىٰدَ دَنْ‌غِنْ عٜىٰلِ نَا ضَنْڟٜىٰ ثٜىٰوَ بَابُ هَدَايَ كُواْ بَايَرْوَرْ دَ ذَاتَ عِيَ طَوْكَرْ حَكِّنْ ذُنُبَنْسُ حَرْ أَبَدَا؞»‏

1 سَمَٰعِيلَ 6:20

دُواْمِنْ حَكَ مُتَنٜىٰنْ بٜىٰتْ شٜىٰمٜىٰشْ سُكَثٜىٰ ‏«‏وَ ذَيْ عِيَ ڟَيَاوَ أَغَبَنْ يَهْوٜىٰهْ، اللَّهْ نَّنْ مَيْ ڟَرْكِے؟ إِنَ ذَامُ عَيْكَ دَ عَݣُوتِنْ يَرْجٜىٰجٜىٰنِيَ دُواْمِنْ يَرَبُ دَمُو؟»‏