يُواْشُوَ 21:44 - أَتَّوْرَتْ دَ أَنَّبَاوَا

⁴⁴ يَهْوٜىٰهْ يَبَاسُ هُوتُ عَكُواْوَنٜىٰ غٜىٰڢٜىٰ كَمَرْ يَدَّ يَرَنْڟٜىٰوَ كَاكَنِّنْسُ؞ بَابُ طَيَ عَثِكِنْ دُكَنْ أَبُواْكَنْ غَابَنْسُ وَنْدَ يَ عِيَ ڟَيَاوَا أَغَبَنْسُ، غَمَا يَهْوٜىٰهْ يَابَادَ دُكَنْ أَبُواْكَنْ غَابَنْسُ عَثِكِنْ حَنُّنْسُ؞

يُواْشُوَ 21:44 Iomraidhean Croise

2 تَارِيحِ 13:16

سُواْجُواْجِنْ إِسْرَٰٓءِيلَ سُكَ غُدُ أَغَبَنْ سُواْجُواْجِنْ يَهُودَ؞ اللَّهْ كُوَ يَبَاشٜىٰسُ أَ حَنُّنْ سُواْجُواْجِنْ يَهُودَ؞

ڢِتُواْوَ 23:31

ذَنْ كَڢَ إِيَاكَرْكُ دَغَ تٜىٰكُنْ ثِيَوَرْ إِوَ ذُوَا تٜىٰكُنْ ڢِلِسْتِيَاوَا، وَتُواْ تٜىٰكُنْ مٜىٰدِتٜىٰرٜىٰنِيَ دَغَ دَاجِنْ دَيَكٜىٰ تَكُدُ ذُوَا كُواْغِنْ يُڢِرٜىٰتِسْ عَ أَرٜىٰوَ؞ غَمَا ذَنْبَادَ مَذَوْنَنْ ڧَسَرْ أَ حَنُّنْكُ، ذَاكُ كُوَ كُواْرٜىٰسُ يَايِنْ دَ كُكٜىٰ يَطُوَ عَڧَسَرْ؞

ڢِتُواْوَ 33:14

سَيْ يَهْوٜىٰهْ يَثٜىٰ مَسَ ‏«‏نِے كَيْنَ ذَنْ تَڢِے تَرٜىٰدَكَيْ، كَݣُونْتَرْ دَ ذُوثِيَارْكَ عَكَنْ وَنَّنْ ذَنْثٜىٰ؞»‏

عِشَايَ 63:14

كَمَرْ يَدَّ عَكَنْبِدَ شَانُو عَݣُورِ مَيْ ثِيَوَ دُوانْ سَوْڧِنْ سَامُنْ عَبِنْثِ، حَكَ رُوحٌ يَهْوٜىٰهْ يَبَا مُتَنٜىٰنْسَ هُوتُ؞ حَكَ يَهْوٜىٰهْ يَبِے دَ مُتَنٜىٰنْسَ دُواْمِنْ يَكَٰوُاْوَ سُونَنْسَ دَرَجَ؞

مَيْمَيْتَاوَرْ شَرِيعَ 2:36

يَهْوٜىٰهْ اللَّهْ نْمُ يَتَيْمَكٜىٰمُ مُكَثِ غَرِنْ أَرُواْوٜىٰرْ وَنْدَ يَكٜىٰ عَبَاكِنْ ݣُورِنْ كُواْغِنْ أَرْنُوانْ دَ وَنِ غَرِنْ دَيَكٜىٰ عَثِكِنْ ݣُورِ، حَرْ ذُوَا غِلٜىٰيَدْ؞ بَابُوُرِ مَيْ كَتَنْ‌غَ عَثِكِنْ غَرِ وَنْدَ يَغَغَرٜىٰمُ؞

مَيْمَيْتَاوَرْ شَرِيعَ 21:10

‏«‏سَعَدَّ كُكَ ڢِتَ دُواْمِنْ يِنْ يَاڧِ دَ أَبُواْكَنْ غَابَنْكُ، كُمَ يَهْوٜىٰهْ اللَّهْ نْكُ يَبَادَسُو أَ حَنُّوَنْكُ، كُو كُوَ كُكَ كَامَسُ سُذَمَ بَايِ،

إِبْرَانِيَاوَا 4:9

وَنَّنْ يَنُونَ ثٜىٰوَ حَرْ يَنْذُ أَݣَويْ هُوتُ إِرِنْ تَرَانَرْ هُوتُ تَمَكُواْ دُواْمِنْ مُتَنٜىٰنْ اللَّهْ؞

يُواْشُوَ 1:13

‏«‏كُتُنَ دَ مَغَنَرْ دَ مُوسَٰى بَاوَنْ يَهْوٜىٰهْ يَڢَطَا مُكُ ثٜىٰوَ ‏‹‏يَهْوٜىٰهْ اللَّهْ نْكُ يَكٜىٰ بَاكُ وُرِنْ هُوتَوَا؞ يَرِغَا يَبَاكُ وَنَّنْ ڧَسَرْدَ تَكٜىٰ أَغَبَسْ دَ يُواْدَنْ تَذَمَ ڧَسَرْكُ؞›‏

يُواْشُوَ 1:15

ذَاكُ تَيْمَكٜىٰسُ حَرْ سَيْ لُواْكَثِنْ دَ يَهْوٜىٰهْ يَبَا یَنْعُوَنْكُ هُوتُ كَمَرْ يَدَّ يَبَاكُ، سُكُمَ مَلَّكِ ڧَسَرْدَ تَكٜىٰ يَمَّ دَ يُواْدَنْ، وَدَّ يَهْوٜىٰهْ اللَّهْ نْكُ يَكٜىٰبَاسُ؞ بَايَنْ وَنَّنْ، ذَاكُ عِيَ كُواْمُواْوَ كُذَوْنَ عَثِكِنْ ڧَسَرْكُ دَتَكٜىٰ غَبَسْ دَ يُواْدَنْ، وَدَّ مُوسَٰى بَاوَنْ يَهْوٜىٰهْ يَبَاكُ؞»‏

يُواْشُوَ 1:5

بَابُ مُتُمِنْ دَ ذَيْ عِيَ ڟَيَاوَا أَغَبَنْكَ، يُواْشُوَ، ثِكِنْ دُكَنْ ݣُونَكِنْ رَنْكَ؞ كَمَرْ يَدَّ نَكَسَنْثٜىٰ تَرٜىٰدَ مُوسَٰى، حَكَ ذَنْ كَسَنْثٜىٰ تَرٜىٰدَكَيْ؞ بَذَنْ كُنْيَتَرْ دَكَيْ كُواْ كُوَ إِنْ يَاشٜىٰكَبَ؞

يُواْشُوَ 11:12

يُواْشُوَ كُوَ يَثِ دُكَنْ وَطَنَّنْ بِرَنٜىٰ دَ سَرَاكُنَنْسُ دَ يَاڧِ، يَكَشٜىٰ كُواْوَنّٜىٰنْسُ كَمَرْ يَدَّ مُوسَٰى بَاوَنْ يَهْوٜىٰهْ يَعُمَرْتَ؞

يُواْشُوَ 11:23

يُواْشُوَ كُوَ يَثِ دُكَنْ ڧَسَرْدَ يَاڧِ، كَمَرْ يَدَّ يَهْوٜىٰهْ يَعُمَرْثِ مُوسَٰى؞ يَبَادَ ڧَسَرْ غَادُواْ غَ إِسْرَٰٓءِيلَاوَا ذُرِيَ ذُرِيَ؞ ڧَسَرْ كُوَ تَسَامِ هُوتُ دَغَ يَاڧِ؞

يُواْشُوَ 11:8

يَهْوٜىٰهْ كُوَ يَبَادَسُو غَ حَنُّنْ إِسْرَٰٓءِيلَاوَا؞ إِسْرَٰٓءِيلَاوَا سُكَ يَاڧٜىٰسُ، سُكَ كُمَ كُواْرٜىٰسُ حَرْ ذُوَا سِدُوانْ بَبَّ دَ مِسْرٜىٰڢُواتْ مَيِمْ عَ أَرٜىٰوَ، حَرْ ذُوَا ݣُورِنْ مِظْڢَ أَغَبَسْ؞ سُكَ ثِيغَبَدَ يَاڧٜىٰنْسُ، حَرْ سُكَ كَكَّشٜىٰسُ، بَسُ ضَغٜىٰ كُواْ طَيَبَ؞

يُواْشُوَ 2:24

سُكَكُمَثٜىٰ وَ يُواْشُوَ ‏«‏مُنْ تَبَّتَرْ يَهْوٜىٰهْ يَا رِغَا يَا بَامُ دُكَنْ ڧَسَرْ؞ بَنْدَ حَكَمَا دُكَنْ مَذَوْنَنْ ڧَسَرْ سُنْ ڢِرْغِتَ دُواْمِنْمُ؞»‏

يُواْشُوَ 22:4

يَنْذُ دَيْ يَهْوٜىٰهْ اللَّهْ نْكُ يَبَا یَنْعُوَنْكُ هُوتُ، كَمَرْ يَدَّ يَيِ أَلْڧَوَرِ؞ سَبُواْدَ حَكَ، سَيْ كُكُواْمَ غِدَاجٜىٰنْكُ عَثِكِنْ ڧَسَرْكُ تَغَادُواْ وَدَّ مُوسَٰى بَاوَنْ يَهْوٜىٰهْ يَبَاكُ عَڧٜىٰتَرٜىٰنْ كُواْغِنْ يُواْدَنْ؞

يُواْشُوَ 22:9

سَيْ مُتَنٜىٰنْ ذُرِيَرْ رَعُبَيْنُ دَ نَ غَدْ دَ كُمَ نَرَبِنْ ذُرِيَرْ مَنَسّٜىٰ سُكَ كُواْمَ غِدَا؞ سُكَ بَرْ سَوْرَنْ مُتَنٜىٰنْ إِسْرَٰٓءِيلَ أَ شِلُواْ عَثِكِنْ ڧَسَرْ كَنْعَنَ، سُكَ كُواْمَ ڧَسَرْ غِلٜىٰيَدْ، ڧَسَرْسُ تَغَادُواْ وَدَّ سُكَ غَادَ بِسَغَ عُمَرْنِنْ يَهْوٜىٰهْ تَبَاكِنْ مُوسَٰى؞

يُواْشُوَ 23:1

يَهْوٜىٰهْ كُوَ يَبَا إِسْرَٰٓءِيلَاوَا هُوتُ دَغَ دُكَنْ أَبُواْكَنْ غَابَنْسُ وَطَنْدَ سُكٜىٰ كٜىٰوَيٜىٰ دَسُو؞ سُنْ كُوَ دَطٜىٰ ثِكِنْ وَنَّنْ هُوتُ، يُواْشُوَ كُمَ يَڟُوڢَ يَنَدَ شٜىٰكَرُ دَيَوَ؞