يُواْشُوَ 1:6 - أَتَّوْرَتْ دَ أَنَّبَاوَا

⁶ كَڧَرْڢَڢَ!‏ كَيِ ڧَرْڢِنْ حَلِ!‏ غَمَا كَيْنٜىٰ ذَاكَبِدَ جَمَعَرْ نَنْ سُمَلَّكِ وَنَّنْ ڧَسَرْدَ نَيِ أَلْڧَوَرِ ذَنْبَا كَاكَنِّنْسُ؞

يُواْشُوَ 1:6 Iomraidhean Croise

ڢَارَوَ 12:7

سَعَنً يَهْوٜىٰهْ يَا بَيَّنَ غَ إِبْرَمْ، يَثٜىٰ ‏«‏غَ ذُرِيَرْكَ ذَنْبَادَ وَنَّنْ ڧَسَا؞»‏ أَوُرِنْ سَيْ يَغِنَ بَغَدٜىٰ غَ يَهْوٜىٰهْ وَنْدَ يَبَيَّنَ غَرٜىٰشِ؞

ڢَارَوَ 26:3

كَيِ ذَمَنْ بَڧُنْثِ عَڧَسَرْ نَنْ، نِے كُوَ ذَنْ كَسَنْثٜىٰ تَرٜىٰدَكَيْ، ذَنْ كُوَ أَلْبَرْكَثٜىٰكَ؞ غَمَا أَغَرٜىٰكَ دَ ذُرِيَرْكَ ذَنْبَادَ وَطَنَّنْ ڧَسَاشٜىٰ؞ ذَنْ كُمَ ثِكَ ضَنْڟُوَارْدَ نَيِ وَبَابَنْكَ إِبْرَٰهِيمْ؞

2 سَمَٰعِيلَ 10:12

كُيِ ڧَرْڢِنْ حَلِ!‏ مُيِ ڢَطَ سُواْسَيْ سَبُواْدَ مُتَنٜىٰنْمُ دَ بِرَنٜىٰنْ اللَّهْ نْمُ؞ بَرِ يَهْوٜىٰهْ يَيِ أَبِنْدَ يَيِݣَوْ أَعِدُوانْسَ!‏»‏

1 سَرَاكُنَ 2:2

‏«‏نَا كُسَ إِنْمُتُ كَمَرْ يَدَّ كُواْوَ عَدُونِيَا ذَيْ يِ؞ سَيْ كَڧَرْڢَڢَ، كَنُونَ كَنْكَ نَمِجِنٜىٰ؞

1 تَارِيحِ 22:13

ذَاكَ يَلْوَتَ عِدَنْ كَيِ بِيَيَّ دَ ڧَٰعِدُواْدِ دَ عُمَرْنَيْ وَطَنْدَ يَهْوٜىٰهْ يَعُمَرْثِ مُوسَٰى غَمٜىٰدَ إِسْرَٰٓءِيلَاوَا؞ كَڧَرْڢَڢَ، كَيِ ڧَرْڢِنْ حَلِ؞ كَدَ كَجِڟُواْرُواْ، كَدَ كَڢِدَّ ذُوثِيَا؞

1 تَارِيحِ 28:10

كَسَنِ ڢَا ثٜىٰوَ يَهْوٜىٰهْ يَا ذَاٻٜىٰكَ كَغِنَ مَسَ غِدَا مَيْ ڟَرْكِے؞ كَيِ ڧَرْڢِنْ ذُوثِيَا كَغِنَاشِ؞»‏

1 تَارِيحِ 28:20

دَاوُدَ يَكُمَ ثٜىٰ وَطَنْسَ سُلَيْمَٰنُ ‏«‏كَڧَرْڢَڢَ، كَيِ ڧَرْڢِنْ حَلِ كَيِ عَيْكِنْ؞ كَدَ كَجِڟُواْرُواْ كُواْ كَڢِدَّ ذُوثِيَا، غَمَا يَهْوٜىٰهْ اللَّهْ نَا يأَنَانً تَرٜىٰدَكَيْ؞ بَذَيْ بَرْكَبَ، بَلّٜىٰ يَڧِكَ، حَرْ سَيْ أَنْ‌غَمَ دُكَنْ عَيْكِنْ حِدِمَرْ غِدَنْ يَهْوٜىٰهْ؞

2 تَارِيحِ 15:7

عَمَّا كُو، سَيْ كُيِ ڧَرْڢِنْ ذُوثِيَا، كَدَ كُڢِدَّ رَيْ، غَمَا ذَاكُ كَرْٻِ لَادَنْ عَيْكِنْكُ؞»‏

2 تَارِيحِ 20:11

تُواْ، دُوبِے يَدَّ سُكٜىٰسُواْ سُسَاكَ مَنَ!‏ سُو سُكٜىٰسُواْ سُكُواْرٜىٰمُ دَغَ ڧَسَرْدَ كَبَامُ غَادُواْ؞

2 تَارِيحِ 20:7

يَا اللَّهْ نْمُ، بَكَيْنٜىٰ كَكُواْرِ مَذَوْنَنْ ڧَسَرْ نَنْ أَعِدُوانْ مُتَنٜىٰنْكَ إِسْرَٰٓءِيلَ بَ؟ بَكَيْ كُمَ كَبَا ذُرِيَرْ أَبُواْكِنْكَ إِبْرَٰهِيمْ غَادُوانْ ڧَسَرْ حَرْ أَبَدَابَ؟

زَبُورَا 27:14

سَا ذُوثِيَا غَ يَهْوٜىٰهْ، كَڧَرْڢَڢَ، كَكَسَنْثٜىٰ دَ ڧَرْڢِنْ ذُوثِيَا!‏ عِ، سَا ذُوثِيَا غَ يَهْوٜىٰهْ!‏

دَانِيٜىٰلْ 10:19

سَيْيَثٜىٰ ‏«‏يَا كَيْ مُتُمْ مَيْ دَرَجَ سُواْسَيْ، كَدَ كَجِڟُواْرُواْ؞ كَڧَرْڢَڢَ، كَيِ ڧَرْڢِنْ حَلِ!‏»‏ بَايَنْدَ يَيِ مَغَنَ دَنِے، سَيْ نَسَامِ ڧَرْڢَڢَاوَا نَثٜىٰ ‏«‏يَنْذُ بَرِ مَيْغِرْمَ يَيِ مَغَنَ، غَمَا كَارِغَا كَا ڧَرْڢَڢَانِ؞»‏

هَغَّيْ 2:4

عَمَّا يَنْذُ كُيِ ڧَرْڢِنْ ذُوثِيَا، كَيْ ظٜىٰرُبَّبٜىٰلْ دَكَيْ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ؞ كُيِ ڧَرْڢِنْ ذُوثِيَا، يَا كُو جَمَعَرْ ڧَسَرْ، إِنْجِ يَهْوٜىٰهْ؞ كُيِ عَيْكِ، غَمَا نِے يَهْوٜىٰهْ مَيْ ضُنْدُنَا إِنَ تَرٜىٰدَكُو؞

زَكَرِيَّا 8:9

‏«‏إِنْجِ يَهْوٜىٰهْ مَيْ ضُنْدُنَا، ‏‹‏كُيِ ڧَرْڢِنْ حَلِ دَ ڨُوذُواْ، كُو دَ كُكٜىٰ جِنْ مَغَنَرْ نَنْ يَوْ؞ أَنَّبَاوَنَ سُنْيِ مَغَنَرْ نَنْ أَ لُواْكَثِنْ دَ عَكَ كَڢَ تُوشٜىٰنْ سَاكٜىٰ غِنَا غِدَانَ، وَتُواْ هَيْكَلِنَ؞

ڧِدَايَ 26:53

‏«‏أَ رَبَ ڧَسَرْ وَ ظُرِيُواْيِ أَبِنْ غَادُواْ بِسَغَ يَوَنْ سُونَيٜىٰنْ كُواْوَثٜىٰ ذُرِيَ؞

ڧِدَايَ 33:53

سَيْ كُمَلَّكِ ڧَسَرْ، كُذَوْنَ عَثِكِنْتَ، غَمَا نَا بَاكُ ڧَسَرْ تَذَمَ مَلَّكَرْكُ تَغَادُواْ؞

1 كُواْرِنْتِيَاوَا 16:13

كُذَوْنَ دَ شِرِ، كُڟَيَ سُواْسَيْ ثِكِنْ بَنْ‌غَسْكِيَرْكُ، كُذَمَ دَ ڧَرْڢَڢَاوَا، كُمَ دَ ڧَرْڢِے؞

أَڢِسَاوَا 6:10

عَڧَرْشٜىٰ كُمَ كُڧَرْڢَڢَ كَنْكُ ثِكِنْ عُبَنْ‌غِجِ دَ كُمَ ثِكِنْ ڧَرْڢِنْ إِيكُوانْسَ؞

مَيْمَيْتَاوَرْ شَرِيعَ 1:21

غَاشِ، يَهْوٜىٰهْ اللَّهْ نْمُ يَبَادَ ڧَسَرْ أَ حَنُّنْكُ؞ سَيْ كُهَوْرَ دُواْمِنْ كُثِ غَادُوانْتَ، كَمَرْ يَدَّ يَهْوٜىٰهْ اللَّهْ نَكَاكَنِّنْكُ يَيِ مُكُ أَلْڧَوَرِ؞ كَدَ كُجِڟُواْرُواْ!‏ كَدَ كُمَ كُڢِرْغِتَ؞›‏

مَيْمَيْتَاوَرْ شَرِيعَ 1:8

غَاشِ، نَبَادَ ڧَسَرْ أَ حَنُّنْكُ؞ كُشِغَ كُثِ غَادُوانْ ڧَسَرْدَ يَهْوٜىٰهْ يَرَنْڟٜىٰوَ كَاكَنِّنْكُ، وَتُواْ غَ إِبْرَٰهِيمْ، غَ إِسْحَٰڧَ، غَ يَعْڧُوبَ ثٜىٰوَ ذَيْبَاسُ دَ ذُرِيَرْسُ دَ ذَاسُذُواْ بَايَنْسُ؞›‏ »‏

مَيْمَيْتَاوَرْ شَرِيعَ 11:8

‏«‏سَبُواْدَ حَكَ، سَيْ كُكِيَايٜىٰ دُكَنْ عُمَرْنَنْ دَ نَكٜىٰ عُمَرْثٜىٰكُ يَوْ، دُواْمِنْ كُسَامِ ڧَرْڢِنْ دَ ذَاكُ ڧٜىٰتَرٜىٰ كُشِغَ كُڨُوثٜىٰ ڧَسَرْدَ ذَاكُثِ غَادُوانْتَ؞

مَيْمَيْتَاوَرْ شَرِيعَ 31:23

سَيْ يَهْوٜىٰهْ يَعُمَرْثِ يُواْشُوَ طَنْ نُنْ يَثٜىٰ ‏«‏كَڧَرْڢَڢَ، كَكُمَيِ ڧَرْڢِنْ حَلِ، غَمَا كَيْنٜىٰ ذَاكَ بِيدَ جَمَعَرْ إِسْرَٰٓءِيلَ ثِكِنْ ڧَسَرْدَ نَرَنْڟٜىٰ ذَنْبَاسُ؞ نِے كُوَ ذَنْ كَسَنْثٜىٰ تَرٜىٰدَكَيْ؞»‏

2 تِمُواْتِ 2:1

كَيْ كُمَ طَانَ، كَڧَرْڢَڢَ تَوُرِنْ أَلْحٜىٰرِنْ دَيَكٜىٰ نَامُ ثِكِنْ أَلْمَسِيحُ عِيسَىٰ؞

يُواْشُوَ 1:18

دُكْ وَنْدَ يَتَيَرْوَ عُمَرْنِنْكَ، بَيْ كُوَيِ بِيَيَّ دَ عُمَرْنِنْكَبَ، ذَاعَ كَشٜىٰشِ؞ كَيْ دَيْ كَڧَرْڢَڢَ!‏ كَيِ ڧَرْڢِنْ حَلِ!‏»‏

يُواْشُوَ 1:7

كَڧَرْڢَڢَ!‏ كَيِ ڧَرْڢِنْ ذُوثِيَا ڨُورَيْ!‏ كَكُمَ تَبَّتَا كَكِيَايٜىٰ دُكَنْ كُواْيَرْوَرْ دَ بَاوَنَ مُوسَٰى يَبَاكَ؞ كَدَ كَكَوْثٜىٰ مَتَ دَامَ كُواْ هَغُ، دُواْمِنْ كَيِ نَصَرَا دُكْ عِنْدَ كَتَڢِے؞

يُواْشُوَ 1:9

كَتُنَ نَارِغَا نَا عُمَرْثٜىٰكَ كَڧَرْڢَڢَ، كَيِ ڧَرْڢِنْ حَلِ!‏ كَدَ كَڢِرْغِتَ كُواْ كَجِڟُواْرُواْ، غَمَا كَا سَنِ نِے يَهْوٜىٰهْ اللَّهْ نْكَ إِنَ تَرٜىٰ دَكَيْ دُكْ عِنْدَ ذَاكَتَڢِے؞»‏

يُواْشُوَ 10:25

سَيْ يُواْشُوَ يَڢَطَا وَشُوغَبَنِّنْسَ يَثٜىٰ ‏«‏كَدَ كُڢِرْغِتَ كُواْ كُوَ كُڢِدَّ ذُوثِيَا؞ كُڧَرْڢَڢَ، كُيِ ڧَرْڢِنْ حَلِ، غَمَا حَكَ يَهْوٜىٰهْ ذَيْ يِدَ دُكَنْ أَبُواْكَنْ غَابَا وَطَنْدَ ذَاكُيِ يَاڧِ دَسُو؞»‏

يُواْشُوَ 13:6

غَمٜىٰ دَ دُكَنْ مَذَوْنَنْ يَنْكِنْ سِدُوانْ، وَطَنْدَ سُكٜىٰ ظَوْنٜىٰ عَثِكِنْ يَنْكِنْ تُدَّيْ ڟَكَانِنْ مَنْيَنْ تُدَّنْ لٜىٰبَنُوانْ دَ مِسْرٜىٰڢُواتْ مَيِمْ، نِے دَكَيْنَ ذَنْ كُواْرٜىٰسُ دُكَ دَغَ غَبَنْ إِسْرَٰٓءِيلَاوَا؞ كَتَبَّتَا كَرَبَوَ إِسْرَٰٓءِيلَاوَا يَنْكِنَّنْ يَذَمَ غَادُوانْسُ كَمَرْ يَدَّ نَعُمَرْثٜىٰكَ؞

يُواْشُوَ 18:3

سَيْ يُواْشُوَ يَثٜىٰ وَجَمَعَرْ إِسْرَٰٓءِيلَ ‏«‏حَرْ يَوْشٜىٰ ذَاكُ جِرَا كَاڢِنْ كُغَادَ كُكُمَ مَلَّكِ ڧَسَرْدَ يَهْوٜىٰهْ اللَّهْ نَكَاكَنِّنْكُ يَبَاكُ؟

يُواْشُوَ 21:43

حَكَ كُوَ يَهْوٜىٰهْ يَبَا إِسْرَٰٓءِيلَ دُكَنْ ڧَسَرْدَ يَرَنْڟٜىٰ ذَيْبَا كَاكَنِّنْسُ؞ سَعَدَّ سُكَثِ ڧَسَرْ، سُكَ مَلَّكٜىٰتَ، سُكَ كُوَ ذَوْنَ عَثِكِ؞

يُواْشُوَ 5:6

غَمَا مُتَنٜىٰنْ إِسْرَٰٓءِيلَ سُنَ تَتَڢِيَ أَدَاجِ شٜىٰكَرُ أَرْبَعِنْ، حَرْ سَيْ دَ دُكَنْ مُتَنٜىٰ مَاسُ عِيَ يَاڧِنْ دَ سُكَ ڢِتُواْ دَغَ مَصَرْ سُنْ هَلَّكَ سَبُواْدَ بَسُيِ بِيَيَّ دَ مُرْيَرْ يَهْوٜىٰهْ بَ؞ سُكَ مُتُ غَمَا يَهْوٜىٰهْ يَا ضَنْڟٜىٰ مُسُ بَذَاسُ غَ ڧَسَرْدَ يَرَنْڟٜىٰوَ كَاكَنِّنْسُ ذَيْبَاسُبَ، ڧَسَاثٜىٰ مَيْ أَمْڢَانِ؞

1 سَمَٰعِيلَ 4:9

يَا كُو ڢِلِسْتِيَاوَا، سَيْ كُيِ ڧَرْڢِنْ حَلِ سُواْسَيْ!‏ إِنْ بَهَكَبَ ذَاكُ ذَمَ بَايِنْ إِبْرَنِيَاوَنَّنْ كَمَرْ يَدَّ دَا سُكٜىٰ بَايِنْكُ؞ كُيِ مَذَنْتَكَ!‏ كُيِ يَاڧِ!‏»‏