إِرْمِيَ 5:7 - أَتَّوْرَتْ دَ أَنَّبَاوَا

⁷ ‏«‏تَيَيَا ذَنْ غَاڢَرْثٜىٰكِ، يَا كٜىٰ عُرُوشَلِيمَ؟ یَیَنْكِ سُنْ رَبُ دَنِے، سُنْيِ ضَنْڟُوَا دَ أَبِنْدَ بَ اللَّهْ بَ؞ نَثِيَرْ دَسُو حَرْ سُنْ ڧُواْشِ سُواْسَيْ، دُكْدَهَكَ سُكَيِ كَارُوَنْثِ نَضُواْڧُوانْ أَلُّواْلِنْسُ سُكَ تَارُ كَمَرْ ڧُدَ أَوُرَارٜىٰنْ كَارُوَنْثِنْسُ؞

إِرْمِيَ 5:7 Iomraidhean Croise

2 تَارِيحِ 13:9

أَشٜىٰ، بَكُ كُواْرِ ڢِرِسْتُواْثِنْ يَهْوٜىٰهْ، ذُرِيَرْ هَٰرُونَ دَ كُمَ سَوْرَنْ لَوِيَاوَا بَ؟ بَكُ نَطَ وَكَنْكُ ڢِرِسْتُواْثِے كَمَرْ يَدَّ ڧَبِيلُنْ وَطَنْسُ ڧَسَاشٜىٰ سُكٜىٰيِبَ؟ دُكْ وَنْدَ يَذُواْ دَ طَنْ بِجِمِ دَ تُمَكِ بَݣَويْ ذَيْ عِيَ ذَمَ ڢِرِسْتِ نَغُمَكَنَّنْ وَطَنْدَ بَ اللَّهْ بَ!‏

أَيُوبَ 31:12

غَمَا وَنَّنْ وُتَا ثٜىٰ مَيْثِ حَرْ وُرِنْ هَلَّكَرْوَ، ذَاتَ ثِنْيٜىٰ غِرْبِنَ ڧُرْمُسْ حَرْ جِجِيُواْيِنْسَ؞

زَبُورَا 50:18

عِدَنْ كُنْ غَا ٻَرَوُاْ، كُكَنْيِ أَبُواْكَنْتَكَ دَشِ، كُكَنْ حَطَكَيْ دَ مَاسُ ظِنَ؞

إِرْمِيَ 12:16

دَا مَا سُنْ كُواْيَرْ دَ جَمَعَتَ يَدَّ ذَاسُيِ ضَنْڟُوَا دَ سُونَنْ بَعَلْ؞ عَمَّا عِدَنْ كُوَ سُكَ نَڟُ، سُكَ كُواْيِ حَنْيَرْ رَايُوَرْ جَمَعَتَ، سُنَيِنْ ضَنْڟُوَا دَ سُونَنَ ثٜىٰوَ ‏‹‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ،›‏ تُواْ، سُو مَا ذَاسُ سَامِ رَبُواْ عَثِكِنْ جَمَعَتَ؞

إِرْمِيَ 13:27

نَغَ أَبُبُوَنْ ڧَظَنْتَرْكِ، وَتُواْ رَايُوَرْكِ تَظِنَ، دَ إِرِنْ كُوكَنْكِ نَنٜىٰمَنْ بَرْبَرَ كَمَرْ دُواْكِ، دَ دَتِّنْ رَايُوَرْ كَارُوَنْثِنْكِ عَكَنْ تُدَّيْ دَ ثِكِنْ ڢِيلَيٜىٰ؞ كَيْتُوانْكِ، يَا عُرُوشَلِيمَ!‏ سَيْ يَوْشٜىٰ ذَاكِ يَرْدَ أَ مَيْدَكٜىٰ مَرَرْ ڧَظَنْتَا؟»‏

إِرْمِيَ 16:11

سَيْ كَثٜىٰمُسُ، ‏‹‏نِے يَهْوٜىٰهْ نَا يِوَنَّنْ سَبُواْدَ كَاكَنِّنْكُ سُنْڧِينِ، سُنْ كُمَبِے وَطَنْسُ أَلُّواْلِ، سُنْيِ مُسُ سُجَّدَ، سُنْيِ مُسُ بَوْتَا؞ سُنْڧِينِ بَسُ كُوَ كِيَايٜىٰ كُواْيَرْوَاتَابَ؞

إِرْمِيَ 16:20

طَنْ ءَادَمُ ذَيْ عِيَيِ وَكَنْسَ أَلُّواْلِنٜىٰ؟ أَيْ، وَطَنَّنْ بَ أَلُّواْلِ بَنٜىٰ!‏»‏

إِرْمِيَ 2:11

كُواْ أَݣَويْ وَتَ أَلْعُمَّرْ دَ تَتَٻَ ثَنْجَ أَلُّواْلِنْتَ، كُواْدَيَكٜىٰ سُو بَ أَلُّواْلِبَنٜىٰ؟ عَمَّا جَمَعَتَ سُنْ ثَنْجَ نِے دَ نَكٜىٰ طَوْكَكَرْسُ دَ غُمَكَ مَرَسَ أَمْڢَانِ؞»‏

إِرْمِيَ 2:31

‏«‏يَا كُو مُتَنٜىٰنْ زَامَانِنَّنْ، كُجِ مَغَنَرْ دَ نِے يَهْوٜىٰهْ نَا ڢَطَا؞ نَذَمَ وَ إِسْرَٰٓءِيلَ كَمَرْ دَاجِنٜىٰ؟ كُواْ كَمَرْ ڧَسَا مَيْ بَڧِنْ دُهُنٜىٰ؟ تُواْ، دُوانْمٜىٰ مُتَنٜىٰنَ سُكٜىٰثٜىٰوَ ‏‹‏مُنَدَ یَنْثِنْ كَنْمُ، بَذَامُ سَاكٜىٰ ذُوَا وُرِنْكَبَ؟›‏

إِرْمِيَ 23:10

غَمَا ڧَسَرْ تَثِكَ دَ مَاسُ يِنْ ظِنَ، سَبُواْدَ لَعَنَ ڧَسَرْ تَنَ مَكُواْكِ، حَرْ ثِيَوَرْ كِيوُاْ تَثِكِنْ دَاجِ سُنْ بُوشٜىٰ؞ مَنُڢَرْ مَكِيَايَ مُغُنْتَا ثٜىٰ، بَسُيِ أَمْڢَانِ دَ إِيكُوانْسُ أَ حَنْيَرْ غَسْكِيَابَ؞

إِرْمِيَ 3:19

‏«‏نِے دَكَيْنَ نَيِ تُنَانِ يَدَّ نَكٜىٰسُواْ إِنْ طَوْكٜىٰكُ كُذَمَ یَیَنَ، إِنْكُمَ بَاكُ ڧَسَا مَيْ دَرَجَ، غَادُواْ مَڢِے ݣَوْ عَثِكِنْ دُكَنْ ڧَسَاشٜىٰنْ دُونِيَا؞ نَيِ تُنَانِ يَدَّ ذَاكُثٜىٰ دَنِے ‏‹‏بَابَنْمُ›‏ بَ كُوَ ذَاكُ ڧَارَ جُويَا مِنِ بَايَبَ؞

إِرْمِيَ 3:8

يَهُودَ تَغَ ثٜىٰوَ نَسَكِ إِسْرَٰٓءِيلَ مَرَرْ أَمِنْثِنَّنْ نٜىٰ، سَبُواْدَ تَجُويَا دَغَ غَرٜىٰنِ تَيِ كَارُوَنْثِ؞ عَمَّا دُكْدَهَكَ، یَرْعُوَرْتَ يَهُودَ مَيْ ثِنْ أَمَانَرْ نَنْ، بَتَجِڟُواْرُواْ بَ، عِتَمَا تَتَڢِے تَيِ نَاتَ كَارُوَنْثِنْ؞

إِرْمِيَ 7:9

غَاشِ، كُنْيِتَيِنْ سَاتَادَ كَشٜىٰ كَشٜىٰ دَ ظِنَ دَ ضَنْڟُوَارْ ڧَضْيَا دَ ڧُواْنَاوَا غُنْكِنَّنْ بَعَلْ تُرَارٜىٰ دَ بِنْ وَطَنْسُ أَلُّواْلِنْ دَ دَا بَكُسَنِبَ؞

إِرْمِيَ 9:1

دَمَا كَيْنَ تَڢْكِنْ ضُوَنٜىٰ، عِدَنُونَ كُمَ مَٻُٻُّغَرْ ضُوَ، دَ ذَنْيِ تَكُوكَا دَرٜىٰ دَ رَانَ، سَبُواْدَ مُتَنٜىٰنْ ذُوثِيَاتَ، جَمَعَتَ دَ عَكَ كَشٜىٰ!‏

إِرْمِيَ 9:2

دَمَا إِنَ عَثَنْ هَمَادَ، أَوُرِنْ سَوْكَ دُواْمِنْ مَاسُ يَٰوُاْ، دَ نَرَبُ دَ مُتَنٜىٰنَ إِنْ بَرْسُ!‏ غَمَا دُكَنْسُ مَاسُ ظِنَ نٜىٰ، ڧُنْ‌غِيَرْ مَاسُثِنْ أَمَانَ؞

مَكُواْكِ 3:42

‏«‏مُنْيِ ذُنُوبِنْ غَنْ‌غَنْثِ، مُنْيِ تَاوَيٜىٰ، عَمَّا كَيْ كُوَ بَكَ غَاڢَرْتَا مَنَبَ؞

هِظْڧِيَالْ 22:11

وَنِ يَعَيْكَتَ أَبِنْ ڨَمَ دَ مَاتَرْ مَڨُوبْثِنْسَ، وَنِ كُمَ يَڧَظَنْتَرْ دَ مَاتَرْ طَنْسَ دَ لَلَتَ، حَرْ مَا عَثِكِنْكَ وَنِ يَݣُونَ دَ یَرْعُوَرْسَ، وَتُواْ وَدَّ بَابَنْسُ طَيَ؞

يُوشَعُ 11:8

‏«‏يَيَ ذَنْ سَكٜىٰكُ، يَا ذُرِيَرْ إِڢْرَيِمْ؟ يَيَ ذَنْ رَبُ دَكٜىٰ، يَا إِسْرَٰٓءِيلَ؟ يَيَ ذَنْ مَيْشٜىٰكِ كَمَرْ أَدْمَ؟ يَيَ ذَنْيِ دَكٜىٰ كَمَرْ ظٜىٰبُواْيِمْ؟ ذُوثِيَاتَ تَنَ مُواْڟَاوَا عَثِكِنَ، تَوْسَيِنَ عَكَنْكِ يَنَ ڧَارُوَ؞

يُوشَعُ 13:6

عَمَّا دَ كُكَيِ أَرْزِڧِنْ دَبُّواْبِے، كُكَثِ كُكَ ڧُواْشِ، رَنْكُ يَجِ دَاطِے، سَيْ كُكَيِ غِرْمَنْ كَيْ، كُكَ مَنْتَادَنِے؞

يُوشَعُ 4:2

أَݣَويْ ضَنْڟُوَارْ ڧَضْيَا دَ كَشٜىٰ كَشٜىٰ، دَ ڧَضْيَا دَ سَاتَادَ ظِنَ دَ يَوَنْ ضِكِثِ، دَ كُمَ ظُبْدَ جِنِ عَكَيْ عَكَيْ؞

يُوشَعُ 7:4

دُكَنْسُ مَرْمَرِنْ ظِنَ يَنَ ڧُونَ عَثِكِنْسُ، كَمَرْ وُتَرْ تُواْيَ غُرَاسَ دَ عَكَ كُنَّ، وَدَّ مَيْ تُواْيَوَ بَايَ ڧَارَ مَتَ إِتَاثٜىٰ، تُنْدَغَ لُواْكَثِنْ دَ عَكَ ݣُوٻَ غَارِنْ حَڟِ، حَرْ ذُوَا لُواْكَثِنْ دَ يِسْتِ يَتَاسَرْ دَشِ؞

ڢِرِسْتُواْثِے 20:10

‏«‏عِدَنْ وَنِ يَيِ ظِنَ دَ مَاتَرْ مَڨُوبْثِنْسَ، دُكَنْسُ بِيُ، مُتُمِنْ دَ مَثٜىٰنْ، ذَاعَ كَشٜىٰسُ؞

عَمُواسْ 8:14

وَطَنْدَ سُكَيِ ضَنْڟُوَا دَ غُنْكِنْ سَمَرِيَ سُنَ ثٜىٰوَ ‏‹‏نَا ضَنْڟٜىٰ دَ غُنْكِ نَ دَن›‏، كُواْ ‏‹‏نَا ضَنْڟٜىٰ دَ غُنْكِ نَ بٜىٰيٜىٰرْشٜىٰبَ،›‏ إِرِنْ مُتَنٜىٰنَّنْ ذَاسُڢَاطِ بَذَاسُ ڧَارَ تَاشِبَ؞»‏

زَڢَنِيَ 1:5

ذَنْ كَوَرْدَ مَاسُ هَوَ عَكَنْ رُڢِنْ غِدَاجٜىٰ، مَاسُ بَوْتَاوَ رَانَ دَ وَتَ دَ تَوْرَرِ؞ ذَنْ كَوَرْدَ مَاسُ دُرْڧُسَ دَ ضَنْڟُوَا غَ يَهْوٜىٰهْ، سُنَ كُمَ ضَنْڟُوَا غَ مُواْلٜىٰكْ؞

مَلَكَيْ 3:5

سَعَنً ذَنْ مَڟُواْ كُسَدَكُو دُواْمِنْ إِنْيِ شَرِيعَ؞ نَنْ دَنَنْ ذَنْبَادَ شَيْدَ نَتَبَّتَرْ دَ لَيْڢِنْ مَاسُ سِحِرِ دَ نَمَاسُ ظِنَ دَ نَمَاسُ يِنْ ضَنْڟُوَارْ ڧَضْيَا دَ نَمَاسُ دَنّٜىٰ حَكِّنْ لٜىٰبُرُواْرِ دَ نَمَاسُ ثُوتَرْ مَاتَانْدَ مَذَنْسُ سُكَ مُتُ دَ نَمَرَايُ دَ نَمَاسُ كُواْرَرْ بَاڧِ، وَتُواْ وَطَنْدَ بَاسَجِنْ ڟُواْرُواْنَبَ؞ نِے يَهْوٜىٰهْ مَيْ ضُنْدُنَا، نَاڢَطَا؞»‏

1 كُواْرِنْتِيَاوَا 6:9

أَشٜىٰ، بَكُ سَنِبَ ثٜىٰوَ مَرَسَ أَدَلْثِے بَذَاسُ شِغَ مُلْكٍ اللَّهْ بَ؟ كَدَ ڢَا أَ رُوطٜىٰكُ سَبُواْدَ بَا مَاسُ حَلِنْ لَلَتَ، كُواْ مَاسُ بَوْتَرْ غُمَكَ، كُواْ مَاسُ ظِنَ، كُواْ مَظَا مَاسُ ݣُونَ دَ مَظَا،

1 كُواْرِنْتِيَاوَا 8:4

تُواْ، غَمٜىٰدَ ثِنْ عَبِنْثِنْ دَ عَكَ مِيڧَا وَغُمَكَ كُوَ، مُنْ سَنِ ثٜىٰوَ أَدُكْ دُونِيَرْ نَنْ، غُنْكِ بَعَبَاكِنْ كُواْمٜىٰ يَكٜىٰ بَ، مُنْ كُمَ سَنِ ثٜىٰوَ اللَّهْ طَيَ نٜىٰ، بَابُوَنِ؞

غَلَاتِيَاوَا 4:8

دَا بَكُسَنْ اللَّهْ بَ، كُنَ بَوْتَاوَ وَطَنْسُ أَلُّواْلِ وَطَنْدَ عَيْنِحِ بَكُواْمٜىٰ سُكٜىٰبَ؞

مَيْمَيْتَاوَرْ شَرِيعَ 32:15

إِسْرَٰٓءِيلَ يَثِ يَڧُواْشِ، يٜىٰشُرُنْ يَيِ ڧِبَ يَيِ تَاوَيٜىٰ؞ يَيِ ڧِبَ، يَيِ كَوْرِ، يَيِ سُمُلْ؞ يَيَرْ دَ اللَّهْ وَنْدَ يَحَلِثّٜىٰشِ، يَرٜىٰنَ دُوڟٜىٰنْ ثٜىٰتُوانْسَ؞

مَيْمَيْتَاوَرْ شَرِيعَ 32:21

سُكَسَا نِے كِيشِ دَ أَبِنْدَ بَ اللَّهْ بَ، سُكَسَانِ ڢُشِے دَ أَلُّواْلِنْسُ؞ نِے مَا ذَنْسَاسُ سُيِ كِيشِ دَ مُتَنٜىٰنْ دَ بَ أَلْعُمَّ بَ، إِنْبَاسُ ڢُشِے دَ أَلْعُمَّ مَرَرْ وَيُواْ؞

إِبْرَانِيَاوَا 13:4

ذَمَنْ عَوْرٜىٰ يَذَمَ أَبِنْ دَرَجَ أَغَرٜىٰكُ دُكَ؞ كَدَ غَدُوانْ عَوْرٜىٰنْكُ يَڧَظَنْتُ، غَمَا اللَّهْ ذَيْ حُكُنْتَ مَاسُ يِنْ ظِنَ دَ مَاسُ يِنْ لَلَتَ؞

يَعْڧُوبَ 4:4

كُو مَرَسَ أَمِنْثِ!‏ بَكُسَنِے بَ ثٜىٰوَ ذَمَنْ أَبُواْكِنْ دُونِيَا يَنَ دَيْدَيْ دَ ذَمَنْ غَابَادَ اللَّهْ؟ غَمَا دُكْ مَيْ ڧَوْنَرْ دُونِيَا، يَمَيْدَ كَنْسَ مَيْ غَابَادَ اللَّهْ كٜىٰنَنْ؞

يُواْشُوَ 23:7

كَدَ كُهَطَكَيْ دَ سَوْرَنْ أَلْعُمَّنْ دَ سُكَ رَغُ عَثِكِنْ ڧَسَرْ؞ كَدَ مَا كُعَمْبَثِ سُونَيٜىٰنْ أَلُّواْلِنْسُ كُواْ كُوَ كُرَنْڟٜىٰ دَسُو؞ كَدَ كُبَوْتَا مُسُ، كُواْ كُسُنْكُيَ مُسُ؞