إِرْمِيَ 5:17 - أَتَّوْرَتْ دَ أَنَّبَاوَا

¹⁷ ذَاسُثِنْيٜىٰ أَمْڢَانِنْ غُواْنَرْكُ دَ عَبِنْثِنْكُ؞ ذَاسُ هَلَّكَ یَیَنْكُ مَظَا دَ مَاتَا، ذَاسُثِنْيٜىٰ غَرْكُنَنْكُ نَتُمَكِ دَ نَشَانُو؞ ذَاسُثِنْيٜىٰ غُواْنَكِنْ إِنَبِنْكُ دَ عِتَتُوَنْ ٻَوْرٜىٰنْكُ؞ دَ كَايَنْ يَاڧِنْسُ ذَاسُ هَلَّكَ بِرَنٜىٰنْكُ مَاسُ كَتَنْ‌غَ وَطَنْدَ كُكٜىٰ دُواْغَضَ عَكَيْ؞»‏

إِرْمِيَ 5:17 Iomraidhean Croise

عِشَايَ 62:8

يَهْوٜىٰهْ يَا طَغَ حَنُّنْسَ مَيْ إِيكُواْ يَايِ ضَنْڟُوَا، ‏«‏بَذَنْ سَاكٜىٰ بَ أَبُواْكَنْ غَابَنْكِ حَڟِنْكِ يَذَمَ عَبِنْثِنْسُبَ؞ بَاڧِ بَذَاسُ ڧَارَ شَنْ ضُوً إِنَبِنْكِ وَنْدَ كِكَيِ ڢَامَرْ عَيْكِنْسَبَ؞

عِشَايَ 62:9

عَمَّا سُو وَطَنْدَ سُكَ شُوكَ حَڟِ، سُونٜىٰ ذَاسُثِ، سُكُمَ يَبِے يَهْوٜىٰهْ؞ سُو وَطَنْدَ سُكَ غِرْبِے إِنَبِے، سُونٜىٰ ذَاسُ شَا ضُوً إِنَبِنْ عَثِكِنْ ڢِيلِنْ وُرِينَ مَيْ ڟَرْكِے؞»‏

عِشَايَ 65:22

بَذَاسُيِ غِنِ، وَنِ يَذَوْنَ عَثِكِ بَ، بَذَاسُ شُوكَ غُواْنَكِ، وَنِ يَثِ أَمْڢَانِنْ بَ؞ غَمَا كَمَرْ يَدَّ يَوَنْ شٜىٰكَرُنْ إِتَاثٜىٰ سُكٜىٰ، حَكَ يَوَنْ شٜىٰكَرُنْ مُتَنٜىٰنَ ذَاسُ كَسَنْثٜىٰ؞ مُتَنٜىٰنَ دَ نَذَاٻَا ذَاسُ دَطٜىٰ سُنَ جِنْ دَاطِنْ عَيْكِنْ حَنُّوَنْسُ؞

إِرْمِيَ 1:15

غَاشِ، إِنَ كِرَنْ دُكَنْ ڧَبِيلُنْ مُلْكُواْكِنْ أَرٜىٰوَ؞ ذَاسُيِ غَابَادَ دُكَنْ كَتَنْ‌غَرْتَ، دَ دُكَنْ كَتَنْ‌غَرْ سَوْرَنْ غَرُضُوً يَهُودَ؞ سَرَاكُنَنْسُ ذَاسُذُواْ سُكَڢَ كُجٜىٰرُنْ مُلْكِنْسُ أَوُرِنْ تَارُوَ عَڧُواْڢُواْڢِنْ عُرُوشَلِيمَ؞

إِرْمِيَ 25:37

غَرْكُنَنْ دَسُكٜىٰ ذَمَنْ لَاڢِيَ، أَنْهَلَكَاسُ سَبُواْدَ ذَاڢِنْ ڢُشِنْ يَهْوٜىٰهْ؞

إِرْمِيَ 4:26

نَدُوبَ، غَاشِ، ڧَسَا مَيْ أَمْڢَانِ تَذَمَ هَمَادَ، دُكَنْ غَرُرُوَنْتَ كُمَ سُنْ ذَمَ كُڢَيْ أَغَبَنْ يَهْوٜىٰهْ دَ ذَاڢِنْ ڢُشِنْسَ؞

إِرْمِيَ 4:7

كَمَرْ ذَاكِ مَيْ ڢِتُواْوَ دَغَ وُرِنْ ذَمَنْسَ، حَكَمَا مَيْ هَلَّكَرْ دَ أَلْعُمَّيْ يَڢِتُواْ؞ يَتَاسُواْ دَغَ وُرِنْ ذَمَنْسَ دُواْمِنْ يَلَلَتَرْ دَ ڧَسَرْكُ؞ بِرَنٜىٰنْكُ ذَاسُ ذَمَ كُڢَيْ، بَابُ كُواْوَ عَثِكِ؞

إِرْمِيَ 5:18

إِنْجِ يَهْوٜىٰهْ ‏«‏عَمَّا كُواْ عَثِكِنْ وَطَنْثَنْ ݣُونَكِے مَا بَذَنْ كَٰوُاْكُ غَ ثِكَكّٜىٰنْ ڧَرْشٜىٰبَ؞

إِرْمِيَ 50:17

‏«‏إِسْرَٰٓءِيلَاوَا كَمَرْ تُمَكِنْ دَ سُكَ وَڟٜىٰ نٜىٰ، وَطَنْدَ ذَاكُواْكِ سُكَ كُواْرَ؞ دَ ڢَرْكُواْ سَرْكِنْ أَسُّرِيَ نٜىٰ يَثِنْيٜىٰسُ، عَڧَرْشٜىٰ كُمَ سَرْكِے نٜىٰبُكَدْنٜىٰزَّرْ نَ بَابِيلَ يَكَكَّرْيٜىٰ ڧَسُسُوَنْسُ؞

إِرْمِيَ 50:7

دُكَنْ وَطَنْدَ سُكَ سَامٜىٰسُ، سَيْ سُكَ ثِنْيٜىٰسُ، أَبُواْكَنْ غَابَنْسُ سُكَثٜىٰ، ‏‹‏بَمُيِ لَيْڢِے بَ، غَمَا سُنْيِ وَ يَهْوٜىٰهْ ذُنُوبِ نٜىٰ، يَهْوٜىٰهْ وَنْدَ شِينٜىٰ عَيْنِحِنْ وُرِنْ كِيوُانْسُ، يَهْوٜىٰهْ وَنْدَ شِينٜىٰ سَا ذُوثِيَا نَكَاكَنِّنْسُ؞›‏

إِرْمِيَ 8:13

‏«‏ ‏‹‏إِنْجِنِ يَهْوٜىٰهْ، سَعَدَّ نَكٜىٰسُواْ إِنْتَتَّارَ جَمَعَتَ كَمَرْ يَدَّ مَيْ غِرْبِے يَكٜىٰيِ، بَنْ سَامِ یَیَنْ إِنَبِے عَ إِتَاثٜىٰنْبَ، بَنْ سَامِ یَیَنْ ٻَوْرٜىٰ عَ إِتَاثٜىٰنْبَ؞ غَنْيَيٜىٰنْسُ كُوَ سُنْ بُوشٜىٰ، أَبِنْدَ نَبَاسُ يَٻَثٜىٰ دَغَ غَرٜىٰسُ؞›‏ »‏

إِرْمِيَ 8:16

كُوكَنْ مَنْيَنْ دَوَكِنْ يَاڧِنْسُ، أَنَجِ دَغَ يَنْكِنْ دَنْ؞ دَجِنْ كُوكَنْ مَنْيَنْ دَوَكِنْسُ، دُكَنْ ڧَسَرْ تَغِرْغِظَ؞ سُنْ ذُواْ سُثِنْيٜىٰ ڧَسَرْ دَ دُكَنْ أَبِنْدَ يَكٜىٰ ثِكِنْتَ، سُكُمَ ثِنْيٜىٰ بِرْنِنْ دَ دُكَنْ مَذَوْنَنْسَ؞»‏

مَكُواْكِ 2:12

سُنَتَيِ وَمَامَرْسُ كُوكَا سُنَ ثٜىٰوَ ‏«‏إِنَا عَبِنْثِ دَ أَبِنْشَا؟»‏ سُنَ سُومَ كَمَرْ سُواْجُواْجِنْ يَاڧِ وَطَنْدَ عَكَيِ مُسُ رَوْنِ، عَتِيتُنَ سُنَ مُتُوَ عَڧِرْجِنْ مَامَرْسُ؞

مَكُواْكِ 2:2

عَثِكِنْ رَشِنْ تَوْسَيِ، عُبَنْ‌غِجِ يَهَلَّكَرْ دَ دُكَنْ وُرَارٜىٰنْ ذَمَنْ يَعْڧُوبَ؞ عَثِكِنْ ڢُشِنْسَ، يَرُرُّشٜىٰ وُرَارٜىٰ مَاسُ كَتَنْ‌غَ نَذُوثِيَارْسَ يَهُودَ؞ مُلْكِ دَ مَاسُ مُلْكِنْسَ، يَڧَسْڧَنْتَرْ دَسُو؞

هِظْڧِيَالْ 36:4

سَبُواْدَ حَكَ، يَا تُدَّنْ إِسْرَٰٓءِيلَ، كُجِ مَغَنَرْ عُبَنْ‌غِجِ يَهْوٜىٰهْ؞ غَا أَبِنْدَ عُبَنْ‌غِجِ يَهْوٜىٰهْ يَكٜىٰ ڢَطَا مُكُ، يَا كُو مَنْيَ دَ ڧأَنَانً تُدَّيْ دَ مَٻُٻُّغَرْ ضُوَ دَ ݣُورُرُوَ دَ كُڢَيْ دَ بُوسَشِّيَرْ ڧَسَا مَرَرْ أَمْڢَانِ دَ غَرُضُوً دَ عَكَ يَاشٜىٰسُ، وَطَنْدَ سُكَ ذَمَ أَبِنْدَ عَكَ ݣُوسَ دَ أَبِنْ بَعَ غَ سَوْرَنْ دُكَنْ أَلْعُمَّنْ دَسُكٜىٰ كٜىٰوَيٜىٰ دَكُو؞

يُوشَعُ 2:12

ذَنْٻَاتَ عِتَتُوَنْ إِنَبِنْتَ، دَ عِتَتُوَنْ ٻَوْرٜىٰنْتَ وَطَنْدَ تَكٜىٰثٜىٰوَ ‏‹‏وَطَنَّنْ سُونٜىٰ لَادَنَ وَنْدَ مَسُواْيَنَ سُكَبَانِ؞›‏ ذَنْسَا سُذَمَ كُرْمِ، نَمُواْمِنْ دَاجِ سُثِنْيٜىٰسُ؞

يُوشَعُ 8:14

إِسْرَٰٓءِيلَ سُنْ مَنْتَادَ وَنْدَ يَحَلِثّٜىٰسُ؞ سُنْ غِنَا مَنْيَنْ غِدَاجٜىٰنْ سَرْكِے؞ يَهُودَ مَا تَغِنَ بِرَنٜىٰنْ كَتَنْ‌غَ مَاسُيَوَ؞ عَمَّا ذَنْ عَيْكَ دَ وُتَا عَكَنْ بِرَنٜىٰنْ، وُتَرْ ذَاتَ ثِنْيٜىٰ غِدَاجٜىٰنْ سَرَاكُنَنْسُ؞»‏

يُواْوٜىٰلْ 2:3

وُتَا تَنَثِ أَغَبَنْسُ عَبَايَنْسُ كُمَ هَرْشٜىٰنْ وُتَا يَنَ ڧُونَ؞ أَغَبَنْسُ ڧَسَرْ كَمَرْ غُواْنَرْ عَيْدَنْ نٜىٰ، عَمَّا بَايَنْدَ سُكَ وُثٜىٰ، سَيْ تَذَمَ دَاجِ عِنْدَ بَابُ كُواْوَ؞ لَلَّيْ بَابُ أَبِنْدَ ذَيْ ڟِيرَا دَغَ غَرٜىٰسُ؞

ڢِرِسْتُواْثِے 26:16

تُواْ، غَا حُكُنْثِنْ دَ ذَنْيِ مُكُ؞ ذَنْعَيْكَ مُكُ دَ بَلَعِ مَيْ بَنْ ڟُواْرُواْ دَ ثُوتُتُّكَ إِرِ إِرِ، دَ ظَظْذَاٻِنْ دَ ذَاسُ لَلَتَرْ مُكُ دَ إِدَانُو، يَسَا كُيِ تَرَمٜىٰوَ؞ عَبَنْظَ ذَاكُيِ شُوكَ، غَمَا أَبُواْكَنْ غَابَنْكُ نٜىٰ ذَاسُثِشِ؞

زَڢَنِيَ 3:6

يَهْوٜىٰهْ يَثٜىٰ، ‏«‏نَارِغَا نَايَنْكٜىٰ ڧَبِيلُنْ دُونِيَا، وُرَارٜىٰنْ ٻُيَنْسُ سُنْ لَلَثٜىٰ؞ نَا كُمَ لَلَتَرْدَ هَنْيُواْيِنْسُ، بَا مَيْ تَڢِيَ عَكَنْسُ؞ أَنْ مَيْدَ بِرَنٜىٰنْسُ كُڢَيْ حَرْ مَا بَعَضَغٜىٰ مُتُمْبَ، بَابُ كُواْوَ عَثِكِ؞

مَلَكَيْ 1:4

‏«‏كُواْدَيَكٜىٰ عٜىٰدُواْمَاوَا، وَتُواْ ذُرِيَرْ إِسُوَ، سُنْ ثٜىٰ، ‏‹‏أَنْيِ كَثَ كَثَ دَمُو، عَمَّا ذَامُ كُواْمَ مُسَاكٜىٰ غِنَا كُڢَنْمُ،›‏ عَمَّا يَهْوٜىٰهْ مَيْ ضُنْدُنَا يَثٜىٰ، ‏‹‏عِ، ذَاسُ غِنَا، نِے كُوَ ذَنْ رُشٜىٰ، حَرْ سَيْ أَنْثٜىٰ دَسُو مُوغُوَرْ ڧَسَا، مُتَنٜىٰنْ دَ ڢُشِنْ يَهْوٜىٰهْ ذَيْ دَطٜىٰ عَكَنْسُ؞›‏

مَيْمَيْتَاوَرْ شَرِيعَ 28:33

مُتَنٜىٰنْ دَ بَكُ سَنْسُبَ، ذَاسُذُواْ سُثِ أَمْڢَانِنْ غُواْنَكِنْكُ دَ دُكَنْ أَبِنْدَ كُكَيِ وَهَلَ كُكَ نُواْمٜىٰ؞ ذَاعَيِ تَوُلَڧَنْتَرْ دَكُو، عَكُمَ دَنّٜىٰكُ كُلُّمْ؞