إِرْمِيَ 42:18 - أَتَّوْرَتْ دَ أَنَّبَاوَا

¹⁸ ‏«‏ ‏‹‏إِنْجِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ ‏«‏كَمَرْ يَدَّ نَظُبَ ڢُشِنَ دَ ذَاڢِنْ ڢُشِنَ عَكَنْ مَذَوْنَنْ عُرُوشَلِيمَ، حَكَنَنْ نٜىٰ ذَنْ ظُبَ ذَاڢِنْ ڢُشِنَ عَكَنْكُ عِدَنْ كُكَ تَڢِے مَصَرْ؞ ذَاكُ ذَمَ أَبِنْ بَنْظَ دَ أَبِنْ ڟُواْرُواْ دَ أَبِنْ لَعَنَ دَ أَبِنْ ذَاغِ؞ بَذَاكُ سَاكٜىٰ غَنِنْ وُرِنَّنْبَ؞»‏ ›‏ »‏

إِرْمِيَ 42:18 Iomraidhean Croise

2 تَارِيحِ 34:25

غَمَا مُتَنٜىٰنْ يَهُودَ سُنْڧِينِ سُكَ كُواْمَ غَ ڧُواْنَ وَ وَطَنْسُ أَلُّواْلِ تُرَارٜىٰ؞ سُنْ سَا نَيِ ڢُشِے سَبُواْدَ سُنْيِ سُجَّدَ غَ دُكَنْ أَيُّكَنْ حَنُّوَنْسُ؞ ڢُشِنَ ذَيْ تَاشِ عَكَنْسُ، كُمَ بَابُ أَبِنْدَ ذَيْ ݣُونْتَرْ دَشِ؞›‏

عِشَايَ 30:3

دُواْمِنْ حَكَ، وُرِنْ ٻُيَ نَ ڢِرْعَوْنَ ذَيْ جَٰوُاْ مُكُ كُنْيَا، وُرِنْ مَڢَكَا نَسَرْكِنْ مَصَرْ ذَيْ ذَمَ مُكُ أَبِنْ ڧَسْڧَنْثِ؞

عِشَايَ 65:15

عِ، نِے عُبَنْ‌غِجِ يَهْوٜىٰهْ ذَنْ كَشٜىٰكُ، مُتَنٜىٰنْدَ نَذَاٻَا ذَاسُ مُواْضِ سُونَيٜىٰنْكُ وَجٜىٰنْ لَعَنْتَرْوَ، عَمَّا غَ بَايِنَ ذَاعَ بَاسُ سَابُوانْ سُونَ؞

إِرْمِيَ 18:16

سُنْ مَيْدَ ڧَسَرْسُ أَبِنْ ڟُواْرُواْ، أَبِنْ جَنْ ڟَكِ حَرْ أَبَدَا؞ دُكْ وَنْدَ يَوُثٜىٰ تَوُرِنْ ذَيْ رَسَ أَبِنْ ڢَطَا يَكَطَ كَنْسَ؞

إِرْمِيَ 22:27

ڧَسَرْ نَنْ كُوَ دَ كَكٜىٰ مَرْمَرِنْ كُواْمُواْوَ ثِكِنْتَ، بَذَاكَ تَٻَ كُواْمَاوَا ثِكِنْتَبَ؞›‏ »‏

إِرْمِيَ 23:40

ذَنْسَا كُذَمَ أَبِنْ ڧَسْڧَنْثِ دَ أَبِنْ كُنْيَا حَرْ أَبَدَا؞ بَذَاعَ كُوَ مَنْتَادَ وَنَّنْبَ؞›‏ »‏

إِرْمِيَ 24:9

ذَنْ مَيْدَسُو أَبِنْ ڟُواْرُواْ دَ أَبِنْ ڨَمَ غَ دُكَنْ مُلْكُواْكِنْ دُونِيَا؞ ذَاسُ ذَمَ أَبِنْ ڧَسْڧَنْثِ دَ أَبِنْ مِصَالِ دَ أَبِنْ غُواْرِ دَ لَعَنَ أَدُكَنْ وُرَارٜىٰنْ دَ ذَنْ وَرْوَڟَاسُ؞

إِرْمِيَ 25:9

غَاشِ، ذَنْ كِرَا دُكَنْ ڧَبِيلُنْ أَرٜىٰوَ، حَرْ دَ بَاوَنَ سَرْكِے نٜىٰبُكَدْنٜىٰزَّرْ نَ بَابِيلَ؞ ذَنْ كَٰوُاْسُ سُيِ يَاڧِ دَ ڧَسَرْ نَنْ دَ مَذَوْنَنْتَ دَ دُكَنْ أَلْعُمَّنْ دَسُكٜىٰ كٜىٰوَيٜىٰ دَ عِتَ؞ ذَنْ كٜىٰٻٜىٰ ڧَسَرْدَ مَذَوْنَنْتَ دَ دُكَنْ أَلْعُمَّنْ دَسُكٜىٰ كٜىٰوَيٜىٰ دَ عِتَ دُواْمِنْ هَلَّكَرْوَ، إِنْسَا سُذَمَ كُڢَيْ دَ أَبِنْ ڟُواْرُواْ دَ أَبِنْ جَنْ ڟَكِ دَ أَبِنْ ڧَسْڧَنْثِ حَرْ أَبَدَا؞

إِرْمِيَ 26:6

عِدَنْ بَكُ جُويَا كُيِ مِنِ بِيَيَّبَ، ذَنْ رُشٜىٰ غِدَنَّنْ، كَمَرْ يَدَّ نَرُشٜىٰ وُرِنْ سُجَّدَ أَ شِلُواْ؞ سَعَنً ذَنْ مَيْدَ سُونَنْ بِرْنِنَّنْ يَذَمَ أَبِنْ لَعَنَ ثِكِنْ دُكَنْ أَلْعُمَّنْ دُونِيَا؞›‏ »‏

إِرْمِيَ 29:18

ذَنْبِيسُ دَ تَكُواْبِے دَ يُنْوَ دَ بَلَعِ، إِنْكُمَسَا سُذَمَ أَبِنْ ڟُواْرُواْ غَ دُكَنْ مُلْكُواْكِنْ دُونِيَا، سُذَمَ أَبِنْ لَعَنَ دَ أَبِنْ رَظَنَ دَ أَبِنْ جَنْ ڟَكِ دَ كُمَ أَبِنْ ڧَسْڧَنْثِ غَ دُكَنْ أَلْعُمَّيْ، عِنْدَ نَكُواْرٜىٰسُ سُكَ تَڢِے؞

إِرْمِيَ 29:22

سَبُواْدَ أَبِنْدَ ذَيْڢَرُ دَسُو، دُكَنْ مُتَنٜىٰنْ يَهُودَ وَطَنْدَ عَكَ كَيْسُ بَوْتَا عَ بَابِيلَ ذَاسُ ڧِرْڧِرُواْ كَلْمَرْ لَعَنَ مَيْ ثٜىٰوَ ‏«‏بَرِ يَهْوٜىٰهْ يَمَيْشٜىٰكَ كَمَرْ أَنَّبِے صَدِڧِيَ دَ أَنَّبِے أَهَبْ وَطَنْدَ سَرْكِنْ بَابِيلَ يَغَسَ أَوُتَا!‏»‏

إِرْمِيَ 33:5

غَمٜىٰدَ غِدَاجٜىٰنَّنْ دَ عَكَ ثِكَ دَ غَوَوَّكِنْ مُتَنٜىٰنْدَ نَسَا عَكَشٜىٰ ثِكِنْ ڢُشِنَ دَ ڢُشِنَ مَيْ ذَاڢِ؞ غَمَا نَا ٻُواْيٜىٰ ڢُسْكَتَ دَغَ مُتَنٜىٰنْ وَنَّنْ بِرْنِ سَبُواْدَ دُكَنْ مُغُنْتَارْسُ؞

إِرْمِيَ 44:12

ذَنْ كَوَرْدَ ضَغُواْوَرْ مُتَنٜىٰنْ يَهُودَ، سُو دَ سُكَسَاكَيْ غَ ذَمَ عَڧَسَرْ مَصَرْ، ذَاسُ كُوَ هَلَّكَ أَ مَصَرْ؞ دَغَ ڧَرَمِ ذُوَا بَبَّ ذَاسُ مُتُ تَوُرِنْ تَكُواْبِے دَ يُنْوَ؞ ذَاسُ ذَمَ كَمَرْ أَبِنْ بَنْظَ دَ أَبِنْ ڟُواْرُواْ دَ أَبِنْ لَعَنَ دَ أَبِنْ ذَاغِ؞

إِرْمِيَ 44:22

يَهْوٜىٰهْ بَيْ عِيَ ڧَارَ جِمْرٜىٰوَبَ سَبُواْدَ مُوغَيٜىٰنْ أَيُّكَنْكُ دَ أَيُّكَنْ بَنْ ڨَمَرْ دَ كُكَ عَيْكَتَ؞ سَبُواْدَ حَكَنٜىٰ ڧَسَرْكُ تَذَمَ كُڢَيْ، مَرَرْ أَمْڢَانِ دَ أَبِنْ لَعَنَ، بَابُ كُواْوَ عَثِكِنْتَ، كَمَرْ يَدَّ تَكٜىٰ عَيَوْ؞

إِرْمِيَ 44:6

سَبُواْدَ حَكَ نَظُبَ ڢُشِنَ دَ ذَاڢِنْ ڢُشِنَ عَكَنْ غَرُضُوً يَهُودَ دَ كُمَ عَكَنْ تِيتُنَنْ عُرُوشَلِيمَ؞ شِيَسَا سُنْ لَلَثٜىٰ سُنْ ذَمَ كُڢَيْ يَدَّ سُكٜىٰ عَيَوْ؞

إِرْمِيَ 44:8

مٜىٰيَسَا كُكٜىٰ سَا إِنْيِ ڢُشِے تَوُرِنْ أَيُّكَنْ حَنُّوَنْكُ؟ مٜىٰيَسَا كُكٜىٰ مِيڧَا وَغُمَكَ هَدَايُ عَڧَسَرْ مَصَرْ عِنْدَ كُكَذُواْ دُواْمِنْ كُذَوْنَ؟ كُسَنِ ڢَا يِنْ حَكَ ذَيْسَا عَكَوَرْ دَكُو، كُذَمَ أَبِنْ لَعَنَ دَ ذَاغِ عَثِكِنْ دُكَنْ أَلْعُمَّنْ دُونِيَا؞

إِرْمِيَ 6:11

سَبُواْدَ حَكَ إِنَ ثِكٜىٰ دَ ڢُشِنْ يَهْوٜىٰهْ، حَرْ مَا نَغَاجِ دَ رِڧٜىٰ ڢُشِنْ؞ أَ ظُبَ ڢُشِنْ عَكَنْ يَارَا عَتِيتِ، دَ كُمَ عَكَنْ تَارُوانْ سَمَارِ، عَكَنْ مَظَا دَ مَاتَا، دَ كُمَ عَكَنْ ڟُواْڢَڢِّ دَ دَتَّاوَا؞

إِرْمِيَ 7:20

سَبُواْدَ حَكَ، إِنْجِنِ عُبَنْ‌غِجِ يَهْوٜىٰهْ، غَاشِ ذَنْ ظُبَ ڢُشِنَ دَ ڢُشِے مَيْ ذَاڢِ عَكَنْ وَنَّنْ وُرِے؞ ذَنْ ظُبَ عَكَنْ دَبُّواْبِے دَ یَنْ أَدَمْ، عَكَنْ عِتَتُوَنْ دَاجِ دَ أَمْڢَانِنْ غُواْنَ؞ ڢُشِنْ ذَيْ يِتَثِ، بَ كُوَ ذَاعَ كَشٜىٰبَ؞»‏

مَكُواْكِ 2:4

يَجَا بَكَنْسَ كَمَرْ أَبُواْكِنْ غَابَا، يَكُمَ نُونَ حَنُّنْ إِيكُوانْسَ كَمَرْ مَڧِيِ؞ يَهَلَّكَ دُكَنْ أَبِنْدَ عَكٜىٰ تَاڧَمَ عَكَيْ نَثِكِنْ تٜىٰنْتِنْ ذُوثِيَارْسَ سِهِيُواْنَ؞ عِ، يَظُبَ ڢُشِنْسَ كَمَرْ هَرْشٜىٰنْ وُتَا؞

مَكُواْكِ 2:6

يَرُشٜىٰ هَيْكَلِنْسَ كَمَرْ بُكَّ أَغُواْنَ، يَكَوَرْدَ تٜىٰنْتِنْ سَدُوَرْسَ؞ أَ سِهِيُواْنَ يَهْوٜىٰهْ يَكَوَرْدَ بُكُكُوَ دَ كِيَايٜىٰوَرْ رَانَرْ هُوتُ تَمَكُواْ؞ أَ ذَاڢِنْ ڢُشِنْسَ يَڧِ سَرْكِے دَ ڢِرِسْتُواْثِے؞

مَكُواْكِ 4:11

يَهْوٜىٰهْ يَا بَرْ ثِكَكّٜىٰنْ ڢُشِنْسَ يَٻَرْكٜىٰ، يَظُبَ ڢُشِنْسَ مَيْ ذَاڢِ؞ يَكُنَّ وَ سِهِيُواْنَ وُتَا وَدَّ تَثِنْيٜىٰ تُوشٜىٰنْ غِنِنْتَ؞

هِظْڧِيَالْ 20:34

دَهَنُّ مَيْ إِيكُواْ دَ يِنْ مَنْيَنْ أَيُّكَ نَبَنْ مَامَاكِ تَرٜىٰدَ ڢُشِے ذَنْ ڢِتَرْ دَكُو دَغَ ثِكِنْ ڧَبِيلُ، إِنْ تَتَّارُواْكُ دَغَ ثِكِنْ ڧَسَاشٜىٰ عِنْدَ نَوَاڟَرْ دَكُو؞

هِظْڧِيَالْ 22:22

كَمَرْ يَدَّ عَكَنْ نَرْكٜىٰ أَظُرْڢَا أَوُتَرْ مَڧٜىٰرَ، حَكَ ذَاكُ نَرْكٜىٰ عَثِكِنْتَ؞ ذَاكُ سَنِ نِے يَهْوٜىٰهْ نٜىٰ نَظُبُواْ مُكُ ذَاڢِنْ ڢُشِنَ؞»‏

دَانِيٜىٰلْ 9:11

دُكَنْ جَمَعَرْ إِسْرَٰٓءِيلَ سُنْ كَرْيَ كُواْيَرْوَرْكَ، سُنْ كَوْثٜىٰ، سُنْڧِے جِنْ مُرْيَرْكَ؞ لَعَنَ دَ ضَنْڟُوَا وَطَنْدَ سُكٜىٰ أَرُبُوثٜىٰ ثِكِنْ كُواْيَرْوَرْ مُوسَٰى بَاوَنْكَ يَا اللَّهْ، سُنْ ڢَاطُواْ عَكَنْمُ غَمَا مُنْيِ مَكَ ذُنُوبِ؞

دَانِيٜىٰلْ 9:27

شُوغَبَنَّنْ ذَيْ يِ يَرْجٜىٰجٜىٰنِيَ مَيْ ڧَرْڢِے دَ مُتَنٜىٰ دَيَوَ نَڟَوُانْ لُواْكَثِ بَݣَويْ غُدَا؞ عَمَّا عَثِكِنْ رَبِنْ وَنَّنْ لُواْكَثِ، ذَيْ حَنَ يِنْ هَدَايَ دَ بَيٜىٰ بَيٜىٰ؞ عَبِسَ هَيْكَلِ ذَاعَيِ أَبِنْ ڧَظَنْتَا مَيْ كَٰوُاْ هَلَّكَرْوَ؞ ذَيْ كَسَنْثٜىٰ أَوُرِنْ حَرْ سَيْ لُواْكَثِنْ دَ عَكَ شِرْيَ عَكَٰوُاْ ڧَرْشٜىٰنْ مَيْ كَٰوُاْ هَلَّكَرْوَرْ نَنْ؞»‏

يُوشَعُ 7:16

سُنْجُويَا مِنِ بَايَ سُنْبِے أَلُّواْلِ مَرَسَ أَمْڢَانِ، كَمَرْ بَكَنْدَ يَتَنْڨُورٜىٰ، بَاسُ دَ أَمْڢَانِ؞ شُوغَبَنِّنْسُ دَ تَكُواْبِے نٜىٰ ذَاعَ كَشٜىٰسُ، سَبُواْدَ دَ بَڧَرْ مَغَنَرْ بَاكِنْسُ؞ وَنَّنْ ذَيْسَا عَيِمُسُ دَارِيَا عَڧَسَرْ مَصَرْ؞»‏

نَهُمْ 1:6

وَ ذَيْ عِيَ ڟَيَاوَا أَغَبَنْسَ إِنْ يَيِ ڢُشِے؟ وَ ذَيْ عِيَ جِمْرٜىٰوَ ذَاڢِنْ ڢُشِنْسَ؟ ڢُشِنْسَ يَنَ ظُبَ كَمَرْ وُتَا، مَنْيَنْ دُوَڟُو سُكَنْ ڢَرْڢَسَ أَغَبَنْسَ؞

زَكَرِيَّا 8:13

يَا كُو غِدَنْ يَهُودَ دَ نَ إِسْرَٰٓءِيلَ!‏ كَمَرْ يَدَّ كُكَ ذَمَ لَعَنَ عَثِكِنْ سَوْرَنْ ڧَبِيلُ، حَكَمَا ذَنْثٜىٰثٜىٰكُ، ذَاكُ كُوَ ذَمَ أَلْبَرْكَ أَغَرٜىٰسُ؞ كَدَ كُجِڟُواْرُواْ، عَمَّا كُيِ ڧَرْڢِنْ حَلِ دَ ڨُوذُواْ؞›‏

ڧِدَايَ 5:27

عِدَنْ دَ غَسْكِيَ نٜىٰ مَاتَرْ نَنْ تَا ڧَظَنْتَرْدَ كَنْتَ تَوُرِنْ رَشِنْ أَمِنْثِ غَ مِجِنْتَ، ضُوًنَنْ مَيْ كَٰوُاْ لَعَنَ ذَيْ شِغَ ثِكِنْتَ يَسَا وَمَاتَرْ وَهَلَ مَيْ طَاثِ؞ مَحَيْڢَرْتَ ذَاتَ شَنْيٜىٰ، ثِكِنْتَ كُمَ ذَيْ كُمْبُرَ؞ مَاتَرْ ذَاتَ ذَمَ أَبِنْ لَعَنَ عَثِكِنْ مُتَنٜىٰنْتَ؞

رُعُيَرْ دَ عَكَيِ وَ يَحْيَى 14:10

شِ ذَيْ شَا ضُوً إِنَبِے نَڢُشِنْ اللَّهْ، وَنْدَ عَكَ شِرْيَ دَ دُكَنْ ڧَرْڢِنْسَ عَثِكِنْ ݣُوڢْ نَڢُشِنْ اللَّهْ؞ ذَاعَكُوَ بَاشِ عَذَابَ سُواْسَيْ دَ وُتَادَ ڢَرَرْ وُتَا مَيْ وَرِ، أَغَبَنْ مَلاَىِٕكُ مَاسُ ڟَرْكِے دَ كُمَ أَغَبَنْ طَنْ ضَغُوانْ؞