إِرْمِيَ 29:14 - أَتَّوْرَتْ دَ أَنَّبَاوَا

¹⁴ ذَنْ كُوَسَا كُسَامٜىٰنِ؞ ذَنْ مَيَرْ مُكُ دَ أَلْبَرْكُنْكُ، إِنْ تَتَّارُواْكُ دَغَ ثِكِنْ دُكَنْ أَلْعُمَّيْ دَ دُكَنْ وُرَارٜىٰ عِنْدَ نَكُواْرٜىٰكُ، نِے يَهْوٜىٰهْ نَا ڢَطَا؞ ذَنْ دَاوُاْ دَكُو أَوُرِنَّنْ دَغَ عِنْدَ نَسَا عَكْوَاشٜىٰكُ ذُوَا ذَمَنْ بَوْتَا؞ نِے يَهْوٜىٰهْ نَا ڢَطَا؞

إِرْمِيَ 29:14 Iomraidhean Croise

1 تَارِيحِ 28:9

‏«‏كَيْ كُمَ طَانَ سُلَيْمَٰنُ، كَا تَبَّتَرْ ثٜىٰوَ كَا سَنْ اللَّهْ نَكَكَنْكَ؞ دُواْلٜىٰنٜىٰ كَيِ مَسَ حِدِمَ دَ دُكَنْ ذُوثِيَارْكَ، كُمَ عَثِكِنْ يَرْدَرْ رَيْ، غَمَا يَهْوٜىٰهْ يَنَ بِنْثِكٜىٰ كُواْوَثٜىٰ ذُوثِيَا كُمَ يَنَ غَانٜىٰ نِيَّرْ كُواْوَثٜىٰ ذُوثِيَا؞ عِدَنْ كَا نٜىٰمٜىٰشِ، ذَيْسَا كَسَامٜىٰشِ؞ عَمَّا عِدَنْ كَا جُويَا مَسَ بَايَ، شِے مَا ذَيْ كَوَرْ دَكَيْ حَرْ أَبَدَا؞

زَبُورَا 126:1

دَ يَهْوٜىٰهْ يَمَيَرْ مَنَ دَ أَلْبَرْكُنْمُ، مُو مَاسُ دَاوُاْوَ سِهِيُواْنَ، يَذَمَ مَنَ كَمَرْ مُنَ مَڢَرْكِ!‏

زَبُورَا 126:4

يَا يَهْوٜىٰهْ، سَابُنْتَامُ، مُو مَاسُ دَاوُاْوَ، كَمَرْ ٻُلُّواْوَرْ ضُوَ أَدَاجِ مَرَرْ ضُوَ؞

زَبُورَا 32:6

سَبُواْدَ حَكَ بَرِ دُكَنْ مَاسُ حَلِ إِرِنَّاكَ سُمِيڧَ أَدُّعَ غَرٜىٰكَ أَ لُواْكَثِنْ وَهَلَ؞ كُواْ دَ دَامُوَ تَتَاسُواْ كَمَرْ أَمْبَلِيَرْ ضُوَ، بَذَاتَ كَيْ وُرِنْسُبَ؞

زَبُورَا 46:1

اللَّهْ شِينٜىٰ وُرِنْ ٻُيَنْمُ دَ ڧَرْڢِنْمُ، تَيْمَكُوانْمُ نَكُرْكُسَ لُواْكَثِنْ وَهَلَ؞

عِشَايَ 14:1

عَمَّا يَهْوٜىٰهْ ذَيْجِے تَوْسَيِنْ ذُرِيَرْ يَعْڧُوبَ؞ يَهْوٜىٰهْ ذَيْسَاكٜىٰ ذَاٻٜىٰنْ إِسْرَٰٓءِيلَ تَذَمَ جَمَعَرْسَ تَمُسَمَّنْ، ذَيْ كُمَ سَاسُ سُذَوْنَ عَڧَسَرْسُ؞ بَاڧِ ذَاسُ حَطَكَيْ دَسُو، سُمَنّٜىٰوَ غِدَنْ يَعْڧُوبَ؞

عِشَايَ 43:5

كَدَ كَجِڟُواْرُواْ، غَمَا إِنَ تَرٜىٰدَكَيْ، ذَنْ كَٰوُاْ یَیَنْكَ دَغَ ڧَسَاشٜىٰنْ غَبَسْ، إِنْكُمَ تَتَّرَاسُ دَغَ ڧَسَاشٜىٰنْ يَمَّ؞

عِشَايَ 43:6

ذَنْثٜىٰ وَڧَسَاشٜىٰنْ أَرٜىٰوَ، ‏‹‏كُمَيْدَ نَاكُ،›‏ إِنْثٜىٰ وَكُدُ، ‏‹‏كَدَ كُرِڧٜىٰ نَاكُ؞›‏ سَيْ كُكَٰوُاْ مِنِ یَیَنَ مَظَا دَغَ نٜىٰسَ، دَ یَیَنَ مَاتَادَغَ دُكَنْ إِيَاكَرْ دُونِيَا؞

عِشَايَ 45:19

بَانَ مَغَنَ عَٻُواْيٜىٰ، أَوَنِ لُنْ‌غُ عَڧَسَا مَيْ دُهُ؞ بَنْثٜىٰ وَظُرِيَرْ يَعْڧُوبَ سُنٜىٰمٜىٰنِ أَوُاْڢِبَ؞ نِے يَهْوٜىٰهْ إِنَ مَغَنَرْ غَسْكِيَ، إِنَ ڢَطِنْ أَبِنْدَ يَكٜىٰ دَيْدَيْ؞»‏

عِشَايَ 55:6

كُنٜىٰمِ يَهْوٜىٰهْ تُنْ أَنَ عِيَ سَامُنْسَ، كُيِ كِرَنْسَ سَعَدَّ يَكٜىٰ كُسَ؞

إِرْمِيَ 12:15

بَايَنْدَ نَتُمْٻُكٜىٰسُ، ذَنْ سَاكٜىٰجِنْ تَوْسَيِنْسُ، إِنْكُمَ سَاكٜىٰ كُواْمَرْدَ كُواْوَنّٜىٰنْسُ ذُوَا وُرِنْ غَادُوانْسَ، كُواْوَنّٜىٰنْسُ ذُوَا ڧَسَرْسَ؞

إِرْمِيَ 3:14

إِنْجِ يَهْوٜىٰهْ، ‏«‏كِدَاوُاْ غَرٜىٰنِ، يَا كٜىٰ مَثٜىٰ مَرَرْ أَمِنْثِ!‏ غَمَا نِے مِجِنٜىٰ أَغَرٜىٰكِ؞ دَغَ ثِكِنْ ذُرِيَرْكِ ذَنْ طَوْكِ مُتُمْ طَيَ دَغَ كُواْوَنٜىٰ غَرِ، مُتُمْ بِيُ كُمَ دَغَ كُواْوَنٜىٰ عِيَلِ، إِنْدَاوُاْ دَسُو تُدُنْ سِهِيُواْنَ؞

إِرْمِيَ 30:10

يَنْذُ ڢَا، يَا ذُرِيَرْ بَاوَنَ يَعْڧُوبَ، كَدَ كُجِڟُواْرُواْ، يَا إِسْرَٰٓءِيلَ، كَدَ كُڢِرْغِتَ!‏ غَمَا غَاشِ، ذَنْثٜىٰثٜىٰكُ دَغَ ڧَسَا مَيْ نِيسَ، ذَنْثٜىٰثِ یَیَنْكُ دَغَ ڧَسَرْ بَوْتَا؞ ذُرِيَرْ يَعْڧُوبَ ذَاسُ دَاوُاْ، ذَاسُ كَسَنْثٜىٰ دَ لَاڢِيَ دَ رَيْ عَݣُونْثٜىٰ، بَابُوَنْدَ ذَيْسَاكٜىٰ ڟُواْرَتَرْ دَسُو؞ نِے يَهْوٜىٰهْ نَا ڢَطَا؞

إِرْمِيَ 30:18

‏«‏إِنْجِنِ يَهْوٜىٰهْ، غَاشِ، ذَنْ مَيَرْوَ ذُرِيَرْ يَعْڧُوبَ دَ أَلْبَرْكُنْتَ، إِنْجِ تَوْسَيِنْ وُرَارٜىٰنْ ذَمَنْتَ؞ ذَاعَ سَاكٜىٰ غِنَا بِرْنِنْ أَوُرِنْسَ نَدَا، عَكُمَ كَڢَ غِدَنْ سَرْكِے أَ عِنْدَ يَكٜىٰ أَدَا؞

إِرْمِيَ 30:3

غَمَا غَاشِ، ݣُونَكِے سُنَ ذُوَا عِنْدَ ذَنْ مَيَرْوَ مُتَنٜىٰنَ إِسْرَٰٓءِيلَ دَ يَهُودَ دَ أَلْبَرْكُنْسُ؞ ذَنْ دَاوُاْ دَسُو ذُوَا ڧَسَرْدَ نَبَا كَاكَنِّنْسُ، ذَاسُ كُوَ مَلَّكٜىٰتَ؞ نِے يَهْوٜىٰهْ نَا ڢَطَا؞›‏ »‏

إِرْمِيَ 31:16

إِنْجِنِ يَهْوٜىٰهْ، كِدَيْنَ كُوكَا، كِشَرٜىٰ هَوَيٜىٰ دَغَ عِدَنُونْكِ؞ غَمَا أَݣَويْ لَادَ دُواْمِنْ دُكَنْ أَبِنْدَ كِكَيِ دُواْمِنْ یَیَنْكِ، ذَاسُ دَاوُاْ دَغَ ڧَسَرْ أَبُواْكَنْ غَابَنْكِ؞

إِرْمِيَ 31:17

أَݣَويْ سَا ذُوثِيَا دُواْمِنْ رَايُوَرْكِ تَنَنْ غَبَ، یَیَنْكِ ذَاسُ دَاوُاْ ڧَسَرْسُ؞ نِے يَهْوٜىٰهْ نَا ڢَطَا؞

إِرْمِيَ 31:23

إِنْجِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ ‏«‏نَنْ غَبَ، ذَاعَ سَاكٜىٰيِنْ أَمْڢَانِ دَ كَلْمُواْمِنَّنْ عَڧَسَرْ يَهُودَ دَ ثِكِنْ غَرُرُوَنْتَ، سَعَدَّ نَمَيَرْ مُسُ دَ أَلْبَرْكُنْسُ؞ ‏«‏ ‏‹‏بَرِ يَهْوٜىٰهْ يَسَا مَكَ أَلْبَرْكَ، يَا كَيْ وُرِنْ ذَمَنْ أَدَلْثِے، يَا كَيْ تُدُ مَيْ ڟَرْكِے!‏›‏

إِرْمِيَ 51:10

مُتَنٜىٰنْ يَهْوٜىٰهْ سُنْ تَادَ مُرْيَ سُنْثٜىٰ، ‏«‏يَنْذُ يَهْوٜىٰهْ يَا ڢَطَا أَ ڢِيلِ مُو مَرَسَ لَيْڢِے نٜىٰ، ذُواْ مُيِ شٜىٰلَرْ أَيُّكَنْ يَهْوٜىٰهْ اللَّهْ نْمُ أَ سِهِيُواْنَ!‏»‏

إِرْمِيَ 8:3

ضَغُواْوَرْ مُتَنٜىٰنْ مُوغُوَرْ ذُرِيَرْ نَنْ وَطَنْدَ سُكٜىٰ أَوُرَارٜىٰنْدَ نَوَرْوَڟَاسُ، ذَاسُ ڠُومَّثٜىٰ سُمُتُ مَيْمَكُوانْ سُرَايُ؞ نِے يَهْوٜىٰهْ مَيْ ضُنْدُنَا نَا ڢَطَا؞›‏ »‏

هِظْڧِيَالْ 37:21

كَڢَطَا مُسُ ثٜىٰوَ ‏‹‏إِنْجِنِ عُبَنْ‌غِجِ يَهْوٜىٰهْ، ذَنْ كُواْمُواْ دَ مُتَنٜىٰنْ إِسْرَٰٓءِيلَ دَغَ ثِكِنْ أَلْعُمَّيْ عِنْدَ سُكَ وَرْوَڟُ، ذَنْ كُوَ تَتَّارُواْسُ دَغَ دُكَنْ ڧَسَاشٜىٰ كٜىٰوَيٜىٰ دَسُو، إِنْمَيَرْ دَسُو ذُوَا ڧَسَرْسُ؞

هِظْڧِيَالْ 39:25

‏«‏حَڧِيڧَ، إِنْجِنِ عُبَنْ‌غِجِ يَهْوٜىٰهْ، يَنْذُ ذَنْ مَيَرْوَ يَعْڧُوبَ دَ أَلْبَرْكُنْسَ، إِنُّونَ جِنْڧَيْنَ غَ دُكَنْ غِدَنْ إِسْرَٰٓءِيلَ، غَمَا إِنَدَ كِيشِ إِنْ‌غِرْمَمَ سُونَنَ مَيْ ڟَرْكِے؞

عَمُواسْ 9:14

ذَنْ مَيَرْ وَجَمَعَتَ إِسْرَٰٓءِيلَ دَ أَلْبَرْكُنْتَ، ذَاسُ سَاكٜىٰ غِنَا بِرَنٜىٰنْ دَ سُكَ ذَمَ كُڢَيْ، سُذَوْنَ عَثِكِنْسُ؞ ذَاسُ نُواْمٜىٰ غُواْنَرْسُ سُثِ أَمْڢَانِنْسُ؞

مِيكَ 4:12

عَمَّا بَسُ سَنْ تُنَانِنْ يَهْوٜىٰهْ بَ، بَسُ غَانٜىٰ شِرِنْسَبَ، ثٜىٰوَ يَتَتَّرَاسُ كَمَرْ دَمٍ حَڟِ، حَڟِنْ دَ عَكَ كَيْ وُرِنْ بُغُنْ حَڟِ؞

زَڢَنِيَ 3:20

أَوَنَّنْ لُواْكَثِ ذَنْ كَٰوُاْكُ غِدَا، أَ لُواْكَثِنْدَ نَتَتَّرَاكُ؞ عِ، ذَنْسَا كُيِ سُونَ كُسَامِ يَبُواْ عَثِكِنْ دُكَنْ ڧَبِيلُنْ دُونِيَا، سَعَدَّ نَمَيَرْ مُكُ دَ أَلْبَرْكُنْكُ كُنَ غَنِ دَ عِدُوانْكُ؞ نِے يَهْوٜىٰهْ نَا ڢَطَا؞»‏

رُواْمَاوَا 10:20

سَعَنً كُمَ عِشَايَ يَيِ ڧَرْڢِنْ حَلِ حَرْ دَ ثٜىٰوَ اللَّهْ يَثٜىٰ، ‏«‏وَطَنْدَ بَسُ نٜىٰمٜىٰنِبَ، سُونٜىٰ نَسَا سُكَ سَامٜىٰنِ؞ غَ وَطَنْدَ بَسُ تَمْبَيٜىٰنِبَ، نَبَيَّنَ كَيْنَ؞»‏

مَيْمَيْتَاوَرْ شَرِيعَ 30:1

مُوسَٰى يَثِيغَبَدَ مَغَنَ يَثٜىٰ ‏«‏نَا شِمْڢِطَا أَغَبَنْكُ ذَاٻٜىٰنْ أَلْبَرْكَ دَ لَعَنَ؞ سَعَدَّ دُكَنْ وَطَنَّنْ أَبُبُوَ سُكَ سَامٜىٰكُ، عِدَنْ كُنْ تُنَ دَسُو أَ ذُوثِيَارْكُ أَدُكْ عِنْدَ كُكٜىٰ ثِكِنْ أَلْعُمَّيْ عِنْدَ يَهْوٜىٰهْ اللَّهْ نْكُ يَوَاڟَرْ دَكُو،

مَيْمَيْتَاوَرْ شَرِيعَ 30:3

تُواْ، يَهْوٜىٰهْ اللَّهْ نْكُ ذَيْ مَيَرْ مُكُ دَ أَلْبَرْكُنْكُ؞ ذَيْ كُمَ نُونَ مُكُ جِنْڧَنْسَ، يَسَاكٜىٰ تَتَّرَاكُ دَغَ ثِكِنْ دُكَنْ ڧَبِيلُ عِنْدَ يَهْوٜىٰهْ اللَّهْ نْكُ يَوَاڟَرْ دَكُو؞

مَيْمَيْتَاوَرْ شَرِيعَ 30:5

يَهْوٜىٰهْ اللَّهْ نْكُ ذَيْ دَاوُاْ دَكُو عَثِكِنْ ڧَسَرْدَ تَكٜىٰ تَكَاكَنِّنْكُ، كُكُمَ ثِغَادُوانْتَ؞ يَهْوٜىٰهْ ذَيْ كَٰوُاْ مُكُ أَلْحٜىٰرِ عَيَلْوَثٜىٰ، يَكُمَسَا كُڧَارُ سُواْسَيْ ڢِيٜىٰدَ كَاكَنِّنْكُ؞

مَيْمَيْتَاوَرْ شَرِيعَ 4:7

‏«‏غَمَا بَابُوَتَ بَبَّرْ أَلْعُمَّرْ دَ تَكٜىٰدَ اللَّهْ‌نْتَ كُسَدَ عِتَ كَمَرْ يَدَّ يَهْوٜىٰهْ يأَنَانً كُسَدَمُو دُكْ لُواْكَثِنْ دَ مُكَيِ كِرَا غَرٜىٰشِ؞