إِرْمِيَ 2:7 - أَتَّوْرَتْ دَ أَنَّبَاوَا

⁷ نَكَٰوُاْكُ ثِكِنْ ڧَسَا مَيْ بَادَ أَمْڢَانِ دُواْمِنْ كُمُواْرٜىٰتَ، كُثِ یَیَنْ إِتَاثٜىٰنْتَ؞ عَمَّا دَ كُكَ شِغَ، سَيْ كُكَ ڧَظَنْتَرْدَ ڧَسَرْ، كُكَ مَيْدَ أَبِنْ غَادُواْنَ يَذَمَ أَبِنْ ڨَمَ؞

إِرْمِيَ 2:7 Iomraidhean Croise

نٜىٰهٜىٰمِيَ 9:25

مُتَنٜىٰنْكَ سُكَ ڨُوثٜىٰ بِرَنٜىٰ مَاسُ كَتَنْ‌غَ دَ ڧَسَا مَيْ يَوَنْ أَمْڢَانِ؞ سُكَ ڨُوثٜىٰ غِدَاجٜىٰ ثِكٜىٰ دَ كَايَ مَاسُ ݣَوْ إِرِ إِرِ، دَ رِجِيُواْيِنْ دَ أَنْرِغَا أَنْتُواْنَ، دَ عِتَتُوَنْ إِنَبِے دَ عِتَتُوَنْ ظَيْتُنْ، دَ عِتَتُوَ دَيَوَ مَاسُ یَیَ؞ سُكَثِ، سُكَ ڧُواْشِ، سُكَيِ ڧِبَ، سُكَجِ دَاطِنْ أَلْحٜىٰرِنْدَ كَيِ مُسُ عَيَلْوَثٜىٰ؞

نٜىٰهٜىٰمِيَ 9:26

‏«‏عَمَّا سُكَڧِ يِنْ بِيَيَّ سُكَيِ تَاوَيٜىٰ، سُكَ جُويَاوَا كُواْيَرْوَرْكَ بَايَ؞ سُكَ كَكَّشٜىٰ أَنَّبَاوَنْكَ، أَنَّبَاوَنْ دَ سُكَ غَرْغَطٜىٰسُ سُجُويُواْ وُرِنْكَ؞ تَهَكَ سُكَيِ مَكَ صَاٻُواْ مَيْيَوَ؞

عِشَايَ 19:25

يَهْوٜىٰهْ مَيْ ضُنْدُنَا ذَيْسَا مُسُ أَلْبَرْكَ يَنَ ثٜىٰوَ ‏«‏أَلْبَرْكَ تَا تَبَّتَا عَكَنْ مَصَرْ مُتَنٜىٰنَ دَ أَسُّرِيَ عَيْكِنْ حَنُّوَنَ دَ إِسْرَٰٓءِيلَ جَمَعَتَ تَغَادُواْ؞»‏

إِرْمِيَ 16:18

ذَنْ حُكُنْتَسُ دَ ثِكَكّٜىٰنْ حُكُنْثِ ڠُورْڠُودُوانْ لَيْڢُواْڢِنْسُ دَ ذُنُبَنْسُ، غَمَا سُنْ ڧَظَنْتَرْدَ ڧَسَاتَ تَوُرِنْ غُمَكَنْسُ مَرَسَ رَيْ مَاسُ ڧَظَنْتَا؞ سُنْ كُمَ ثِكَ ڧَسَاتَ دَ أَبُبُوَ بَنْ ڨَمَ، ڧَسَرْدَ تَكٜىٰ أَبِنْ غَادُواْنَ؞»‏

إِرْمِيَ 3:1

إِنْجِ يَهْوٜىٰهْ، ‏«‏مَيْ يِوُوَ مُتُمْ ذَيْ سَكِ مَاتَرْسَ تَتَڢِے تَكُمَ ذَمَ مَاتَرْ وَنِ؞ إِنْ يَيِ حَكَ، مُتُمِنْ يَنَ عِيَ دَاوُاْ دَ عِتَ؟ أَشٜىٰ، يِنْ حَكَ بَذَيْ ڧَظَنْتَرْدَ ڧَسَرْ بَ؟ يَا كٜىٰ إِسْرَٰٓءِيلَ، كِنْيِ كَارُوَنْثِنْكِ دَ مَسُواْيَ دَيَوَ؞ يَنْذُ كُمَ كِنَ سُواْ كِدَاوُاْ وُرِينَ؟

إِرْمِيَ 3:2

‏«‏تَادَ عِدَنُونْكِ، يَا كٜىٰ إِسْرَٰٓءِيلَ، كِدُوبَ تُدَّيْ مَرَرْ ثِيَوَ كِغَنِ!‏ أَݣَويْ عِنْدَ بَاكِ ݣُونْتَ كِنْيِ كَارُوَنْثِبَ؟ أَݣَويْ عِنْدَ بَاكِ تَادَ وُرَارٜىٰنْ سُجَّدَبَ؟ كِنْ ذَوْنَ عَبَاكِنْ حَنْيَ كِنَ جِرَا مَسُواْيَنْكِ؞ كَمَرْ مُتُمِنْ أَرَبِيَ، كِنَ ݣُونْتُوانْ ٻَوْنَ أَدَاجِ؞ دَ كَارُوَنْثِنْكِ دَ مُغُنْتَارْكِ، كِنْ ڧَظَنْتَرْدَ ڧَسَرْ؞

إِرْمِيَ 3:9

دَيَكٜىٰ أَغَرٜىٰتَ كَارُوَنْثِ بَوَنِ أَبُ بَنٜىٰ، تَا ڧَظَنْتَرْ دَكَنْتَ دَ ڧَسَرْ دُكَ، تَنَ كَارُوَنْثِ تَوُرِنْيِ وَدُوَڟُو دَ عِتَتُوَ سُجَّدَ؞

إِرْمِيَ 32:23

سَيْ كَاكَنِّنْسُ سُكَ شِغَ سُكَ كَرْٻِ ڧَسَرْ؞ عَمَّا بَسُيِ بِيَيَّ دَ مُرْيَرْكَبَ، بَسُ كُوَ يِتَڢِيَ عَبِسَغَ كُواْيَرْوَرْكَبَ؞ عَثِكِنْ دُكَنْ أَبِنْدَ كَاعُمَرْثٜىٰسُ سُيِ، بَسُيِ كُواْمٜىٰبَ؞ دُواْمِنْ حَكَ، كَسَا دُكَنْ وَنَّنْ مَسِيڢَ تَڢَاطُواْ عَكَنْسُ؞

إِرْمِيَ 32:30

حَڧِيڧَ، تُنْ عَڧُرُثِيَرْسُ، مُتَنٜىٰنْ إِسْرَٰٓءِيلَ دَ نَ يَهُودَ بَسُ عَيْكَتَ كُواْمٜىٰ أَغَبَنَبَ سَيْ مُغُنْتَا؞ بَا أَبِنْدَ سُكَيِ، سَيْدَيْ سُنْسَا نَيِ ڢُشِے تَوُرِنْ أَيُّكَنْ حَنُّوَنْسُ؞ نِے يَهْوٜىٰهْ نَا ڢَطَا؞

هِظْڧِيَالْ 20:24

سَبُواْدَ بَسُ كِيَايٜىٰ عُمَرْنَيْنَبَ، عَمَّا سُنْڧِے سُيِ تَڢِيَ بِسَغَ ڧَٰعِدُواْدِنَ، سُكَ كُمَيِ بَنْظَ دَ رَانَرْ هُوتُ تَمَكُواْ تَاوَ وَدَّ نَثٜىٰ سُكِيَايٜىٰ، حَنْكَلِنْسُ يَكُواْمَ غَ غُمَكَنْ كَاكَنِّنْسُ؞

هِظْڧِيَالْ 20:28

غَمَا سَعَدَّ نَكَٰوُاْسُ ثِكِنْ ڧَسَرْدَ نَرَنْڟٜىٰ ذَنْبَاسُ، سَعَدَّ سُكَغَ وَنِ تُدُ كُواْ إِتَاثٜىٰ مَيْ غَنْيٜىٰ، أَوُرِنْ نٜىٰ ذَاسُ مِيڧَ هَدَايُنْسُ؞ حَكَ كُوَ سُكَتَادَ ڢُشِنَ تَوُرِنْ هَدَايُنْسُ؞ أَوُرِنْ نٜىٰ سُكَ مِيڧَ هَدَايُنْسُ نَتُرَارٜىٰ مَيْ ڧَنْشِ دَ نَأَبِنْ شَا؞

هِظْڧِيَالْ 20:6

أَ رَانَرْ نَنْ نَيِمُسُ ضَنْڟُوَا ثٜىٰوَ ذَنْ ڢِتُواْ دَسُو دَغَ ڧَسَرْ مَصَرْ، إِنْ كَٰوُاْسُ ثِكِنْ ڧَسَرْدَ نَذَاٻَا مُسُ، ڧَسَاثٜىٰ مَيْ أَمْڢَانِ، ڧَسَرْ دَتَڢِے دُكَنْ ڧَسَاشٜىٰ أَلْبَرْكَ؞

هِظْڧِيَالْ 23:35

‏«‏إِنْجِنِ عُبَنْ‌غِجِ يَهْوٜىٰهْ، غَاشِ، سَبُواْدَ كِنْمَنْتَادَنِے كِكَ كُمَ كَوَرْ دَنِے عَبَايَنْكِ، تُواْ، دُواْمِنْ حَكَ سَيْكِطَوْكِ أَلْحَكِنْ أَيُّكَنْكِ نَبَنْ ڨَمَ دَ كَارُوَنْثِنْكِ؞»‏

هِظْڧِيَالْ 36:17

‏«‏يَا كَيْ طَنْ مُتُمْ، سَعَدَّ غِدَنْ إِسْرَٰٓءِيلَ سُكَ ذَوْنَ عَثِكِنْ ڧَسَرْسُ، سُنْ ڧَظَنْتَرْدَ عِتَ تَوُرِنْ هَنْيُواْيِنْسُ دَ أَيُّكَنْسُ؞ هَنْيُواْيِنْسُ أَبِنْ ڨَمَ نٜىٰ أَغَرٜىٰنِ كَمَرْ ڨَمَرْ مَثٜىٰ أَ لُواْكَثِنْ أَلْعَادَرْتَ تَوَتَ؞

يُوشَعُ 9:3

مُتَنٜىٰنْ إِسْرَٰٓءِيلَ عَ أَرٜىٰوَ بَذَاسُ ذَوْنَ عَڧَسَرْ يَهْوٜىٰهْ بَ، ذَاعَ كُواْمَرْدَ وَطَنْسُ أَ مَصَرْ، وَطَنْسُ مَا ذَاسُ تَڢِے أَسُّرِيَ، دُكَنْسُ ذَاسُثِ عَبِنْثِنْ ڧَظَنْتَا عَثَنْ؞

مِيكَ 2:10

تَاشِ كُتَڢِے، غَمَا نَنْ بَوُرِنْ هُوتُ بَنٜىٰ؞ سَبُواْدَ ڧَظَنْتَرْكُ، مُوغُوَرْ هَلَّكَ ذَاتَ ڢَاطُواْ مُكُ؞

ڧِدَايَ 13:27

غَا لَابَرِنْ دَ سُكَ بَا مُوسَٰى؞ ‏«‏مُنْ تَڢِے ڧَسَرْدَ كَاعَيْكٜىٰمُ مُنْ بِنْثِكَ كُواْمٜىٰ؞ حَڧِيڧَ ڧَسَاثٜىٰ مَيْ ظُبَرْدَ مَدَرَ دَ ظُمَ، ڧَسَاثٜىٰ مَيْ أَمْڢَانِ؞ غَا أَمْڢَانِنْ ڧَسَرْ، مُنْ كَٰوُاْ؞

مَيْمَيْتَاوَرْ شَرِيعَ 21:23

بَذَاعَبَرْ غَاوَرْ جِكِنْسَ تَݣُونَ عَكَنْ إِتَاثٜىٰنْبَ؞ ذَاعَبِنّٜىٰشِ أَ رَانَرْ، غَمَا دُكْ وَنْدَ عَكَ رَاتَيٜىٰشِ لَعَنَنّٜىٰ نٜىٰ غَ اللَّهْ؞ كُبِنّٜىٰشِ دُواْمِنْ كَدَ كُڧَظَنْتَرْدَ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ غَادُواْ؞»‏

مَيْمَيْتَاوَرْ شَرِيعَ 32:9

غَمَا رَبُوانْ يَهْوٜىٰهْ جَمَعَرْسَ نٜىٰ، يَعْڧُوبَ شِينٜىٰ رَبُوانْ غَادُوانْسَ؞

مَيْمَيْتَاوَرْ شَرِيعَ 6:18

ذَاكُيِ أَبِنْدَ يَكٜىٰ دَيْدَيْ دَ كُمَ أَبِنْدَ يَكٜىٰدَ ݣَوْ أَعِدُوانْ يَهْوٜىٰهْ، دُواْمِنْ كُسَامِ ذَمَنْ لَاڢِيَ، كُكُمَ شِغَ كُثِ غَادُوانْ ڧَسَرْ نَنْ مَيْݣَوْ وَدَّ يَهْوٜىٰهْ يَرَنْڟٜىٰوَ كَاكَنِّنْكُ ذَيْبَاكُ؞