إِرْمِيَ 16:7 - أَتَّوْرَتْ دَ أَنَّبَاوَا

⁷ بَابُوَنْدَ ذَيْ كَيْ عَبِنْثِ دُواْمِنْ تَعَظِيَّرْ مَيْ مَكُواْكِنْ مُتُوَ، كُواْ دَمَا مُتُوَرْ مَامَرْسَ كُواْ بَابَنْسَ نٜىٰ؞ بَابُ مَا وَنْدَ ذَيْبَاشِ ضُوً دَ ذَيْ شَا نَݣُونْتَرْ دَ ذُوثِيَارْسَ؞

إِرْمِيَ 16:7 Iomraidhean Croise

أَيُوبَ 42:11

سَعَنً دُكَنْ یَنْعُوَنْ أَيُوبَ مَاتَادَ مَظَا دَ دُكَنْ وَطَنْدَ سُكَ سَنْ شِ أَدَا، سُكَذُواْ غِدَنْسَ سُكَثِ سُكَشَا تَرٜىٰ؞ سُكَ تَوْسَيَ مَسَ دَ أَبِنْدَ يَڢَرُ دَشِ، سُكَ كُمَ تَعَظَنْتَرْ دَشِ سَبُواْدَ دُكَنْ وَهَلَرْ دَ يَهْوٜىٰهْ يَجَٰوُاْ عَكَنْسَ؞ كُواْوَنّٜىٰنْسُ كُمَ يَبَا أَيُوبَ كُطِ دَ ذُواْبٜىٰ نَظِينَارِيَ؞

مَيْ وَعَظِ 4:1

نَا كُمَ دُوبَ نَا غَا دُكَنْ دَنِّيَرْ دَ عَكٜىٰيِ أَ رَايُوَرْ دُونِيَرْ نَنْ؞ نَا غَا هَوَيٜىٰنْ وَطَنْدَ عَكٜىٰيِ مُسُ دَنِّيَ، بَابُ مَيْيِ مُسُ تَعَظِيَّ؞ مَاسُيِنْ دَنِّيَرْ سُونٜىٰ سُكٜىٰ دَ إِيكُواْ؞ وَطَنْدَ عَكٜىٰ دَنّٜىٰسُ، بَابُ مَيْيِ مُسُ تَعَظِيَّ؞

إِرْمِيَ 22:10

كُو جَمَعَرْ يَهُودَ، كَدَ كُيِ كُوكَا سَبُواْدَ سَرْكِے يُواْسِيَا، كَدَ كُيِ مَكُواْكِنْ مُتُوَرْسَ؞ عَمَّا كُيِ كُوكَا ڨُورَيْ سَبُواْدَ طَنْسَ، سَبُواْدَ شَلُّمْ وَنْدَ ذَاعَ كَيْ شِ بَوْتَا، غَمَا بَذَيْسَاكٜىٰ دَاوُاْوَبَ، بَذَيْ ڧَارَ غَنِنْ ڧَسَرْدَ عَكَ حَيْڢٜىٰشِبَ؞

مَكُواْكِ 1:9

جِنِنْ ڧَظَنْتَرْتَ يَنُونَ أَ ذَنٜىٰنْتَ، بَتَمَا يِتُنَانِ يَدَّ ڧَرْشٜىٰنْتَ ذَيْ كَسَنْثٜىٰبَ؞ غَاشِ، ڢَاطُوَرْتَ تَذَمَ مُومُّنَ، بَابُ مَيْ تَعَظَنْتَرْ دَ عِتَ؞ يَا يَهْوٜىٰهْ، دُوبِے وَهَلَاتَ!‏ أَبُواْكَنْ غَابَنَ سُنْثِ نَصَرَا عَكَيْنَ!‏

هِظْڧِيَالْ 24:17

كَيِ أَجِيَرْ ذُوثِيَا، عَمَّا بَذَاكَيِ دَ ڧَرْڢِبَ؞ كَدَ كَيِ مَكُواْكِ سَبُواْدَ وَدَّ تَمُتُ؞ كَنَطَ ضَوَنِنْكَ، كَسَا تَاكَلْمَنْكَ؞ كَدَ كَسَا حَنُّ عَكُمَتُ دُواْمِنْ نُونَ بَڧِنْ ثِكِ، كُواْ كَثِ عَبِنْثِ نَمَاسُ مَكُواْكِ؞»‏

يُوشَعُ 9:4

بَذَاسُ عِيَ مِيڧَا وَ يَهْوٜىٰهْ هَدَايَ تَضُوً إِنَبِبَ؞ هَدَايُنْسُ كُوَ بَذَاسُ غَمْشٜىٰشِيبَ؞ عَبِنْثِنْ هَدَايُنْسُ ذَيْ ڧَظَنْتَرْ دَسُو، كَمَرْ عَبِنْثِ نَمَاسُ كُوكَنْ مُتُوَ وَطَنْدَ سُكَ ڧَظَنْتُ؞ غَمَا عَبِنْثِنْسُ ذَيْ ذَمَ نَمَاغَنِنْ يُنْوَرْسُ نٜىٰ كَوَيْ، بَذَاعَ كَيْ شِ هَدَايَ أَغِدَنْ يَهْوٜىٰهْ بَ؞

مَيْمَيْتَاوَرْ شَرِيعَ 26:14

بَنْثِ كُواْمٜىٰ دَغَ زَكَّرْ بَ، سَعَدَّ نَكٜىٰ بَڧِنْ ثِكِ؞ بَنْ كُمَ ڢِتَرْدَ كُواْمٜىٰ دَغَ ثِكِنْتَبَ سَعَدَّ نَڧَظَنْتُ؞ بَنْ كُوَ مِيڧَشِ هَدَايَ غَ مَتَتُّو بَ؞ يَا يَهْوٜىٰهْ اللَّهْ نَا، نَيِ مَكَ بِيَيَّ، نَعَيْكَتَ دُكَنْ أَبِنْدَ كَاعُمَرْثٜىٰنِ؞