5 أَ رَانَرْ نَنْ، يَهْوٜىٰهْ مَيْ ضُنْدُنَا ذَيْ ذَمَ كَمَرْ هُولَرْ سَرْكِے مَيْ دَرَجَ، كَمَرْ هُولَ مَيْ أَدُوانْ ڢُلَوَ مَيْݣَوْ غَ ضَغُواْوَرْ جَمَعَرْسَ؞
نَسَنْيَ أَدَلْثِے يَذَمَ مِنِ رِيغُنَ، غَسْكِيَتَ نَسَا كَمَرْ رِغَا دَ هُولَ؞
تَهَكَ ذَاعَيِ حَنْيَ مَيْݣَوْ دَغَ ڧَسَرْ أَسُّرِيَ دُواْمِنْ ضَغُواْوَرْ مُتَنٜىٰنْسَ، كَمَرْ يَدَّ عَكَيِ دُواْمِنْ كَاكَنِّنْ إِسْرَٰٓءِيلَ لُواْكَثِنْ دَ سُكَ هَوْرَ دَغَ ڧَسَرْ مَصَرْ؞
دَغَ إِيَاكَرْ دُونِيَا مُنَ جِنْ وَاڧُواْڧِنْ يَبُواْ، يَبُوانْ طَوْكَكَرْ مَيْ أَدَلْثِنَّنْ؞ عَمَّا نِے نَثٜىٰ «لَلَّيْ نَا لَلَثٜىٰ، عِ، نَا لَلَثٜىٰ؞ كَيْتُواْنَ! مَاسُثِنْ أَمَانَ سُنَ تَ عَيْكِنْ ثِنْ أَمَانَ، مَاسُثِنْ أَمَانَ سُنْ نَاثٜىٰ ثِكِنْ ثِنْ أَمَانَ؞»
دُكْ وَنْدَ عَكَ ضَغٜىٰ أَ سِهِيُواْنَ كُمَ وَنْدَ عَكَ كٜىٰٻٜىٰ أَ عُرُوشَلِيمَ، ذَاعَ ثٜىٰ دَشِ مَيْ ڟَرْكِے، وَتُواْ دُكْ وَنْدَ عَكَ رُبُوتَ سُونَنْسَ ذَيْ رَايُ أَ عُرُوشَلِيمَ؞
ذَاكُ طَغَسُ سَمَ ثِكِنْ إِسْكَ، إِسْكَرْ كُوَ تَهُورَسُ، غُوغُوَ كُمَ ذَاتَ وَرْوَاڟَرْ دَسُو؞ عَمَّا كُو ذَاكُيِ ڢَضٍ ثِكِ سَبُواْدَ نِے يَهْوٜىٰهْ، ذَاكُيِ تَاڧَمَ سَبُواْدَ نِے مَيْ ڟَرْكِے نَ إِسْرَٰٓءِيلَ؞
تَوُرِنْ يَهْوٜىٰهْ دُكَنْ ذُرِيَرْ إِسْرَٰٓءِيلَ ذَاتَ سَامِ شَرِيعَرْ غَسْكِيَ دَ طَوْكَكَ؞
«رَانَ بَذَاتَ ڧَارَ ذَمَ حَصْكٜىٰنْكِ دَ رَانَبَ، كُواْ وَتَ يَذَمَ حَصْكٜىٰنْكِ دَ دَرٜىٰبَ؞ غَمَا يَهْوٜىٰهْ ذَيْ ذَمَ حَصْكٜىٰنْكِ حَرْ أَبَدَا، اللَّهْ نْكِ نٜىٰ ذَيْ ذَمَ دَرَجَرْكِ؞
ذَاكِ ذَمَ كَمَرْ هُولَرْ سَرْكِے مَيْ دَرَجَ أَ حَنُّنْ يَهْوٜىٰهْ، ذَاكِ ذَمَ كَمَرْ هُولَرْ سَرْكِے مَيْ وَلْڧِيَ أَ حَنُّنْ اللَّهْ نْكِ؞
نَسَا مِكِ ذُواْبٜىٰ أَهَنْثِنْكِ دَ یَنْ كُنّٜىٰ عَكُنّٜىٰنْكِ دَ هُولَرْ دَرَجَ عَكَنْكِ؞
سَعَنً شُوغَبَنِّنْ يَهُودَ ذَاسُثٜىٰ أَ ظُكَاتَنْسُ، ‹مَذَوْنَنْ عُرُوشَلِيمَ سُنْ سَامِ ڧَرْڢِے ثِكِنْ اللَّهْ نْسُ، يَهْوٜىٰهْ مَيْ ضُنْدُنَا؞›
حَصْكٜىٰنْ دَ ذَيْ بَيَّنَكَ غَ وَطَنْدَ بَا يَهُودَاوَا بَ، يَكُمَ كَٰوُاْ طَوْكَكَ غَ مُتَنٜىٰنْكَ إِسْرَٰٓءِيلَ؞»
غَمَا وَنَّنْ یَرْ وَهَلَرْ دَمُكٜىٰ شَا بَذَاتَ دَطٜىٰبَ، ذَاتَ حَيْڢَرْ مَنَ دَ طَوْكَكَ مَيْ يَوَ، وَدَّ تَوُثٜىٰ غَبَنْ مِصَالِ، تَكُمَ كَسَنْثٜىٰ حَرْ أَبَدَا؞
تَهَكَ، أَ رَانَرْ دَ أَلْمَسِيحُ وَنْدَ شِينٜىٰ بَبَّنْ مَكِيَايِنْ غَرْكٜىٰنْ ذَيْ بَيَّنَ، ذَاكُ كَرْٻِ هُولَرْ لَادَ مَيْ طَوْكَكَ؞