عِشَايَ 19:21 - أَتَّوْرَتْ دَ أَنَّبَاوَا

²¹ يَهْوٜىٰهْ ذَيْسَا أَ سَنْشِ أَ مَصَرْ؞ أَ رَانَرْ نَنْ مُتَنٜىٰنْ مَصَرْ ذَاسُ كُمَ سَنْ يَهْوٜىٰهْ، سُكُمَ مِيڧَ مَسَ هَدَايُ دَ بَيٜىٰ بَيٜىٰ؞ ذَاسُيِ ضَنْڟُوَا تَمُسَمَّنْ غَ يَهْوٜىٰهْ سُكُمَ ثِكَ ضَنْڟُوَارْ؞

عِشَايَ 19:21 Iomraidhean Croise

1 سَرَاكُنَ 8:43

سَيْكَجِ دَغَ سَمَ عِنْدَ كَكٜىٰ ذَمَ؞ سَعَنً كَيِ دُكْ أَبِنْدَ بَڧُوانْ يَضُواْڧَا، دُواْمِنْ دُكَنْ ڧَبِيلُنْ دُونِيَا سُسَنْ سُونَنْكَ سُغِرْمَمَكَ، كَمَرْ يَدَّ جَمَعَرْكَ إِسْرَٰٓءِيلَ سُكٜىٰ غِرْمَمَكَ؞ ذَاسُ كُمَ سَنِ ثٜىٰوَ وَنَّنْ غِدَنْدَ نَغِنَ أَنْسَنْشِ دَ سُونَنْكَ نٜىٰ؞

زَبُورَا 61:8

دُواْمِنْ حَكَ ذَنْ رٜىٰرَ يَبُوانْ سُونَنْكَ حَرْ أَبَدَا، يَايِنْ دَ نَكٜىٰ ثِكَ رَنْڟُوَاتَا كُواْوَثٜىٰ رَانَ؞

زَبُورَا 67:2

دُوانْ أَ سَنْ حَنْيَرْكَ أَدُكَنْ دُونِيَا، أَ سَنْ ثٜىٰتُوانْكَ عَثِكِنْ دُكَنْ أَلْعُمَّيْ؞

زَبُورَا 68:31

وَكِلَيْ ذَاسُذُواْ دَغَ ڧَسَرْ مَصَرْ، مُتَنٜىٰنْ إِتِيُواْڢِيَ ذَاسُ مِيڧَ كَنْسُ غَ اللَّهْ؞

زَبُورَا 68:32

يَا كُو مُلْكُواْكِنْ دُونِيَا، كُرٜىٰرَ يَبُواْ غَ اللَّهْ!‏ كُرٜىٰرَ وَاڧَرْ يَبُواْ غَ عُبَنْ‌غِجِ!‏

مَيْ وَعَظِ 5:4

سَعَدَّ كَيِ ضَنْڟُوَا غَ اللَّهْ، كَدَ كَٻَاتَ لُواْكَثِنْ ثِكَاوَا، غَمَا بَايَ جِنْ دَاطِنْ ضَنْڟُوَارْ وَوَيٜىٰ؞ سَيْ كَثِكَ ضَنْڟُوَارْدَ كَيِ؞

عِشَايَ 11:11

أَ رَانَرْ نَنْ عُبَنْ‌غِجِ ذَيْ مِيڧَ حَنُّنْسَ سَوْ نَبِيُ دُواْمِنْ يَدَاوُاْ دَ ضَغُواْوَرْ مُتَنٜىٰنْسَ ذُوَا ڧَسَرْ إِسْرَٰٓءِيلَ؞ ذَيْ كَٰوُاْسُ دَغَ ڧَسَرْ أَسُّرِيَ دَ مَصَرْ دَ ڢَتْرُواسْ دَ إِتِيُواْڢِيَ، دَ عٜىٰلَمْ دَ بَابِيلَ دَ هَمَتْ دَ يَنْكُنَنْ بَاكِنْ تٜىٰكُ؞

عِشَايَ 11:9

بَابُ أَبِنْدَ ذَيْ ثُوتَرْ كُواْ يَهَلَّكَ وَنِ، عَكَنْ دُكَنْ سِهِيُواْنَ تُدُنَ مَيْ ڟَرْكِے؞ غَمَا ڧَسَرْ ذَاتَ ثِكَ دَ سَنِنْ يَهْوٜىٰهْ كَمَرْ يَدَّ ضُوَيٜىٰ سُنْثِكَ تٜىٰكُ؞

عِشَايَ 27:13

أَ رَانَرْ نَنْ، ذَاعَ بُوسَ ڧَهُواْ دُواْمِنْ عَكِرَوُاْ إِسْرَٰٓءِيلَاوَنْ دَ سُكَ ٻَثٜىٰ ثِكِنْ ڧَسَرْ أَسُّرِيَ دَ وَطَنْدَ عَكَ كُواْرَ ذُوَا ڧَسَرْ مَصَرْ، سُذُواْ سُيِ سُجَّدَ غَ يَهْوٜىٰهْ عَتُدُنْسَ مَيْ ڟَرْكِے أَ عُرُوشَلِيمَ؞

عِشَايَ 37:20

يَنْذُ يَا يَهْوٜىٰهْ اللَّهْ نْمُ، كَثٜىٰثٜىٰمُ دَغَ حَنُّنْ سَرْكِے سٜىٰنَّكٜىٰرِبْ، دُواْمِنْ دُكَنْ مُلْكُواْكِنْ دُونِيَا سُسَنِ ثٜىٰوَ كَيْ كَطَيْ نٜىٰ يَهْوٜىٰهْ؞»‏

عِشَايَ 44:5

وَنِ ذَيْثٜىٰ، ‏‹‏نِے نَ يَهْوٜىٰهْ نٜىٰ،›‏ وَنِ كُمَ ذَيْ كِرَا كَنْسَ دَ سُونَنْ يَعْڧُوبَ، وَنِ ذَيْ رُبُوتَ أَ حَنُّنْسَ، ‏‹‏نَ يَهْوٜىٰهْ›‏، يَبَا وَكَنْسَ سُونَنْ إِسْرَٰٓءِيلَ؞»‏

عِشَايَ 45:14

إِنْجِ يَهْوٜىٰهْ، ‏«‏أَرْزِڧِنْ مَصَرْ دَ نَ إِتِيُواْڢِيَ ذَيْ ذَمَ نَاكُ، دُواْغَيٜىٰنْ مُتَنٜىٰنْ سٜىٰبَ ذَاسُ ذَمَ بَايِنْكُ، ذَاسُبِكُ طَوْرٜىٰ دَ سَرْڧُواْڧِ؞ ذَاسُ رُسُنَ أَغَبَنْكُ سُثٜىٰ، ‏‹‏حَڧِيڧَ، اللَّهْ يَنَ تَرٜىٰدَكُو، بَنْدَشِ، بَابُوَنِ اللَّهْ؞›‏ »‏

عِشَايَ 49:7

إِنْجِ يَهْوٜىٰهْ، مَيْ ڢَنْسَرْ إِسْرَٰٓءِيلَ، مَيْ ڟَرْكِنْسَ، غَ وَنْدَ مُتَنٜىٰ سُكٜىٰ ڧِنْسَ، وَنْدَ أَلْعُمَّيْ سُكٜىٰ ڨَمَرْسَ، وَنْدَ يَكٜىٰ بَاوَنْ مَاسُ مُلْكِ، ‏«‏سَرَاكُنَ ذَاسُ تَاشِ ڟَيٜىٰ سُبَاكَ غِرْمَ، شُوغَبَنِّ ذَاسُ رُسُنَ دَ ڢُسْكَرْسُ حَرْ ڧَسَا، سَبُواْدَ يَهْوٜىٰهْ مَيْ أَمِنْثِ، مَيْ ڟَرْكِے نَ إِسْرَٰٓءِيلَ، شِينٜىٰ يَذَاٻٜىٰكَ؞»‏

عِشَايَ 55:5

غَاشِ، ذَاكَ كِرَا أَلْعُمَّنْ دَ بَكَ سَنْسُبَ، أَلْعُمَّنْ دَ بَسُ سَنْكَبَ ذَاسُ غُدُ سُذُواْ وُرِنْكَ؞ ذَاسُيِ حَكَ غَمَا نِے يَهْوٜىٰهْ اللَّهْ نْكَ نٜىٰ، نِے مَيْ ڟَرْكِنَّنْ نَ إِسْرَٰٓءِيلَ، نَاسَا أَغِرْمَمَكَ؞»‏

عِشَايَ 56:7

غَ بَڧِنَّنْ يَهْوٜىٰهْ يَثٜىٰ، ‏«‏ذَنْ كَٰوُاْكُ وُرِنْ بَبَّنْ تُدُنَ مَيْ ڟَرْكِے، إِنْسَا كُيِ مُرْنَ أَ غِدَانَ نَأَدُّعَ؞ هَدَايُنْكُ نَڧُواْنَاوَا دَ بَيٜىٰ بَيٜىٰنْكُ ذَاسُ ذَمَ أَبِنْ كَرْٻَ عَبَغَدٜىٰنَ؞ غَمَا ذَاعَ ثٜىٰ دَ غِدَانَ، ‏‹‏غِدَنْ أَدُّعَ دُواْمِنْ دُكَنْ ڧَبِيلُ؞›‏ »‏

عِشَايَ 60:7

دُكَنْ غَرْكُنَنْ تُمَكِنْ كٜىٰدَرْ ذَاعَ تَارَ مِكِ دُواْمِنْ هَدَايَ، رَغُنَنْ يَنْكِنْ نٜىٰبَيُواتْ نٜىٰ ذَاعَ كَٰوُاْ دُواْمِنْ بِيَنْ بُڧَاتَرْكِ؞ ذَاسُ ذَمَ أَبِنْ كَرْٻَ عَكَنْ بَغَدٜىٰنَ، تَهَكَ ذَنْ ڧَارَ دَرَجَرْ غِدَانَ مَيْ دَرَجَ؞

عِشَايَ 66:23

ذَيْ كَسَنْثٜىٰ ثٜىٰوَ دَغَ وَنِ بِكٍ سَابُوانْ وَتَ ذُوَا وَنِ دَغَ كُمَ رَانَرْ هُوتُ تَمَكُواْ ذُوَا وَنِ، دُكَنْ یَنْ أَدَمْ ذَاسُذُواْ سُرُسُنَ أَغَبَنَ ثِكِنْ سُجَّدَ؞ نِے يَهْوٜىٰهْ نَا ڢَطَا؞

يُونُسَ 1:16

سَبُواْدَ وَنَّنْ، ڟُواْرُوانْ يَهْوٜىٰهْ يَكَامَسُ سُواْسَيْ، سَيْ سُكَيِ وَ يَهْوٜىٰهْ هَدَايَ دَ ضَنْڟُوَا ثٜىٰوَ ذَاسُيِ مَسَ حِدِمَ؞

حَبَكُّكْ 2:14

عَمَّا دُونِيَا ذَاتَ ثِكَ دَ سَنِنْ طَوْكَكَرْ يَهْوٜىٰهْ، كَمَرْ يَدَّ ضُوَيٜىٰ سُنْثِكَ تٜىٰكُ؞

زَڢَنِيَ 3:10

تُنْدَغَ نٜىٰسَنْ يَنْكِنْ إِتِيُواْڢِيَ، مَاسُ يِمِنِ سُجَّدَ، مُتَنٜىٰنْ ذُوثِيَاتَ دَسُكٜىٰ أَوَرْوَڟٜىٰ ذَاسُ كَٰوُاْ مِنِ هَدَايَ؞»‏

مَلَكَيْ 1:11

غَمَا تُنْدَغَ ڢِتُواْوَرْ رَانَ حَرْ ڢَاطُوَرْتَ سُونَنَ يَنَدَ غِرْمَ عَثِكِنْ أَلْعُمَّيْ؞ كُواْعِنَ عَكَنْ ڧُواْنَ تُرَارٜىٰ دَ هَدَايَ مَيْ كَرْٻُوَ غَ سُونَنَ، غَمَا سُونَنَ يَنَدَ غِرْمَ عَثِكِنْ أَلْعُمَّيْ، إِنْجِ يَهْوٜىٰهْ مَيْ ضُنْدُنَا؞

يَحْيَى 17:3

رَيْ نَهَرْ أَبَدَا كُوَ شِينٜىٰ، مُتَنٜىٰ سُسَنْكَ، كَيْ دَ كَكٜىٰ اللَّهْ مَكَطَيْثِ نَغَسْكِيَ، سُكُمَ سَنْ عِيسَىٰ أَلْمَسِيحُ وَنْدَ كَاعَيْكُواْ؞

1 بِتْرُسْ 2:5

كُو كُوَ كَمَرْ دُوَڟُو مَاسُ رَيْ نٜىٰ وَطَنْدَ عَكٜىٰ أَمْڢَانِ دَسُو دُواْمِنْ أَغِنَ غِدَا إِرِنَّرُوحُ دَ نُڢِ ثٜىٰوَ كُيِ حِدِمَ كَمَرْ ڧُنْ‌غِيَرْ ڢِرِسْتُواْثِے مَاسُ ڟَرْكِے عَثِكِنْ وَنَّنْ غِدَا، كُنَ مِيڧَ مَسَ هَدَايُ نَرُوحُ إِرِنْ وَنْدَ اللَّهْ يَكٜىٰ كَرْٻَ، تَوُرِنْ عِيسَىٰ أَلْمَسِيحُ؞

1 بِتْرُسْ 2:9

عَمَّا كُو ڧَبِيلَثٜىٰ وَدَّ اللَّهْ يَذَاٻَا، كُمَ ڧُنْ‌غِيَرْ ڢِرِسْتُواْثِثٜىٰ تَ اللَّهْ بَبَّنْ سَرْكِے، أَلْعُمَّثٜىٰ مَيْ ڟَرْكِے، كُمَ جَمَعَرْ اللَّهْ تَمُسَمَّنْ دُواْمِنْ كُيِ شٜىٰلَرْ مَنْيَنْ أَلْعَمُرَنْسَ نَبَنْ مَامَاكِ نَوَنْدَ يَكِرَاكُ دَغَ ثِكِنْ دُهُ، كُكَ شِغَ ثِكِنْ حَصْكٜىٰنْسَ نَبَنْ مَامَاكِ؞

1 سَمَٰعِيلَ 17:46

يَوْ طِنَّنْ يَهْوٜىٰهْ ذَيْبَادَكَيْ أَ هَنُّونَ؞ ذَنْ كَشٜىٰكَ إِنْ يَنْكٜىٰ كَنْكَ؞ يَوْ طِنَّنْ كُمَ ذَنْبَا ڟُنْڟَيٜىٰ دَ نَمُواْمِنْ دَاجِ جِكُنَنْ سُواْجُواْجِنْ ڢِلِسْتِيَاوَا سُثِ؞ تَهَكَ دُونِيَا دُكَ ذَاتَ سَنْ ثٜىٰوَ لَلَّيْ أَݣَويْ اللَّهْ عَ إِسْرَٰٓءِيلَ؞