عِشَايَ 14:2 - أَتَّوْرَتْ دَ أَنَّبَاوَا

² ڧَبِيلُ دَيَوَ ذَاسُ تَيْمَكِ إِسْرَٰٓءِيلَاوَا سُكُواْمَ ڧَسَرْسُ؞ غِدَنْ إِسْرَٰٓءِيلَ ذَاسُسَا ڧَبِيلُنْ سُيِ مُسُ بَوْتَا عَڧَسَرْ يَهْوٜىٰهْ؞ إِسْرَٰٓءِيلَ ذَاتَ مَيْدَ وَطَنْدَ دَا سُكَ مَلَّكٜىٰسُ بَايِ، ذَاسُيِ مُلْكِ عَكَنْ وَطَنْدَ دَا سُكَيِ مُسُ دَنِّيَ؞

عِشَايَ 14:2 Iomraidhean Croise

عُزَيْرُ 2:65

بَنْدَ حَكَ، أَݣَويْ مَاسُ يِنْ حِدِمَ مَظَا دَ مَاتَا دُبُو بَݣَويْ دَ طَرِے عُكُ دَ تَلَاتِنْ دَ بَݣَويْ دَ كُمَ مَوَاڧَ مَظَا دَ مَاتَا مُتُمْ طَرِے بِيُ؞

زَبُورَا 68:18

سَعَدَّ يَهَوْ سَمَ، يَطَوْكِ وَطَنْدَ عَكَ كَكَّامَ، يَبِيدَسُو أَ جٜىٰرٜىٰ، يَكَرْٻِ ݣَوْتَيْ نَبَنْ غِرْمَ دَغَ یَنْ أَدَمْ، حَرْ مَا دَغَ یَنْ تَاوَيٜىٰ؞ حَڧِيڧَ، يَهْوٜىٰهْ اللَّهْ ذَيْ ذَوْنَ أَوُرِنْ؞

عِشَايَ 18:7

أَ لُواْكَثِنَّنْ ذَاعَ كَٰوُاْ وَ يَهْوٜىٰهْ مَيْ ضُنْدُنَا ݣَوْتَيْ دَغَ دُواْغَيٜىٰنْ مُتَنٜىٰ مَاسُ لَوْشِنْ جِكِے، وَطَنْدَ عَكٜىٰ جِنْ ڟُواْرُوانْسُ كُواْعِنَ عَدُونِيَا، دَغَ أَلْعُمَّ مَيْ ڧَرْڢِے دَ إِيكُواْ، دَغَ ڧَسَرْ نَنْ دَ كُواْغُنَ سُنْ رَبَ؞ ذَاسُ كَٰوُاْ ݣَوْتَيْ عَتُدُنْ سِهِيُواْنَ، وُرِنْ ذَمَنْ سُونَنْ يَهْوٜىٰهْ مَيْ ضُنْدُنَا؞

عِشَايَ 31:8

‏«‏أَسُّرِيَ ذَاتَ ڢَاطِ تَتَكُواْبِنْ يَاڧِ، عَمَّا بَ نَمُتُمْبَ؞ تَكُواْبِنْ دَ بَنَمُتُمْبَ شِے ذَيْ هَلَّكَ أَسُّرِيَاوَا؞ أَسُّرِيَ ذَاتَ غُدُ دَغَ تَكُواْبِنْ، سَمَارِنْتَ كُمَ ذَاعَ تِلَسْتَسُ سُيِ عَيْكِنْ دُواْلٜىٰ؞

عِشَايَ 45:14

إِنْجِ يَهْوٜىٰهْ، ‏«‏أَرْزِڧِنْ مَصَرْ دَ نَ إِتِيُواْڢِيَ ذَيْ ذَمَ نَاكُ، دُواْغَيٜىٰنْ مُتَنٜىٰنْ سٜىٰبَ ذَاسُ ذَمَ بَايِنْكُ، ذَاسُبِكُ طَوْرٜىٰ دَ سَرْڧُواْڧِ؞ ذَاسُ رُسُنَ أَغَبَنْكُ سُثٜىٰ، ‏‹‏حَڧِيڧَ، اللَّهْ يَنَ تَرٜىٰدَكُو، بَنْدَشِ، بَابُوَنِ اللَّهْ؞›‏ »‏

عِشَايَ 49:22

إِنْجِ عُبَنْ‌غِجِ يَهْوٜىٰهْ، ‏«‏غَاشِ، ذَنْ طَغَ هَنُّونَ غَ أَلْعُمَّيْ، ذَنْ تَادَ عَلَمَ غَ ڧَبِيلُ، أَ حَنُّنْسُ ذَاسُ كَٰوُاْ یَیَنْكِ مَظَا، عَكَڢَطَرْسُ كُمَ ذَاسُ كَٰوُاْ یَیَنْكِ مَتَ؞

عِشَايَ 49:23

سَرَاكُنَ ذَاسُ لُورَ دَ یَیَنْكِ، سَرَوْنِيُواْيِ ذَاسُيِ رٜىٰنُوانْسُ؞ ذَاسُ رُسُنَ دَ ڢُسْكَرْسُ حَرْ ڧَسَا سُلَّشٜىٰ ڧُورَرْ ڧَڢَرْكِ سُبَاكِ غِرْمَ؞ سَعَنً ذَاكِ سَنِ نِنٜىٰ يَهْوٜىٰهْ، وَطَنْدَ سُكَسَا رَيْ عَكَيْنَ كُمَ بَذَاسُشَا كُنْيَابَ؞»‏

عِشَايَ 49:25

بَاشَكَّ، إِنْجِ يَهْوٜىٰهْ، ‏«‏ذَاعَ كُٻُتَرْدَ وَطَنْدَ عَكَ كَامَ عَيَاڧِ، ذَاعَ ڨُوثٜىٰ كَايَنْ دَ مَرَرْ تَوْسَيِ يَݣُوشٜىٰ؞ غَمَا نِے ذَنْيِ غَابَادَ دُكْ مَيْ غَابَادَكٜىٰ، ذَنْكُوَ كُٻُتَرْدَ یَیَنْكِ؞

عِشَايَ 54:3

غَمَا ذَاكِ يَطُ أَغٜىٰڢٜىٰنْ دَامَ دَ نَهَغُ، ذُرِيَرْكِ ذَاسُ غَاجِ ڧَسَاشٜىٰنْ أَلْعُمَّيْ، ذَاسُثِكَ غَرُضُوً دَ دَا بَا كُواْوَ؞

عِشَايَ 60:14

يَا كٜىٰ عُرُوشَلِيمَ، یَیَنْ مُتَنٜىٰنْ دَ سُكَ وُلَڧَنْتَكِ، ذَاسُذُواْ سُدُرْڧُسَ أَغَبَنْكِ، دُكَنْ وَطَنْدَ سُكَيِ مِكِ رٜىٰنِ، ذَاسُذُواْ سُڢَاطِ أَغَبَنْكِ؞ ذَاسُ كِرَكِ بِرْنِنْ يَهْوٜىٰهْ، سِهِيُواْنَ نَ مَيْ ڟَرْكِنَّنْ نَ إِسْرَٰٓءِيلَ؞

عِشَايَ 60:4

‏«‏طَغَ عِدَنُونْكِ، كِدُوبَ كٜىٰوَيٜىٰ، كِغَنِ، مُتَنٜىٰنْكِ سُنَ تَتَّارُوَ، سُنَ ذُوَا وُرِنْكِ؞ غَا یَیَنْكِ مَظَا سُنَ ذُوَا دَغَ نٜىٰسَ، یَیَنْكِ مَتَ كُمَ أَنَ رِڧٜىٰ دَسُو أَ حَنُّ؞

عِشَايَ 61:5

يَا جَمَعَتَ، بَاڧِ ذَاسُ بَوْتَا مُكُ، ذَاسُ لُورَ دَ غَرْكُنَنْكُ، ذَاسُ نُواْمَ مُكُ غُواْنَكِنْكُ، سُڠَرَ إِتَاثٜىٰنْكُ نَ إِنَبِے؞

عِشَايَ 66:12

غَمَا إِنْجِ يَهْوٜىٰهْ، ‏«‏ذَنْسَا سَلَمَرْتَ تَيَلْوَتَ كَمَرْ ضُوَنْدَ يَٻَرْكٜىٰ دَغَ كُواْغِ؞ ذَنْسَا طَوْكَكَرْ أَلْعُمَّيْ تَذُواْ مَتَ كَمَرْ أَمْبَلِيَرْ ضُوَ؞ ذَاكُجِ دَاطِنْ رٜىٰنُوانْ دَتَكٜىٰيِ مُكُ، كُجِ دَاطِے يَدَّ تَكٜىٰ رِڧٜىٰكُ أَ حَنُّ، كَمَرْ جَرِرِ مَيْ جِنْ دَاطِے أَ حَنُّنْ مَامَرْسَ؞

إِرْمِيَ 30:16

‏«‏عَمَّا دُكْ وَطَنْدَ سُكَ ثِنْيٜىٰكِ، سُو مَا ذَاعَ ثِنْيٜىٰسُ؞ دُكَنْ مَاسُ ڧِنْكِ، كُواْوَنّٜىٰنْسُ ذَاسُ تَڢِے بَوْتَا، دُكْ وَطَنْدَ سُكَ ڨُوثٜىٰ كَايَنْكِ، سُو مَا ذَاعَ ڨُوثٜىٰ نَاسُ؞ دُكْ وَطَنْدَ سُكَ ڢَرَوْثٜىٰكِ، سُو مَا ذَاعَ ڢَرَوْثٜىٰسُ؞

إِرْمِيَ 49:2

حَڧِيڧَ، ݣُونَكِے سُنَ ذُوَا دَ ذَنْسَا رَبَّهْ، بَبَّنْ بِرْنِنْ أَمُّوانْ، تَجِ بُوسَرْ ڧَهُوانْ يَاڧِ؞ رَبَّهْ ذَاتَ ذَمَ كُڢَيْ، ذَاعَ ڧُواْنٜىٰ ڧَوْيُكَنْتَ دَ وُتَا؞ سَعَنً إِسْرَٰٓءِيلَاوَا ذَاسُ مَلَّكِ وُرَارٜىٰنْ دَ أَمُّواْنَاوَا سُكَ ڨُوثٜىٰ سُكَ مَلَّكٜىٰسُ؞ نِے يَهْوٜىٰهْ نَا ڢَطَا؞

هِظْڧِيَالْ 39:10

بَذَاسُ شَا وَهَلَرْ نٜىٰمَنْ إِتَاثٜىٰ هُورَ وُتَادَغَ دَاجِ بَ، كُواْ سُسَارٜىٰ إِتَاثٜىٰ دَغَ كُرْمِبَ، غَمَا ذَاسُيِ تَهُورَ وُتَادَ كَايَنْ يَاڧِنْ؞ ذَاسُ ݣُوشِ كَايَ دَغَ وُرِنْ وَطَنْدَ دَا سُكَ ݣُوشٜىٰ دَغَ وُرِنْسُ، سُݣُوشِ رَبُوانْ يَاڧِ دَغَ وُرِنْ وَطَنْدَ دَا سُكَ ݣُوشٜىٰ دَغَ وُرِنْسُ؞ نِے عُبَنْ‌غِجِ يَهْوٜىٰهْ نَا ڢَطَا؞

دَانِيٜىٰلْ 7:18

عَمَّا ڟَرْكَكَا نَ مَڢِے طَوْكَكَ ذَاسُ كَرْٻِ مُلْكٍ، سُيِ تَرِڧٜىٰ مُلْكٍ حَرْ أَبَدَا أَبَدِنْ؞›‏

يُواْوٜىٰلْ 3:8

ذَنْسَا أَ سَيَرْوَ مُتَنٜىٰنْ يَهُودَ دَ یَیَنْكُ مَظَا دَ مَاتَا؞ يَهُودَاوَنْ ذَاسُ سَيَرْ دَسُو غَ مُتَنٜىٰنْ سٜىٰبَ، ثَنْ دَنِيسَ عَڧَسَرْ أَرَبِيَ؞ نِے يَهْوٜىٰهْ نَا ڢَطَا؞»‏

ڢِرِسْتُواْثِے 25:44

عَمَّا غَمٜىٰدَ بَايِ مَظَا دَ مَاتَادَغَ ڧَبِيلُنْ دَسُكٜىٰ كٜىٰوَيٜىٰ دَكَيْنٜىٰ كَوَيْ ذَاكَ عِيَ سَيٜىٰنْسُ؞

عُواْبَدِيَ 1:17

‏«‏عَمَّا عَتُدُنْ سِهِيُواْنَ، ضَغُواْوَرْ مُتَنٜىٰ ذَاسُ ڟِيرَا، ذَيْ كُمَ ذَمَ وُرِے مَيْ ڟَرْكِے؞ ذُرِيَرْ يَعْڧُوبَ ذَاسُ سَاكٜىٰ مَلَّكِ أَبِنْ غَادُوانْسُ؞

زَكَرِيَّا 2:13

كُيِ شِضُ أَغَبَنْ يَهْوٜىٰهْ، يَا كُو دُكَنْ حَلِتُّو!‏ غَمَا يَنَ تَاسُواْوَ دَغَ وُرِنْ ذَمَنْسَ مَيْ ڟَرْكِے!‏»‏

زَكَرِيَّا 2:9

بَاشَكَّ ذَنْ تَادَ هَنُّونَ إِنْ رُشٜىٰكُ!‏ بَايِنْكُ ذَاسُ ڨُوثٜىٰ كَايَنْكُ؞›‏ تَهَكَنٜىٰ ذَاكُ سَنِ ثٜىٰوَ يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ؞»‏

لُكَّ 12:45

عَمَّا عِدَنْ بَاوَنَّنْ يَثٜىٰ أَ رَنْسَ، ‏‹‏أَيْ، مَيْغِدَانَ يَيِ لَتِّنْ ذُوَا،›‏ سَعَنً يَڢَارَ دُوكَنْ سَوْرَنْ بَايِنْ، مَظَا دَ مَاتَا، يَكُمَ شِغَ ثِ دَ شَا، حَرْ يَنَ بُغُوَ،

رُواْمَاوَا 15:27

سُنْجِ دَاطِنْ يِنْ حَكَ، كُواْدَيَكٜىٰ لَلَّيْ وَنَّنْ كَمَرْ حَكِّ نٜىٰ عَكَنْسُ؞ دَيَكٜىٰ وَطَنْدَ بَا يَهُودَاوَا بَ سُنْ سَامِ نَاسُ رَبُوانْ أَلْبَرْكُنْ رُوحَنِيَ دَغَ يَهُودَاوَا، يَذَمَ مُسُ كَمَرْ بَاشِ كٜىٰنَنْ سُيِ أَمْڢَانِ دَ أَلْبَرْكُنْسُ نَدُونِيَا دُواْمِنْ سُبِيَ بُڧَاتَرْ يَهُودَاوَا؞

2 كُواْرِنْتِيَاوَا 10:5

مُنَ كَوَرْدَ كُواْوَثٜىٰ مُهَوَرَ، مُنَ رُشٜىٰ كُواْوَنٜىٰ أَبِنْدَ ذَيْ حَنَ سَنِنْ اللَّهْ، مُنَ كُمَ كُواْمُواْ دَ كُواْوَنٜىٰ تُنَانِ ذُوَاغَ بَوْتَادَ بِيَيَّ غَ أَلْمَسِيحُ؞

غَلَاتِيَاوَا 5:13

یَنْعُوَنَ، كُو دَيْ أَنْكِرَاكُ مُسَمَّنْ دُواْمِنْ یَنْثِ؞ عَمَّا كُو لُورَ كَدَ یَنْثِنَّنْ نَاكُ يَذَمَ حُجَّرْ بِنْ حَلِنْ مُتُنْتَكَ؞ مَيْمَكُوانْ حَكَ بَرِ یَنْثِنَّنْ يَكَيْكُ غَ يِوَجُونَ بَوْتَا ثِكِنْ ڧَوْنَ؞

أَڢِسَاوَا 4:8

كَمَرْ يَدَّ كَلْمَرْ اللَّهْ تَثٜىٰ، ‏«‏سَعَدَّ يَهَوْ سَمَ يَطَوْكِ وَطَنْدَ يَكَامَ تَرٜىٰ دَشِ، يَكُمَيِ وَیَنْ أَدَمْ بَيْوَ إِرِ إِرِ؞»‏

رُعُيَرْ دَ عَكَيِ وَ يَحْيَى 3:9

غَاشِ، مُتَنٜىٰنَّنْ دَسُكٜىٰ نَڧُنْ‌غِيَرْ شَيْطَنْ، مَاسُ ثٜىٰوَ سُونٜىٰ ذَاٻَٻُّنْ مُتَنٜىٰنْ اللَّهْ عَمَّا كُوَ بَ حَكَ سُكٜىٰ بَ، سُنَ ڧَضْيَا نٜىٰ؞ ذَنْسَا سُذُواْ سُرُسُنَ أَغَبَنْكَ دَ ڢُسْكَرْسُ حَرْ ڧَسَا، سُكُمَ غَانٜىٰ ثٜىٰوَ إِنَ ڧَوْنَرْكَ؞