عِشَايَ 11:1 - أَتَّوْرَتْ دَ أَنَّبَاوَا

¹ كَمَرْ رٜىٰشٜىٰنْدَ يَڟِيرَا دَغَ تُوشٜىٰنْ إِتَاثٜىٰنْ دَ عَكَ سَارٜىٰ، حَكَ رٜىٰشٜىٰ ذَيْ ڟِيرَا دَغَ ذُرِيَرْ دَاوُدَ، عِ، سَابُوانْ رٜىٰشٜىٰ ذَيْ تُواْهُواْ دَغَ غِدَنْ يٜىٰسّٜىٰ يَبَادَ یَیَ؞

عِشَايَ 11:1 Iomraidhean Croise

2 سَمَٰعِيلَ 23:3

اللَّهْ نَ إِسْرَٰٓءِيلَ يَيِ مَغَنَ، دُوڟٜىٰنْ ٻُيَنْ إِسْرَٰٓءِيلَ يَثٜىٰ مِنِ، ‏‹‏وَنْدَ يَكٜىٰ مُلْكِ دَ أَدَلْثِے، وَنْدَ يَكٜىٰ مُلْكِ دَ ڟُواْرُوانْ اللَّهْ،

1 تَارِيحِ 2:12

بُواْوَظْ يَحَيْڢِ عُواْبٜىٰدْ، عُواْبٜىٰدْ يَحَيْڢِ يٜىٰسّٜىٰ؞

زَبُورَا 145:11

ذَاسُيِ شٜىٰلَرْ طَوْكَكَرْ مُلْكِنْكَ، سُكُمَيِ مَغَنَ غَمٜىٰدَ غِرْمَنْكَ،

عِشَايَ 11:10

أَ رَانَرْ نَنْ تُوشٜىٰنْ يٜىٰسّٜىٰ دَيَكٜىٰ أَڟَيٜىٰ ذَيْ ذَمَ تُوتَ تَتَتَّارَ ڧَبِيلُ؞ أَلْعُمَّيْ ذَاسُذُواْ وُرِنْسَ نٜىٰمَنْ شَوَرَا، وُرِنْ هُوتُنْسَ ذَيْثِكَ دَ طَوْكَكَ؞

عِشَايَ 4:2

أَ رَانَرْ نَنْ، رٜىٰشٜىٰنَّنْ نَ يَهْوٜىٰهْ ذَيْ كَسَنْثٜىٰ دَ طَوْكَكَ دَ كُمَ ݣَنْ غَنِ؞ أَمْڢَانِنْ غُواْنَ نَڧَسَرْ ذَيْ ذَمَ أَبِنْ تَاڧَمَ دَ أَبِنْ دَرَجَ نَضَغُواْوَرْ مُتَنٜىٰ عَ إِسْرَٰٓءِيلَ؞

عِشَايَ 53:2

بَاوَنْ يَيِ غِرْمَ أَغَبَنْ يَهْوٜىٰهْ كَمَرْ طَنْ ڟِرُواْ، كَمَرْ تُوشٜىٰنْدَ يَڟِيرَا عَبُوسَشِّيَرْ ڧَسَا؞ بَ شِ دَ صِڢَّ مَيْݣَوْ كُواْ دَرَجَرْ دَ ذَاتَ جَا حَنْكَلِنْمُ وُرِنْسَ، بَ شِ دَ كَمَنِّ مَيْ شَعَوَرْ غَنِنْ دَ ذَيْسَا مُسُواْ شِ؞

عِشَايَ 6:13

كُواْ دَ طَيَ ثِكِنْ غُواْمَ نٜىٰ يَضَغٜىٰ عَڧَسَرْ، ذَاعَ سَاكٜىٰ ڧُواْنٜىٰشِ؞ عَمَّا ذَاتَ ذَمَ كَمَرْ إِتَاثٜىٰ مَرَرْ بُوشٜىٰوَ مَيْ ڧَرْڢِے، كُواْ دَ أَنْيَنْكَ، ذَاعَ بَرْ تُوشٜىٰنْسَ عَڧَسَا؞»‏ تُوشٜىٰنْ كُوَ ذُرِيَرْ نَنْ مَيْ ڟَرْكِے نٜىٰ؞

عِشَايَ 9:6

غَاشِ، دُواْمِنْمُ عَكَ حَيْڢِ يَرُواْ!‏ دُواْمِنْمُ عَكَ بَادَ طَا!‏ مُلْكِ ذَيْ كَسَنْثٜىٰ عَكَڢَطَرْسَ؞ ذَاعَ ثٜىٰ دَ سُونَنْسَ، مَيْ بَادَ شَوَرَا مَيْ بَنْ مَامَاكِ، اللَّهْ مَيْ إِيكُواْ، عُبَا مَدَوَّمِ، سَرْكِنْ سَلَمَ؞

عِشَايَ 9:7

ڧَرُوَرْ مُلْكِنْسَ ذَاتَ ثِيغَبَ، مُلْكِنْسَ ذَيْ كَسَنْثٜىٰ دَ سَلَمَ حَرْ أَبَدَا؞ ذَيْ غَاجِ كُجٜىٰرَرْ مُلْكٍ كَكَنْسَ دَاوُدَ، ذَيْ كَڢَ يَرِڧٜىٰشِ ثِكِنْ غَسْكِيَ دَ أَدَلْثِے دَغَ يَنْذُ ذُوَا حَرْ أَبَدَا؞ كِيشِنْ ڧَوْنَ نَ يَهْوٜىٰهْ مَيْ ضُنْدُنَا نٜىٰ ذَيْ عَيْكَتَ وَنَّنْ دُكَ؞

إِرْمِيَ 23:5

‏«‏إِنْجِنِ يَهْوٜىٰهْ، غَاشِ، ݣُونَكِے سُنَ ذُوَا سَعَدَّ ذَنْتَادَ رٜىٰشٜىٰ مَيْ أَدَلْثِے، سَرْكِے دَغَ ذُرِيَرْ دَاوُدَ، سَرْكِنْ دَ ذَيْ يِمُلْكِ ثِكِنْ حِكِمَ، سَرْكِنْ دَ ذَيْ عَيْكَتَ غَسْكِيَ دَ أَدَلْثِے عَڧَسَرْ؞

إِرْمِيَ 33:15

‏«‏عَكْوَانَكِے دَ لُواْكَثِنَّنْ، ذَنْسَا رٜىٰشٜىٰ مَيْ أَدَلْثِے يَڟِرُواْ دَغَ ذُرِيَرْ دَاوُدَ، ذَيْ كُوَيِ شَرِيعَرْ غَسْكِيَ يَكُمَ عَيْكَتَ أَدَلْثِے عَڧَسَرْ؞

هِظْڧِيَالْ 17:22

‏«‏ ‏‹‏إِنْجِنِ عُبَنْ‌غِجِ يَهْوٜىٰهْ، نِے كَيْنَ ذَنْثِرٜىٰ سَابُوانْ رٜىٰشٜىٰ دَغَ رَسَّ مَڢِے سَمَ نَ إِتَاثٜىٰنْ سٜىٰدَ مَيْ ڟَوُاْ، إِنْ دَسَشِ؞ ذَنْ ثِرٜىٰ طَيَ دَغَ ثِكِنْ سَابُوانْ رٜىٰشٜىٰنْ دَسُكٜىٰ وَجٜىٰنْ كَنْسَ، إِنْ دَسَ شِ عَكَنْ بَبَّنْ تُدُ مَيْ ڟَيِ؞

هِظْڧِيَالْ 37:25

ذَاسُ ذَوْنَ عَڧَسَرْدَ نَبَا يَعْڧُوبَ بَاوَنَ، عِنْدَ كَاكَنِّنْسُ سُكَ ذَوْنَ؞ سُو دَ یَیَنْسُ دَ جِيكُواْكِنْ یَیَنْسُ ذَاسُ ذَوْنَ حَرْ أَبَدَا، دَاوُدَ بَاوَنَ ذَيْ ذَمَ سَرْكِنْسُ حَرْ أَبَدَا؞

مِيكَ 5:2

إِنْجِ يَهْوٜىٰهْ، ‏«‏عَمَّا كٜىٰ غَرِنْ بَيْتَلَحْمِ نَ عٜىٰڢْرَتَ، كٜىٰ یَرْ ڧَرَمَثٜىٰ عَثِكِنْ ذُرِيَرْ يَهُودَ، عَمَّا دَغَ ثِكِنْكِ وَنِ ذَيْڢِتُواْ دُواْمِنَ وَنْدَ ذَيْ يِمُلْكٍ إِسْرَٰٓءِيلَ وَنْدَ أَصَلِنْسَ دَغَ زَامَانِنْ دَا نٜىٰ، دَغَ ݣُونَكِنْ دَا يَكٜىٰ؞»‏

زَكَرِيَّا 3:8

يَا كَيْ يُواْشُوَ بَبَّنْ ڢِرِسْتِ، كَسَوْرَرَتَ، كَيْ دَ أَبُواْكَنْ عَيْكِنْكَ وَطَنْدَ سُكٜىٰ ظَوْنٜىٰ أَغَبَنْكَ؞ ذَاكُ ذَمَ وَتَ عَلَمَ تَأَبُ مَيْݣَوْ وَنْدَ يَكٜىٰ ذُوَا نَنْ غَبَ؞ غَاشِ كُوَ ذَنْ كَٰوُاْ بَاوَنَ مُتُمِنْ دَ ذَاعَ ثٜىٰ دَشِ سَرْكِنْ دَ عَكَ كٜىٰٻٜىٰ، وَتُواْ رٜىٰشٜىٰنْ؞

زَكَرِيَّا 6:12

كَڢَطَا مَسَ أَبِنْدَ يَهْوٜىٰهْ مَيْ ضُنْدُنَا يَثٜىٰ؞ ‏‹‏غَا مُتُمِنْ دَ عَكٜىٰثٜىٰ دَشِ رٜىٰشٜىٰ!‏ دَغَ عِنْدَ يَكٜىٰ ڟِرُواْوَ ذَيْ يَطُ، يَتَڢِے يَغِنَ هَيْكَلِنْ يَهْوٜىٰهْ؞

مَتِيُ 1:1

لِتَّڢِنْ تَارِيحِنْ أَصَلِنْ عِيسَىٰ أَلْمَسِيحُ، طَنْ دَاوُدَ وَنْدَ شِے مَا طَنْ إِبْرَٰهِيمْ نٜىٰ؞

رُواْمَاوَا 15:12

كُمَ عِشَايَ يَثٜىٰ، ‏«‏وَنِ دَغَ تُوشٜىٰنْ يٜىٰسّٜىٰ ذَيْ بَيَّنَ، ذَيْ تَاشِ يَيِ مُلْكٍ وَطَنْدَ بَا يَهُودَاوَا بَ، أَغَرٜىٰشِنٜىٰ ڧَبِيلُ ذَاسُسَا ذُوثِيَا؞»‏

إِبْرَانِيَاوَا 7:14

لَلَّيْ عُبَنْ‌غِجِنْمُ يَا ڢِتُواْ دَغَ ذُرِيَرْ يَهُودَ نٜىٰ، وَدَّ مُوسَٰى بَيْيِ وَنِ ذَنْثٜىٰ عَكَنْتَبَ لُواْكَثِنْ دَيَكٜىٰ مَغَنَ غَمٜىٰدَ ڢِرِسْتُواْثِے؞

رُعُيَرْ دَ عَكَيِ وَ يَحْيَى 22:16

‏«‏نِے، عِيسَىٰ، نَ عَيْكُواْ دَ مَلاَىِٕكَنَ دُواْمِنْ يَشَيْدَرْ مُكُ وَطَنَّنْ أَبُبُوَ غَ دُكَنْ جَمَعَرْ مَاسُبِے؞ نِنٜىٰ تُوشٜىٰنْ دَاوُدَ دَ كُمَ ذُرِيَرْسَ؞ نِنٜىٰ تَوْرَرُوانْ سَاڢِيَ، مَيْ حَصْكٜىٰ؞»‏

رُعُيَرْ دَ عَكَيِ وَ يَحْيَى 5:5

سَيْ طَيَ دَغَ ثِكِنْ دَتَّاوَنَّنْ يَثٜىٰ مِنِ ‏«‏كَدَ كَيِ كُوكَا!‏ غَاشِ!‏ ذَاكِنَّنْ دَغَ ذُرِيَرْ يَهُودَ، تُوشٜىٰنْ دَاوُدَ يَا رِغَا يَا ثِنَصَرَا، يَنَدَ إِيكُواْ يَٻَلّٜىٰ هَتِمَنَّنْ بَݣَويْ يَكُمَ بُوطٜىٰ لِتَّڢِنْ؞»‏

رُوتْ 4:17

سَيْ مَاتَانْدَ سُكٜىٰ مَڨُوبْتَنْتَ سُكَثٜىٰ ‏«‏غَاشِ عَڧَرْشٜىٰ نَعُواْمِ تَسَامِ يَرُواْ!‏»‏ سُكَسَا مَسَ سُونَ عُواْبٜىٰدْ وَنْدَ يَذَمَ بَابَنْ يٜىٰسّٜىٰ؞ شِينٜىٰ كُمَ كَكَنْ دَاوُدَ؞

1 سَمَٰعِيلَ 17:58

طَالُوتَ يَتَمْبَيِ دَاوُدَ يَثٜىٰ ‏«‏يَرُواْ، كَيْ طَنْ وَنٜىٰنٜىٰ؟»‏ دَاوُدَ يَأَمْسَ ‏«‏نِے طَنْ يٜىٰسّٜىٰ، مَيْيِ مَكَ حِدِمَ، مُتُمِنْ بَيْتَلَحْمِ نٜىٰ؞»‏