عِشَايَ 1:23 - أَتَّوْرَتْ دَ أَنَّبَاوَا

²³ شُوغَبَنِّنْكِ سُنْ ذَمَ یَنْ تَاوَيٜىٰ، سُنْ ذَمَ أَبُواْكَنْ ٻَرَيِ؞ كُواْوَنّٜىٰنْسُ يَنَ سُوانْ ثِنْ حَنْثِ، سُنَ كَرْٻَرْ ݣَوْتَيْ نَثُوتَا؞ بَاسَ ڟَرٜىٰ مُتُنْثِنْ مَرَايُ عَكُواْتُ، بَاسَجِنْ ڧَارَرْ مَاتَانْدَ مَذَنْسُ سُكَ مُتُ؞

عِشَايَ 1:23 Iomraidhean Croise

2 تَارِيحِ 36:14

بَنْدَ حَكَمَا، دُكَنْ مَنْيَنْ ڢِرِسْتُواْثِے دَ جَمَعَ، سُو مَا بَسُيِ أَمِنْثِبَ كُواْ كَطَنْ؞ سُنْيِ تَبِنْ أَبُبُوَنْ بَنْ ڨَمَ نَأَلْعُمَّيْ، سُنَ ڧَظَنْتَرْدَ غِدَنْ يَهْوٜىٰهْ وَنْدَ يَكٜىٰٻٜىٰ أَ عُرُوشَلِيمَ؞

ڢِتُواْوَ 23:8

بَذَاكَ كَرْٻِ ثِنْ حَنْثِبَ، غَمَا ثِنْ حَنْثِ يَكَنْ رُڢٜىٰ إِدَانُنْ مَاسُ غَنِنْ غَسْكِيَ كُمَ يَكَنْ كَوَرْدَ غَسْكِيَ دَغَ مَاسُ أَدَلْثِے؞

كَرِنْ مَغَنَ 17:23

مُوغُنْ مُتُمْ يَنَ كَرْٻَرْ ثِنْ حَنْثِ عَٻُواْيٜىٰ، دُواْمِنْ يَجُجُّويٜىٰ شَرِيعَرْ غَسْكِيَ؞

كَرِنْ مَغَنَ 29:24

دُكْ وَنْدَ يَذَمَ أَبُواْكِنْ ٻَرَوُاْ، ڧِنْ كَنْسَ يَكٜىٰيِ؞ سَعَدَّ عَكَثٜىٰ مَسَ يَرَنْڟٜىٰ عَكُواْتُ، ذَيْ يِشِضُ؞

عِشَايَ 1:17

كُكُواْيِ يِنْ أَبِنْدَ يَكٜىٰ دَيْدَيْ؞ سَيْكُأَيْكَتَ غَسْكِيَ، كُتَيْمَكِ وَطَنْدَ عَكَ دَنّٜىٰ؞ كُڟَرٜىٰ مُتُنْثِنْ مَرَايُ، كُكُمَ كَارٜىٰ مَاتَانْدَ مَذَنْسُ سُكَ مُتُ؞»‏

عِشَايَ 1:18

إِنْجِ يَهْوٜىٰهْ، ‏«‏كُذُواْ مُشِرْيَ ڟَكَانِنْمُ؞ كُواْ دَ كُنْيِ جَاوُرْ دَ ذُنُوبِ، ذَاكُيِ ڢَرِ ڢَتْ كَمَرْ أَوْدُغَ؞ كُواْ دَ لَيْڢُواْڢِنْكُ سُنْسَا كُنْيِ جَا كَمَرْ جِنِ، ذَاكُ كُواْمَ ڢَرِ كَمَرْ ڢَضٍ عُلُ؞

عِشَايَ 1:22

يَا كٜىٰ عُرُوشَلِيمَ دَا كِنَ كَمَرْ ظَلَّرْ أَظُرْڢَا، يَوْ كِنْ ذَمَ دَتِّنْ دَ عَكَنْ تَاثٜىٰ دَغَ أَظُرْڢَا؞ دَا كَمَرْ ضُوً إِنَبِے مَيْݣَوْ كِكٜىٰ، يَنْذُ كِنْ ذَمَ بَڧِنْ ضُوَ كَوَيْ؞

عِشَايَ 28:14

دُواْمِنْ حَكَ، كُجِ مَغَنَرْ يَهْوٜىٰهْ، يَا كُو مَاسُ بَعَ، كُو دَ كُكٜىٰيِنْ مُلْكِ أَ عُرُوشَلِيمَ؞

عِشَايَ 3:14

يَهْوٜىٰهْ يَا كَٰوُاْ وَنَّنْ ڧَارَ عَكَنْ دَتَّاوَا دَ شُوغَبَنِّنْ مُتَنٜىٰنْسَ، يَثٜىٰ ‏«‏غَا لَيْڢِنْكُ؞ كُنْ ٻَاتَ غُواْنَرْ إِنَبِے؞ كَايَنْ دَكُكَ ڨُوثٜىٰ دَغَ تَلَكَاوَا سُنْثِكَ غِدَاجٜىٰنْكُ؞

عِشَايَ 30:1

إِنْجِ يَهْوٜىٰهْ، ‏«‏كَيْتُوانْكُ، یَیَنَ مَاسُ تَيَرْوَ!‏ كُو مَاسُ عَيْكَتَ نُڢِ، عَمَّا نُڢِنْ دَ بَنَوَبَ، كُنَ طَوْرَ يَرْجٜىٰجٜىٰنِيَ بَاتَرٜىٰدَ نُڢِينَبَ، تَهَكَ كُنَ تَعَيْكَتَ ذُنُوبِ عَكَنْ ذُنُوبِ؞

عِشَايَ 33:15

وَنْدَ ذَيْ عِيَ، شِينٜىٰ مَيْ تَڢِيَ ثِكِنْ أَدَلْثِے، مَيْ ڢَطِنْ أَبِنْدَ يَكٜىٰ دَيْدَيْ، مَيْ ڧِنْ ڧَظَامَرْ رِيبَ، مَيْ ڧِنْ كَرْٻَرْ ثِنْ حَنْثِ، مَيْ ڧِنْ جِنْ ڧُلّٜىٰ ڧُلّٜىٰنْ كِسَنْ كَيْ، مَيْ ڧِنْ تُنَانِنْ عَيْكَتَ مُغُنْتَا؞

عِشَايَ 5:23

كُنَ سَكِنْ مَيْ لَيْڢِے تَوُرِنْ ثِنْ حَنْثِ، كُنَ حَنَ وَ مَرَرْ لَيْڢِے حَكِّنْسَ!‏

عِشَايَ 65:2

دُكَنْ يِنِ نَمِيڧَ حَنُّوَنْ ثٜىٰتُواْنَ غَ مُتَنٜىٰ مَاسُ تَاوَيٜىٰ، غَ مُتَنٜىٰنْ دَسُكٜىٰ تَڢِيَ عَكَنْ حَنْيَرْ دَ بَاتَ دَݣَوْ، سُنَ تَڢِيَ أَ حَنْيَرْ رَعَيِنْ كَنْسُ؞

إِرْمِيَ 22:17

عَمَّا كَيْ، كَسَا عِدُوانْكَ دَ ذُوثِيَارْكَ غَ نٜىٰمَنْ مُوغُوَرْ رِيبَ، دَ ظُبْدَ جِنِنْ مَرَرْ لَيْڢِے، دَ يِنْ دَنِّيَ دَ تَاشِنْ حَنْكَلِ؞»‏

إِرْمِيَ 32:32

مُتَنٜىٰنْ يَهُودَ دَ نَ إِسْرَٰٓءِيلَ سُنْسَا نَيِڢُشِے تَوُرِنْ مُغُنْتَارْسُ؞ دُكَنْسُ تَرٜىٰدَ سَرَاكُنَنْسُ دَ شُوغَبَنِّنْسُ دَ ڢِرِسْتُواْثِنْسُ دَ أَنَّبَاوَنْسُ، دُكَنْ مُتَنٜىٰنْ يَهُودَ دَ مَذَوْنَنْ عُرُوشَلِيمَ سُنْ عَيْكَتَ مُغُنْتَا؞

إِرْمِيَ 4:17

سُنَ كٜىٰوَيٜىٰتَ كَمَرْ مَاسُ غَادِنْ ڢِيلِ، سَبُواْدَ تَيِ مِنِ تَاوَيٜىٰ؞›‏ نِے يَهْوٜىٰهْ نَا ڢَطَا؞

إِرْمِيَ 5:5

ذَنْ تَڢِے وُرِنْ مَنْيَنْ مُتَنٜىٰ، إِنْيِ مُسُ مَغَنَ؞ حَڧِيڧَ سُنْ سَنْ حَنْيَرْ يَهْوٜىٰهْ، عُمَرْنَنْ اللَّهْ نْسُ؞»‏ عَمَّا دُكَنْسُ سُنْ كَرْيَ عُمَرْنَنْ يَهْوٜىٰهْ كَمَرْ سَانِيَرْ دَ تَكَرْيَ غُنْ‌غُمٜىٰنْ نُواْمَ، سُكَ نَثٜىٰ سُكُٻُتَرْ دَكَنْسُ دَغَ بَوْتَرْسَ؞

إِرْمِيَ 5:6

دُواْمِنْ حَكَ ذَاكِ دَغَ كُرْمِ ذَيْ كَشٜىٰسُ، ݣَرْكٜىٰثِ كُمَ دَغَ هَمَادَ ذَيْ هَلَكَاسُ؞ دَامِسَ تَنَيِ وَبِرَنٜىٰنْسُ ݣُونْتُوانْ ٻَوْنَ، دُكْ وَنْدَ يَڢِتَ دَغَ ثِكِنْسُ، سَيْ عَيَيَّاغٜىٰشِ، غَمَا صَاٻُواْ صَاٻُوانْسُ سُنْيِيَوَ، رَشِنْ أَمِنْثِنْسُ بَبَّنٜىٰ؞

هِظْڧِيَالْ 12:2

‏«‏يَا كَيْ طَنْ مُتُمْ، كَنَ ظَوْنٜىٰ أَڟَكِيَرْ جَمَعَ مَاسُ تَاوَيٜىٰ، وَطَنْدَ سُكٜىٰ دَ إِدَانُنْ غَنِ، عَمَّا بَاسَ غَنِ، سُنَدَ كُنُّوَنْجِ، عَمَّا بَاسَجِ، غَمَا سُو جَمَعَثٜىٰ مَيْ تَاوَيٜىٰ؞

هِظْڧِيَالْ 22:27

شُوغَبَنِّنْ دَسُكٜىٰ ذَمَ عَثِكِنْتَ كَمَ دَ ݣَرْكٜىٰتَيْ نٜىٰ مَاسُ يَيَّاغٜىٰ دَبَّرْ دَسُكَ كَامَ، سُنَ ظُبْدَ جِنِ، سُنَيِنْ كِسَنْ كَيْ دُواْمِنْ سُسَامِ ڧَظَامَرْ رِيبَ؞

يُوشَعُ 4:18

بَايَنْدَ سُنْ ڧَارٜىٰ شَيٜىٰ شَيٜىٰنْسُ، سَيْ سُشِغَ كَارُوَنْثِنْسُ بَا ڟَيَاوَا؞ سُنْڢِے سُوانْ أَبُبُوَنْ بَنْ كُنْيَا مَيْمَكُوانْ سَامُنْ غِرْمَمَاوَا؞

يُوشَعُ 5:10

شُوغَبَنِّنْ يَهُودَ سُنْ ذَمَ كَمَرْ مَاسُثِرٜىٰ عَلَمَرْ شَيْدَرْ إِيَاكَرْ غُواْنَ، ذَنْ ظُبُواْ مُسُ ڢُشِنَ كَمَرْ ضُوَ؞

يُوشَعُ 9:15

إِنْجِ يَهْوٜىٰهْ، ‏«‏كُواْوَثٜىٰ مُغُنْتَارْسُ تَڢَارَ نٜىٰ أَ غِلْغَلْ، عَثَنْ كُمَ نَڧِيسُ؞ سَبُواْدَ أَيُّكَنْسُ مَاسُ مُغُنْتَا، ذَنْ كُواْرٜىٰسُ دَغَ غِدَانَ؞ بَذَنْ سَاكٜىٰ نُونَ مُسُ ڧَوْنَ بَ كُمَ؞ دُكَنْ شُوغَبَنِّنْسُ یَنْ تَاوَيٜىٰنٜىٰ؞

عَمُواسْ 5:12

نَسَنْ يَوَنْ ذُنُبَنْ غَنْ‌غَنْثِنْ دَ كُكٜىٰيِ، دَ كُمَ غِرْمَنْ ذُنُبَنْكُ؞ كُنَ وُلَڧَنْتَ مُتَنٜىٰنْ كِرْكِ، كُنَ ثِنْ حَنْثِ؞ كُنَ حَنَ عَيِ وَمَرَسَ ڧَرْڢِے شَرِيعَرْ غَسْكِيَ أَوُرِنْ تَارُوَ عَڧُواْڢَرْ غَرِ؞

مِيكَ 3:11

شُوغَبَنِّنْتَ سُنَ يَنْكٜىٰ شَرِيعَ تَثِنْ حَنْثِ؞ ڢِرِسْتُواْثِنْتَ سُنَ كُواْيَرْوَا دُواْمِنْ نٜىٰمَنْ رِيبَ، أَنَّبَاوَنْتَ سُنَ أَنَّبْثِ دُواْمِنْ نٜىٰمَنْ كُطِ؞ دُكْدَهَكَ سُنَ ڟَمَّنِ يَهْوٜىٰهْ يَنَ تَرٜىٰدَسُو، سُنَ ثٜىٰوَ ‏«‏أَيْ، يَهْوٜىٰهْ يَنَ ڟَكِيَرْمُ، بَ مَسِيڢَرْ دَ ذَاتَ ڢَاطُواْ عَكَنْمُ!‏»‏

مِيكَ 3:9

جِوَنَّنْ، يَا كُو شُوغَبَنِّنْ ذُرِيَرْ يَعْڧُوبَ، دَ مَاسُ مُلْكٍ غِدَنْ إِسْرَٰٓءِيلَ، كُو دَ كُكٜىٰ ڧِنْ شَرِيعَرْ غَسْكِيَ، كُكَ جُجُّويٜىٰ دُكَنْ غَسْكِيَ!‏

مِيكَ 6:12

مَاسُ أَرْزِڧِنْ بِرْنِنْكُ، ثُوتَا سُكٜىٰتَيِ وَتَلَكَاوَا؞ مَذَوْنَنْ ڧَسَرْكُ كُمَ سَيْ ڧَضْيَا سُكٜىٰ تَيِ؞

مِيكَ 7:3

حَنُّوَنْسُ ڠُونِنْ عَيْكَتَ مُغُنْتَا نٜىٰ، سَرْكِے دَ أَلْڧَلِ دُكْ سُنَ نٜىٰمَنْ ثِنْ حَنْثِ، بَبَّنْ مُتُمْ يَنَ سَا عَيِ أَبِنْدَ ذُوثِيَارْسَ تَكٜىٰسُواْ؞ تَهَكَ سُنَ جُجُّويٜىٰ غَسْكِيَ؞

زَكَرِيَّا 7:10

كَدَ كُدَنّٜىٰ مَاتَانْدَ مَذَنْسُ سُكَ مُتُ، كُواْ مَرَايُ، كُواْ وَطَنْدَ بَ یَنْ ڧَسَابَ، كُواْ مَتَلَوْتَ؞ كَدَ وَنِنْكُ يَشِرْيَ وَطَنْعُوَنْسَ مُغُنْتَا أَ ذُوثِيَا؞›‏

مَلَكَيْ 3:5

سَعَنً ذَنْ مَڟُواْ كُسَدَكُو دُواْمِنْ إِنْيِ شَرِيعَ؞ نَنْ دَنَنْ ذَنْبَادَ شَيْدَ نَتَبَّتَرْ دَ لَيْڢِنْ مَاسُ سِحِرِ دَ نَمَاسُ ظِنَ دَ نَمَاسُ يِنْ ضَنْڟُوَارْ ڧَضْيَا دَ نَمَاسُ دَنّٜىٰ حَكِّنْ لٜىٰبُرُواْرِ دَ نَمَاسُ ثُوتَرْ مَاتَانْدَ مَذَنْسُ سُكَ مُتُ دَ نَمَرَايُ دَ نَمَاسُ كُواْرَرْ بَاڧِ، وَتُواْ وَطَنْدَ بَاسَجِنْ ڟُواْرُواْنَبَ؞ نِے يَهْوٜىٰهْ مَيْ ضُنْدُنَا، نَاڢَطَا؞»‏

ڧِدَايَ 22:7

سَيْ دَتَّاوَنْ مُواْوَبْ دَ نَ مَدْيَنَ سُكَ طَوْكِ كُطِنْ دُوبَا أَ حَنُّ سُكَ تَڢِے وُرِنْ بَلَعَمْ سُكَ ڢَطَا مَسَ سَڧُوانْ سَرْكِے بَلَكْ؞

مَتِيُ 21:13

يَثٜىٰ مُسُ ‏«‏أَ رُبُوثٜىٰ يَكٜىٰ، ‏«‏ ‏‹‏ذَاعَ ثٜىٰ دَ غِدَانَ غِدَنْ أَدُّعَ،›‏ عَمَّا كُنْ مَيْدَشِ وُرِنْ ٻُيَنْ یَنْ ڢَشِ؞»‏

مَرْكُسْ 11:17

سَيْ يَكُواْيَاوَ مُتَنٜىٰ يَثٜىٰ ‏«‏أَ رُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ ‏«‏ ‏‹‏ذَاعَثٜىٰدَ غِدَانَ غِدَنْ أَدُّعَ نَدُكَنْ أَلْعُمَّيْ؞›‏ غَاشِ كُنْ مَيْدَشِ ‏‹‏وُرِنْ ٻُيَنْ یَنْ ڢَشِ؞›‏ »‏

لُكَّ 19:46

يَنَثٜىٰ مُسُ ‏«‏أَيْ، أَرُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ ‏‹‏غِدَانَ ذَيْ ذَمَ غِدَنْ أَدُّعَ؞›‏ عَمَّا كُنْ مَيْدَشِ وُرِنْ ٻُيَنْ یَنْ ڢَشِ!‏»‏

لُكَّ 24:27

سَيْ يَبَيَّنَ مُسُ دُكْ أَبِنْدَ رُبُوتَثِّيَرْ مَغَنَرْ اللَّهْ سُنْ ڢَطَا عَكَنْسَ دَغَ كُواْيَرْوَرْ مُوسَٰى حَرْ ذُوَا لِتَّتَّڢَنْ أَنَّبَاوَا دُكَ؞

مَيْمَيْتَاوَرْ شَرِيعَ 16:19

بَذَاكُ جُجُّويٜىٰ غَسْكِيَ بَ، بَذَاكُ نُونَ بَمْبَنْثِ بَ، كُمَ بَذَاكُ كَرْٻِ ثِنْ حَنْثِ بَ، غَمَا ثِنْ حَنْثِ يَكَنْ مَكَنْتَرْ دَ إِدَانُنْ مَيْ حِكِمَ يَكُمَسَا أَدَنّٜىٰ مَيْ غَسْكِيَ؞

يَعْڧُوبَ 1:27

أَدِّينِنْ دَ اللَّهْ عُبَا يَتَبَّتَرْ مَيْ ڟَرْكِے كُمَ مَيْ غَسْكِيَ، شِينٜىٰ، عَكُلَ دَ مَاتَانْدَ مَذَنْسُ سُكَ مُتُ دَ كُمَ مَرَايُ ثِكِنْ شَنْ وُيَرْسُ، عَكُمَ كٜىٰٻٜىٰكَيْ دَغَ مُوغُوَرْ رَايُوَا تَدُونِيَا؞

1 سَمَٰعِيلَ 8:3

عَمَّا یَیَنْسَ بَسُ بِے غُرْبِنْسَبَ؞ سُنْ جُويَا غَ نٜىٰمَنْ كُطِ، سُنَ ثِنْ حَنْثِ، سُنَ جُجُّويٜىٰ غَسْكِيَ ثِكِنْ شَرِيعَ؞