يُوشَعُ 4:12 - أَتَّوْرَتْ دَ أَنَّبَاوَا

¹² مُتَنٜىٰنَ سُنَ نٜىٰمَنْ سَنِ دَغَ وُرِنْ غُنْكِنْ كَتَكُواْ يَڢَطَا مُسُ أَبِنْدَ ذَاسُيِ!‏ سُنَ ڟَمَّنِ غُنْكِنْ سَنْدَا ذَيْ ڢَطَا مُسُ أَبُبُوَ مَاسُ ذُوَا!‏ حَلِنْ كَارُوَنْثِ يَرُوطٜىٰسُ، سُنْ بَرْ اللَّهْ نْسُ سُكَ مِيڧَ كَنْسُ غَ بِنْ أَلُّواْلِ كَمَرْ مَثٜىٰنْ دَتَبَرْ مِجِنْتَ تَذَمَ كَارُوَ؞

يُوشَعُ 4:12 Iomraidhean Croise

يُوشَعُ 5:4

‏«‏أَيُّكَنْسُ بَسُ بَرْسُ سُكُواْمَ غَرٜىٰنِ اللَّهْ نْسُبَ؞ غَمَا حَلِنْ كَارُوَنْثِ يَنَ ثِكِنْسُ؞ دُواْمِنْ حَكَ بَسُ سَنْ يَهْوٜىٰهْ بَ كُمَ؞

إِرْمِيَ 2:27

غَمَا سُنَثٜىٰ وَ إِتَاثٜىٰ، ‏‹‏كَيْنٜىٰ بَابَنَ،›‏ غَ دُوڟٜىٰ كُمَ، ‏‹‏كَيْنٜىٰ كَا حَيْڢٜىٰنِ؞›‏ غَا نِے يَهْوٜىٰهْ كُمَ، سُنْ جُويَا مِنِ بَايَ، بَسُ بَانِ ڢُسْكَرْسُبَ؞ عَمَّا عِدَنْ وَهَلَ تَذُواْ مُسُ، سَيْ سُثٜىٰ مِنِ، ‏‹‏تَاشِ، كَثٜىٰثٜىٰمُ!‏›‏

حَبَكُّكْ 2:19

كَيْتُوانْكَ، مَيْ ثٜىٰوَ كَتَكُواْ ‏«‏ڢَرْكَ!‏»‏ غَ دُوڟٜىٰ مَرَرْجِ كُمَ ‏«‏تَاشِ!‏»‏ وَنَّنْ ذَيْ عِيَ بَيَّنَ أَسِيرِ؟ غَاشِ، أَنْرُڢٜىٰشِ دَ ظِينَارِيَ دَ أَظُرْڢَا، كُمَ بَابُ نُمْڢَشِ كُواْ كَطَنْ عَثِكِنْسَ؞

مَيْمَيْتَاوَرْ شَرِيعَ 31:16

سَيْ يَهْوٜىٰهْ يَثٜىٰ وَ مُوسَٰى ‏«‏غَاشِ، بَدَ دَطٜىٰوَبَ ذَاكَيِ بَرْثِ تَرٜىٰدَ كَاكَنِّنْكَ؞ سَعَنً جَمَعَرْ نَنْ ذَاسُ تَاشِ سُيِ كَارُوَنْثِ تَوُرِنْ سُجَّدَ غَ غُمَكَنْ أَلُّواْلِنْ ڧَبِيلُ، أَلُّواْلِنْ ڧَسَرْدَ ذَاسُ شِغَ؞ ذَاسُ يَاشٜىٰنِ، سُكَرْيَ يَرْجٜىٰجٜىٰنِيَتَ وَدَّ نَيِ دَسُو؞

ڧِدَايَ 15:39

وَطَنَّنْ یَنْ ظَرٜىٰ مَاسُ لِلُواْ ذَاسُ ذَمَ مُكُ أَبِنْ تُنِ؞ دُكْ سَعَدَّ كُكَ غَنْسُ، ذَاكُ تُنَ دَ دُكَنْ دُواْكُواْكِنْ يَهْوٜىٰهْ كُكُمَ كِيَايٜىٰسُ؞ تَهَكَنٜىٰ بَذَاكُبِے سُوانْ ذُوثِيَارْكُ دَ شَعَوَرْ عِدَنُونْكُبَ؞

مِيكَ 2:11

عِدَنْ مُتُمْ يَا تَاشِ يَنَ تَمَغَنَرْ ڧَضْيَا يَنَ ثٜىٰوَ ‏‹‏ذَنْيِ مُكُ وَعَظِ غَمٜىٰدَ ضُوً إِنَبِے دَ أَبِنْ كَٰوُاْ بُغُوَ عَيَلْوَثٜىٰ؞›‏ إِرِنْ مَيْ وَعَظِنَّنْ نٜىٰ مُتَنٜىٰ سُكٜىٰسُواْ!‏»‏

يُوشَعُ 9:1

‏«‏يَا إِسْرَٰٓءِيلَ، كَدَ ڢَا كُيِ ڢَضٍ ثِكِ!‏ كَدَ كُيِ مُرْنَ كَمَرْ سَوْرَنْ ڧَبِيلُ!‏ غَمَا كُنْيِ وَ اللَّهْ نْكُ رَشِنْ أَمِنْثِ تَوُرِنْ بِنْ وَطَنْسُ أَلُّواْلِ كَمَرْ كَارُوَرْ دَتَكٜىٰبِنْ مَظَا؞ عَكُواْوَنّٜىٰ وُرِنْ بُغُنْ حَڟِ كُكَ سَيَرْ دَ كَنْكُ غَ غُنْكِنَّنْ بَعَلْ كَمَرْ كَارُوَ غَمَا كُنَ جِنْ دَاطِنْ لَادَنْ دَ كُكٜىٰ ڟَمَّنِ يَبَاكُ؞

هِظْڧِيَالْ 21:21

غَمَا سَرْكِنْ بَابِيلَ يَڟَيَ عَكَنْ مَرَرَّبَرْ حَنْيَ، أَ عِنْدَ هَنْيُواْيِ بِيُ سُكَ حَطُ، دُواْمِنْ يَيِ دُوبَا؞ يَنَ غِرْغِظَ كِبِيُواْيِ، يَنَ نٜىٰمَنْ شَوَرَا دَغَ غُمَكَ، يَنَ دُوبَانْ هَنْتَ؞

إِرْمِيَ 10:8

دُكَنْسُ مَرَسَ تُنَانِ نٜىٰ، وَوَيٜىٰ نٜىٰ كُمَ؞ مٜىٰ ذَاسُ كُواْيَ دَغَ غُمَكَنْ دَ عَكَيِ دَ إِتَاثٜىٰ؟

زَبُورَا 73:27

غَاشِ، وَطَنْدَ سُكَيِ نٜىٰسَ دَكَيْ ذَاسُ هَلَّكَ، ذَاكَ رُشٜىٰ وَطَنْدَ سُكَڧِ أَمِنْثٜىٰوَ دَكَيْ؞

2 تَارِيحِ 21:13

مَيْمَكُوانْ حَكَ، كَابِے حَنْيَرْ سَرَاكُنَنْ إِسْرَٰٓءِيلَ، كَاسَا مُتَنٜىٰنْ عُرُوشَلِيمَ دَ مَذَوْنَنْ يَهُودَ سُكَ شِغَ رَشِنْ أَمِنْثِ كَمَرْ يَدَّ غِدَنْ أَهَبْ سُكَسَا إِسْرَٰٓءِيلَاوَا سُكَيِ وَ يَهْوٜىٰهْ رَشِنْ أَمِنْثِ؞ كَكُمَ كَشٜىٰ یَنْعُوَنْكَ وَطَنْدَ بَابَنْكُ طَيَ نٜىٰ، وَطَنْدَ سُكَڢِيكَ كِرْكِ؞

ڢِرِسْتُواْثِے 20:5

نِے كَيْنَ ذَنْ طَوْرَ ڢُسْكَ تَيِنْ غَابَادَ مُتُمِنْ دَ عِيَلِنْسَ؞ ذَنْ كَوَرْدَشِ دَغَ جَمَعَرْسَ دَشِے دَ عِيَلِنْسَ دَ دُكَنْ وَطَنْدَ سُكٜىٰيِ مِنِ رَشِنْ أَمِنْثِ تَوُرِنْ يِنْ سُجَّدَ غَ غُنْكِنَّنْ مُواْلٜىٰكْ؞

ڢِرِسْتُواْثِے 17:7

بَذَاسُ ڧَارَ مِيڧَ هَدَايُنْسُ غَ أَلْجَنُ مَاسُ صِڢَّرْ عَكُيَ بَ، وَطَنْدَ مُتَنٜىٰ سُكٜىٰيِنْ كَارُوَنْثِ تَوَجٜىٰنْ سُجَّدَ أَغَرٜىٰسُ، وَتُواْ رَشِنْ أَمِنْثِ غَ يَهْوٜىٰهْ؞ وَنَّنْ ڧَٰعِدَ ثٜىٰ تَدِنْدِنْدِنْ دُواْمِنْسُ دَغَ نَنْ حَرْ إِيَاكَرْ ڟَارَرْسُ؞

زَبُورَا 106:39

سُكَ ذَمَ ڧَظَنْتَتُّ تَوُرِنْ أَيُّكَنْسُ، مَرَسَ أَمِنْثِ كَمَرْ كَارُوَيْ تَوُرِنْ أَيُّكَنْ حَنُّوَنْسُ؞

يُوشَعُ 14:3

أَسُّرِيَ بَذَاتَ عِيَ ثٜىٰتُوانْمُبَ، بَذَامُ دُواْغَضَ عَكَنْ دَوَكِنْ يَاڧِبَ، كُواْ كُوَ مُثٜىٰوَ عَيْكِنْ حَنُّوَنْمُ، ‏‹‏كُونٜىٰ أَلُّواْلِنْمُ؞›‏ غَمَا أَوُرِنْكَ نٜىٰ مَرَرْ إِيَايٜىٰ يَكَنْ سَامِ جِنْڧَيْ؞»‏

أَلْڧَلَيْ 18:5

سَيْ سُكَثٜىٰ مَسَ ‏«‏إِنْ كَا يَرْدَ، بَرِ كَنٜىٰمِ نُڢِنْ اللَّهْ دُواْمِنْ مُسَنِ كُواْ ذَامُيِ نَصَرَا عَثِكِنْ تَڢِيَرْمُ؞»‏

2 سَرَاكُنَ 17:7

أَنْ ثِ سَمَرِيَ دَ يَاڧِ سَبُواْدَ مُتَنٜىٰنْ إِسْرَٰٓءِيلَ سُنْيِ ذُنُوبِ غَ يَهْوٜىٰهْ اللَّهْ نْسُ، وَنْدَ يَڢِتَرْ دَسُو دَغَ ڧَسَرْ مَصَرْ دَغَ حَنُّنْ ڢِرْعَوْنَ سَرْكِنْ مَصَرْ؞ مُتَنٜىٰنْ سُنْ كُمَيِ وَ وَطَنْسُ أَلُّواْلِ سُجَّدَ،

إِرْمِيَ 23:13

‏«‏عَثِكِنْ أَنَّبَاوَنْ سَمَرِيَ، نَغَ أَبِنْ بَنْ ڨَمَ؞ سُنْيِ أَنَّبْثِ دَ سُونَنْ بَعَلْ، سُكَسَا جَمَعَتَ إِسْرَٰٓءِيلَ سُكَوْثٜىٰ دَغَ حَنْيَ؞

هِظْڧِيَالْ 20:32

‏«‏ ‏‹‏تُنَانِنْ دَ كُكٜىٰيِ أَ ذُوثِيَارْكُ ثٜىٰوَ ‏«‏بَرِ مُذَمَ كَمَرْ سَوْرَنْ أَلْعُمَّيْ دَ سَوْرَنْ ظُرِيُواْيِنْ ڧَسَاشٜىٰ مَاسُ بَوْتَاوَ إِتَاثٜىٰ دَ دُوڟٜىٰ،»‏ وَنَّنْ بَذَيْ تَٻَ ڢَرُوَبَ؞

يُوشَعُ 6:10

عِ، نَا غَ وَنِ أَبِنْ بَنْ ڨَمَ أَ غِدَنْ إِسْرَٰٓءِيلَ، ذُرِيَرْ إِڢْرَيِمْ سُنَ كَارُوَنْثِ تَوُرِنْ سُجَّدَ غَ أَلُّواْلِ، لَلَّيْ إِسْرَٰٓءِيلَ سُنْ ڧَظَنْتَرْدَ كَنْسُ؞