غَلَاتِيَاوَا 2:16 - أَتَّوْرَتْ دَ أَنَّبَاوَا16 مُنْ سَنِ ثٜىٰوَ مُتُمْ بَذَيْسَامِ ذَمَ مَرَرْ لَيْڢِے أَغَبَنْ اللَّهْ تَوُرِنْ بِنْ كُواْيَرْوَرْ مُوسَٰى بَ، سَيْدَيْ عِدَنْ يَابَادَ غَسْكِيَ غَ عِيسَىٰ أَلْمَسِيحُ؞ سَبُواْدَ حَكَ مُو مَا مُنْ بَادَ غَسْكِيَ غَ أَلْمَسِيحُ عِيسَىٰ؞ مُنْيِ حَكَ دُواْمِنْ مُسَامِ ذَمَ مَرَسَ لَيْڢِے أَغَبَنْ اللَّهْ تَوُرِنْ دُواْغَضَ غَ أَلْمَسِيحُ بَتَوُرِنْ يِنْ أَيُّكَنْ كُواْيَرْوَرْ مُوسَٰى بَ؞ غَمَا بَابُوَنْدَ ذَيْسَامِ ذَمَ مَرَرْ لَيْڢِے أَغَبَنْ اللَّهْ تَوُرِنْ بِنْ كُواْيَرْوَرْ مُوسَٰى؞ Faic an caibideil |
غَمَا تَوُرِنْ لَابَرِنَّنْ مَيْ دَاطِے نٜىٰ أَنَ بَيَّنَ أَدَلْثِنْ نَنْ وَنْدَ دَغَ وُرِنْ اللَّهْ يَكٜىٰ، كُمَ أَنَ سَامُنْ أَدَلْثِنَّنْ تَوُرِنْ بَنْغَسْكِيَ دَغَ ڢَرْكُواْ حَرْ ذُوَا ڧَرْشٜىٰ؞ كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ ثٜىٰوَ «مَيْ أَدَلْثِے، تَوُرِنْ بَنْغَسْكِيَ نٜىٰ ذَيْ رَايُ؞»
غَمَا أَبِنْدَ كُواْيَرْوَرْ مُوسَٰى بَتَ عِيَ عَيْكَتَاوَابَ سَبُواْدَ كَاسَوَرْ حَلِنْ مُتُنْتَكَ، شِينٜىٰ أَبِنْدَ اللَّهْ يَعَيْكَتَ؞ اللَّهْ كُوَ يَعَيْكُواْ دَ طَنْسَ طَيَ تَكْ دَ كَمَنِّنْ جِكِنَّنْ نَامُ مَيْ ذُنُوبِ دُواْمِنْ يَذَمَ هَدَايَ سَبُواْدَ ذُنُوبِ، عَكُمَ رُشٜىٰ إِيكُوانْ ذُنُوبِ ثِكِنْ جِكِے؞
وَتُواْ، كُو دَ اللَّهْ عُبَا نٜىٰ يَذَاٻٜىٰكُ بِسَغَ يَدَّ يَارِغَا يَسَنِ، يَكُمَ كٜىٰٻٜىٰكُ تَوُرِنْ ڟَرْكَكٜىٰوَ تَ رُوحُ مَيْ ڟَرْكِے؞ نُڢِنْسَنٜىٰ كُيِ وَ عِيسَىٰ أَلْمَسِيحُ بِيَيَّ، كُكُمَ سَامِ أَمْڢَانِنْ يَيَّڢَاوَرْ جِنِنْسَ؞ بَرِ اللَّهْ يَڧَارَ مُكُ أَلْحٜىٰرِ دَ سَلَمَ عَيَلْوَثٜىٰ؞
مُنْيِ ذُنُوبِ، عَمَّا شِ يَا طَوْكِ ذُنُبَنْمُ أَجِكِنْسَ سَعَدَّ عَكَ غِثِّيٜىٰشِ عَكَنْ غُنْغُمٜىٰنْ إِتَاثٜىٰ؞ يَا يِهَكَ دُواْمِنْ تَوُرِنْ مُتُوَرْسَ مُو مَا مُمُتُ غَ ذُنُوبِ، مُرَايُ غَ يِنْ أَدَلْثِے؞ كَمَرْ يَدَّ عَكَ رُبُوتَ «تَوُرِنْ رَوْنِنْ دَ عَكَيِ مَسَ نٜىٰ كُنْ سَامِ وَرْكٜىٰوَ؞»
بَايَنْ وَنَّنْ، نَدُوبَ سَيْ نَغَ وَنِ بَبَّنْ تَارُواْ نَڟَرْكَكَا دَيَوَ وَنْدَ يَڢِ غَبَنْ ڧِرْغٜىٰ؞ سُنْ ڢِتُواْ دَغَ كُواْوَثٜىٰ أَلْعُمَّ دَ ذُرِيَ دَ ڧَبِيلَ دَ يَرٜىٰ، سُنَ ڟَيٜىٰ أَغَبَنْ كُجٜىٰرَرْ مُلْكٍ دَ كُمَ أَغَبَنْ طَنْ ضَغُوانْ؞ سُنَ سَنْيٜىٰ دَ ڢَرَرٜىٰنْ رِيغُنَ، كُمَ سُنَ رِڧٜىٰ دَ رَسَّنْ إِتَاثٜىٰنْ دَبِينُواْ أَ حَنُّنْسُ؞