ڢِتُواْوَ 7:4 - أَتَّوْرَتْ دَ أَنَّبَاوَا

⁴ ڢِرْعَوْنَ بَذَيْ كَسَ كُنّٜىٰ غَرٜىٰكُبَ؞ سَعَنً ذَنْ مِيڧَ هَنُّونَ عَكَنْ مَصَرْ دَ أَيُّكَنْ حُكُنْثِ مَاسُ ڟَنَنِ؞ بَايَنْ حَكَ ذَنْ ڢِتَرْدَ جَمَعَتَ مُتَنٜىٰنْ إِسْرَٰٓءِيلَ ڧُنْ‌غِيَ ڧُنْ‌غِيَ دَغَ ڧَسَرْ مَصَرْ؞

ڢِتُواْوَ 7:4 Iomraidhean Croise

ڢِتُواْوَ 10:1

سَيْ يَهْوٜىٰهْ يَڢَطَا وَ مُوسَٰى ثٜىٰوَ ‏«‏كَتَڢِے وُرِنْ ڢِرْعَوْنَ، غَمَا نِنٜىٰ نَا تَوْرَرَ ذُوثِيَارْسَ دَ كُمَ ظُكَاتَنْ دَتَّاوَنْسَ، دُواْمِنْ إِنْ عَيْكَتَ وَطَنَّنْ عَلَمُ نَوَ أَڟَكِيَرْسُ،

ڢِتُواْوَ 11:9

سَيْ يَهْوٜىٰهْ يَثٜىٰ وَ مُوسَٰى ‏«‏ڢِرْعَوْنَ بَذَيْ كَسَ كُنّٜىٰ غَرٜىٰكَبَ دُواْمِنْ إِنْڧَارَ عَيْكَتَ أَيُّكَنْ بَنْ مَامَاكِنَ عَڧَسَرْ مَصَرْ؞»‏

ڢِتُواْوَ 12:51

أَ رَانَرْ نَنْ يَهْوٜىٰهْ يَا ڢِتَرْدَ جَمَعَرْ إِسْرَٰٓءِيلَ دَغَ ڧَسَرْ مَصَرْ ڧُنْ‌غِيَ ڧُنْ‌غِيَ؞

ڢِتُواْوَ 13:3

سَيْ مُوسَٰى يَثٜىٰ وَجَمَعَ ‏«‏كُدِنْ‌غَ تُنَاوَ دَ وَنَّنْ رَانَ، رَانَرْ دَ كُكَ ڢِتُواْ دَغَ ڧَسَرْ مَصَرْ دَغَ غِدَنْ بَوْتَا؞ غَمَا يَهْوٜىٰهْ يَا ڢِتَرْ دَكُو دَغَ وُرِنْ دَ إِيكُوانْ حَنُّنْسَ؞ دُواْمِنْ تُنَاوَا دَ وَنَّنْ رَانَ، بَذَاكُثِ غُرَاسَرْ دَ عَكَيِ دَ يِسْتِبَ؞

ڢِتُواْوَ 13:9

وَنَّنْ بِكِ ذَيْ ذَمَ مَكَ كَمَرْ عَلَمَ عَكَنْ حَنُّنْكَ دَ كُمَ أَبِنْ تُنَاوَا أَغُواْشِنْكَ، دُواْمِنْ كُواْيَرْوَرْ يَهْوٜىٰهْ تَكَسَنْثٜىٰ عَبَاكِنْكَ، غَمَا يَهْوٜىٰهْ نٜىٰ يَڢِتَرْ دَكَيْ دَغَ مَصَرْ دَ إِيكُوانْ حَنُّنْسَ؞

ڢِتُواْوَ 18:8

مُوسَٰى كُوَ يَڢَطَا وَ يِتْرُواْ دُكَنْ أَبِنْدَ يَهْوٜىٰهْ يَيِ وَ ڢِرْعَوْنَ دَ مَصَرَاوَا سَبُواْدَ إِسْرَٰٓءِيلَاوَا؞ يَكُمَ ڢَطَا مَسَ غَمٜىٰدَ دُكَنْ وَهَلُواْلِنْ دَ سُكَ ڢُسْكَنْتَ أَ حَنْيَ دَ يَدَّ يَهْوٜىٰهْ يَثٜىٰثِ مُتَنٜىٰنْسَ دَغَ دُكَنْ وَهَلُواْلِنْسُ؞

ڢِتُواْوَ 3:19

عَمَّا نَسَنِ سَرْكِنْ مَصَرْ بَذَيْ بَرْكُ كُتَڢِبَ، سَيْدَيْ إِنْ نَتِلَسْتَشِ دَ هَنُّونَ مَيْ إِيكُواْ؞

ڢِتُواْوَ 3:20

سَبُواْدَ حَكَ ذَنْمِيڧَ هَنُّونَ إِنْبُغِ مَصَرْ دَ دُكَنْ أَيُّكَنْ بَنْ مَامَاكِنْ دَ ذَنْيِ أَڟَكِيَرْسُ؞ بَايَنْ وَنَّنْ ذَيْ بَرْكُ كُتَڢِے؞

ڢِتُواْوَ 6:1

سَيْ يَهْوٜىٰهْ يَثٜىٰ وَ مُوسَٰى ‏«‏يَنْذُ ذَاكَغَ أَبِنْدَ ذَنْيِ دَ ڢِرْعَوْنَ؞ دَ هَنُّونَ مَيْ إِيكُواْ ذَنْ تِلَسْتَشِ يَبَرْسُ سُتَڢِے؞ عِ دَ هَنُّونَ مَيْ إِيكُواْ ذَنْسَاشِ يَكُواْرٜىٰسُ دَغَ ڧَسَرْسَ؞»‏

ڢِتُواْوَ 6:26

وَنَّنْ هَٰرُونَ دَ مُوسَٰى سُونٜىٰ وَطَنْدَ يَهْوٜىٰهْ يَيِ مُسُ مَغَنَ ثٜىٰوَ ‏«‏كُڢِتَرْدَ جَمَعَرْ إِسْرَٰٓءِيلَ دَغَ ڧَسَرْ مَصَرْ، ڧُنْ‌غِيَ ڧُنْ‌غِيَ؞»‏

ڢِتُواْوَ 6:6

سَبُواْدَ حَكَ كَثٜىٰ وَ إِسْرَٰٓءِيلَاوَا، ‏‹‏نِنٜىٰ يَهْوٜىٰهْ؞ ذَنْ ڢِتَرْ دَكُو دَغَ دَنِّيَرْ مَصَرَاوَا؞ ذَنْ كُٻُتَرْ دَكُو دَغَ بَوْتَرْسُ؞ ذَنْ ڢَنْشٜىٰكُ دَ مَنْيَنْ أَيُّكَنْ بَنْ مَامَاكِ دَ كُمَ حُكُنْثِ مَيْ ذَاڢِ عَكَنْسُ؞

ڢِتُواْوَ 7:13

دُكْدَهَكَ ذُوثِيَارْ ڢِرْعَوْنَ تَتَوْرَرٜىٰ، بَيْ كُوَ كَسَ كُنّٜىٰ غَرٜىٰسُبَ، كَمَرْ يَدَّ يَهْوٜىٰهْ يَا رِغَا يَايِ مَغَنَ؞

ڢِتُواْوَ 7:16

سَيْ كَڢَطَا وَ ڢِرْعَوْنَ ثٜىٰوَ نِے يَهْوٜىٰهْ اللَّهْ نَ إِبْرَانِيَاوَا يَعَيْكٜىٰكَ وُرِنْسَ يَثٜىٰ، ‏‹‏كَبَرْ جَمَعَتَ سُتَڢِے، دُواْمِنْ سُيِ مِنِ سُجَّدَ أَدَاجِ؞ عَمَّا غَاشِ حَرْ يَنْذُ بَكَ كَسَ كُنّٜىٰبَ؞›‏

ڢِتُواْوَ 8:15

سَعَدَّ ڢِرْعَوْنَ يَغَ أَنْكَوَرْ مَسَ دَ ݣُوطِنْ، سَيْ يَسَاكٜىٰ تَوْرَرَ ذُوثِيَارْسَ؞ يَاڧِ يَكَسَ كُنّٜىٰ غَ مُوسَٰى دَ هَٰرُونَ كَمَرْ يَدَّ يَهْوٜىٰهْ يَا رِغَا يَايِ مَغَنَ؞

ڢِتُواْوَ 8:19

سَيْ مَاسُ دَبُواْ سُكَثٜىٰ وَ ڢِرْعَوْنَ ‏«‏أَيْ، وَنَّنْ إِيكُوانْ اللَّهْ نٜىٰ؞»‏ عَمَّا ذُوثِيَارْ ڢِرْعَوْنَ تَتَوْرَرٜىٰ، حَرْ بَيْ كَسَ كُنّٜىٰ غَ مُوسَٰى دَ هَٰرُونَ بَ، كَمَرْ يَدَّ يَهْوٜىٰهْ يَا رِغَا يَايِ مَغَنَ؞

ڢِتُواْوَ 9:12

عَمَّا يَهْوٜىٰهْ يَا تَوْرَرَ ذُوثِيَارْ ڢِرْعَوْنَ، يَا كُمَڧِ كَسَ كُنّٜىٰ غَرٜىٰسُ، كَمَرْ يَدَّ يَهْوٜىٰهْ يَڢَطَا وَ مُوسَٰى؞

ڢِتُواْوَ 9:3

حَنُّنْ يَهْوٜىٰهْ ذَيْبُغٜىٰكُ دَ بَلَعِ نَمُتُوَ يَهَلَّكَ دَبُّواْبِنْ ڢِيلَيٜىٰنْ ڧَسَا، وَتُواْ دَوَكِ دَ جَاكُنَ دَ رَاڧُمَ دَ شَانُو دَ تُمَكِ دَ أَوَكِ؞

كَرِنْ مَغَنَ 19:29

أَنْ شِرْيَ حُكُنْثِ دُواْمِنْ مَاسُ بَعَ، بُلَلَ كُمَ دُواْمِنْ وَاوَا؞

عِشَايَ 26:9

رَيْنَ يَنَ مَرْمَرِنْكَ دَدَرٜىٰ، دَ سَڢٜىٰ ذُوثِيَاتَ تَنَ نٜىٰمَنْكَ أَيْنُنْ؞ غَمَا سَعَدَّ كَيِ وَدُونِيَا شَرِيعَ، مَذَوْنَنْ دُونِيَا ذَاسُ كُواْيِ يِنْ أَدَلْثِے؞

مَكُواْكِ 3:3

حَڧِيڧَ، عَكَيْنَ نٜىٰ كَطَيْ حَنُّنْ حُواْرُوانْسَ يَيِ تَ دُوكَ دُكَنْ يِنِ؞

هِظْڧِيَالْ 14:21

‏«‏إِنْجِنِ عُبَنْ‌غِجِ يَهْوٜىٰهْ، إِنْ حَكَنٜىٰ، يَيَ وَنِ ذَيْ ڟِيرَا سَعَدَّ نَعَيْكَ وَ عُرُوشَلِيمَ دَ حُكُنْثِنَ غُدَا حُطُ مَاسُ ذَاڢِ، وَتُواْ تَكُواْبِے دَ يُنْوَ دَ نَمُواْمِنْ دَاجِ دَ بَلَعِ، دُواْمِنْ إِنْكَوَرْدَ مُتَنٜىٰ دَ دَبُّواْبِے دَغَ ثِكِنْتَ؞

هِظْڧِيَالْ 25:11

ذَنْ كُمَ حُكُنْتَ مُواْوَبْ؞ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞»‏

هِظْڧِيَالْ 30:14

ذَنْسَا يَنْكِنْ ڢَتْرُواسْ يَذَمَ كُڢَيْ، ذَنْ كُنَّ وَ غَرِنْ ذُواْوَنْ وُتَا، ذَنْيِ حُكُنْثِ عَكَنْ بَبَّنْ بِرْنِنْ تٜىٰبٜىٰسْ؞

هِظْڧِيَالْ 30:19

حَڧِيڧَ، ذَنْيِ وَ مَصَرْ حُكُنْثِ؞ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞›‏ »‏

رُعُيَرْ دَ عَكَيِ وَ يَحْيَى 15:4

وَنٜىٰنٜىٰ بَذَيْجِڟُواْرُوانْكَ بَ، يَا عُبَنْ‌غِجِ؟ وَنٜىٰنٜىٰ بَذَيْ طَوْكَكَ غِرْمَنْكَ بَ؟ غَمَا كَيْ كَطَيْ نٜىٰ مَيْ ڟَرْكِے؞ دُكَنْ أَلْعُمَّيْ ذَاسُذُواْ، سُيِ مَكَ سُجَّدَ غَمَا أَيُّكَنْكَ نَأَدَلْثِے سُنْ بَيَّنَ؞»‏

رُعُيَرْ دَ عَكَيِ وَ يَحْيَى 16:7

سَيْنَجِ مُرْيَ دَغَ بَغَدٜىٰنْ تَنَ ثٜىٰوَ ‏«‏يَا عُبَنْ‌غِجِ اللَّهْ مَيْ إِيكُواْ دُكَ!‏ شَرِيعَرْكَ مَيْ غَسْكِيَثٜىٰ، مَيْ أَدَلْثِنٜىٰ كُمَ؞»‏

رُعُيَرْ دَ عَكَيِ وَ يَحْيَى 19:2

غَمَا شَرِيعَرْسَ غَسْكِيَ ثٜىٰ، تَ أَدَلْثِے كُمَ؞ يَا حُكُنْتَ وَنَّنْ بَبَّرْ كَارُوَ وَدَّ تَٻَاتَ دُونِيَا دَ حَلِنْ لَلَتَرْتَ؞ اللَّهْ يَا حُكُنْتَ تَ غَمَا يَا بِے حَكِّنْ جِنِنْ بَايِنْسَ؞»‏

أَلْڧَلَيْ 2:15

كُواْوَنٜىٰ لُواْكَثِنْ دَ إِسْرَٰٓءِيلَاوَا سُكَ تَڢِے يَاڧِ، سَيْ حَنُّنْ يَهْوٜىٰهْ يَيِ غَابَادَسُو، كَمَرْ دَيْ يَدَّ يَڢَطَا مُسُ؞ سَبُواْدَ حَكَ سُكَ شِغَ وَهَلَ سُواْسَيْ؞