19 سُكَ أَمْسَ سُكَثٜىٰ «وَنِ مُتُمِنْ مَصَرْ نٜىٰ يَثٜىٰثٜىٰمُ دَغَ حَنُّنْ مَكِيَايَ، حَرْ مَا يَا طٜىٰبُواْ مَنَ ضُوَ يَكُمَ بَا غَرْكٜىٰنْ يَشَا؞»
سَعَدَّ يَعْڧُوبَ يَغَ رَحِيلَةُ، یَرْ لَبَنْ طَنْعُوَنْ مَامَرْسَ دَ تُمَكِنْ لَبَنْ طَنْعُوَنْ مَامَرْسَ، سَيْ يَعْڧُوبَ يَتَاشِ يَغَنْغَرَرْ دَ دُوڟٜىٰنْ دَغَ بَاكِنْ رِجِيَرْ، يَبَا غَرْكٜىٰنْ لَبَنْ طَنْعُوَنْ مَامَرْسَ ضُوَ؞
لُواْكَثِنْ دَ كَنْعَنِيَاوَا مَذَوْنَنْ ڧَسَرْ سُكَغَ مَكُواْكِنْ دَ عَكَيِ أَوُرِنْ بُغُنْ حَڟِ نَ أَتَدْ، سَيْ سُكَثٜىٰ «وَنَّنْ مَكُواْكِ مَيْ ذَاڢِ نٜىٰ غَ مَصَرَاوَا!» دُواْمِنْ حَكَ عَكَ كِرَا وُرِنْ دَ سُونَ أَبٜىٰلْ مِظْرَيِمْ؞ عَڧٜىٰتَرٜىٰنْ كُواْغِنْ يُواْدَنْ يَكٜىٰ؞
سَعَدَّ سُكَ كُواْمَ وُرِنْ بَابَنْسُ، رٜىٰيُوٜىٰلْ، وَتُواْ يِتْرُواْ كٜىٰنَنْ، شِيكُوَ يَا تَمْبَيٜىٰسُ يَثٜىٰ «يَيَ عَكَيِ يَوْ كُكَ دَاوُاْ دَ سَوْرِ حَكَ؟»
رٜىٰيُوٜىٰلْ يَثٜىٰ وَیَیَنْسَ یَنْ مَاتَنَّنْ «إِنَا مُتُمِنْ يَكٜىٰ؟ مٜىٰيَسَا بَكُذُواْ دَشِيبَ؟ كُتَڢِے كُكِرَشِ يَذُواْ، مُثِ عَبِنْثِ تَرٜىٰ؞»