أَڢِسَاوَا 1:13 - أَتَّوْرَتْ دَ أَنَّبَاوَا

¹³ تَوُرِنْ أَلْمَسِيحُ، كُو مَا كُكَجِ مَغَنَرْ غَسْكِيَ، وَتُواْ لَابَرِ مَيْ دَاطِے نَثٜىٰتُواْ؞ أَسَعَدَّ كُكَ بَادَ غَسْكِيَ غَ أَلْمَسِيحُ، اللَّهْ يَبَاكُ رُوحُ مَيْ ڟَرْكِے كَمَرْ يَدَّ عَكَيِ مُكُ أَلْڧَوَرِ ذَيْ يِ، يَذَمَ كَمَرْ هَاتِمِنْ شَيْدَ ثٜىٰوَ كُو نَاسَنٜىٰ؞

أَڢِسَاوَا 1:13 Iomraidhean Croise

زَبُورَا 119:43

كَدَ كَجَنْيٜىٰ مَغَنَرْ غَسْكِيَرْكَ دَغَ بَاكِنَ، غَمَا نَا سَا ذُوثِيَاتَ غَ عُمَرْنَنْكَ؞

يُواْوٜىٰلْ 2:28

‏«‏بَايَنْ أَبُبُوَنَّنْ، ذَنْ ظُبَ رُوحُنَ عَكَنْ دُكَنْ مُتَنٜىٰ؞ یَیَنْكُ مَظَا دَ مَاتَا ذَاسُيِ أَنَّبْثِ، ڟُواْڢَڢِّنْ مَذَنْكُ ذَاسُيِ مَڢَرْكَيْ، سَمَارِنْكُ ذَاسُ غَ رُعُيُواْيِ؞

لُكَّ 11:13

عِدَنْ كُو دَ كُكٜىٰ مُوغَيٜىٰ كُنْ سَنْ يَدَّ ذَاكُبَا یَیَنْكُ أَبُبُوَ مَاسُ ݣَوْ، بَلّٜىٰ عُبَنْكُ نَسَمَ ذَيْبَادَ رُوحُ مَيْ ڟَرْكِے غَ مَاسُ ضُواْڧُوانْسَ؞»‏

لُكَّ 24:49

غَاشِ، نِے ذَنْ عَيْكُواْ مُكُ دَ أَبِنْدَ عُبَانَ يَيِ أَلْڧَوَرِ؞ عَمَّا كُجِرَا عَبِرْنِ تُكُنَ، سَيْ أَنْبَاكُ إِيكُواْ دَغَ سَمَ؞»‏

يَحْيَى 1:17

اللَّهْ يَبَادَ كُواْيَرْوَا تَوُرِنْ مُوسَٰى، عَمَّا يَبَادَ أَلْحٜىٰرِ دَ غَسْكِيَ تَوُرِنْ عِيسَىٰ أَلْمَسِيحُ؞

يَحْيَى 14:26

عَمَّا مَيْ تَيْمَكُواْ، وَتُواْ رُوحُ مَيْ ڟَرْكِے، وَنْدَ عُبَا ذَيْ عَيْكُواْ ثِكِنْ سُونَنَ، شِينٜىٰ ذَيْ كُواْيَ مُكُ كُواْمٜىٰ، يَكُمَ تُنَ مُكُ دُكْ أَبِنْدَ نَڢَطَا مُكُ؞

يَحْيَى 15:26

‏«‏ذَنْسَا مَيْ تَيْمَكُواْ يَذُواْ وُرِنْكُ دَغَ وُرِنْ عُبَا؞ شِينٜىٰ رُوحُ نَغَسْكِيَ، مَيْ ڢِتُواْوَ دَغَ وُرِنْ عُبَا، شِينٜىٰ ذَيْ يِشَيْدَ عَكَيْنَ؞

يَحْيَى 3:33

عَمَّا دُكْ وَنْدَ يَيَرْدَ دَ عَلَمَرْ شَيْدَرْسَ، يَتَبَّتَرْ كٜىٰنَنْ ثٜىٰوَ لَلَّيْ اللَّهْ مَيْ غَسْكِيَ نٜىٰ؞

يَحْيَى 6:27

كَدَ كُيِ وَهَلَرْ عَيْكِ عَكَنْ نٜىٰمَنْ عَبِنْثِ مَيْ لَلَثٜىٰوَ عَمَّا كُيِ عَيْكِ عَكَنْ عَبِنْثِنْ دَ ذَيْ دَوَّمَ ذُوَاغَ رَيْ نَهَرْ أَبَدَا؞ وَنَّنْ شِينٜىٰ عَبِنْثِنْ دَ طَنْ مُتُمْ ذَيْبَاكُ؞ دُواْمِنْ عَكَنْ طَنْ مُتُمْ نٜىٰ اللَّهْ عُبَا يَارِغَا يَسَا عَلَمَرْ شَيْدَرْسَ تَنُونَ يَرْدَ؞»‏

أَيُّكَنْ مَنْذَنِّے 1:4

أَسَعَدَّ يَكٜىٰ تَرٜىٰدَسُو تُكُنَ، يَعُمَرْثٜىٰسُ ثٜىٰوَ ‏«‏كَدَ كُبَرْ عُرُوشَلِيمَ؞ كُجِرَا سَيْ أَلْڧَوَرِنْ دَ عُبَانَ يَيِ يَثِكَ تُكُنَ، وَنْدَ نَڢَطَا مُكُ دَ بَاكِنَ ثٜىٰوَ

أَيُّكَنْ مَنْذَنِّے 13:26

‏«‏كُو یَنْعُوَنَ، ذُرِيَرْ إِبْرَٰهِيمْ دَ كُمَ كُو مَاسُ ڟُواْرُوانْ اللَّهْ وَطَنْدَ بَا يَهُودَاوَا بَ، مُو نٜىٰ ڢَا عَكَ عَيْكُواْ مَنَ لَابَرِنْ ثٜىٰتُواْنَّنْ؞

أَيُّكَنْ مَنْذَنِّے 2:33

دَيَكٜىٰ أَنْطَوْكَكَاشِ غَ حَنُّنْ دَامَ نَ اللَّهْ، يَكُمَ كَرْٻِ رُوحُ مَيْ ڟَرْكِے دَغَ وُرِنْ عُبَا، يَدَّ عَكَيِ أَلْڧَوَرِ، سَيْ يَظُبُواْ رُوحٌ عَكَنْمُ؞ شِينٜىٰ يَكَٰوُاْ أَبِنْدَ كُكٜىٰ غَنِ، كُكٜىٰ كُمَجِ؞

رُواْمَاوَا 1:16

لَابَرِ مَيْ دَاطِنَّنْ بَ أَبِنْ كُنْيَا بَنٜىٰ أَغَرٜىٰنِ، غَمَا شِينٜىٰ إِيكُوانْ اللَّهْ وَنْدَ يَكٜىٰكَيْ كُواْوَنٜىٰ مُتُمْ وَنْدَ يَغَسْكَتَ غَ سَامُنْ ثٜىٰتُواْ، دَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞

رُواْمَاوَا 4:11

عَمَّا دَ يَكَرْٻِ عَلَمَرْ كَاثِيَ، وَنَّنْ تَذَمَ عَلَمَرْ شَيْدَ غَمٜىٰدَ أَدَلْثِنْ دَ يَكٜىٰدَشِ بِسَغَ بَنْ‌غَسْكِيَرْسَ، تُنْ بَعَيِ مَسَ كَاثِيَبَ؞ سَبُواْدَ حَكَ إِبْرَٰهِيمْ يَذَمَ عُبَنْ مَاسُ بَادَ غَسْكِيَ غَ اللَّهْ، دُواْمِنْ أَ لِسَّڢْتَاسُ مَاسُ أَدَلْثِے نٜىٰ، كُواْدَيَكٜىٰ بَاسُدَ كَاثِيَ؞

رُواْمَاوَا 6:17

عَمَّا غُواْدِيَ تَاتَبَّتَا غَ اللَّهْ، دُواْمِنْ كُواْدَيَكٜىٰ أَدَا كُو بَايِنْ ذُنُوبِنٜىٰ، عَمَّا يَنْذُ كَمْ كُنَ بِيَيَّ دَ دُكَنْ ذُوثِيَارْكُ غَا إِرِنْ كُواْيَرْوَرْ نَنْ دَ عَكَسَاكُ عَڧَرْڧَشِنْتَ؞

2 كُواْرِنْتِيَاوَا 1:22

يَسَا مَنَ عَلَمَرْ شَيْدَرْسَ تَنُونَ ثٜىٰوَ مُو نَاسَنٜىٰ، يَكُمَ بَامُ ݣَوْتَرْ رُوحُنْسَ أَ ذُوثِيَارْمُ دُواْمِنْ يَتَبَّتَا مَنَ دَ أَبِنْدَ ذَيْ يِ نَنْ غَبَ؞

2 كُواْرِنْتِيَاوَا 6:7

دَ سَڧُوانْمُ تَغَسْكِيَ دَ كُمَ إِيكُوانْ اللَّهْ؞ مُنَدَ أَدَلْثِے وَنْدَ شِينٜىٰ كَمَرْ مَكَامِنْ دَمُكٜىٰ رِڧٜىٰشِ أَ حَنُّنْ دَامَ دَ هَغُنْمُ؞

غَلَاتِيَاوَا 3:14

أَلْمَسِيحُ يَڢَنْشٜىٰمُ نٜىٰ دُواْمِنْ أَلْبَرْكَرْنَنْ دَ عَكَيِ وَ إِبْرَٰهِيمْ تَذُواْ وَ وَطَنْدَ بَا يَهُودَاوَا بَ كُمَ تَوُرِنْ أَلْمَسِيحُ عِيسَىٰ؞ تَهَكَ، مُو مَا، تَوُرِنْ بَنْ‌غَسْكِيَ، مُنْ عِيَ سَامُنْ رُوحٌ نَنْ دَ اللَّهْ يَيِ أَلْڧَوَرِ؞

أَڢِسَاوَا 4:21

نَا تَبَّتَا أَنْبَاكُ لَابَرِنْسَ؞ دَيَكٜىٰ كُو مُتَنٜىٰنْسَ نٜىٰ، أَنْكُواْيَ مُكُ غَسْكِيَرْ دَتَكٜىٰ ثِكِنْ عِيسَىٰ؞

أَڢِسَاوَا 4:30

كُكُمَ كُلَ ڢَا، كَدَ كُٻَاتَوَ رُوحُ مَيْ ڟَرْكِے نَ اللَّهْ رَيْ، غَمَا شِے عَلَمَرْ شَيْدَ نٜىٰ نَ اللَّهْ عَكَنْكُ دَ ذَيْ نُونَ أَ رَانَرْ ڢَنْسَ ثٜىٰوَ كُو نَاسَنٜىٰ؞

1 تَسَلُواْنِكَاوَا 2:13

سَبُواْدَ وَنَّنْ نٜىٰ كُمَ مُكٜىٰ غُواْدٜىٰ وَ اللَّهْ كُلُّمْ، غَمَا سَعَدَّ كُكَ كَرْٻِ كَلْمَرْ اللَّهْ دَ كُكَجِ دَغَ وُرِنْمُ، بَكُ كَرْٻٜىٰتَ كَمَرْ مَغَنَرْ مُتُمْ ثٜىٰ بَ، سَيْدَيْ عَيْنِحِنْ يَدَّ تَكٜىٰ، وَتُواْ كَلْمَرْ اللَّهْ، وَدَّ تَكٜىٰ عَيْكِ أَ ذُوثِيَارْكُ، كُو دَ كُكَ بَادَ غَسْكِيَ؞

2 تِمُواْتِ 2:15

كَيِ إِيَاكَثِنْ ڧُواْڧَرِنْكَ كَسَامِ ثِكَكِّيَرْ يَرْدَ أَغَبَنْ اللَّهْ، مَعَيْكَثِنْ دَ بَاشِ دَ كُنْيَا غَمٜىٰدَ عَيْكِنْسَ، كُمَ مَيْكُواْيَرْ دَ كَلْمَرْ غَسْكِيَ دَيْدَيْ؞

2 تِمُواْتِ 2:19

عَمَّا ذَوْنَنّٜىٰنْ تُوشٜىٰنَّنْ دَ اللَّهْ يَكَڢَ، يأَنَانً دَرَمْ دَ هَاتِمِنْ دَ عَكَ بُغَ عَكَنْسَ ثٜىٰوَ ‏«‏اللَّهْ يَسَنْ وَطَنْدَ سُكٜىٰ نَاسَ»‏ كُمَ ‏«‏دُكْ وَنْدَ يَكٜىٰثٜىٰوَ شِ نَ عُبَنْ‌غِجِ نٜىٰ بَرِ يَيِ نٜىٰسَ دَ مُوغُنْ عَيْكِ؞»‏

2 تِمُواْتِ 3:15

كَتُنَ يَدَّ تُنْ كَنَ ڧَرَمِنْ يَرُواْ كَارِغَا كَاسَنْ رُبُوتَتُّنْ كَلْمُواْمِنْ اللَّهْ مَاسُ ڟَرْكِے، وَطَنْدَ سُكَ عِيَ بَاكَ حِكِمَرْ دَ تَكَيْ غَ سَامُنْ ثٜىٰتُواْ تَوُرِنْ بَنْ‌غَسْكِيَ ثِكِنْ أَلْمَسِيحُ عِيسَىٰ؞

تِيتُسْ 2:11

غَمَا أَلْحٜىٰرِنْ اللَّهْ يَبَيَّنَ، مَيْ كَٰوُاْ ثٜىٰتُواْ غَ دُكَنْ مُتَنٜىٰ؞

إِبْرَانِيَاوَا 2:3

إِنْ حَكَنٜىٰ، تَيَيَا ذَامُ ڟِيرَا عِدَنْ مُنْ ڨَلٜىٰ إِرِنْ وَنَّنْ بَبَّنْ ثٜىٰتُواْ وَنْدَ عُبَنْ‌غِجِ نٜىٰ دَ كَنْسَ يَڢَارَ سَنَرْ دَشِ؟ وَطَنْدَ سُكَجِ كَلْمَرْسَ كُمَ سُنْ تَبَّتَرْ مَنَ ثٜىٰوَ وَنَّنْ غَسْكِيَ نٜىٰ؞

يَعْڧُوبَ 1:18

بِسَغَ نُڢِنْسَ اللَّهْ يَبَامُ رَيْ تَوُرِنْ كَلْمَرْسَ مَيْ غَسْكِيَ دُواْمِنْ مُذَمَ كَمَرْ نُونً ڢَارِ نَدُكَنْ حَلِتَّرْسَ؞

يَعْڧُوبَ 1:21

سَيْ كُكَوَرْدَ ڧَظَامِنْ حَلِنَّنْ نَذُنُوبِ دَ كُمَ كُواْوَثٜىٰ إِرِنْ مُغُنْتَا؞ سَعَنً عَثِكِنْ سَوْڧِنْ كَيْ كُكَرْٻِ كَلْمَرْ نَنْ دَ عَكَ شُوكَ أَ ذُوثِيَارْكُ، وَدَّ كُمَ تَنَ عِيَ كَيْكُ غَ ثٜىٰتُواْ؞

1 بِتْرُسْ 2:10

أَ دَا، كُو جَمَعَثٜىٰ مَرَسَ دَرَجَ، عَمَّا يَنْذُ كُو جَمَعَرْ اللَّهْ ثٜىٰ؞ أَ دَا كُو بَكُ سَامِ جِنْڧَنْ اللَّهْ بَ، عَمَّا يَنْذُ كُنْسَامُ؞

رُعُيَرْ دَ عَكَيِ وَ يَحْيَى 7:2

سَيْ نَغَ وَنِ مَلاَىِٕكَ يَنَ هَوَ دَغَ غَبَسْ، يَنَ رِڧٜىٰ دَ هَاتِمِ نَ اللَّهْ مَيْ رَيْ؞ دَ بَبَّرْ مُرْيَ يَكِرَا غَ مَلاَىِٕكُنَّنْ حُطُ وَطَنْدَ اللَّهْ يَبَاسُ إِيكُواْ سُلَلَتَرْدَ ڧَسَا دَ كُمَ تٜىٰكُ؞