2 تَسَلُواْنِكَاوَا 2:10 - أَتَّوْرَتْ دَ أَنَّبَاوَا

¹⁰ يَنَ مُوغُنْ رُوطِنْ وَطَنْدَ سُكٜىٰ أَ حَنْيَرْ هَلَّكَ، سَبُواْدَ سُنْڧِے ڧَوْنَرْ غَسْكِيَ سُكُمَ سَامِ ثٜىٰتُواْ؞

2 تَسَلُواْنِكَاوَا 2:10 Iomraidhean Croise

كَرِنْ مَغَنَ 1:7

ڟُواْرُوانْ يَهْوٜىٰهْ شِينٜىٰ مَڢَارِنْ سَنِ، عَمَّا وَاوَا يَرٜىٰنَ حِكِمَ دَ هُواْرَرْوَ؞

كَرِنْ مَغَنَ 8:17

إِنَ ڧَوْنَرْ وَطَنْدَ سُكٜىٰ ڧَوْنَتَ، وَطَنْدَ سُكَ نٜىٰمٜىٰنِ دَ غَسْكٜىٰ ذَاسُ سَامٜىٰنِ؞

مَتِيُ 13:11

يَأَمْسَ مُسُ يَثٜىٰ ‏«‏كُو دَيْ أَنْيَرْدَ مُكُ كُغَانٜىٰ أَسِيرِنْ مُلْكٍ سَمَ، عَمَّا سُو بَعَبَاسُبَ؞

يَحْيَى 3:17

غَمَا اللَّهْ بَيْ عَيْكُواْ طَنْسَ دُونِيَا دُواْمِنْ يَحُكُنْتَ دُونِيَابَ، عَمَّا دُواْمِنْ دُونِيَا تَسَامِ ثٜىٰتُواْ تَوُرِنْسَ؞

يَحْيَى 5:34

دُكْدَهَكَ بَنْ دُواْغَضَ دَ شَيْدَرْ مُتُمْبَ؞ نَا دَيْ ڢَطِ حَكَنٜىٰ دُواْمِنْ كُسَامِ ثٜىٰتُواْ؞

رُواْمَاوَا 10:1

تُواْ، یَنْعُوَنَ، أَبِنْدَ نَڢِ سُواْ ڢِيٜىٰ دَكُواْمٜىٰ شِينٜىٰ إِسْرَٰٓءِيلَاوَا سُسَامِ ثٜىٰتُواْ؞ أَدُّعَرْ دَ نَكٜىٰيِ وَ اللَّهْ سَبُواْدَسُو كٜىٰنَنْ؞

رُواْمَاوَا 16:18

دُوانْ كُوَ إِرِنْ وَطَنَّنْ مُتَنٜىٰبَ أَلْمَسِيحُ عُبَنْ‌غِجِنْمُ سُكٜىٰ بَوْتَاوَابَ، سَيْدَيْ ثِكِنْسُ؞ تَوَجٜىٰنْ دَاطِنْ بَاكِنْسُ دَ يَبُوانْ ڧَضْيَا سُكَنْ رُوطِ مَاسُ جِنْسُ؞ مَاسُ جِنْسُ كُوَ مَاسُ تُنَانِنْ يَارَا نٜىٰ؞

رُواْمَاوَا 6:17

عَمَّا غُواْدِيَ تَاتَبَّتَا غَ اللَّهْ، دُواْمِنْ كُواْدَيَكٜىٰ أَدَا كُو بَايِنْ ذُنُوبِنٜىٰ، عَمَّا يَنْذُ كَمْ كُنَ بِيَيَّ دَ دُكَنْ ذُوثِيَارْكُ غَا إِرِنْ كُواْيَرْوَرْ نَنْ دَ عَكَسَاكُ عَڧَرْڧَشِنْتَ؞

1 كُواْرِنْتِيَاوَا 1:18

غَمَا سَڧُوانْ ثٜىٰتُواْ كَمَرْ مَغَنَرْ بَنْظَثٜىٰ غَ وَطَنْدَ سُكٜىٰ حَنْيَرْ هَلَّكَ، عَمَّا أَغَرٜىٰمُ، مُو دَ عَكٜىٰ ثٜىٰتُوانْمُ، كَلْمَرْ ثٜىٰتُواْ إِيكُوانْ اللَّهْ نٜىٰ؞

1 كُواْرِنْتِيَاوَا 16:22

دُكْ وَنْدَ بَايَ ڧَوْنَرْ عُبَنْ‌غِجِ يَذَمَ لَعَنَنّٜىٰ؞ ذُواْ، يَا عُبَنْ‌غِجِ!‏

2 كُواْرِنْتِيَاوَا 11:13

إِرِنْ مُتَنٜىٰنَّنْ بَ مَنْذَنِّےنْ غَسْكِيَ بَنٜىٰ، عَمَّا مَاسُ عَيْكِنْ ڧَضْيَانٜىٰ؞ سُنَ مَيْدَ كَنْسُ كَمَرْ مَنْذَنِّےنْ أَلْمَسِيحُ؞

2 كُواْرِنْتِيَاوَا 11:15

سَبُواْدَ حَكَبَ أَبِنْ مَامَاكِ بَنٜىٰ عِدَنْ مَاسُ يِمَسَ حِدِمَ سُنْ مَيْدَ كَنْسُ كَمَرْ مَاسُ حِدِمَرْ أَدَلْثِے؞ عَڧَرْشٜىٰ ذَاسُ سَامِ لَادَنْ دَ يَيِ دَيْدَيْ دَ عَيْكِنْسُ؞

2 كُواْرِنْتِيَاوَا 2:15

غَمَا مُو كَمَرْ تُرَارٜىٰ مَيْ ڧَنْشِنٜىٰ وَنْدَ أَلْمَسِيحُ يَمِيڧَوَ اللَّهْ، وَنْدَ يَبَظُو ثِكِنْ وَطَنْدَ عَكٜىٰ ثٜىٰتُوانْسُ دَ كُمَ وَطَنْدَ سُكٜىٰ أَ حَنْيَرْ هَلَّكَ؞

2 كُواْرِنْتِيَاوَا 2:17

مُو طِنَّنْ بَكَمَرْ سَوْرَنْ مُتَنٜىٰ مُكٜىٰبَ، وَطَنْدَ سُكٜىٰ وَعَظِنْ كَلْمَرْ اللَّهْ دُواْمِنْ نٜىٰمَنْ رِيبَ؞ عَمَّا دَيَكٜىٰ اللَّهْ نٜىٰ يَعَيْكُواْمُ، مُنَ مَغَنَ ثِكِنْ غَسْكِيَ أَغَبَنْسَ، أَمَڟَيِنْمُ نَمَاسُ حِدِمَرْ أَلْمَسِيحُ؞

أَڢِسَاوَا 4:14

أَنْيِ وَنَّنْ كُوَ دُواْمِنْ كَدَ مُكُواْمَ حَلِنْ يَارَا، كُواْ مُذَمَ كَمَرْ وَطَنْدَ عَكٜىٰ يَٰوُاْ دَ حَنْكَلِنْسُ، إِسْكَرْ كُواْوَثٜىٰ كُواْيَرْوَا تَنَ تُورَسُ تَنَ طَوْكَرْ حَنْكَلِنْسُ، مُتَنٜىٰ مَاسُ وَيُواْ كُمَ سُنَ رُوطِنْسُ سُنَ ثُوتَرْسُ؞

1 تَسَلُواْنِكَاوَا 2:16

سُنَ حَنَ مُيِ وَ وَطَنْدَ بَا يَهُودَاوَا بَ وَعَظِ دُواْمِنْ كَدَ وَطَنَّنْ سُسَامِ ثٜىٰتُواْ؞ تَهَكَ كُلُّمْ سُكٜىٰ ڧَارَ ثِكَ مُودُنْ ذُنُبَنْسُ؞ عَمَّا ڢَا ڢُشِنْ اللَّهْ يَارِغَا يَسَوْكَ عَكَنْسُ؞

2 تَسَلُواْنِكَاوَا 2:12

دُواْمِنْ أَ حُكُنْتَ دُكْ وَطَنْدَ سُكَڧِ غَسْكَتَ غَسْكِيَ، سُكٜىٰ كُمَ جِنْ دَاطِنْ مُغُنْتَا؞

2 تَسَلُواْنِكَاوَا 2:13

عَمَّا دُواْلٜىٰنٜىٰ كُلُّمْ مُغُواْدٜىٰ وَ اللَّهْ سَبُواْدَكُو، یَنْعُوَ وَطَنْدَ عُبَنْ‌غِجِ يَكٜىٰ ڧَوْنَ، غَمَا اللَّهْ يَذَاٻٜىٰكُ كُذَمَ نَڢَرْكُواْ ثِكِنْ سَامُنْ ثٜىٰتُواْ تَوُرِنْ ڟَرْكَكٜىٰوَرْ رُوحُ دَ كُمَ غَسْكَتَاوَرْكُ دَ غَسْكِيَ؞

1 تِمُواْتِ 2:4

وَنْدَ يَكٜىٰسُواْ دُكَنْ مُتَنٜىٰ سُسَامِ ثٜىٰتُواْ، سُكُمَ كَيْ غَ سَنِنْ غَسْكِيَ؞

إِبْرَانِيَاوَا 3:13

عَمَّا كُدِنْ‌غَ ڧَرْڢَڢَ جُونَ كُواْوَثٜىٰ رَانَ؞ كُيِ أَمْڢَانِ دَ كُواْوَنٜىٰ ظَرَڢِ وَنْدَ عَكٜىٰثٜىٰ دَشِ ‏«‏يَوْ»‏، دُواْمِنْ كَدَ كُواْ طَيَنْكُ يَذَمَ مَيْ تَوْرِنْ ذُوثِيَا تَوُرِنْ رُوطُ نَذُنُوبِ؞

2 بِتْرُسْ 2:12

عَمَّا وَطَنَّنْ مُتَنٜىٰ، سُنَيِنْ مَغَنَرْ رٜىٰنِ عَكَنْ أَبُبُوَنْ دَ بَسُ غَانٜىٰبَ؞ سُو كَمَ دَ دَبُّواْبِنْ دَاجِ مَرَسَ تُنَانِ نٜىٰ، مَاسُبِنْ أَبِنْدَ جِكِنْسُ يَكٜىٰ شَعَوَرْسَ نٜىٰ كَوَيْ، وَطَنْدَ عَكَ حَيْڢٜىٰسُنٜىٰ دُواْمِنْ عَكَامَسُ عَكَشٜىٰ كَوَيْ؞ أَيْ، ذَاسُ هَلَّكَ كَمَرْ دَبُّواْبِنْ دَاجِ!‏

2 بِتْرُسْ 2:18

غَمَا مُتَنٜىٰنَّنْ، تَوُرِنْ سُورُوتُ دَ مَغَنْ‌غَنُنْ بَنْظَ دَ حَلِنْسُ نَنٜىٰمَنْ جِنْ دَاطِے نَرَشِنْ كُنْيَا، سُنَ ڧُواْڧَرِ سُجَٰوُاْ وَطَنْدَ سُكَ كُٻُتَ بَدَ دَطٜىٰوَبَ دَغَ مَاسُ رَايُوَرْ ذُنُوبِ؞