1JOHAN 3:7 - Laibaibal Thiang (BSI)

⁷ Nau le hna, ahohmanh i hlenter hna hlah u. Amah a din bantukin dinnâk a tuahtu cu a ding.

Lai (Hakha) Common Language Bible 2006

⁷ Ka fale hna, ahohmanh i hlenter hna hlah u. A dingmi thil a tuahmi paoh cu miding a si ko, Khrih a din bantuk khan;

1JOHAN 3:7 Iomraidhean Croise

SALM 106:3

Zeitik cân pauh ah ding tein a tuahtu le, diknâk â tlaihpengtu kha mithluachuak an si.

SALM 45:7

Dinnâk na dawt i suahsualnâk na huat; cucaah Pathian, na Pathian nih, chiti an thuh, na hawi le hna nâk in lunglomhnâk chiti an thuh.

MATTHAI 5:20

Zeitintiah nan dinnâk nih nawlbiacawnpiaktu hna le Farasih hna dinnâk a lonh lo ahcun vanbawi pennâk ah nan lut hrimhrim lai lo, tiah kan chimh hna.

LUKA 1:75

Kan nun chung vialte a hmaiah thiang te le ding te i um dingin.

LAMKALTU 10:35

Asinain miphun vialte lakah mi zei pauh nih Amah an ṭih i felte i an tuah ahcun a cohlan ko hna.

ROM 2:13

(Zeitintiah nawlbia hngaltu men hi Pathian hmaiah miding an si lo. Nawlbia ningin a tuahtu kha thiamcoter an si lai.

1 KORIN 6:9

Miding lomi hna nih Pathian pennâk an co lai lo ti nan hngal lo maw? Hlen in um hlah u. Nupa sualnâk a tuahmi, milem a biami, ṭangdang kaimi, mi hor, tawka hormi,

EFESA 5:6

Ahohmanh nih pakpalawng biain in hleng hna hlah seh: cuthil hna ruangah dah kaw zumlotu cungah Pathian thinhunnâk cu a langh tawn.

EFESA 5:9

(zeitintiah Thlarau theitlai cu ṭhatnâk, felnâk le biatak vialte ah a lang),

FILIPI 1:11

Pathian suparnâk le thangṭhatnâk caah, Jesuh Krih i a ummi dinnâk theitlai in nan khat lai.

HEBRU 1:8

Asinain Fapa sinah hitinhin a chim, “Maw Pathian na bawi`hunhdanh cu, zungzal in zungzal ca a si. Dinnâk ṭhiangṭhunh zong na pennâk ṭhiangṭhunh a si.

HEBRU 7:2

Abraham zong nih zeizong vialte ah cheuhra cheukhat a rak pêkmi pa kha, a hram thawk ah, “dinnâk siangpahrang” ti a rak si; cu hnu ah Salem siangpahrang ti a si, a sullam cu, “daihnâk siangpahrang” tinâk a si.

JEIM 1:22

Asinain mah le mah â hlengmi bangin, biangaitu lawng si loin nunpitu si u.

JEIM 2:19

Pathian pakhat a um tiah na zumh maw. A ṭha, khuachia zong nih an zumh i an ther tawn dah kaw!

1 PETER 2:24

Sualnâk leiah kan thih i dinnâk lei ah kan nun khawh nâkhnga, a taksa hrimhrim in thing cungah kan sualnâk kha a phorh i an tuknâk hma in nan dam cang.

1JOHAN 2:1

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

1JOHAN 2:26

Nanmah hlen an timtu hna kong hi nan sin i ka ṭialmi cu a si.

1JOHAN 2:29

Amah cu miding a si ti kha nan hngalh ahcun, dinnâk a tuahtu cu Amah hrin a si ti kha nan hngalh.

1JOHAN 3:18

Ka nau le hna, lei le bia lawngin i daw loin tuahnâk le biatak in i daw u sih.

1JOHAN 3:3

Amah cungah cubantuk ruahchannâk a ngeimi pauh nih, Amah a thian bangin â thianter tawn.

1JOHAN 4:17

Dawtnâk cu kan sinah hitihin tlinter a si: biaceih ni ah ṭihlo tein kan um khawhnâk ah hin, zeicatiah vawlei ah hin Amah bangin kan um.