ZAKHARIA 3:1 - ALLAH NIHYET MEM TUNGWATU NYA

¹ tuhan ba ningat-hi-ngat bindo Imam Nibou Ndig Yosua tirigi ya ei tuhan de malaikati noho bei bida. Bilis di tin ei mem gima pai kep Yosua ya kui nitta.

ZAKHARIA 3:1 Iomraidhean Croise

PETRUS GI NIGOM 5:8

Ma jehek tut jenti ba, jiyai nggrop nggan lewo jide siceu di Bilis lus-lus nyen nok singa di niten-pos di yau binggok tungwatu tereu nok nide mun di yem.

LUKAS 22:31

“Simon Simon e, amiap e? Allah sindui sut Bilis mem gima bingon jahagom bidimig gi kei bijo ter leu gi kinei. Gima bit leu nok miai ceu di cig gandum nisina billet leu ningat.

MAZMUR 109:6

Akon nikei di ningon mang bigwam mem gima mbus ditde nitok joti nya ingonti. Asindui sut ba, no di mbrap gau noni mipai kep noni.

LUKAS 21:36

Gima rino ma jiyai ngkiem bijingat nadi bidem nituti kin nikwesti hagom leu binhyepo jiyai nisindemti. Leu binhyepo mbro nok gino mun di cut igkep je buhun bibor lo, jiba ningwes ngun biya ei Munggwom Tungwatu Nipmot Noho bei.”

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

HAGAI 1:1

Darius ninyeng tak kep Persia buug cut ari bingwam gi nican ei njap gi nigom mem bed gi nimuhwindagom lene tuhan sok nihyet ei Nabi Hagai dip. Nisokti dima bak nibou Zerubabel di Sealtiel nipmot ba, ninyeng tak kep mben Yehuda kin Imam Nibou Nindig di ninyeng Yosua di Yozadak nipmot cem.

NIBOHON MBEN ISRAEL GI NIGOM 21:1

Jei bi lene Bilis joi sut bindei ba, mun di buhun micut igkep mben Israel. Gima rino pingok ei Daud ningonti leu binhyepo pas kep nide limwa nya inyeng bikan tut imangti.

ZAKHARIA 6:11

Aba mas kin perak di ikwas dima yok bibon topi nibou ndig ningat gom ba, abijuk Imam Nibou Ndig Yosua di Yozadak nipmot nibou nggram him a.

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

HAGAI 2:4

Mbro nok gima lo, ma jahagom jingon cut leu au! Ma jinda jo kep midyai niwin ig dimati lewo midimpu je kikau.

HAGAI 1:12

Leu api Zerubabel kin Yosua igya tut ide limwa di mben Israel yahagom di ingkwei hanyen leu ingkiaisi ei Babel ibit Hagai di tuhan pinak kwei ndam yok tut nihyet di pai nya. Igyai mun ba, ibibit tuhan nicuk yokti nya lewo ittin tut Noni.

NIBOHON MBEN ISRAEL GI NICAN 29:11

Dimunggwom bat jen, ma jibindin-ndin nyen bu au. Lewo tuhan dimig jeni ei mem gima jikuk je bak Allah ba, joom jenti nok awak mem Noni ba, jindig biei nggrai di ui-gwang kei cem lene mem gima jibie tut Nide limwa nya leu binhyepo ikuk yok bak Noni cem tu.”

NITRITI 48:16

Nani ne malaikati di teu da bidingwes ngun leu mun di cut igkep da hagom e, ma anyohou munggwom cin dini yok bu! Nna ba ingon prion ser dinyeng kin Abraham Ishak nya cem inyeng bi sren. Nna ba igyai imunggwom bat nya imang bibor ba, ide nintun him yamti di bram yam nya idigek kep mpia.”

ZAKHARIA 2:3

Leu api dingat malaikati di mbrap bit da sindi mbut rin lo, malaikati hiter ikwei um noni.

ZAKHARIA 1:19

Dihig ser malaikati di mbrap bit da pima “Sapi bou nggai dima yok bindo tut mindei binye i?” Noni buhup “Sapi bou nggai dima yok bindo tut ninyeng tak kepti di sindem nya di ibindei gimahap mben Yehuda kin Israel nya kin timiei minu ndig Yerusalem ri.”

ZAKHARIA 1:13

Lene tuhan ba nihyet di bigwam ser ningon bibuhup malaikati dima nihyet,

ZAKHARIA 1:9

Dihig ser malaikati “Andigpoi e, kuda ngot dini yok bindo tut mindei binye i?” Lene noni buhup “Midindo bina yo.

YEHEZKIEL 44:15

tuhan Di Ninyeng Jei Bibor pai “Mpe di mben Israel ikes Da ei lene imam di intun Zadok him iba ingon gom bita ibou ei niyai midyai mem Dani kikau ei Ditde Ig. Gima rino nogindini suar yoni rima ikwei ya ei Doho bei mem gima ittei mindhe di ibui nimmau di ndok bindig ei nimbar hum dokti lene iba ninggrom bigimahap nimbar hum dok ba, ibibon midut mem Da.

YEHEZKIEL 44:11

Disindui sut ba, igyai midyai niya ser dimbou pmem kin midyai ugwai-gwai ei Ditde Ig ba, ibui kep mindhe-ndhe mem midut nindig mindhe mindhe titut kep humti kin gi ibimpu limwa nya he yo.

YEREMIA 15:19

Lene tuhan buhup “Gino angkwei hanyen ndam Da lene midijoi sut na leu api anok Ditde awak hanyen bu. Gino ambrap-mbrap wai bu bi noro atri tut nihyet di bon ninyeng leu api midisindui sut ba, anok nabi mem Da hanyen bu. Apino ade limwa nya minduk yam kwei bingwig kep na. Suar ma aug nggok-nggok nyen yok bu au.

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

EZRA 5:2

Tirigi Zerubabel di Sealtiel nipmot kin Yesua di Yozadak nipmot imiap nabi cin isok kep yokti lene ikinyon ei midyai niwin tuhan De Igti didiyam hanyen ei minu ndig Yerusalem. Leu api nabi cin dima impu yok tut.

SAMUEL GI NIGOM 6:20

Lene mben Bet-Semes ipai biyam “Nyeni ne dem mem gima tuhan ningat rin ei nyeni ikieti bi. Ma ipinak Nide Brua Gi Preu ug ei sitou leu binhyepo jo minu ting bibor leu nye i?”

NINDAT KEP TUHAN NICUKTI NYA 18:15

Noni mipinak nabi gom leu jide mben di noyam kin da ndam je. Lene ma jibit nipingok jeti nya.

NINDAT KEP TUHAN NICUKTI NYA 10:8

Ei nungug dima lene tuhan dimig pinai nya leu keret Lewi ba, ta yok nok yo di inyohou Brua Gi Preu ba, igyai midyai nok imam nya ba, ingat nadi tindei mun di kei mem tuhan de limwa nya tug hon ninyeng cem. Yo dima igyai kep midyai dima kikau kwei bipek ammani kep.

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

EZRA 10:18

Gini ne daptar tut yo di iwak sop ngkiai nya pima inyeng ri. Yo dini rino ipreu sut gima ikou itnem bat ngkiai nya leu api indig domba nikre ningut gom ei nimbar hum dokti bak tuhan mem ibon midut nibiyai nikos ser ide sisarti. Ipas kep imam nya inyeng bit leu insi de nya ba, yo dima ne Maaseya kin Eliezer kin Yarib kin Gedalya di intun Yesua ninsi de nya him bitut nide adig-ajoi nya di Yozadak nipmot bat nya kin Hanani Zebaja nya di intun Imer ninsi de nya him kin Maaseya kin Elia kin Semaya kin Yehiel kin Uzia di intun Harim ninsi de nya him kin Elyoenai kin Maaseya kin Ismael kin Netaneel kin Yozabad kin Elasa di intun Pasyhur ninsi de nya him.

ZAKHARIA 4:14

Noni pai “Gima ne ibou can di tuhan di pai tes dihyeisi kin gwamti bitut mun di joti nya hagom dimig ei mem gima igyai midyai mem Noni ri.”

EZRA 2:2

Ide nibou di igya tut yok di ingkwei hanyen dima yok inyeng rino Zerubabel kin Yesua kin Nehemia kin Seraya kin Reelaya kin Mordekhai kin Bilsan kin Mispar kin Bigwai kin Rehum kin Baana. Gini ne daptar tut nimpung mben Israel insi de nya bikwop imangti di ingkwei hanyen leu ingkiaisi inyenga ri.