MBEN ISRAEL IMBUT-MBUT NYEN 7:88 - ALLAH NIHYET MEM TUNGWATU NYA

⁸⁸ Sapi nikre nya ningut ningot can ba, bitai kin domba nikre nya ningut ningot muhwindagom kin kambir nikre nya ningut ningot muhwindagom kin domba pmot di ide njap dem ari bingwam gom di ijem kwei mem nibon midut nibiyai ningon kwes kin tuhanti nya ningut ningot muhwindagom. Iba mindhe-ndhe dini yok hagom bipiga nimbar hum dok ei niabiati iba mini nibon midut biprok nimbar dima tu.

MBEN ISRAEL IMBUT-MBUT NYEN 7:88 Iomraidhean Croise

IMAM NYA IDE MIDYAI 3:9

Lene ma no dima digo domba ninghui nok mun di imam nya indig kep hum mem nibon midut nibiyai ningon kwes kin Allahti kwei bak tuhan nok gini. Nimmau kin nipu di nimmau ndok titut di noni digo hammi nipu triti kin ninggwo,

MBEN ISRAEL IMBUT-MBUT NYEN 7:1

Mpe dino Musa ngot tuhan De Prak Meng biput tu lene ipiga Prak Meng dima ei bitut nimbumbati nya hagom tug hon mini nibon midut di ibidip hagom. Igyai nok gima cem tut nimbar hum dok kin nimbumbati nya.

MBEN ISRAEL IMBUT-MBUT NYEN 7:10

Nibou pima yok ittei munkwas cem mem nibon midut nipiga nimbar hum dokti. Tirigi itin ei mem gima ittei ide munkwas bigya tut kui nimbar hum dok nuhui,

MBEN ISRAEL IMBUT-MBUT NYEN 7:84

Munkwas di ibou simnaibrimigcan dima ittei kwei ba, idimig pijum ei mem tuhan mem ibipiga nimbar hum dok nimangti hagom sok yam ei rinok gini. Den di iba perak bibon ningat simnaibrimigcan kin bokor di iba perak bibon ningat simnaibrimigcan kin den di iba mas bibon ningat simnaibrimigcan.

MBEN ISRAEL IMBUT-MBUT NYEN 7:87

Sapi nikre nya ningut simnaibrimigcan kin domba nikre nya ningut simnaibrimigcan kin domba pmot di ide njap dem ari bingwam gom nya ningut simnaibrimican di ijem kwei mem nibon midut nindig mindhe titut kep humti nimangti ningut ningot ningai ba, muhwindagom bitut gandum ngan mem nibon midut njita nibipai sigyo bak Allahti. Lene iba kambir nikre ningut simnaibrimigcan bibon midut nibiyai nikos ser sisarti.